Saturday, February 7, 2015

...عبد الوهاب ومواهب الشباب...


محمد عبد الوهاب
(الموسيقار)
له كلام وأحاديث كتيرة
بس صراحة أنا مش فاكرة له
الأ تعليقين أو رأيين فقط
المهم الرأى الأول 
لما بيجى له شاب عاوز يحترف الغناء
ويكون صوته نشااااااااااز
فهو قبل ما يقوله رأيه 
يسأله
انت طالب يابنى وأهلك بيصرفوا عليك لسه؟
ولا بتشتغل وبتصرف على نفسك؟
فأن كان
 (بيعّول نفسه)
زى ما بيقولوا
يقوله
جمييييييل خالص استمر
على أساس ان الغناء مش حيعطل مسيرة حياته
أما لو كان طالب او تلموووووذ
وأهله هم اللى بيصرفوا عليه
ساعتها بيقوله بكل
 وضوووووح
صوتـــــــــــك
هوووووووباب
وشوف مستقبلك أحسنلك

الرأى التانى
لعبد الوهاب
كان عن الأحتفال
الإنسان
بعيد ميلاده
فكان رأيه برضه
عفواً ياعنى
(دا واحد عبيط)
بيحتفل بأيه؟؟
فوات سنة من عمره؟
بنقصان سنة من حياته؟
!!وجهة نظر
 
!!برضه
☺☺☺
وبقى لى شوية
ما فكرتكوش بـــــــ
(الأمثال الشعبية)

12 comments:

زهــــراء said...

دكتورتي الغاليه

اول تعليق واحب اقولك مثل حب العواجيز طعمه لذيذ
انا راجعه من تانى

زهــــراء said...

ومعايا مثل كمان اللي ما يشتري يتفرج

نعلق على عبد الوهاب بالنسبه لي الرجل ده كان اكتشاف واعشق له اغاني ويمكن كنت باسمعه اكتر ما باسمع حليم ودلوقتي بطلت اسمع الكل والكلام اللي نقلته عنه عن جد يحمل معاني كثيره

norahaty mo said...

زهوووورة
تسلميلى حبيبتى
ما أتحرمش من هداياكى

norahaty mo said...

زهـــــــــراء
أكيد كل له وزن ومكانة
فى شغله وفى تاريخ الموسيقى
فى بلدنا:عن نفسى كنت بأحب أغانيه
القديمة اكثر من اغانيه الحديثة

مدونة الفرسان said...

عبدالوهاب أول من أدخل الآلات
الموسيقية الغربية فى مصر
أحب له يا جارة الولدى
خالص إعتزازى

norahaty mo said...

مدونة الفرسان
بلاشك هو علامة مهمة
فى مجال الموسيقى
وتحياتى لحضرتك
ولمدوامتك
على الزيارة

Osman Ali said...

ههههههههههههههههههههههههههههههههههه
الرأي التاني ده رأيي دايما وابدا :D
تحياتي يا دكتور :)

P A S H A said...

تقريباًً هو برضه اللي كان بينصح حد بيتضايق من هجوم الصحافة وقال له : هات الجرايد اللي فيها كلام مزعلك واقف عليها هاتلاقي نفسك أطول منهم كلهم
:)
بالنسبة لأعياد الميلاد ما باحبش اليوم ده خالص ولا باحب افتكره ؛ بس ما يمنعش أني باحب أي هدية تيجي لي
:D

Tarkieb said...

الفنان عبوهاب افتكرله لما لبس لواء. وقاد الفرقة الموسيقية العسكرية في مطار القاهرة لما السادات عاد من كامب ديفيد ومن ساعتها بنغني بلادي بلادي بلحنه مش سيد درويش ��������ل

norahaty mo said...

عثمان على
يبقى انت متوافق
مع عبد الوهاب وناس
تانين كتير (بيتكسفوا يقولوا)الرأى دا

norahaty mo said...

شريف باشا
!!!دا عبد الوهاب
ياعنى لازمن ولابدن يكون له
راى فى كل شىء وكمان كونه عبد الوهاب
مكنش نقول(بيخاف او بيختشى) يقول رأيه دا
بس حلوة حتة الهدية دى (ناصح ووواعى )طول عمرك

norahaty mo said...

تراكيبوااا
1000حمدالله على السلامة
كل شوية تغيب كدا؟
ايوةانا فاكرة لما لبسوه
او قول (منحوه)رتبة
سياتتتتتت اللوا
:) :) :)

Post a Comment

قول ولا تجرحـش