Wednesday, November 30, 2011

..........الرئيس والمشير.. كلاكيت تانى مرة.......

0 comments



فى الأربعينيات من القرن الماضى
ربطت الصداقة بين الرئيس الراحل
جمال عبدالناصر والمشير عبدالحكيم عامر
علاقة لم يكن أحد ممن عاشوا تفاصيلها
يتخيل يوما أن تنتهى لما انتهت إليه
بموت المشير عام ١٩٦٧ منتحرا أو مقتولا
لا يهم فالنهاية واحدة
ومنذ سنوات لا يعرف عددها أحد
ارتبط الرئيس السابق محمد حسنى مبارك
بالمشير محمد حسين طنطاوى
سنوات ضمتهما فى خدمة الجيش المصرى
وأخرى ضمتهما كرئيس وقائد من قادته
كقيادة الجيش الثانى عام ١٩٨٧
وقيادة قوات الحرس الجمهورى عام ١٩٨٨
انتهاءً بقيادة القوات المسلحة
وشغله لمنصب وزير الدفاع عام ١٩٩١
مناصب عديدة جمعتهما معا
مواقف وقرارات ووجهات نظر
عاشاها فى تاريخ هذا الوطن
ولا أحد يدعى معرفة طبيعة
العلاقة بينهما وكيف كانت
ولكن طبيعة مبارك
توشى لك بطبيعة العلاقة
التى جمعته مع المشير
فمبارك رجل اعتاد
تقريب الموالين القادرين
على جعل الأحلام حقيقة
بلا مشاكل ولا مهاترات ولا أخطاء
ولكن للأسف جاءت النهاية بما لا تشتهى السفن
وفرقت بين الرئيس والمشير ثورة
ومن قبلها رغبة الرئيس فى توريث ابنه الحكم
كانت المؤسسة العسكرية
هى المؤسسة الوحيدة الصامتة
فى مصر على قضية التوريث
مثقفون وإعلاميون ومعارضون
يناقشون الرغبة الرئاسية
فى الاستمرار عبر الابن،
أخبار وتقارير من هنا وهناك
عن توريث السلطة فى مصر،
لغط هنا وشائعات هناك
وردود فعل متباينة
عما يمكن حدوثه
كل هذا والمؤسسة العسكرية صامتة
لا تبدى أى رد فعل
رغم ما كان يُشاع عن
مقاومتها للفكرة ورفضها إياها
ذكاء أم فطنة أم بصيرة باستحالة
حدوث ذلك لعمق الجذور العسكرية
فى الحكم المصرى؟
لا أحد يعلم
جاءت اللحظة الحاسمة
وتناثرت الشائعات
عما حدث فى اللحظات الأخيرة
البعض سماه انقلاباً عسكرياً
ركب موجة الثورة الشعبية
وآخرون قالوا محاولة
لإنقاذ نظام تهاوت عروشه
والحفاظ على ما يمكن الحفاظ عليه
وأيا كانت المسميات
ستظل تلك العلاقة مثارا للتساؤلات
والشائعات خاصة بعد شهادة المشير
فى محاكمة مبارك وما قيل عنها
فى شهر فبراير الماضى وقبل تنحى مبارك
كتبت مقالا عنوانه
«مما يخشى الرئيس؟»
دارت فكرته حول الخوف
من ترك السلطة خشية المحاكمة
والمساءلة على ما مضى من أفعال فى سنوات النفوذ
اليوم أجدنى أتساءل مكررة نفس التساؤل
ولكن مع تغير المسؤول
فى ظل أوضاع بتنا نعلم أننا
تم سحبنا لها لنحيا
حالة من الاستغراق فى التفاصيل المملة الكئيبة
التى لا تخلق سوى الخلاف
نعم أظن، وبعض الظن إثم
ولكن بعضه الآخر حلال
أن المجلس العسكرى منذ اللحظة الأولى
للأحداث راهن على عامل الوقت
فالوقت لم يكن فى صالح القادة الكبار
مع استمرار مبارك فى السلطة
ثم راهن على الوقت مرة أخرى بعد رحيل مبارك
داعما التصويت بقبول التعديلات الدستورية
وذلك ليس بظن ولكن عن شهادة عيان
لنغرق فى خلافاتنا وتتوه الطريق منا
وندور فى دائرة مغلقة لا تقودنا
إلا لما يقرره من يحكمنا
وما أكثر السيناريوهات المطروحة
أكثرها سواداً حكم العسكر
خاصة بعد واقعة «بدلة المشير» المدنية فى ميدان التحرير
وبغض النظر عن الشواهد المحيطة بنا
ولا تنذر بالخير، فإن بعض المقربين
من دائرة العسكر يرون أن المشير يسعى
ويحلم بذلك اليوم الذى يصير فيه ذكرى
يصحو الناس من نومهم ليجدوه ماضيا
ولكن سيدى المشير
هل أنت واثق أنك ستحقق حلمك
وقلبك راض عما تركت مصر عليه؟
أتركك لضميرك
لعله يمنحك
الإجـــــابة
ولـــعلها
تـــــأتى
صادقة



منقول عن موقع الصحفى







Friday, November 25, 2011

........هم رجعوا التحرير ليه.؟؟

0 comments


عشان تعرفوا الناس رجعت التحرير ليه

لما تقوللي

مفيش أمن بعد 9 شهور

رغم المليارات اللى إتصرفت على الشرطة

...يبقى في حاجة غلط



لما تقوللي

إن الفوضى هتستمر

لحد شهر 5 / 2013 موعد إنتخاب الرئيس

يبقي فيه حاجة غلط


لما تقوللي

إن لحد النهاردة مفيش

و لا جنيه رجع من فلوسنا اللي

عند الحرامية

يبقي فيه حاجة غلط



لما تقوللي

إن أسبانيا أخدت

من حسين سالم 32,5 مليون يورو

ومباني بقيمة 10 مليون يورو

و احنا مشوفناش منه مليم

من فلوسنا اللي سرقها

يبقي فيه حاجة غلط



لما تقوللي

إن خزينة الدولة مفيهاش

فلوس لتحقيق مطالب المواطنين

مع إن في مصر ألاف الموظفين

بيقبض الواحد منهم فوق المليون

جنيه شهريا و ومساعدينهم

بيقبضوا مئات الآلاف في الشهر

و كمان رجال الأعمال

عليهم 100 مليار جنيه ضرائب للدولة

يبقي فيه حاجة غلط


لما تقوللي

إن أحد فلول الحزب الوطني

هدد بعزل الصعيد و قطع الكهرباء عن مصر

لو تم منعهم من الترشيح لمجلس الشعب

و محدش حتي رد عليه

يبقي فيه حاجة غلط


لما تقوللي

إن كل الناس اللي بتعارض

خونة و عملاء و مأجورين

من غير حكم واحد قضائي

يقول كده و لا حتي تحقيق

يبقي فيه حاجة غلط



لما تقوللي

إن فيه مؤامرات

داخلية و خارجية علي البلد

و ترمي اتهامات يمين وشمال

من غير ما تكشف أشخاص و لا مؤامرة

و أنت عندك أمن وطني

و مخابرات و جيش

يبقي فيه حاجة غلط



لما تقوللي

إن المشير و عمر سليمان

و العيسوي شهدوا في المحكمة

ببراءة مبارك من كل التهم

رغم إن البيان رقم 52 للقوات المسلحة

قال رفضنا أوامر بإطلاق النار

علي المتظاهرين

يبقي فيه حاجة غلط



لما تقوللي

إن الثوار بيتحاكموا عسكري

و مبارك قاعد في مستشفي 7 نجوم

ونائب رئيس الشرطة العسكرية

بيضرب تعظيم سلام للعادلي في المحكمة

يبقي فيه حاجة غلط



لما تقوللي

إن تونس انتخبت لجنة تأسيسية

لوضع دستور جديد و تشكيل حكومة انتقالية

و مصر لسة بتعمل مجلس شعب

هاينتخب لجنة تأسيسية

لوضع دستور بعد سنة

ومش هيشكل حكومة

يبقي فيه حاجة غلط



لما تقوللي

المشير مش طمعان في الحكم

و تلاقي حملة لترشيحه للرئاسة

يبقي فيه حاجة غلط


لما تقوللي

إن المجلس العسكري

بيعد وثيقة مباديء فوق دستورية


تجعل منه قوة فوق المحاسبة

وفوق قوى الشعب

و تجعل منه دولة داخل الدولة



يبقي فيه حاجة غلط



منقول من اللهو الخفى


اللى اسمه الفيس بوك عن


صفحة ظباط من أجل الثورة

Thursday, November 24, 2011

.......Avram Noam Chomsky : نعوم تشاومسكى

0 comments

الراجل الكبُارة دا

هو أستاذ جامعي مدى الحياة

ياعنى ضامن وظيفته

وماهيته ومستكنيس على الأخر

في اللغويات

في معهد ماساتشوستس للتكنولوجيا

(اتولد فى7 ديسمبر 1928 فيلادلفيا ولسه عايش)


وهو صاحب نظرية النحو التوليدي

(ومحدش يسألنى ياعنى أيه؟)

والتي كثيراً ما تعتبر أهم إسهام

في مجال اللغويات النظرية

في القرن العشرين

كمان أسهم في إشعال شرارة

الثورة الإدراكية في علم النفس

ومحدش يسألنى ياعنى ايه برضه

ويعود إليه كذلك

فضل تأسيس ما أصبح

يُعرف بـ تراتب تشومسكي

وهي تصنيف للغات الشكلية

حسب قدرتها التوليدية

ها وبعدين أتفقنا

محدش يسألنى ياعنى أيه؟

تشومسكي كمان معروف

على نطاق واسع كناشط سياسي

وبانتقاده للسياسة الخارجية

للولايات المتحدة والحكومات الأخرى

وبيوصف نفسه بأنه اشتراكي تحرري

وكمتعاطف مع

التضامنية اللاسلطوية

(متهيأللى سهلة دى ومش محتاجة شرح)


وهو عضو في نقابة


عمال العالم الصناعيين

وكثيراً ما يُعتبر منظراً رئيسياً

للجناح اليساري

في السياسة الأمريكية


وحسب فهرس مراجع الفنون والإنسانيات


بين 1980 و 1992 ذكر اسم شومسكي


كمرجع أكثر من أي شخص آخر حي


وكثامن شخص على الإطلاق سواء حى ولا لأ


المهم حتقولولى ايه


اللى فكرك بالاستاذ دا دلوقتى


حاقولكم لأن فيه حاليا منتشر فيديو له


فى محاضرة كان عملها


بيوضح او بيشرح فيها سياسة امريكا


الخارجية وكيف بتتصدى لأى محاولة


(لتعطيل مصالحها)

وكلامه وشرحه يمكن يفسر لنا اللى حاصل حاليا

فى بلدنا العزيزة اللذيذة مصر أم الدنيا

الغالية أوى علينا




******

******

ياتـرى ياهل ترى

انا محــتاجة أقول

انى جــبت المعلومات

عن حضرته من الوكيبديا؟

Tuesday, November 22, 2011

....... قناع واقى وكلمات ومليونية ......







وكلمات عجبتى



على اللهو الخفى المسمى



الفيــــــــــس بــــــوك



وقــــلت أجيبهم



عــــــلى اللهو



الخــــفى



الأصغر منه شوية



المدعو بلوجر



:::::
بعد طرحك م الحساب
للعساكر والكلاب
والأرانب والفيران
والأجانب والغيلان
والأرايل والقرون
والمرايل والدقون
اللي فاضل يا أفاضل
هو ده تعداد وحصر
للعيال اللي جابتهم
في الحلال الست مصر
(مصطفى إبراهيم)
******


جدع يا باشا ضربتنـــــى
من ضى عينى حرمتــنى
و نسيت يا باشا انى بطل
عمر الرصاص ما... يهزنى
اضرب وركز فى النيشان
افرح قوى انك جــــــــبان
صاحبك فى سينا راح شهيد
وانت بتتدارى فى حيطان
فكرك يا باشا انى بشوف
عشقى لبلادى بالعنيـــن ؟؟
وكلاب سعادتـك لو الوف
راح يمنعوا حلم السنين ؟؟
انا جيت هنا علشـــان بلد
وتار شهيد و دموع ابـوه
وحلم بكرة بيتــــــــولد
وطن حلفنا نرجعــــــوه
لو من عنيا النور خمــد
ملايين بدالى حيشوفوه
اضرب يا باشا اضرب كمان
و اطلق ديابتك فى الميـــدان
قبلك كلاب هاصـــــت نباح
واهى قاعده تبكى فى اللومان
اضرب كمان تسلم ايديــك
ملعون ابوك و اللى حاميك
ملايين فى مصر بيهتفــــوا
يا باشا اهوه .....عليك






وماعرفش مين قائلها الحقيقى
------------
اللي بيخون الثوار وبيقول
انهم بلطجية وعملاء للخارج
و بيقول عليهم خربتوا البلد قولي
تاخد كام وتقف قدام الرصاص ؟؟؟
تاخد كام وتفقد بصرك ؟؟؟
تاخد كام وتصاب بعاهة مستديمة ؟؟؟
تاخد كام وتموت ؟؟؟


حسبنا الله ونعم الوكيل




وصور كمان






تحية لمصابى الثورة











مليونية مصرية اليوم
«لإنقاذ الوطن»



الأخوان
مش قادمون






Monday, November 21, 2011

..........ومازالت الإشتباكات مستمرة........

2 comments

وما زالت الإشتباكات مستمرة

وما زالت الدماء تسيل

ومـا زالـــت الأرواح

تصعد الى خالقها

تشكو له ظلم

الإنسان لأخيه

الإنسان




استـــخدمت قوات الشرطة

الذخيرة الحية في مواجهة

المتظاهرين السلميين

Friday, November 18, 2011

..........صبـــــــــــــــــاح الســـلامــة........

0 comments



أصدقائى المدونون

كـل يوم وأنتم سـالمون

حـتقولولى بمناسبة أيه؟

حـأرفع حواجبينى بأستغراب

وأقولكم هو لازم يبقى فيه سبب

لكى أتمنى السلامـة لأصدقاء عرفتهم

وأحببت كثيرا من صفاتهم وضحكت

وبكيت وغضبت وناقشت وجادلت

وأتفقت وأختلفت مع بعضهاً

ثانية أيها المــــــــدونون

كـــــل لحظة وأنتم

ســـــــــالمون


Thursday, November 17, 2011

جوابات حراجى القط:عود درة وحدانى فى غيط كمون

0 comments

عود درة وحدانى فى غيط كمون
جملة اتقالت فى معرض حديث
نبهتنى لديوان جميل
وشاعر أعرفه من الاغانى بتاعته
لعبد الحليم حافظ ولغيره
من المغنين
الشاعر هو
عبد الرحمن الأبنودى
حتقولولى يــــااااااااهـ دا اول ديوان له
ومن زمان وكمان
وكتير بيقولوا انه لو ماقلش غيره يكفيه
وكتير برضه بييقولوا أن بسببه
هو أخد جايزة الدولة التقديرية
حأقولكم معلش ماعرفتش كل الكلام الحلو
دا الا لما أتقال المقطع دا
(عود درة وحدانى فى غيط كمون)
بمعنى
(التفرد الشديد والوحدة الجامدة)
للمصرى وسط الغربة
ويلا بينا نقرا بقية الرسالة
واللى عايز يعرف أكتر يدور
وجوجل عنده كل المعلومات
الرسالة الثالثة
الجوهره المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلاية الفار
أما بعد .. فهذا تاني خطاب
..
باعتين طيه ما قدرنا المولى عليه
..
وعنبعتلك في ظرف الجمعه .. طرد
الطرحه والجزمه بتوعك
..
وكساوي عزيزه وعيد
دورت الحسبه ف راسي وقلت يا واد يا حراجي
..
هو يعني قانون العيل ما يدوقشي الكسوه
..
غير في العيد ؟
أمال كيف العيل حيحس أبوه جنبه
إذا كان الأب .. بعيد .. ؟
بقى أول ما دلقنا
يا فاطنه بابور السد على محطة إسوان
أنا والجدعان
حسيت بالدوخه
مش أول مره باسيب جبلاية الفار .. ؟
رحنا المكتب
طبعنا البطاقات
..
ومضينا على الورقات
أه يا
(( فطاني ))
لو شوفتي الرجاله هْنِهْ
قولي .. ميات .. أولوفات
..
بحر من ولاد الناس
..
إللي من
(( درجا ))
واللي م
(( البتانون ))
واللي من
(( أصفون))
و
(( التل))
جدعان .. زي عيدان الزان .. سايبن الأهل
جدعان .. زي عيدان الزان .. سايبن الأهل
وتطلي في عين الواحد يا ولداه ع الغربه
عارفه يا مرتي الراجل في الغربه يشبه إيه .. ؟
عود دره وحداني .. في غيط كمون
حسيت بالخوف ناشع في عروقي زي البرد
قضينا الليله الأولانيه في أي مكان
.
العين مشقوقه
..
والبال
..
زي الغله اللي بتسرسب من يد الكيال
وندهت عليكي قلت : انا بنده سامعاني ؟
سامعيني يا عيال ؟
النبي لولا الخوف واللومه من الرجاله
..
لاركبت القطر وعدت
قبل ما أروح لموظف
قبل ما أرد سؤال
أمال جيت ليه ؟
الخايف من الغربهة ما يجيش
اتحمل علشان كسوة عيد .. ورغيف العيش
لكإنك ياخي رحت
(( الديش ))
من خوفي يا مرتي
قعدت أهدي الرجاله

فاطنه
..
أول ما تفكي الخمسه جنيه
اطلعي ع الفور
وإدي حساب
(( عمران ))
وجنيه
(( بمبة الصباغ ))
والباقي زيحوا بيه القارب
لما يعدلها الرحمن
سلمى ع الوِلد .. وع
(( الحاج التايب ))
بلا كتر كلام
لما يعدلها الرحمن
سلمى ع الوِلد .. وع
(( الحاج التايب ))
بلا كتر كلام
سلمي على كل اللي لينا فيهم نايب
وإوعي يا فطنه لما ارجع وأبص ف وش اللولاد
أعرف إن أبوهم كان غايب
وإحنا هنا بنستنى الجوابات بفروغ صبر
طول ما الجوابات رايحه وجايه
اعتبري كإني باجي أشوفك
واجى
زوجك لاوسطى حراجي
******

للأمانة أنا دُخت لحد
ما لقيت الموضوع مكتوب بالطريقة دى
وكل ماالاقيه :الاقيه مسموع مش مكتوب
لكن الحق لقيته فى منتدى قهوة كتكوت
لصاحبها المعلم هريدى
والدلع ديدى
وعلشاان كده واجب اشكرهم
وكمان أحط صورة المعلم

هريدى





مواضيع ذات صلة
عبد الرحمن الأبنودى




Monday, November 14, 2011

..... بيللا بيللا......من أعاجيب شارعنا .......

24 comments


عايزة احكى عن حاجة حصلت بشارعنا

المهم انها حكاية حقيقية بصحيح

عن بنت الناس اللى على اول الناصية

اللى ساكنين بـ

(شبة ناطحة السحاب بتاعتهم)

ناس مقتدريين وعلى مستوى

ابوهم مقاول ياسيدى

وعنده شركة مقاولات كبيرة

(اه طبعاً امال عربية كشرى يعنى )

المهم البنت كان عندها بردون كلبة لولو

جميلةاوى اسمها بللا

اسم على مسمى صحيح

كانت بتنزل تفسحها كل يوم


(اتفسحى يازكزوكااتفسحى يابكبوكا)

على رأى مارى منيب

البنت انشغلت فى امتحانات الثانوية العامة

ومابقتش فاضية لبلللا تفسحها

بس بللا دى روح ولازم تتفسح

ادوها ياسيدى لحارس الجراج بتاعهم

يفسحها ويمشيها كل يوم

شوية ادام البيت

وفعلا عم بخاتى بقى كل يوم

يقوم بالمهمة على خير وجه

البنت خلصت امتحان ورجعت تفسح هى بللا

بس لقيت كده حالتها متغيرة

ومش زى عوايدها

ودوها للدكتور البيطرى

(مبروك المدام حامل قصدى الكلبة حامل)

الدنيا هاجت وماجت

وحاولوا يعرفوا مين

(ال... ابن ال....)

!!اللى عمل العاملة السودا دى

لكن ماعرفوش

لكن عرفوا وللأسف يرفتوا عم بخاتى من الشغلانة

اللى كان بيسترزق منها وعملوا

(إجهاض)
للانسة
(بللا)
وكمان سافرت

فرنسا هى وصاحبتها

لاجل ما تسترد عافيتها

المهم الايام دارت وقابلت

مرة عم بخاتى ده فى الشارع

ازيك وعامل ايه وكده ؟

حكى لى او قالى كلمة ما أنساهاش

شفتى ياست الدكتورة

لامؤاخذة الكلبة اثبتت وانا اترفدت

اثبتت ازاى يعنى ياعم؟

مش سفروها بره

يعنى عملوا لها باسبووورت

باسمها وسنها وطعموها من الامراض

اما انا العامل الاجير اللى باليومية فطردونى

الحقيقة ماعرفتش ارد عليه

الا بكلمتين أطيب خاطره واللى فيه القسمة

وكم فيكى يامصر من المضحكات المبكيات

........
حكاية حقيقية حصلت فى شارعنا العامر

اللى بقى ولا (لندن) فى تنوع سكانه

او زى مابيقولوا حدائق بابل

من الاعاجيب اللى فيه
.....................................

===============
تدوينة قديمة
على مدونتى صعبان نمر ون

أحطــــــها للتذكرة وكمان
للأصدقاء اللى يمكن

ما كانوش أصدقاء
ساعتها أرجو
انها
تعجبكوا كلكم

Friday, November 11, 2011

!!! المجـهولة!! المجـهولة!!المجـهولة

10 comments


مصادر تمويل الفضائيات بعد الثورة
وربما قبلها أيضاً
مع لحظة الاطلالة الاولى لفضائية
«السى بى سى»
لم أكن أتوقع أن يكون إنفرادها
وتميزها سريعا إلى هذه الدرجة
،
تماما مثلما لم يصدق ذلك
فريق
عمل الفضائية نفسه

والذى كان متجمعا فى هذه اللحظة
للاحتفال بتلك المناسبة
فلم اصدق وأنا اشاهد عادل حمودة
وهو أحد افراد فريق العمل

وهو يطرح هذا السؤال

هل منكم من سأل نفسه

لماذا
وفى تلك الظروف الاقتصادية السيئة

وحالة الكساد وسوء الاحوال المعيشية السيئة
التى تعيشها مصر هذه الايام لم يرتفع الدولار
و لم ينخفض الجنيه

مع أن كل الظروف
لابد أن تؤدى إلى هذه النتيجة ؟
وقبل أن يفكر أحد من بقية
الحاضرين
ويتلفظ فى الاجابة
سارع حمودة قائلا
عارفين ليه
لأن فيه فلوس كتيرة وهائلة
مجهولة
دخلت البلد بعد الثورة وخلال هذه الفترة
الآن هذه الاموال يتم غسلها
وبسرعة وفى أنشطة متعددة

بعدها أدركت أن حمودة يبدوا
أنه طرح
سؤالا صعبا ومفاجئا
فما أن راح يحكى ويدخل فى التفاصيل

إذا بلميس الحديدى مقدمة البرنامج
تقاطعه وتأخذه إلى مناقشة
موضوع أخر
وكانها شعرت
بمدى خطورة
ماسيقال
إذا إستطرد حمودة
فى القول وفضفض


فى الحقيقة لم تكن المفاجأة التى رأيتها تسيطر
على وجوه فريق عمل
الفضائية الزملاء
«خيرى رمضان ومجدى الجلاد
الشاعر عبد الرحمن يوسف،
مظهر شاهين خطيب مسجد عمر مكرم
مفيدة شيحة والناشطة اميرة بهى الدين
والفنانة منى عبد الغنى»
لم تكن من ذكر المعلومة

- حسب ظنى –
ولكن كانت من جراة حمودة
وعدم مراعاته أن يقول هذا الكلام
فى فضائية ضمن فضائيات أخرى كثيرة
ولدت مثل الارانب بعد الثورة
هى الآن ومنذ ولادتها محط أنظار

وعلامات إستفهام وتساؤلات
لاتغمض
ولاتتوقف حول مصادر تمويلها
كلنا يدرك هذه الحقيقة ويعرفها جيدا
فمنذ أن إندلعت الثورة
حتى كتابة هذه السطور
لايمريوم
أو طلعة شمس ليوم جديد

إلا ونقرا ونسمع ونرى
همزا ولمزا
وأخبارا وكلاما وحكايات
عن غسيل الاموال
التى أنتشرت فى مصر
وملايين الاموال المجهولة

التى ذهبت هنا وهناك
دون أن يعرف
أحد عنها شيئا
ولعل أهم وأخطر
ماقد قيل وتردد بهذا الشان
هو ماقاله المهندس
ممدوح حمزة مؤخرا
لإحدى برامج التوك شو
عندما أكد
متحديا من يثبت عكس ذلك
بأن
هناك اكثر من 42 مليون دولار
دخلت البلاد
خلال الشهرين الماضين
لجهات غير معلومة
يتم الان
غسلها وإستخدامها فى أنشطة متعددة
ووقتها طالب حمزة المجلس العسكرى بالتحرك
والتحقيق لمعرفة مصادر هذه الاموال

وإلى أين وفى اى انشطة تم صرفها وإنفاقها

مثلى مثل كثيرين
لااعتقد أن مصادر
تمويل فضائيات
مابعد الثورة هى بعيدة
عن هذه المنطقة المبتله
بالشك والريبة
فلقد ظهرت هذه الفضائيات
وظهر أصحابها
فجأة
وهم يهرولون نحو مدينة الانتاج الاعلامى

لكتابة العقود ومحاولة الانطلاق
واللحاق
بالسادة المشاهدين وكانهم مسافرون
ومغادرون البلد
فأرجوك أنظر إلى
إعلاناتها المنتشرة والمتلاحقة
فى شوارع
وميادين ومحاور وكبارى القاهرة
ولاحظ كل هذا البذخ والانفاق المبالغ
فيه
لاسيما تلك الحملات الدعائية
عن
برامج ومسلسلات رمضان
أنا واثق أنك ستسأل نفسك مثلى
من اين جاءت كل هذه الاموال
ومن هم اصحابها وأين كانوا قبل الثورة
وماهو سر هذه الحالة من العشق
التى إنتابت
هؤلاء المستثمرين
فى الاعلام والفضائيات

ومن هم هؤلاء المستثمرين أصلا
وماهى سيرتهم الذاتية واصولهم
فى
عالم الاستثمار والبزنس الإعلامى
وإلى هذه الدرجة يمتلك هؤلاء كل هذه الاموال
ونحن لم نكن نعرف
وإلى هذه الدرجة يعد الاستثمار فى الاعلام
واحد من أعظم وانجح الاستثمارات المربحة
ونحن لانعرف
مع أن كل المؤشرات
تقول أنه
إستثمار مكلف وخاسر
فى غالب الاحيان
ام أن الحكاية هى شراء وصناعة هذا السلاح
الفتاك
لحماية قضايا الفساد النائمة
والتشويح
فى كل من يحاول أن يوقظها ؟
كلها أسئلة لاتذهب إلى مكان
إلا ووجدت
من يطرحها ويناقشها
وإذا كان كلامى
لايعجبك ولايقنعك
أتحداك
وأتحدى أى احد من اصحاب والمسئولين

عن هذه الفضائيات أن يخرج علينا
وبكل شجاعة
يقف أمام الشاشة
أو حتى يشير إلينا وإلى

" لوجو فضائيته بكل ثقة "
وعلى طريقة علاء ولى الدين
فى فيلم الناظر صلاح الدين هذه لى
ملكى أنا بفلوسى وحر مالى
خشوا جوه وإسكتو وإخرسو
لن يحدث ولو شفت حلمة ودنك
فالحكايات مثلا عن مصادر
تمويل فضائية التحرير
ومنذ إنطلاقها
تعددت ومازالت تتعدد وتتسع
قالوا أنها أموال إبراهيم عيسى
ومحمود سعد وإبراهيم المعلم
شريك ثالث
لهما
فما كان من آخرين ردوا عليهم وقالوا
لاالطبائع النفسية ولاالمواصفات الشخصية والسلوكية
لكل من عيسى وسعد والمعلم
تتفق
مع إقدامهم على هذه المغامرة
فخرج فريق ثالث وقال الحصة الاكبر
فى التمويل ياجماعة أصلها خليجى
قطرى
على وجه التحديد
الشيخة موزة على وجه الخصوص

وتواصلت الحكايات والاقوال حتى وصلت
إلى أن احمد هيكل نجل كاتبنا الكبير
نظرا لعلاقته الطيبة التى تربطه
بالاسرة القطرية الحاكمة

هو الذى لعب دور الوسيط
فى جلب هذه الحصة
بينما راح فريق ثالث يؤكد
أنها فلوس البرادعى
كل ذلك لاعيب فيه كما قلنا
ولاحرام
لكن لابد أن نعرف
إنما للاسف لااحد يعرف
ولااحد يريد أن يكشف او يتكلم عن مصادر التمويل
مع أن ذلك من ابسط مبادئ وقواعد وأهداف الثورة
التى تنادى بها كل الفضائيات
وهى الشفافية والمصارحة والمكاشفة
وبهذه المناسبة وبما أن تلك الفضائية
على وجه الخصوص ترفع شعار الشعب
يريد تحرير العقول

فالشعب من حقه ان يرفع شعار أن يرفض ويقول لأ
.. أولا اريد معرفة مصادر التمويل
ونعود إلى السى بى سى
التى يتردد أن مالكها
هو رجل اعمال يدعى محمد الامين
الذى مامن شخص أو خبير فى علوم الاقتصاد
والتجارة والبزنس سألته عنه
وعن نشاطه
وقدراته الاستثمارية
إلا وإبتسم
وقال : كل اللى اعرفه أنه
الصديق الصدوق
والمقرب
من رجل الاعمال منصور عامر
ولهم الحق فى ذلك

فمن منكم سمع يوما عن هذا الاسم
من قبل
فى عالم رجال الاعمال
والبزنس قبل الثورة
ومن منكم
يعرف شيئا عن سيرته الذاتية

وفى أى شئ كان يستثمر
اين وماذا كان يفعل قبل الثورة قليلا
أن تجد أحدا يعرف أو سمع عن إستثماراته

وقدراته المالية أو مشروعات إستثمارية مملوكة له
يمكن أن يشار إليه بالبنان يمكن لها أن تقنعنا
أن كل هذه الاموال الطائلة التى نراها
فى
إعلانات الشوارع والصحف
هى من حرماله فعلا
نحن موافقون أن يخرج علينا
هذا المالك المزعوم
عبر شاشته الملاكى
بادلته وبراهينة ليخرسنا
ويصرخ فينا
: أنا المالك الحقيقى
ياظلمه
وتلك مصادر ثروتى
للاسف الشديد الحقيقة التى لايريد
أن يصدقها
من يزعمون أنهم الملاك الحقيقون
لهذه الفضائيات
أن المصريين البسطاء
على درجة عالية من الذكاء
بدليل أننا كنا نسمع منهم
فى الشارع
فى التاكسى فى المقهى
فى الاتوبيس
حكايات عن ثراء وفساد أسرة
الرئيس
وشلة احمد عز واصدقائهم
قبل أن ان يتحدث
عنها اهل النخبة
والمثقفون بسنوات
فلايمكن أن يصدق الناس
هذه الكلام
حتى يقسم هؤلاء على الميه تجمد
إلا إذا شاهدوا وأمسكوا بدليل واضح وبرهان دامغ
فكل الكلام الذى يتفق عليه الناس ويصدقونه
بشأن هذه الفضائية

«السى بى سى»
أن المالك الحقيقى والاهم بين الملاك هو
منصور عامر رجل الاعمال النشط
فى مجال الاستثمار العقارى
وإذا كان كل هذا الكلام على مصادر تمويل
السى بى سى يصدر جهارا نهارا
فإن الكلام الذى يقال
عن تمويل النهار

يراه الناس فى عز الضهر
فهذه الفضائية
يترددأن الذى يملكها
رجل الاعمال وليد مصطفى

صاحب صحيفة اليوم السابع
والذى ايضا
ظهر فجأة
ولم نكن نعرف عنه
ولاعن سيرته الاستثمارية
اية معلومات
ومعه شريكه سمير يوسف

زوج مذيعة دريم الشهيرة
"منى الشاذلي"
ولاثالث لهما
عندما ترى
كمية الأموال
التى تم ضخها
فى تلك القناة
ستشعر فورا أنها فوق التصور
حتى أنه يقال أن تكاليف الدعاية
والتسويق لها
قبل انطلاقها تجاوزت
أربعين مليون جنيه
بما يعنى أن تكلفة التشغيل
لن تقل عن
مائة وعشرين مليون جنيه
فهل يمكن أن يصدق الناس
أن الطاقة المالية
للشريكين تتيح لهما كل ذلك
لا أحد يملك ردا جازما
نحن لانريد أن نتهم احد ولانريد أن نقول كلاما مرسلا
فالبينة على من ادعى

لكن اعتقد أنه من حقنا على
وليد مصطفى
أن يجيبنا على مايتردد عن مصادر التمويل
عن حقيقة قرابته وعلاقته
بممدوح إسماعيل
المتهم
بقتل البسطاء فى عبارته الغارقة الشهيرة
ولماذا لم نشهد حتى الان
ولو ذكر
بسيط لصاحب العبارة
فى اى برنامج من برامج التوك الشو
التى تزخر بها الفضائية ثم ماهى حقيقة
علاقته
بممولين خليجيين والذى يقال أنهم
هو الذين اشتروا
حصة
اشرف الشريف
نجل صفوت الشريف

ودخلوا شركاء بدلا عنه
وبشكل عام فجميع القنوات
الفضائية المصرية الخاصة
العاملة مملوكة لرجال اعمال
عاشوا وإنتفعوا
من عصر مبارك وحزبه وأنجاله
وليس معنى أننا تحدثنا عن فضائيات بعد الثورة

أن فضائيات قبل الثورة الشعب
يثق
أو لديه مصادر علم بمصادر تمويلها
المسألة كلها غامضة مجهولة
خلاصة القول
أن الشعب يريد أن يعرف
مصادر
تمويل هذه الفضائيات جميعا
حتى نطمئن
على مستقبل رؤوسنا وافكارنا وارائنا
وإلى أين سيأخذنا هذا الاعلام
ذات التمويل المجهول
أعتقد أنه إذا أصبح من حق
تلك الفضائيات
أن تقوم بنقل
محاكمات الفاسدين على الهواء

فمن حقنا نحن أن نعرف
ماهى
من أين مصادر تمويل هذه الفضائيات
على الهواء ايضا

وسنظل ننتظر نتائج التحقيق
التى اشار إليها
رئيس الوزراء
بشأن تلك الاموال المجهولة

وقتها سنطمئن على الثورة


ملفات دولية
تقرير أبو العباس محمد
جريدة الأهرام المصرية

Wednesday, November 9, 2011

نوبة صحيـان :تهنئة أخيرة بالعيد وتقرير حالتى دلوقتى

14 comments



دى تهنئة العيد الأخيرة

اما حالتى

فهى بعدين عنكم

ص ج خ



Reene crying Pictures, Images and Photos


صعبة جدا خالص


crying Pictures, Images and Photos


وطبعا انتم عارفين ليه؟

واللى مش عارف اقوله

لأن النهاردة أخر يوم للأجازة

ستة ايام زى العادة

طارووووووا

هوووووا


Crying Smiley Pictures, Images and Photos

والحمد لله رب العالمين

أشوفكم بخير دايما

أقعدوا بالعافية

(كده الأجازة خلصت رسمى:أذان الضهر سلام)

Monday, November 7, 2011

................حـــــــــــكمــــة........


سأل رجل مهموم حكيم
أيها الحكيم لقد أتيتك وما
لي حيلة مما أنا فيه من الهم؟
فقال الحكيم :سأسألك
سؤالين وأُريد إجابتهما
فقال الرجل: اسأل
فقال الحكيم
أجئت إلى هذه
الدنيا ومعك تلك المشاكل؟

...قال: لا
فقال الحكيم
هل ستترك
الدنيا وتأخذ معك المشاكل؟

قال:لا فقال الحكيم
أمرِ لم تأتِ به
ولن يذهب معك

الأجدر ألا يأخذ منك كل
هذا الهم فكن صبوراً على
أمر الدنيا
وليكن نظرك

إلى السماء أطول
من نظرك إلى الأرض
يكن لك ما أردت

Sunday, November 6, 2011

.....صورة لن تتكرر.....

12 comments


صورة لن تتكرر

وأيـــــام لن تعود

وذكري لن تُنسى

بــــــــــأذن الله

Saturday, November 5, 2011

........بكرة العيد وحنعيد.......

14 comments

بكرة العيد وحنعيّد

وندبحك يا سى السيد

ونحطك فى الاروانة

ونضربك بالخرازنة!


كل سنة وانتم واحنا وهم وهن

بألف مليون خير يارب

أحترت اكتب أيه بالمناسبة

الجميلة دى

لقيتنى بأفتكر أغنية كنا بنقولها

فى بيتنا وحتتنا القديمة زمان

ونفضل نغنيها أدام الخروف

ونغيظه اوى

معتمدين على أنه مربوط

ومش حيعمل لنا حاجة

لكن فى مرة

الحبل ماكنش متين كفاية

والخروف قطعه

وجرى ورانا

وعينكم ما تشوف الا النور بقى

أصطاد واحد من ولاد اخواتى

الصغيرين

ونطحة حتة نطحة

تقولش بيليه فى زمانه

النطحة حدفت الولد 4متر ادام

والحمدلله

جت سليمة شوية كدمات على سجاحات

على ذكرى ما قدرش ينساها ابداً

و بطل بعدها

كتير من الشقاوة ومعاكسة الخرفان

ولما بيشوف خروف لحد دلوقتى

بيحاول ما يقربش منه

من ذكريات العيد الكبير
زى ما كنا متعودين نسميه زمان

برضه

لما الخروف بتاعنا جه له زكام

واشار علينا

(الخبراء)

أن لازم ننفخ فى وشه

(دخان سجاير)

طيب دى مشكلة !

مكانش عندنا حد بيدخن

أو بالأصح بيعترف انه بيدخن

فى الزمن دا لانه كان عيبة كبيرة اوى
..أيه دُنيا

المهم طب نعمل ايه ؟

أم نادية

مدبرة منزلنا ربنا يشفيها ويعافيها ويخليها يارب

مالقتش منه بد

مسكينة جابت علبة سجاير

(ماركة بلمونت الاصلى)

وبقت كل يوم تطلع تدخن فى وش

(حضرته)

سيجارة او سيجارتين

على حسب ما تسمح الظروف

ولحد حضرته

(الخروف)

ما يعطس!

هكذا اشار علينا الخبراء

العلبة كانت قربت نخلص

وحضرة الخروف المحترم

لسه ما بيعطسش!

يادى الوقعة يارب !

بقينا خايفين ان الست هى اللى تحب السجاير

من كتر ما دخنت

لجناب الخروف

وخصوصاً انها بقت تطول فى القعدة فى السطوح

لكن قدر ولطف الحمد لله

الخروف خف قبل ما نبعت نشترى

العلبة التانية

الحمد والشكر لله

ذكريات كتيرة اوى ممكن الواحد يفتكرها

ودا جزءمن الرصيد اللى بتعطيه
الأسرة لأولادها

بعد كده

ذكريات وتجارب وخبرات

يستعين بها الأولاد

فى حياتهم بعد كدهـ
******
معانى الكلمات:
الأروانة:طشت صغير:)
الخرزانة:عصاية رفيعة بتوجع موووت
سجاير بلمونت:ماركةسجاير للناس العادية
بيليه:لاعب كرةبرازيلى ماتقوليش بقى:)

:::::::

تدوينة قديمة
فى صعبان على حالنا
نمر ون
لكنها عزيزة عليا
اوووووووى
وكمان لا بيروح
عليها الزمان ولا بيجى
زى ما بيقولوا
قلت احطها النهاردة
ومرة تانية
كل لحظة وأنتم بألف خير