Friday, June 29, 2012

عُ د ت ي ا ي و م م و ل د ى

14 comments

 ⎝♥⏝♥⎠

عدت يا يوم مولدى
عُدت يا ايها الهنّى
عليا
وعلى اللى حواليا

ايووووة هنى مش هنى ليه؟
قعدت فكرت كدا
ناس بتزعل بمرور سنة من عمرها
زى مدون  اعرفه
وزى الموسيقار محمد عبد الوهاب  
الله يرحمه وماكنش يرضى  يحتفل بيه
ويقول انا مش عارف الناس
(العبيطة)
اللى بتحتفل بضياع سنة من عمرها دى 
المهم بأقول أنى بأحتفل
بمرور سنة مش ضايعة باذن الله
لييييييييييه؟
صليت كام ركعة فيها؟
سبحت الله كام تسبيحة؟
سجدت كام سجدة فيها؟
تصدقت بكام صدقة ؟
صومت كام يوم فرضاً وتطوعاً ؟
رديت كام مرة بالصلاة والسلام
على خير الأنام
سيدنا محمداً وآله وصحبه
دعيت كام مرة بالرحمة والمغفرة
لأموات المسلمين اجمعين
دعيت بظهر الغيب
لإنسانة أو إنسان
لا أعرفهم ولكنى أشفق
عليهم من ظروف يمرون بها
اكيد كل دا وغيرها كتير والحمد لله
حيشفعوا ليا عند اللى خالقى يوم الحساب
بأذن الله
اعلم ان عملى قليل
ولكن رحمة الله أكثر بكثير
وأهى سنة وعدت
سواء رضيت ام لم ارض
كل لحظة واحنا كلنا بخير
والف مليون شكر
لله رب العالمين
انه عرفنى الكومبيوتر
لأجل ما اعرف ناس حلوة زيكم كلكم

Wednesday, June 27, 2012

........لـــــ♥ـــــو.........

0 comments



قــــــــــــــــال
لو أنىّ أتكـــــلم

لشــــــــكرتك
قـــ
ــالت
لو انىّ أطـــول
لـــــــــــعانــــــقـتك



وشكرا للأستاذ

Momken Momkem
صاحب الصورة والتعليق الأصلى


Tuesday, June 26, 2012

........نشفت دمى ...الله يسامحك.....


فكرتنى بالذى مضى 
لما كنا نستنى نتايج الثانوية العامة فى الراديو
لانها دايما كانت بتطلع واحنا فى المصيف
والتليفونات والشبكات تشوف دلالها علينا
وكانت أضمن وسيلة هى إنتظار رقم جلوسك
فى الراديو بعد ما تكون خلاص قربت
تتوفى ويقروا عليك الفاتحة
وياسلام بقى لما يكون رقم جلوسك
999999
وقبل رقمك طوالى
مدرسة سين :لم ينجح احد
مدرسة شين :لم ينجح احد
مدرسة صاد لم ينجح احد
ونعّم البشاير
وخلاص بقى حتيجى  نمرتك
يذيعوا أغنية
الناجح يرفع أيده
(حبيبتى الاغنية دى)
أو أغنية
(افرحوا ياحبايب لفرحنا)
مش حبيبتى اوى الأغنية دى
المهم يجى رقمك ومن كتر الشدة
ما تبقاش متأكد انت سمعته ولا تهيؤات
بس الحمد والشكر لله
جه رقم الجلوس من الناجحين
قصدى جه الأنسان المطلوب
وربنا يوفقه لما
فيه خير البلاد والعباد
يارب يارب يارب

Monday, June 25, 2012

مرسى من الإعتقال .. إلى القصر الجمهورى

10 comments

الدكتور محمد مرسي
مرشح حزب الحرية والعدالة
– الذراع السياسي لجماعة الإخوان المسلمين -
للانتخابات الرئاسية والذي
أصبح رئيسا لمصر
 من مواليد 1951 بمحافظة الشرقية
شمالي شرق مصر تخرج
من كلية الهندسة بجامعة القاهرة
العام 1972 وحصل على
درجة الماجستير من نفس
الجامعة العام 1974 وأكمل
دراسته العليا بالولايات المتحدة الأمريكية
حيث حصل على درجة الدكتوراه
في هندسة الفلزات
جامعة جنوب كاليفورنيا
 ينتمي محمد مرسي لجماعة
"الإخوان المسلمون"
التي شغل عضوية مكتب إرشادها
ثم استقال منه بعد اندلاع
الثورة المصرية في 25 يناير 2011
عندما أصبح رئيسا لحزب
"الحرية والعدالة"
الذراع السياسية للجماعة
وأول حزب سياسي رسمي ينبثق عنها.
 دخل مرسي معترك السياسة المصرية
في العام 2000 عندما خاض تجربة
انتخابات مجلس الشعب
(البرلمان المصري)
وفاز بمقعد فيه وأصبح
المتحدث الرسمي
باسم الكتلة البرلمانية للإخوان المسلمين
وكان واحدا من أنشط النواب
في ذلك البرلمان وأشدهم هجوما
على الحكومة آنذاك وتقديرا
لمجهوداته البرلمانية اختارته
الأمم المتحدة كأفضل برلماني
على مستوى العالم العام 2005
تم اعتقاله في ليلة 28 يناير 2011
في يوم "جمعة الغضب" ثم
هرب من السجن في أثناء
حالة الفوضى التي اجتاحت البلاد أثناء الثورة
**هذا خطأ بل حرره  الأهالى هو ومن معه من المعتقلين
  دفعت به جماعة
"الإخوان المسلمون"
في انتخابات الرئاسة المصرية
مرشحا احتياطيا لمرشحها الرئيسي
المهندس خيرت الشاطر
خشية استبعاده من السباق
وهو ما تم بالفعل فأصبح
مرسي المرشح الرئيسي
للجماعة والحزب في هذه الانتخابات
  كان"مرسى" أحد القيادات السياسية
بالجماعة التى قادت النضال
ضد النظام المخلوع 
ورئيس الكتلة البرلمانية
للإخوان المسلمين
بمجلس الشعب دورة 2000-2005
ورئيس قسم علم المواد
بكلية الهندسة جامعة الزقازيق
وبعد تميزه الكبير فى العمل السياسى
فى سنوات البرلمان الخمس
التى شارك بها
اختاره مجلس الشورى العام
للإخوان المسلمين ليكون
عضوًا بمكتب إرشاد الجماعة
وبعد الثورة انتخبه
مجلس شورى الإخوان
رئيسًا لحزب الحرية والعدالة
الذى أنشأته الجماعة
 ولعب د. مرسى دورًا كبيرًا
فى القسم السياسى لجماعة
الإخوان المسلمين حيث كان مشرفًا
على القسم السياسى الذى شهد
تفاعلاً كبيرًا خلال الفترة الأخيرة
بدءًا من مبادرة الإصلاح
التى أطلقتها الجماعة عام 2004
  ومرورًا بطرح برنامج الحزب
"القراءة الأولى"عام 2007
، فيما قاد المطبخ السياسى
للانتخابات البرلمانية فى 2010
وقد اعتقل عدة مرات
قضى سبعة 7 أشهر في السجن
بعد أن اعتقل صباح يوم 18 مايو 2006
من أمام محكمة شمال القاهرة
ومجمع محاكم الجلاء بوسط القاهرة
أثناء مشاركته في مظاهرات شعبية
تندِّد بتحويل اثنين من القضاة
إلى لجنة الصلاحية
وهما المستشاران محمود مكي
وهشام البسطاويسي
بسبب موقفهما من تزوير
انتخابات مجلس الشعب 2005
واعتقل معه 500 من الإخوان المسلمين
وأفرج عنه يوم 10 ديسمبر 2006  
 كما اعتقل في سجن وادي النطرون
صباح يوم جمعة الغضب 28 يناير 2011
أثناء ثورة 25 يناير مع 34 من
قيادات الإخوان على مستوى
المحافظات لمنعهم من المشاركة
في جمعة الغضب وقامت الأهالي
بتحريرهم يوم 30 يناير بعد ترك
الأمن للسجون خلال الثورة
وتعرض ثلاثة من أبناءه
لحوادث أثناء الثورة
فيوم الأربع 2 فبراير 2012حيث
حاصر 300 من البلطجية
ابنه عبد الله وكان معه 70 في
داخل أحد المساجد  وطلبوا فدية
فدبر أسامة  أخوه الفدية
وسار مشيًا ومعه الفدية لعدم
توفر مواصلات آنذاك
فمسكه رجال أمن واعتقلوه وربطوه في
شجرة داخل معسكر أمن
بالزقازيق لمدة 35 ساعة
 وضربوه وكسروا عظامه
وقطعوا ملابسه، وسرقوا الفدية
وماله وبطاقة هويته 
وعُمر كان في ذات اليوم
مشاركًا في مظاهرة
فطارده بلطجية ورجال أمن في الشارع
ووقع، فانهالوا عليه ضربًا بالهراوة
 وخُيّطت له غُرز في رأسه
وجلس في البيت مدة أسبوعين على السرير
 وذلك حسب رواية مُرسي نفسه بعد ذلك
 وعقب اعلان اللجنة العليا
للانتخابات الرئاسية فوزه
برئاسة الجمهورية وحصوله
على نحو 51%.. هنئ الدكتور
محمد مرسي  الشعب المصري
والجيش ورجال الشرطة
على وصوله لكرسي الرئاسة
فقد قال في تغريدته
على موقع التواصل الإجتماعي تويتر
بعد إعلان اللجنة العليا
للإنتخابات الرئاسية أنه رئيسا لمصر
''تحية اجلال وتقدير لقضاء
مصر الشريف العادل كما عهدناه
ولرجال الجيش والشرطة
البواسل الذين حموا العملية
الديمقراطية بكل شرف
ومبروك لشعب مصر

Sunday, June 24, 2012

.......اللَّهُمُّ.........

6 comments



اللَّهُمُّ
أجعلنى عَبُدَا صُبُورَا
وأجعلنى عَبُدَا شَكُورَا
وأجعلنى فى عَيْنَ نفسى صَغِيرَا
وأجعلنى فى أَعَيْنَ النَّاسِ كَبِيرَا
اللَّهُمُّ
انى أَسَأَلُكُّ الثّبَاتَ عَلَى الْحُقِّ
انى اِسْأَلْكَ الثّبَاتَ فى الْحَقَّ


Friday, June 22, 2012

الجيش والشعب بين التظاهرات والتظاهر

0 comments




.
لو بتقري المقاله دي، ارجوك تحاول تحرر نفسك من اي افكار مسبقه ... تعالي ننقاش اللي بيحصل بمنتهي الحياديه ... هنتكلم عن اكتر ملف حساس دلوقتي... الجيشكلنا تقريباً متفقين علي وطنيه الجيش و اهميه دوره في الوقوف الي جانب الثوره ... و من كتر ما احنا كشعب دايماً نفسياً محتاجين لكبير، فبسرعه عملنا الجيش كبيرنا و بصراحه الناس كانوا قد المسؤليه، وانا شخصياً و عقلاء كتير طلعنا بندعو بالتهدئه و اهميه الثقه في الجيش


دايماً كلامهم مطمأن، و تأكيد ان كل المطالب هتتحقق بس المشكله الوقت ... و كان ناس بتطلع و تقول المشكله مش مشكله وقت ولا حاجه دول بيطبخوا حاجه و ده جزء من الثوره المضاده ...بصراحه مكانش عندي رأي قاطع و بل بالعكس فضلت اني ابدأ العلاقه بالثقه


بس الواحد بدأ يلاحظ بعض الاشياء


بماتفسر: ان يتم تغيير جميع الوزراء الا وزراء الوزارات السياديه(الوزارات التتي تتحكم حقيقه في مقاليد الامور


وزاره العدل "السلطه التشريعيه" علي رأسها ممدوح مرعي -المعروف بأنه اكثر من نكل بالقضاه المعارضين


وزاره الداخليه "السلطه التنفيذيه" علي رأسها محمود وجدي – وزير الداخليه يوم موقعه الجمل والذي فاجأ الجميع منذ ايام بتصريحات من العصر القديم عن القله المندسه و القناصه الاجانب و لم يعترف بأي تقصير من جانب الشرطه مما ادي لإعاده الاحتقان بين الشرطه والشعب ... و ظهر مدير امن دمنهور بعدها بنفس الطريقه القديمه يهدد و يتوعد بل و يقر انه يحاول الايقاع بين الشعب والمتظاهريين


وزير الخارجيه "الاتصال بالعالم" علي رأسها احمد ابو الغيط، الذي بشهاده الخبراء هو اسوأ من تولي وزاره الخارجيه، و هدد المتظاهريين اثناء الثوره ان الجيش لن يسمح بالفوضي – أي التظاهرات


عدم تغيير رؤساء الصحف القوميه (المطبلاتيه) حتي الآن – عندما صرح احد قاده المجلس العسكري في العاشره مساءً طالباً منهم ان يستقيلوا اتصل به رئيس الشئون المعنويه اللواء اسماعيل عتمان(علي الهواء) يعاتبه علي تصريحه، و يطلب من رؤساء الصحف القوميه الا يستقيلوا


اللي هيقرا اهرام السبت هيعرف هما مغيروهمش ليه؟؟ الاهرام بتستعبط و تقول ان الناس نزلت امبارح عشان تحاكم مبارك و الفساد!!!!!!! مجابوش السبب الرئيسي و الوحيد للمظاهره و هو اسقاط حكومه شفيق ... يعني نفس العاب زمان


لما شفيق يوقف اعاده برنامج واحد من الناس اللي كان فيه ابراهيم عيسي بيطالب بإسقاط شفيق!!!و يتوقف عمرو الليثي من الخروج علي الهوا عشان الباقيين يخافوا


لما وزير الاوقاف "الازهري" يتعمد ان يدعوا الشيخ محمد حسان "السلفي" في مسجد النور، و هو عارف ان هيجيي ملايين وانه هيتكلم عن الماده اتنين من الدستور ... عشان يخوفوا بيه المسيحيين ... مع ورود معلومات عن ان فيه جهات امنيه بتسخن المسيحيين عشان يصروا علي تغيير الماده اتنين، فتحصل مواجهه بينهم و بين السلفيين


الا يثير كل هذا الشك في النفوس ... ارجوك فسرلي لماذا يختار شفيق ان يظل في مواقع السيطره الحقيقيه اشخاص تابعيين لأقصي درجه للنظام القديم؟!!! مش طبيعي ان الفار يبدأ يلعب في عب ناس كتير؟؟؟


و هبقي اكثر وضوحاً و اسأل بصراحه: لماذا يريد (الجيـــــــــش) مش (شفيق) ان يظل رجال النظام القديم في السلطه؟


الحقيقه ان الشعب و الجيش بيلعبوا مع بعض لعبه (التظاهر أى التمثيل ) الجيش هو اللي بيعمل كل حاجه بس يروح ممثل و ملبسها لشفيق ... يقوم الشعب عشان عاوز و محتاج يصدق ان الجيش هو بابا و ماما وانور وجدي، يروح مستعبط و مهاجم شفيق و ينزل في مظاهرات ضده ... و يعمل انه مش واخد باله ان المسؤل الحقيقي هو الجيش


الثوره المضاده اللي الناس بتتكلم عليها، بتحصل تحت سمع وبصر الجيش و الشعب يروح مستهبل تاني وفرحان قوي بالبيان اللي بيؤكدوا فيهم تصديهم للثوره المضاده ... طب فيييييين!!!!! عاوزين تقضوا علي الثوره المضاده شيلوا اي واحد ليه علاقه بالنظام القديم


لما يطلع فيديو لمدير امن دمنهور بيقول فيه صراحه انه بيحاول يقوم الناس علي المتظاهريين ... ده مش محاولات ثوره مضاده!!!! دي لوحدها يتشال فيها وزير الداخليه


بعد ده كله ما تفتكروش ان من حق الناس انها تطالب بإقاله حكومه شفيق!!! مش من حق الناس انها تخاف علي ثورتها!!! مش من حق الناس انها تبقي متأكده ان فيه مؤامره ولااااااازم يتصدولها .... مش من حقها انها اضعف الايمان انها تظن ان لو النظام القديم في ايده كل ده، ممكن يدعم مرشح في انتخابات الرئاسه و يبقي كأنك يا ابو زيد ما غزيت! ... مش من حق الناس انها تتظاهر و تطالب بالتصدي لمحاولات إجهاض الثوره دي و تبات كمان في الميدان زي ما هي عايزه؟


طبعاً كل ده كوم و اللي حصل الجمعه 25 فبراير كوم تاني ... الجيش ضرب المتظاهريين و طردهم بالقوه!!!! انا مش مصدق عدم الحكمه بتاعه اللي خد القرار ده!!!! تضربونا عشان شفيق!!!! هو شفيق اهم من مبارك؟؟؟ هو شفيق اهم من مصر؟؟؟؟ ولا فيه حاجه بتدبر؟؟؟؟؟؟؟؟؟؟؟؟ للأسف مفيش تفسير تاني


هتقولي الكلام الخايب بتاع اصلهم كانوا بيتظاهروا بعد الحظر ... هقولك ان لولا الناس اللي فضلت تتظاهر 18 يوم بعد الحظر مبارك عمره ما كان هيمشي


هتقولي حرام عليك اديهم وقت ... هقولك فووووووووووووووق ... هما كان عندهم وقت يغيروا كل الوزارات و معندهمش وقت يغيروا التلات وزارات المتحكمين في البلد!!!؟


هما ليه اتحججوا قانونياً بأنهم ميقدروش يعزلوا حد من الصحف القوميه و في ثانيه لما حبوا راحوا عزلوا نقيب الموسيقين منير الوسيمي!!!؟


هتقولي حرام عليك الجيش هو اخر حاجه نتسند عليها ... هقولك نفس الكلام اللي كنت بقوله ايام اسقاط مبارك .. وجه اتهاماتك و احباطاطك في المكان السليم .. للي بيحاولوا يسرقوا الحلم وللي بيماطلوا في تنفيذ المطالب و معتمدين ان حضرتك هتزهق و تقول كفايه كده مش لاعب ... مش للمطالبين بالحق ..


للأسف ضرب الجيش للمتظاهريين تسبب في بدايه النهايه للفقره التمثيليه بين الشعب والجيش (التظاهر المشترك) ... و الناس هتبدأ تكسر خوفها من ان ميكونلهاش ضهر و هيبدئوا يواجهوا تخوفاتهم الحقيقيه


و اوعي تقولي الجيش اعتذر، (الاعتذار الحقيقي يكون بتحقيق المطالب اللي الناس عاوزاها) ... مشوا حكومه شفيق انهارده قبل بكره ... قبل ما الناس تفقد الثقه تماماً فيكوا و ساعتها هيبقي مطلب اساسي تكوين مجلس رئاسي و هو بصراحه عين العقل


في اعتقادي ان فيه انقسام حاد بين قيادات الجيش، بل انا متأكد ان ده حاصل و بدعي ربنا ان الجانب اللي مع الحق ينتصر بسرعه، لأن الحق و الشعب هينتصر هينتصر بإذن الله


علي فكره معظم اللي بيقولوا نسيب حكومه شفيق، و بيصفوا القرار ده انه عين التعقل هما اللي مش بيفكروا بعقلهم بل بيحركهم العاطفه .. عاطفه الخوف ... اقولك علي دليل؟ فاكر لما كنت بتتفرج علي الثوره في تونس و مشي بن علي و جه الغنوشي .. بذمتك كنت مع التونسيين في انهم يسقطوا الغنوشي ولا لأ؟ طبعاً كنت مع اسقاط الغنوشي، و الغنوشي بالظبط هو شفيق ... بس عشان كنت شايف من بره، من غير خوف و عارف تحكم بعقلك


و الله العظيم انا بقول الكلام ده عشان بتمني ان صوره الجيش متدمرش تماماً في عنين الناس ... و ده مش هيحصل الا بالتخلص من النظام القديم بجد مش كده و كده


و نصيحه : ابوس ايدك ما تكونش رأيك من علي الفيس بوك ... كون رأيك من الجرائد المستقله، من مثقفين حقيقيين ... كون رأيك من المحللين الموثوق في استقلالهم ونزاهتهم ... عمرو حمزاوي، مأمون فندي، عمرو الشبكي، حسنين هيكل ، فهمي هويدي، وائل قنديل ... انا ذكرت بعض المستقليين مش معارضيين عشان متقولش دول كانوا معارضين مالأول .


ننصيحه اخيره للساده الزملاء الثوار "العصبيين" بالراحه علي الناس شويه ... لو اختلفوا معاكوا و مش فاهمين وجهه نظركوا فهموهم .. محدش يتعامل انه معاه صك الحقيقه المطلق، هتخسر كده الناس ... و طبيعي ان الناس تبقي متلخبطه، و طبيعي ان خوف الناس كلها بما فيهم انا مخلينا بنتمني نلاقي ضهر نتسند عليه ... حتي لو معني كده اننا نغمي عنينا عن حقايق واضحه ... متخلوش الناس تكره الثوره ، انا عارف انكوا بيصعب عليكوا انكوا بتضحوا و بيطلع عينيكوا و فيه ناس بتنتقدكوا بس القفش هيخسرنا الناس ... اللي من غيرهم مفيش ثوره


علي المستوي الشخصي، لو اللي بيقري متابع مواقفي، فأنا بحاول ابقي متزن و ناديت مع مجموعه من الناس الي التهدئه والتسامح مع فكره القوائم السوداء و فتح صفحه جديده مع الشرطه بعد ما يعتذروا ويتحاسب المخطيء ... "يعني انا مش من المعاندين" بس انهارده بقولها بمنتهي الوضوح ... الثوره في خطر ومحتاجه كل واحد فينا ... و بلاش الناس تكرر اخطائها تاني و تفتكر ان الوطنيه هي التهدئه ... الوطنيه هي التعقل قبل اصدار احكام، و مسانده القرار اللي يحافظ علي مكاسب الثوره .. بدل كل التضحيات دي ما تبقي راحت هدر ... و انا عن نفسي في الشــارع و يا ريت مصر كلها تبقي في الشارع يوم الجمعه

Wednesday, June 20, 2012

.........الـــــــدنيــــــا حــــــــــررررررر,,,,,,,,

4 comments






اللهم انى اعوذ بك من النار

وما قرب اليها من قول وعمل


واسالك الجنة وما قرب

اليها من قول وعمل


اللهم آمين يارب العالمين


.


.


.


.


.


.


.


.


.


وبعدين


كــــــــــل يوم وانا راجعة


من الــــــــشـــــغل


حـــــــــــــــــــــــــرانة


وزهقانة وكمان تعبانة


بيبقى نفسى اعمل


زى الأستاذ


ده


.


.


.


.


.


.


.


.


.


.




يابختــــــــــــــــــــــــــــــه


Tuesday, June 19, 2012

........وصية كليب لأخية الزير سالم....

0 comments



* * *
وصية كليب التغلبي

لاخيه الزير سالم قبيل موته ..
عشر ابيات يفهمها

وصية مقتـلي يا يا مهـلهــل


عشر أبيات يفهمها الذكـــاه


و أول بيت أقول أسـتغـفر الله


إله العرش لا يعبد ســــواه


و ثاني بيت أقــول المـلك لله


بسط الأرض ورفع الســـماه


وثالث بيت وصــى بااليمامه


وصاة العم لا تذكر ســــواه


ورابع بيـت أقـول الله أكــبر


على الغدار لاتنســــى أذاه


وخامس بيـت جسـاس الغدرني


شوف الجرح يعطـيك النــباه


وسـادس بيـت قلت الزير خيي


شديد الباس قهـار العــــداه


وسـابع بيـت سالم قـوم إرجع


لأخذ الثار لا تعطـي ونـــاه


وثـامن بيـت بالك لاتخــلي


لا شيخ ولا كبير ولا فتــــاه


وتـاسع بيـت بالك لا تصـالح


وإن صالحـت شكوتــك للإله


وعـاشر بيـت إن خالفت قولي


أنـا وياك لقاضــي القضـاه

Sunday, June 17, 2012

.........ليس سيناريو رومانيا - بل إيطاليا.......



ليست القضية قضية حرب بين الثورة والعسكر
 وعلى إثرها سنختار
- بعد أن نعصر اللمونة -
مرسي كآخر أمل للثورة ...
ليست القضية قضية اختيار
بين حكم العسكر وحكم المرشد،
ومن كان يرى هذا فعليه بخيار المقاطعة طبعاً
القضية أعمق من هذا بكثير
قبل ثلاثة أعوام من الآن،
كان النقاش الدائر هو
هل سترضى الولايات المتحدة
بجمال مبارك أم هناك سيناريو آخر؟
كانت الأطروحة وقتها
أن جمال مبارك
لن يجعل البلد في وضع استقرار
وأهم ما تريده الولايات المتحدة
هو دولة مستقرة تنفذ
سياساتها الخارجية كما تريد.
لما قامت الثورة
تخبطت الإدارة الأمريكية بشدة،
وكنا نرى كل يوم تصريحات متضاربة
من أوباما حول موقفه من مبارك
إلى أن جاءت لحظة الحسم
التي اتفقت فيها الولايات المتحدة
مع المجتمع الدولي مع العسكر
على ضرورة رحيل مبارك
واستبداله بصورة جديدة
تبقي سياسات مصر الخارجية كما كانت.
ومن هنا بدأ العسكر في قيادة الثورة المضادة ...
كان الهدف واضحاً منذ البداية 
إعادة إنتاج النظام القديم
للحفاظ على دور مصر الخارجي كما هو
يجب أن تبقى قوة مصر الخارجية كما كانت
  باهتة ... بلا لون ولا طعم ولا رائحة
هناك مثل أمريكي يدور في
أروقة السياسة وهو أن تفاحة واحدة
قد تفسد الصندوق كله
كذلك مصر بالنسبة للشرق الأوسط
  مصر قد تفسد
المخطط الأمريكي للشرق الأوسط كله
  وضع إسرائيل
وتقوية ظهر إيران وتركيا
ودعم لفلسطين وعلاقات قوية مع تونس
والمغرب والسودان ودول إفريقيا
كل هذا لو تغير النظام المصري
وتغيرت سياسته الخارجية
كانت إيطاليا هي أول دولة متحررة
في أوروبا بعد الحرب العالمية الثانية
واستعد الناخبين الإيطاليين للإدلاء بأصواتهم
- كما نحن الآن -
من أجل مستقبل باهر لبلدهم
كان اختيار رئيس مناسب
سيضر بالمصالح الاقتصادية الأمريكية
وتحمس "جورج كينان" وقتها
للتدخل العسكري في إيطاليا
لمنع إقامة الانتخابات،
لكن أقنعه آخرون أنهم 
يستطيعون التلاعب بنتائح الانتخابات
وبناءً على نصيحة خاصة من
"تشرشل"
تم تنصيب حكومة يمينية متشددة
خدمت مصالح الولايات المتحدة الاقتصادية طويلا
نفس السيناريو الإيطالي يتكرر الآن مع مصر
... شفيق ليس مجرد رمز للفلول ...
شفيق رمز لبقاء الشرق الأوسط على حاله
... من يظن منكم أننا نستطيع خلعه
بثورة جديدة فهو واهم ...
الولايات المتحدة وكل المجتمع الدولي
تفاجئت بالثورة المصرية أول مرة
لكنهم لن يسمحوا بأي مفاجآت جديدة ...
وصول شفيق للحكم
هو نهاية كل حلم طيب بمستقبل أفضل
على مدار عشرات السنين القادمة ...
لا تنشروا وقتها صور مذابح سوريا
ولا تعولوا أملاً على انتفاضة فلسطينية ثالثة ورابعة
... لا تغضبوا لو استباحت إسرائيل لبنان
... لن تقدروا علي شيء ...
في القرآن الكريم،
في كل القصص الواردة،
هناك دوماً معركة بين الحق والباطل
 كل المعارك هي بين الحق والباطل.
بعد صلاة الفجر جلست في المسجد
أشكي لله حال البلد
فجلس على مقربة مني
أربعة رجال كبار
وبدأوا يقرأون سوياً سورة الأنفال ...
سورة تجسد هذه المعركة بكل وضوح
ماذا عن الإخوان؟
وهل يستحقون أن يكونوا
هم طرف الحق الذي نقاتل معه؟
مشروع الإخوان الحضاري
هو مشروع لإحداث شكل جديد
من توزيع القوى في المنطقة ...
علاقات سياسية واقتصادية واجتماعية
مختلفة في نوعها وكميتها مع العرب
وتركيا وإيران وإفريقيا ...
ولهذا يقاتل العالم كله لبقاء مصر على حالتها القديمة.
هل يستحق الإخوان
أن يكونوا هم طرف الحق
... لا ...
فهم كثيراً ما باعونا ...
لن نتجادل في هذا ...
هم لا يستحقون ...
ولكن نحن نستحق ...
نحن من يستحق أن يقاتل
في سبيل الحق وأن ننتصر ...
نستحق أن نكون جنوداً في معركة الحق
حتى لو كان الإخوان سيتربصون بنا فيما بعد
أي شرف هذا الذي سيغمرنا
ونحن نقابل الله وقد تجردنا
من شهوة كل منصب
وجاه وقاتلنا له وحده
هل تذكرون ذلك الرجل الذي لما
أعطاه النبي نصيبه من غنائم المعركة
رفض وبكى وقال: ما على هذا بايعت الله
... بل بايعته على سهم هنا ...
وأشار لرقبته
يمكنكم أن تكونوا مثله اليوم ...
تخوضون حرباً دون أن تفكروا
في أي غنائم بعدها ...
حصل عليها الإخوان كلها أو وزعوها بالعدل
... لا يهم ...
المهم أننا وقفنا في وجه الطاغوت
في زمن الحيرة لن ألزم بيتي ...
لا أهتم إن كان الإخوان كاذبون أم صادقون
... لكني أؤمن أن هناك معركة بين الحق والباطل ...
وقد تأكدت من الباطل فسأقاتله ...
ومادمت قاتلته فأنا على الحق ...
ولو كنت في فريق لا يصدق النية
هل يغير الإخوان مشروعهم الحضاري
ويكونون مجرد خادم
للولايات المتحدة إن وصلوا للحكم
... ربما ... لكن سيكون عليهم وقتها
أن يغيروا كل مناهجهم الفكرية وكل مذكرات
البنا وسيد قطب وكل الكلام الذي حفظوه
لأعضاء الجماعة طوال أكثر من ثمانين عاماً ...
لكني أقدم لكم من الضمانات كذلك
ما يجعلكم تقفون مع الإخوان ...
فلو وصل الإخوان للحكم فلن يستطيعوا
أبداً أن يحصلوا على أي سلطة تنفيذية
داخل الجيش وربما داخل الشرطة ...
ولو فكرتم في أي ثورة ضدهم
فالجيش سينتظرها على أحر من الجمر.
لن تستطيعوا أن تثوروا على شفيق
لأنكم ستثورون وقتها
على العالم كله المتآمر ضدكم
... تماماً كما هي سوريا الآن ...
لكن لو فكرتم فقط في الثورة ضد الإخوان
... فالعالم كله سيدعمكم ... وبشدة
أنتم لا تختارون بين حكم المرشد وحكم العسكر ...
أنتم تختارون بين قوة مصر الدولية وضياعها ...
بين المستقبل المختلف أو الماضي الرتيب
ولكم الخيار
عماد الدين السيد

Saturday, June 16, 2012

...........يـــــــــــــــــــــــــــــارب.....

0 comments

الشعب يختار الرئيس اليوم

في كل الأحوال سنبدأ حلقة جديدة
من مسيرة النضال السياسي
إبتداء من الإثنين القادم جددوا العهد
ولا تستجيبوا لرسالة اليأس والإحباط
التي قصدوها من وراء القرارات والأحكام الأخيرة
 سنستمر في نضالنا ولن نتوقف فإما حياة
تسر الصديق وإما ممات يغيظ العدا
(محمد البلتاجى)

 


Friday, June 15, 2012

.....فى أى حال نحن؟؟....

6 comments


فى هذه الأيام
أرى حـــــــــال 
أهـــل بلدنا هـــكذا




أم ترانى مــــخطئة
وهم هــــكذا حــــــــقـــيقة






أمبارح كان الخمبس
ووجدت ان هناك أفراح كثيرة
وزفات بالكوم ماشية  وناس مبسوطة
وبتزمر  بالكلاكسات وبتزعررررررررررررط
وكمان ودا الأكادة بقى بتضرب نار ومسداسات صوت شغالة الله ينور


Thursday, June 14, 2012

.....فَدَعَا رَبَّهُ أَنِّي مَغْلُوبٌ فَانْتَصِرْ...

3 comments

المحكمة الدستورية العليا
مجلس الشعب باطل ولم يعد قائما بقوة القانون







ســــــــورة الـــــقــــمــر
آيــــــ10ــــة


لوحة فنية بريشة الفنان الراحل حامد العويضي
كتبها بنوعين من الخط العربي
الفقرة الأولي من الآية بالخط الثلث الجلي
وهو من أبهي الخطوط العربية وأصعبها
ويعتمد هذا الخط علي حسن التصرف
في تراكيب الحروف وتداخلها
في شكل منسق ومرتب ومن الحروف الجميلة
التي استخدمها الراحل في التكوين حرف "الياء" المنبسطة
, كما أنه كرر حرف الفاء الصاعدة في كلمة
"فدعا"
وكلمة "فانتصر" ثم كتب الفقرة التالية
من اللوحة بالخط الفارسي وهذا النوع
من الخط يختص بالفرس وماجاورها
من البلاد وهو خط جميل ودقيق للغاية
ومن حسن التصرف في هذه الفقرة استخدام
الكشيدة في حرف
"الباء" في كلمة "أبواب"
وكررها في كلمة "السماء"
ووضعها في وسط الفقرة
مما يؤدي إلي اتزانها
وبالتالي يكمل جمال اللوحة

Wednesday, June 13, 2012

........أكان يعلم أم لم يكن يعلم,,,,,,,,

2 comments

أكان يعلم حينئذ
أو لا يعلم؟؟
!!!
الله اعلم
سبحانه وتعالى
عـــــلاّم الغــيوب

Tuesday, June 12, 2012

......الخـــــلاصــة......


وأرجو الله العلىّ القديــــر
ان يكون اختيارى موفقاً
لخير البلاد والعبــــــــــاد

Monday, June 11, 2012

..نــــــــاس ذوووووق.......








سكتوا كام يوم
وبعتوا الرسالة
التــــــــانية دى
فاضلكم 5 أيـــــام
ادفعوا بالتى هى احسن
أنا برضه طنشت الصراحة
اصلى مرة دفعت مقدماً
وغالطونى فى الحساب



 
وبعتوا رسالة جديدة تانى يوم

مافضلش الأ 4 أيـــام أدفعوا احسن

صراحة انا تقلت نفسى بالعافية لكن قلقت يمكن

الواحد ينسى ولا حاجة ويتاخر عن الدفع لأى سبب

وساعتها حيبقى فيه غرامة ولو طولت حيبقى فيه إعادة تعاقد


رحت دفعت زى الباشا وامرى لله

Friday, June 8, 2012

........الثــــانــوية الــــعـــامــــة بـــكــــرة .......



ربنا ينجح  مقاصدهم
ويجبر بخاطرهم هم واللى زيهم
اللهم آمين يارب العالميـــــــــــــــــــــن

********
من الحاجات اللى ما أنساهاش
مرة وانا نازلة الشغل الصبح
وكان اول يوم فى أمتحانات الثانوية العامة
شفت كذا حد من اولاد الجيران رايح الامتحان
بنت الناس الهافلايف
:)
اللى ساكنة فى البرج التمليك بتاعهم
اللى على ناصية الشارع واللى برضه
حكيت حكاية بردون الكلبة بتاعتها
المهم رايحة الأمتحان فى العربية 
المرسيدس اللى بالسواق
لحد كده عادى ياعنى
اللى مش عادى
ان السواق لابس يونفورم
اهــــ
جاكتة بصفين زراير
مزرارهم وكمان كاب فوق راسه
المهم وبنت عم عبدو البواب اللى ادامنا
رايحة برضه الأمتحان بس موتوووورجل
ياعنى مشى
أما اولاد أختى فكانوا رايحين
بعربية ابوهم الــ فيات 131 اللى هو سايقها
وسعــاد بنت جيرانا اللى فى البيت اللى جنبنا
رايحة الأمتحان راكبة الفيسبا وارا خطيبها
المهم التلاتة دول
(وغيرهم الألالالالالالالالافات)
رايحين لهدف واحد
شهادة الثانوية العامة
اللى محيرة الناس كلها بما فيهم المسئولين
لكن ياترى الهدف دا حيحقق لهم ما يردونه أم لا
الله اعلم الله اعلم الله اعلم

Thursday, June 7, 2012

..........مـــــلــــف فى الأداب ........

0 comments


الفــيلم قـديم شـوية انا عارفة
بس الصراحة أول مرة أشوفه
كنت سمعت عنه كتير قبـل كده 
   وأول مرة اشــوفه وعــــــــجبنى

الله يـــــــرحمك ياعاطف الطيب
ومـــــــــــازال الفساد مستمراً
(حظهم كان حلو وقعوا فى قاضى عادل)

لمشاهدة الفيلم

Tuesday, June 5, 2012

.....الخامس من يونيو1967ذكرى والم لن يُنسى.....

0 comments































  يــــ5ـــونيو 1967

ذكرى وألم لن يُمحى من تاريخ بلدنا

Sunday, June 3, 2012

........يــــــــــامــــــــا......

5 comments

يــــــــــــــــــــــــــــاما
فى السجن مظلومين
ويــــــــــــــــــاما
بـــــــــــــــراه
مــــجرمين

Saturday, June 2, 2012

.......الــنــطـــق بــالــــحــكـــم اليــــــــوم........




اليوم النطق بالحكم
على الرئيس السابق
محمد حسنى مبــــارك
وسواء أفرحنا أم غضبنا 
مــــــن هـــــــذا الحــــكم
فـقد قــــال أهـــل زمــــان
لابد من يوم تترد فـــيه المظالم
ابيض على المظلوم أسود على الظالم



Friday, June 1, 2012

...........ســــهـــرة مع القدمــــاء.....

6 comments


 قضيت ليلة أمس
مع القدمــــاء
قدمــــاءالمصريين
بعيداً عن الأحيــــاء
أحيـــــاء المصريين
ومشاكــــــلهم



أين الدكتور
زاهى حـواس؟