Thursday, December 31, 2015

...ليلة ميلاد العام الجديد ...

4 comments
 الشركة اللى كان
زوج اختى بيشتغل فيها
كانت بتعمل لازمن ولابدن حفلة
يوم 31ديسمبر
وكانت بتعزم
كل الموظفين
وزوجاتهم
وكانت اختى وزوجها بيحضروها
كان ممنوع اصطحاب الأطفال
!!مش مشكلة
الحمد لله دادة ام نادية
وطنط خالتهم موجودين
ايووووة
 انا

المهم كنا ماشين على نظام
كل واحد يجيب 
خمسة جنية من سكات☺☺☺
ونبعت نجيب
لب وسودانى وحمص
وجاتووووه
وفينو بسمسم
وازازة بيبسى كبيرة
وكيلو سميط بسمسم
ايووووة كل حاجة بسمسم
☺☺☺
ونبدا الحفلة
كل واحد ياخد حتة جاتوه
وساندوتش جبنة نستووون
وساندوتش فراخ بانية
وكبشة حمص و لب وسودانى
وكوباية بيبسى
ونقعد بقى نتفرج 
على الفيلم المقرر علينا
كل راس سنة
فى التلفزيون
هوووم الووون
الصراحة الأولاد
سواء صبيان او بنات كانوا هادين
اووووووى
ومش بتوع مشاكل
ونادرا ما كانت بتحصل مشكلة
وتعدى الليلة على خير والكل مبسوط

Wednesday, December 30, 2015

...محمد رســـول الله...


صَلَّى اللَّهُ عَلَيْهِ وَسَلَّمَ


صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ


صَلَّى اللَّهُ عَلَيْهِ وَسَلَّمَ

صَلَّى اللَّهُ عَلَيْهِ وَسَلَّمَ

Monday, December 28, 2015

...الشاى باللبن:مواضيع منقولة...

0 comments

الشاي بلبن
 
الشاي بلبن مشروب عمره ما ادّعى حاجة مش فيه... عمره ما قال إنه هيفوقك زي القهوة والنسكافيه، ولا هو مهدئ وبينيم زي أي أعشاب، هو مدرك أنه مشروب وسيط مهمته يخليك متقبل للحالة اللي هتدخل فيها سواء كانت بداية يوم، شحن طاقة ف نصه أو استعداد للراحة والنوم. ببساطة هو مبيخلقش الحالة بس بيساعدك تتقبلها.
الشاي بلبن مشروب هادي ومتقبّل لأي حاجة تانية جنبه، عمره ما كان متباهي ولا فرض طعمه على أي حاجة بتاكلها معاه وشوهها، بالعكس ده بيسهل استمتاعك بكل حاجة جنبه.
الشاي بلبن هو دفا صبح الشتا، السهر مع قرايبك للصبح لحد ما جدتك تصحى وتفطروا مع شاي بلبن، هو حضن طويل من غير ولا كلمة بس بيقول كل حاجة، وهو صاحبك الأصيل اللي لو مشفتوش لسنين يفضل أكتر واحد فاهمك وحاسس بيك. 
مشروب بسيط كده مش محتاج تكليف ولا تعقيد ولا تجهيزات، حد أكيد كان زهق من طعم الشاي لوحده وجرب يحط لبن طلع مشروب عظيم بقى مصدر سعادة لكل الناس. 
صباحكوا شاي بلبن .

الكاتبة

S
alma Karem





موضوع عجبنى على الفيس بوك

انا صراحة كتبت كذا مرة
عن الشاى باللبن دا
من حبى فيه
وتأثيره عليا
الصبح
لكن اعترف
ان كتابتها
هى
احلى
وما يمنعش
احط االرابط للى كتبته هنا
واللى يحبوا يتفضلوا يشووووووفوه

-1-
مدام فهيمة الحكيمة



-2-
والتقينا

وبستأذن نقفل التعليقات المرة دى

Thursday, December 24, 2015

...اكتشاف مهم...

9 comments
على فكرة
انا اكتشفت إكتشاف
مهم اوووووووى
ايه هو؟
اقولكم
تعالوا معايا
؟
؟
؟
؟
؟
؟
؟
؟
؟
؟
؟
؟
؟
؟
؟
كفاية كدا؟
؟
كفاية كدا
المهم اكتشفت
ان عفوووووا
((( الحمام )))
هو روح البيت وعماده
وأنك ممكن تستغنى عن أى
حتة فى البيت وما تستغنى
عنه
وان أهل زمان لما كانوا
 بيسموه بيت الراحة 
كانوا فعلا صادقين
وصح الصح 
كماااااان
وأنهم عفوا لما بيحطوا
للمسجون
اللهم احفظنا
(تواليت )
لو سجن اجنبى
أو عفوا
( جردل)
فى الزنزانة
بيبقوا بيحطوا 
شىء من أساسيات الحياة
؟
؟
؟
بقول الكلام
دا من واقع تجربة
أليمة
مريرة
مريرررة مثل العلقم
أعيشها حاليا
( عندى إصلاحات بالبيت)
وربنا يسهل وتخلص بقى
يااااااااااااااااااااااااااااارب

Friday, December 18, 2015

...حكم القول جمعة مباركة...

8 comments
أراء الفقهاء والعلماء
 متعددة وكثيــــــــرة
فمنهم من حرمها
على وجه الإطلاق
لأنها لم تكن موجودة
ايام الرسول صلى الله عليه وسلم
او الصحابة والتابعين
ومنهم من اباحها
على اساس
انها تحية بين الناس
ليس فيها شرك بالله
حاشا لله
ولا ادعاء على الرسول
بأنها من أقواله صلى الله عليه وسلم
المفيد
والخلاصة
للى ممكن ما عندهم وقت
 يشوفوا الفيديوووووووووووون
او الفيديوووون ما يشتغلش عندهم
او شغالين على باقة من باقات لأنترنت
والفرجة على اليوتيوب حتضيع الرصيد
الخلاصة
انه ليس حراما قولها
هى تحية بين الناس
طالما اننا لم نقل
انها سنة عن
 رسول الله
صلى الله عليه وسلم
(وهذا راى احبه)

Thursday, December 17, 2015

...العيادة....1

5 comments


لما فتحت العيادة
فى شقتى
كانت عبارة عن اوضة فى الشقة
لها باب على السلم
وبالتالى
الداخل والخارج منها
ملهوش ان يدخل الشقة
وزى ما قلت قبل كده
وبصراحة
لا جبت ممرضة ولا تمرجية ولا فراشة
ليه؟
حيقعدوا فين؟ وامتى؟ ومع مين؟
زباين العيادة كانوا سكان الشارع فقط
او اقارب سكان الشارع
لما ربنا سبحانه وتعالى يشاء بالشفاء لحد فيهم
فيذكرنى عند قريبه او حد من اصدقائه
ويجى معاه او يقوله عليا
ومعظهم ان لم يكن كلهم
لا يلتزموا بميعاد العيادة
(!!مش دا بيت حضرتك برضه)
المهم
كان ليا زميل فاتح فى بيته زيي بس كان فى الدرب الأحمر
اشار عليا انى لازمن ولابدن
 !!العيان يكون خف
اوعلى الأقل يكون استريح قليل قبل ما يسيب العيادة
طب ودا يحصل أزاى يافلان؟
هو سحر ولا شعوذة
قال اديله اى حاجة عندك
من العينات المجانية اللى بتيجى لك
واتكلمى معاه حبة عقبال ما الدوا يشتغل
المهم ماكذبتش خبر
وكنت فعلا دايما محضرة دورق الميه
والعينات المجانية فى العيادة
وزدت على كده
جبت شوية حقن
مضادة للتقلصات
او مسكنة
او فيتامينات
وبقيت اديها للمريض قبل ما ينزل
بحيث عقبال ما يروح بيته
يكون الوجع او الألم خف شوية

وللأطفال الصغيرين العيانين
جبت مصاصة ولبان وملبس
برضه بقيت افرقهم عليهم
الأمور مشيت عادى والعيال الصغيرة
اللى كانت بتيجى لتانى مرة او تالت مرة
كانوا بيبقوا قاعدين مستنظرين افتح العلبة اللى فيها الملبس
الحال مشى والحمد لله
بس فى يوم من الأيام وكنت فى زيارة منزلية
ولسه حاخرج من باب العمارة
لقيت واحدة
عفوا
بترقع
"بالصووووووووت الحيانى"
اول شىء خطر ببالى ان العيان بتاعى مات
يا لهوووووووووشى
طب وبعدين حيقولوا انى انا اللى موته
بالدوا اللى اديته له
وحيسيبوا
كل الأمراض اللى كانت عنده
ويمسكوا فى الحباية اللى
الضطتورة اديتها له
مش حاكذب عليكم
روحت البيت وانا حالتى حالة
وبقيت مستنظرة البوليس يجى فى اى وقت
او حتى استدعاااااااااء من القسم
لكن الحمد لله
طلعت ان الصويت جاى من شقة تانية
والعيان بتاعى صاغ سليم
لكن اتعلمت وحرمت
ما ادى اى دوا لمريض
ابداااااااااااا
ولا اى حلويات كمان
للأطفال
الحقن
 بقيت أكتبها فى روشتة
واخلى اهل العيان يجيبوها

كنت بانتظر 
اعطها له بالمرة
بس لقيت انه افضل
يجيبوا الحقن ويخلوا حد يعطيها له
والأطفال استبدلت الحلويات
بالالعاب
 اقلام رصاص او الوان وبلالين وزمامير  وخلافه
ومابقتش اديها لهم الأ وهم مخلصين الكشف
ومروحين خلاص
(هو انا ناقصة وجع دماغ)
فعلا الحياة تجارب
واللى ما يتعلمش من تجاربه لا يلوم الأ نفسه







ليا تجربة فى إطعام الطعام للغرباء

(وهى مكرمة وفضيلة كبيرة على فكرة)
!!!
ولكن 
اه من لكن دى
اقووووووولكم
نخليها لمرة تانية
والحمد لله على
جميل ســتر ربنا 
علينا وعلى عباده

اجمعين

Tuesday, December 15, 2015

دآ انا مستاذن تلت ساعة...

6 comments

فى بــلدنا
كل حتة فيها طابور
لازمن ولابدن تلاقى واحد يطلعلك ويقولك
معلش اصلى مستأذن ربع ساعة من الشغل
!!ولو كانت الساعة 3بليل
وكأنه عذر مقبول توافق عليه
لكى يحصل هو على دورك
لا يكفيه انه تارك عمله
ان كان حقا يعمل
وبيقضى لمصلحته
فى الربع ساعة هذه
لا وكمان عاوزك تعتبرها حجة مقبولة
تشفق عليه بسببها
اهو دا بقى
اللى باسميه انا
عذر اقبح من ذنب
!!!!



Sunday, December 13, 2015

...نـــــــذالة...

6 comments
نذالة إنســــــــــــان!!

نذالة زوج

لجأ زوج إلي حيلة شيطانية ماكرة
عندما أراد أن يخلي مسئوليته عن أبنائه الثلاثة الصغار
بعد وفاة زوجته وذلك بالزواج من شقيقتها‏
وبعد أن اطمأن لوجود صغاره في حضن خالتهم
فر هاربا بلا عودة‏!!
الزوجة تقدمت برفع دعوي نفقة لمحكمة الأسرة
وروت مأساتها مع الزوج المخادع
الذي دأب علي إلقاء مسئولية صغاره علي شقيقتها قبل وفاتها
وبعد أسابيع من زواجهما
حتي فوجئت
بهروب الزوج
دون أن تعلم بمكانه‏.‏
(ولاحول ولا قوة الا بالله)

Wednesday, December 9, 2015

تدوينة سنوية أنا عندى زكاااااان.....

12 comments

زى كل سنة
الزكااان وصل
والحمد لله
من الحاجات اللى افتكرها
للعيانين مرة كنت عفوا

( بنف ف ف ف ف ف)
داخل عيان بيسال مالك يادكتورة؟
قلتله عيانة شوية
رد :هم الدكاترة بيعويوووا
انا صراحة سكت حارد اقول ايه؟
اللى ردت الحكيمة
اه بيعويووا طبعا


من اللى بيشوفوه

 
ومرة  افتكر رجعنا 
من إجازة عيد أضحى او عيد الفطر
وكانت طويلة شوية
لان (لضم )فيها
اجازة شم نسيم أو عيد عمال
مش متذكرة اوى
المهم
رجعنا فوجئنا بزميل عزيز لنا
توفى فى حادث فى قريته
الراجل كان فعلا نعم الأنسان والزميل
انا وزميلتى لما سمعنا الخبر
هااااااااااااتك ياعياط




جه عيان
فسأل
خير فيه ايه؟
قالتله زميلتى
دكتور فلان مات
قعد العيان يقول
الله يرحمه
!دا كان راجل امير
!دا كان دكتور شاطر
!دا كان انسان بمعنى الكلمة
وقعد يتصعبن
ويمصمص شفايفه
ويقول ويعيد
وبعدين








طب قيسيلى الضغط بقى


Monday, December 7, 2015

...الأستاذ مسعود جارنا...

8 comments


الاستاذ مسعود جارنا
مسكين سمعه تقريبا
شبه ضايع تماما
وبيصمم
انه يسمع
 مسلسلات التلفزيون
والأخبار والبرامج الحوارية
طبعا بيبقى معلى صوت التلفزيون جدا
لاجل ما يسمع
ايام ما كانت زوجته الله يرحمها عايشة
وكانوا باقى جيران الدور يشتكوا له
من صوت التلفزيون
كان يتحجج
ان الحاجة زوجته
تعبانة ونايمة فى اوضتها
 وبتتونس بصوت التلفزيون العالى
اللى فى الصالة
!!!
المهم
الست ربنا رحمها من المرض والألم
اللى هى كانت فيهم
وماتت
وفضل صوت التلفزيون
عالى
ومحدش طبعا حاول يسأله
ليــــــــــــــــــه؟
المهم
من كام يوم لقيت صوت كلب
جديد فى البيت
أأأأأأأأيه دا يا رجبنا بوابنا؟
قال
دا ابن الاستاذ مسعود جاب
كلب لأبوه علشان
!!يونسه
بقى الكلب يهوهو
والقطة
(اللى مش لاقيه عيالها )
تنونو
وانا  فى النص حنفجر من الغيظ
حسبنا الله ونعم الوكيل

Wednesday, December 2, 2015

....امومة....

0 comments

لثلاثة ايام متوالية
تأتى فتنادى على اولادها
تاتى مرات عديدة
تنادى بصوت اقرب الى
البكاء منه الى المواء
كما هى الأن
ولا من مجيب
نداءتهاالمتوالية
جعلت بعض المحيطين بها
يتألموا  لحالها
وقاموا بالبحث لها عن اولادها
ولكن وعلى ما يبدو
انهم ضاعوا
او
قتلوا
ومازالت تاتى
هى قطة
حيوان كما يقولون
ولكنها ام
اللهم صبر كل ام فقدت
ابنها وليدا كان او شابا
اللهم صبر امهات الشهداء
والمصابين والمعتقلين
والمختفين قسريا
اللهم امين
يارب العالمين