Tuesday, November 30, 2010

.....أجـــازة عــــارضة......

كل يوم الصبح وبمجرد
ما أصحى من النوم
وبعد ما أحمد
ربنا سبحانه وتعالى
أنه رد لىّ روحى بعد ذهابها
اقعد
أفكر



أفكر
أفــكر
أفــــــكر
أخد اجازة عارضة النهاردة؟
ولو طاوعت نفسى يبقى حأخد
يــــــــ365ـــــــــوم
عارضة فى السنة!!ودا طبعا ممنوع
لكن ادينى بضغط على نفسى
والنهاردة أخر يوم فى الشهر
قبل الأخير من السنة
وباقى لى 3أيام عارضة
صحيح لسه فيه شهر بحاله جاى
لكن ياسادة حسب قوانينا الإدارية
"العظيمة"
"العظيمة"
"العظيمة"
ممنوع ممنوع ممنوع
تاخد عــ3ــارضة فى شهر واحد
وبالتالى أخد النهاردة
والشهر الجاى يحلها الحّلال
نهاركم أبيض
ويومكم سعيد
وحياتكم بخير
أيووووة صحيح أستنوا
فكروا فى الفزورة دى
وقولواالحل أيه؟


30 comments:

Unknown said...

صباح الفل
على الكـــل

الشاعر الفنان أحمد فتحى فؤاد said...

NORAHATY

صبح الخير و السعادة

أخيرا فتحتى التعليقات ؟

الحمد لله رب العالمين

قانون الأجازات فى بلدنا الحبيبة .. زيه زى كل حاجة.. ماشى بالبركة

تعالى شوفى القوانين بره عاملة إزاى

و مش هاقولك فى أوروبا و اللا أمريكا و اللا حتى سنغافورة

تعالى شوفى فى الخليج

منتهى الرقى و النظام

مش ده المهم دلوقتى ... مش هوجع دماغك عالصبح

لحسن تقولى ما صدق فتحت التعليقات و فضل رغى رغى رغى
هاهاهاهاها

المهم .. أجازة سعيدة .. و صباح سعيد .. و يوم سعيد

تحياتى و تقديرى دائما و أبدا

الشاعر الفنان أحمد فتحى فؤاد said...

بالمناسبة

و لأنى فى الشغل .. مش عارف أفكر فى الحل

( بينى و بينك دى حجة البليد )
ما تقوليش لحد


تحياتى

Unknown said...

شاعرنا الفنان
الأنـسان الأستاذ
أحمد فــتحى فؤاد
صباح الورود كلها
واحدة صحبتى كانت بتشتغل
فى ابو ظبى بتحكيلى انها كانت
بتروح الدوام قبل الميعاد بنص
ساعة تقريباً لظروف سكنها البعيد وبالتالى بتعمل حسابها انها ممكن تتأخر
المهم فوجئت أخر الشهر أنهم جمعوا لها
الوقت دا ,اعطوا لها بداله يوم أجازة تصدق دى؟!

Unknown said...

وفـكر شوية
ومــعاك لأخر
اليوم ومفيناش
من حجج :):):):)
نهارك أبيض ويومك
سعــيد بأذن الله
سبحانه وتعالى

كلمات من نور said...

صباح الورد والياسمين عالناس العارضه واخدين ............الحمدلله اللي يعيش ياما يشوف و اهو فرصه ترتبي حالك ....الفزروة دي محتاجه تفكير و أنا بقالي يومين مخي بيفكر ويحلل ويتفرج على فيديوهات ولينكات وتعليقات ومدونات و جالي صداع نصفي إسمه معلش يا مصر ..حاستنى الحل بقى وينوبك فينا ثواب

الفقيرة إلى الله أم البنات said...

حبيبتى الجميله
اجازة طيبه
كنت بعمل كده كل يوم زيك لما كنت بشتغل وكمان ايام المدرسة ومازالت ترودنى نفس الفكرة علشان منزلش البنات المدرسه وأنام ..زبس نوم ساعه واضيع بقيت اليوم لالالالالا
اضحى بالساعه مقابل الكنز الاكبر

بخصوص الفزورة استنى هافكر

Unknown said...

كلمات من نور
وصباح الورد
ياأم الأبناء
نهارك فل بأذن الله
صداع الأنتخابات وما صاحبها
أنتى حتقوليلى :ربنا يحلها من عنده
والحل سهل وبسيط وبصراحة
يغيظ كمان:)

الفقيرة إلى الله أم البنات said...

عادى كانت موجوده تحت بيضه منهم واللى عد البض مأخدش باله
هو حل رزل علشان الحل المنطقى مش عندى وانا صدااع

Unknown said...

أم البنات
أم الجميلات
لأ اجازة ونوم
لا يجتمعان عندى او معايا !!
اجازة يعنى صحيان من بدرى لأجل ما أحس بيه لكن وللأسف بيخلص زى أى شىء ما بيخلص.وفكرى على راحتك ورانا أيه؟:)

Unknown said...

حبيبتى أم البنات
لأ مش مضبوط لكن معلش
علشان الصداع روحى ارتاحى
وتعالى تانى احنا فاتحين طول اليوم:)

Dr Ibrahim said...

صباح الخير يا دك
انتى جايبة الفزورة دى منين؟
مهياش على جوجل:)

Unknown said...

دكتور إبراهيم
حمد لله على السـلامة
يـارب تكون موفق فى
الأمتحانـات والدراســة
أما الفزورة فأنا جيباها من
:
:
:
:
:
:
:
:
:
:
:
:
لأ معلش مش حأقولك
فكر شوية وحلها دى سهلة خالص:)

شمس النهار said...

ااااااااازيك
يارب تكوني بخير

وكل سنه وانتي طيبه وبخير وسعاده
صحيح بعد العيد بكتير بس كل يوم يعدي علينا بصحه وستر وطاعه انا بعتبره عيد

:))

Unknown said...

شموووووووسة
الـلى منورانا
وكـل لحظة وأنتى بخير
عمر المعايدة والسلام
مـا يتربطوا بوقت أبدا
كــل لحظة وأنتى بألف خير

AHMED SAMIR said...

هو انا الحقيقة مش عارف حل الفزورة
الواحد شكله كبر و محتاج فيتامينات لتقوية المخ و التفكير
بس عموما
كل سنة و انتي طيبة و عقبال 1 يناير لما ينزل لك رصيد اجازات جديد
تحياتي

maxbeta3zaman said...

Ana baka lakait 3andy 16 days still spare as a holyday + 3eed Adha & being zahqan we tahqan 3al aakher I took ba3dy & got an invitation to Canada to see how it is like to live in snow!! so as not leave a single day (3arda wala Marda ) for those kaza kaza people >>so get all the days off wehenever you can >>>it is a 3alam betengan .

خواطر شابة said...

مبروك الاجازة بس الاهم انك ترتاحي فيها او تستغليها في شئ بتحبيه
بالنسبة لحل الفزورة انا حأستنى الحل عندي حالة خمول دماغي مخليني عاوزة كل حاجة على اجاهز هههه
دمت بكل الود عزيزتي

-_- said...

تقريبا حلها من النوع المستفز .. صح ؟

هتلاقيه حل سهل في الاخر ... مثلا الست اشخاص كانو 5 رجالة و امرأة
كل واحد اخد واحدة يعني الخمسة رجال اخدوا خمسة بيضات و فضلت واحدة بتاعة المرأة


يكفيني شرف المحاولة يا دكتورة

!!!!!!!!

-_- said...

اختي الصغيرة بتقولي ان حلي غلط

!!!


حد يصححلي بسرعة مش عايز منظري يبقى وحش قدام اختي الصغيرة

TIMMY !! said...

بتفكريني بنفسي أيام شغلي الأولاني
كنت بتلكك علشان ما أروحش
لكن أنا ما كانش عندي عارضه
كان كله بالخصم
و يوم ما رفدوني من كتر غيابي كنت فرحان جداااااااا بجد :)
للأسف لو الواحد مش بيحب شغله بيبقى على قلبه زي الجبل ,

و بالنسبة لحل الفزورة
فآخر واحد أخد البيضة بالسلة معاها فوق البيعة :)

salma mohamed said...

عيشي اجازتك يا دكتورة بالطول وبالعرض
اعملي كل اللي نفسك فيه،
بجد احلى حاجه ان الواحد يفضي نفسه شويه ويخرج من الروتين اليومي ويعمل اي حاجة جديدة :)
----
وحل الفزورة أظنه زي ما تيمي قال والله أعلم.

khaled said...

الحل ان اخر بيضة فضلت في السلة وأخر راجل أخد السلة بالبيضة الأخيرة
أي خدمة

ليس فقيرا من يحب said...

ازيك يادكتورتنا الجميله

الحمد لله انك بخير

عقبالى يارب لما يجى يوم

وافكر انى اخد اجازة عارضه

والله انتو فى نعمه اللهم لاقر ولا حسد

الواحد تعب خالص من البطاله

الفزورة ثعبه اووى ياميس

Maha Shahen said...

اكيد واحد اخد واحده بالسله ههههههههههه
هديه مقبوله

انا لسه صاحيه من النوم وجعانه ومش هفكر دا اكيد
ساعات بستغرب الناس ازاى تصحى تفكر انا اعرف الفكر بيجى قبل النوم لكن بعده اكون خلصت كل التفكير فى الاحلام

بحتار ساعات من موضوع تخليص الاجازات قبل نهاية السنه
احنا كمصريين لازم ناخد حقنا كامل متكامل امال

افتكر ايام الدراسه برضو كنت احب اغيب الشهر بتاعى الا يوم مينفعش شهر كامل والا اترفد ههههههههه
لازم الواحد ياخد حقه ويدى للدوله حقها برضو

لــــ زهــــــراء ــــولا said...

ربنا معاكِ يبقى انتي مش بتحبي شغلك
او فيه ناس تقيلة على قلبك هناك مش حابة تلمحي طرف خيال ظلهم
بتفكريني بحد اعرفه
لولا

Anonymous said...

السلام عليكم
ازيك يادكتوره

هو فيه حد يكره الاجازه
على فكره الاجازه مهمه جدا
لاننا لو ماستريحناش مش هانعرف نكمل ونطلع احسن ما عندنا
بس الاجازه تكون اجازه
بمعنى مش اقعد طول النهار افكر فى الشغل

اما باه عن الفزوره
فانا مش هافكر فيها حتى
قبل ما اعرف هاخد كام لو جاوبت عليها
معلش
ابجنى تجدني

ربنا يكرمك ويسعدك

فكرة من الزمن ده said...

ربنا يتقبل منك ويرزقنا الحج
ويرزقك كل ما تتمني
وكل عام وانتي بخير
تحياتي

وفاء بركات said...

هوه اللي بنعملة في الناس حيطلع علينا ولا آيه
سته بيضة وسوست أشخاص كل لاواحد خد بيضه إتفضل بيضة طب إزاى !!!!!!!!!!!!!!!؟
وانا في حيص بيص رد أبو العيال وقال لما كل واحد اخد بيضه السله فيضيت وبقت بيضه انضف من الصيني بعد غسيله
آيه رأيك في حل الحاج محمود صح ولا خطأ
أما بالنسبه للأجازات أجزى و‘ستمتعي بيوم مريح يوم طلعت معاش مبكر طلع عليه يومين زياده خصموهم مني وبسم الله مشاء الله زمايلي صرفوا آلافات لكن ولو انا المستفيده ريحت نفسي وإستمتعت
...
والف مبروك علي الحج وربنا يتقبل إن شاء الله ويخليلك أخواتك وأولادهم وكل حبابيك
ويخليك لينا يانبع المحبة ياأم قلب أبيض زى الفل
دمت بخير

وفاء بركات said...

أخبارك آبه ياقمر قافلة التعليقات ليه
وبقالك كتير مكجتيش عندى .. صحيح انا متوقفه دلوقتي عن الكتابة علشان في شوية مشاكل صحية
لكن يهمني قوى وجودك عندى ربنا ميحرمني من سؤالك عني
وكنت عايزة أسألك عن الدكتور وائل أخباره ايه له مدة مدخلش مدونتي وانا من فتره كنت عنده وجدته متوقف غن التدوين
لأألأعذريني لو فيه أخطاء ‘ملائية لأن موضوع عيني رجع تاني
كفاك الله شر المرض وأنعم عليك بالصحة والعافية

Post a Comment

قول ولا تجرحـش