Friday, January 31, 2014

0 comments

يابختك أنت ياعم
هايس فى الســـــــفريات والبدلات
والمقابلات والتصريحـــــات
وأســـــــــــــــال الله أن
تكلل جـــــــهودك
 هذه المـــــرة
وكل مـرة
 بالنجاح
يارب
!!لأجل الأطفال والكبار
(وحلال عليك البدلات)


الأخــــــــضر الإبراهيمي
!!الثمانينى المتخلى عن تقاعده

Tuesday, January 28, 2014

...أشيـــــــــــــاء نسيتهــــــا....

4 comments


الكعب العالى
أهـــ كم  كنت أحبه
وكم كنت أحب طرقاته على الأرض
ولكنه صار ماضى وأنقضى
اهـــــــــ





العطـــــر!!

ارتعبت من حديث رسول الله
صلى الله عليه وسلم
(
أَيُّما امُرَأَةٍ اسْتَعْطَرَتْ ، فَمَرَّتْ بِقَوْمٍ لِيجِدُوا رِيحَها ، فهي زانِيةُ)
حين سمعته اول مرة
فأمتنعت عنه بتاتا
لا أشتريه ولآ أهديه
كم أشتريتو
 وأستعملت وأهديت واُهدى الي
!! هى
أيام

الضيق 
من الملابس
انتهى
 نهائى بالطبع


القصير من الثياب
بالطبـــــع أنتهى




المكياج
أنتهـــــــــــى


الأحزمة



الشخلاليل والخلاخيل


الصوت العالى


وكفاية كدا
طبعا فيه تصرفات وحاجات
الحمد لله بطلناها برضه
بس كفاية كدا المرة دى




الأستاذ اللى مراقبنى
لسه مراقبنى:)
أهــــــــــــــــــ
يلا ما علينا :)






لأ ايه أنضم له
حـــــد من كندا
بيونسه :):):)
ربنا يستر :)




Monday, January 27, 2014

.... فيه حد مراقبنى :مــــــن أنـــــــت ؟؟؟....

6 comments

أحدهم ظل فى مدونتى
ينتقل من هذا الموضوع
الى ذاك
وما يجعلنى أعتقد
انه بشر وليس ماكينة مثلاً
انه يستغرق اوقاتا مختلفة
بين كل موضوع وأخر

لا أدرى أهو صديق
ام عدو ؟
من اعرفة بأمريكا
!!!لا يقيم فى واشنطن
وتابع كل المواضيع السابقة
وقاطع بلوجر من زمن
يأسا من حالنا
فلا أعلم 
هذا الضيف الكريم لما بقى
كل هذا الوقت فى المدونة
بدأ الزيارة أمس الساعة
18:22:13
وانهـى الزيارة الساعة
(صراحة هو ما انهاش الزيارة !!
أنا اللى قفلت لانى كنت تعبانة أوى)
22:51:22
ونمت
على العموم أهلا وسهلاً به
!!!
استكمل الزيارة اليوم
راح يتغدى


و الحمد لله
اتغدى ورجع
مازال موجوداً







عاوزة اقولكم انى بأحب
اتفرج اوووى على حلقات
الجرائم وكشفها وكدا ياعنى
من أيام المفتش كولومبو
خلوا بالكم كولمبو
(بيتر فولك)
لحلقات الـ
C S I
سواء ميامى أو لاس فيجاس أو نيويورك
حتقوللى بجد!!دا انتى فايقة ورايقة بقى
حأرد الحمد لله على كل شىء

Sunday, January 26, 2014

..انا تعبانة اوووى ....


نزلة برد شديدة
لبستنى أذ فجأة كدا
دشتشت عظامى وقلبت
معدتى أكتر ما هى مقلوبة
حأقول أيه؟
الحمد لله رب العالمين

Friday, January 24, 2014

...إن كنت ناسى أفكرك2

0 comments


كــــــــــــــــــان
نفسى الأ يحدث هـــــــــذا
مرة أخــــــــــــــــــــــــــــــــــــــرى
ولكن أعداء الحرية حاربوا هذا


Tuesday, January 21, 2014

غبـــــــــــــــاء أم دهــــــاء:قرار ملك ماليزيا

0 comments

أدى القرار
صراحة القرار 
لــــــــــفت نظـــــــرى
او سمعى بــــــالأصح
لما سمعته بالنـــــــشرة
لــــــــــــــيـــــــه؟
هو حرام ان غير المسلم  يقول الله
اليس هذا بجالب للشقاق بين المواطنين؟
اليس هذا بجالب للمشاكل فى البلد؟



 على جنب كدا اللى أصدر القرار
محكمة ماليزية منذ عدة شهــــــــــــــور
وأيد القرار دا ملك سلطان اسمه عبد الحليم معظم
وهو واحد من تسعة (سلاطين) يشغلون منصب
ملك البلاد(دور شرفى فقط !!!)كل خمسة سنين 

Sunday, January 19, 2014

BEAUTIFUL Boy:فيلم شوووفته

4 comments

أن يموت ولدك
فهذه مــــــــأساة
أن يموت منتحراً
فهذه مأسأة ثانية
أن يـــموت منتحراً
بعد أن يقتل عـــدداً
من زملائه ومعارفه
فهــــــــذا فــــــــــيـــلم
 وكم من أمـــــــــور 

فى الحــــــــــياة
اكثر مرارة من الأفلام

Saturday, January 18, 2014

....ما أشقاها عيشة الفلاح....

2 comments

النهاردة اشتغلت وتعبت وشقيت طول اليوم..ومفيش فى جيبى جنيه".. جملة يرددها بكرى عبد الحميد هاشم، يوميا على مسامع أسرته بعد عودته من يوم عمل طويل وشاق فى "الغيط".
بكرى 63 سنة ، هو أحد صغار الفلاحين ممن يتقاسمون بضعة فدادين مع أفراد أسرهم الكبيرة. ولد فى كفر الشيخ إبراهيم بمركز قويسنا بمحافظة المنوفية لأب فلاح ليرث المهنة منذ الطفولة ويترك المدرسة الإعدادى للعمل فى الأرض.

ورغم أهمية القطاع الزراعى فى مصر فهو أحد ضحايا إهمال الفلاحين وتراكم مشكلاتهم لتتدهور أحوالهم كل يوم كما يقول عم بكرى. "الزرع لا يدخل دارى إلا نادرا ..الخير كان موجود..دلوقتى حياة الفلاح صعبة جدا.. مش قادر يزرع ..كل حاجة غالية نار من أسمدة وتقاوى وكيماوى حتى أكل البهايم ..ماعدا المحصول هو اللى رخيص..العجل اللى بـ15 الف اصبح بـ 8 و9 آلاف ..غير  الأمراض التى تهددها كل يوم سل وحمى ولا أحد ينجدنا".

مشكلات كثيرة يعانى منها الفلاحون منذ عدة سنوات لكن العام الماضى هوالأصعب كما يقول بكرى "ما شفتش يوم يسُر خاطرى" ..

يروى بكرى معاناة حياته اليومية فى ظل عدم توافر امكانات الزراعة ولهيب أسعارها: "الجمعية الزراعية لا تعطينا سوى 3 شكاير سماد للفدان بحوالى 60 جنيه..وفدان الغلة (القمح) يحتاج من 7 إلى 8 شيكارة نشتريها بضعف الثمن ..ولا يعطونا أسمدة للبرسيم رغم أهميته كغذاء للبهايم..الأرض مصاريفها كل يوم ..التقاوى..المبيدات ..والرى..مفيش سولار..علشان أدور المكنة للرى، أدفع 12 جنيه فى الساعة.. غير أجرة العمالة اللى مش لاقينها"


عم بكرى لديه 3 بنات وولدين أكبرهم محمد متزوج ويعمل بأحد المصانع فى ورديات يهرول بعدها لمساعدة والده فى حين يحمل الأب هم زواج البنات ودراسة عبد الحميد، الإبن الاصغر.. يبدأ يومه فى الثامنة صباحا بالإفطار الذى تعده زوجته أم ماجدة – المحرومة دائما من حق الراحة- ..حليب طازج ..ورقاق من الحليب والسمن والقشطة..وجبة، تمكنه من تحمل مشاق عمل اليوم الذى يبدأ بتجميع البرسيم من الأرض وحمله لإطعام البهائم ..ويستمر حتى تبدأ الشمس فى المغيب ..مابين أعمال الحرث والرى والرش والحصاد بحسب الموسم ، يضاف إليها العناية المستمرة بالمواشى. عمل مستمر لا يتوقف إلا للصلاة أو الطعام رغم سنوات عمر بكرى ومرضه.."الفلاح ما عندوش دخل..لو ما اشتغلتش مش هناكل..والبيت محتاج مصاريف"
يعود بعدها إلى منزله لمتابعة نشرة أخبار التاسعة التى يحرص عليها "علشان أعرف أخبار البلد.. يا خسارة على مصر..كانت أحسن بلد.. وكأنه مفيش ثورة حصلت. بعد الانتخابات البلد هديت..بس لما الناس ملقتش حاجة حصلت رجعوا الشارع تانى.. محدش مهتم بالإنتاج ولا بالفلاحين لا جمعية زراعية ولا إرشاد زراعى والمحصول اللى ببيعه، فلوسه ما بتباتش فى البيت.. لأن الأرض مصاريفها كتير وسعر المحصول لا يساوى تكاليفه.. وكأنه محرم على ان يبقى فى جيبى جنيه واحد..الغلا بياكل المحصول..وقالوا ح يرفعوا الديون على الفلاحين حتى 10 آلاف جنيه لكن " شالوا بس الفوايد" ويستنكر: " الخلق ح تبيع الأرض".
 
وتتدخل ابتهال زوجه ابنه: "الفلاح يشيل من الزرعة ويحط فى الزرعة الثانية ..لكن بقى صعب علينا نصرف على الأرض.. ودلوقتى كتير بيفكروا يبيعوها.. المواشى كمان ادمرت والطيور.. تصيبها الأمراض وتموت ويأتينا الأطباء دون جدوى. ولو فكرعم بكرى يبيع أحد العجول التى تكلفه حوالى 700 جنيه شهريا لإطعامها من برسيم ودشيش وردة لتزويج إحدى بناته أو لضرورة العلاج ..لا يزيد سعره عن 8 آلاف جنيه.. فى حين يصل كيلو اللحم ل60 جنيه..ازاى يقدر يعيش؟ وتتعجب: الفرح أصبح عند الفلاح هماَ..عم بكرى مهموم وحزين لأن إبنته  تمت خطبتها.."لازم أجهزها زى باقى اخواتها".
يعيش اليوم بيومه ويصرف على المحصول وفى آخر السنة  لا يجد ما يصرف به على احتياجات أبنائه أوعلاج ما يصاب به من أمراض. " مليش معاش ولا تأمين صحى واضطررت لبيع إحدى البهائم لإجراء عملية المرارة".
لكن رغم كم التحديات يرفض عم بكرى فكرة بيع الأرض ويعتبرها عارا : " دى حياتنا ومصدر رزقنا لكن لو استمر اهمال الفلاحين كده نور(حفيده) أكيد ح يبيع، وتستطرد أم نور:
"اللى معاه فلوس هو اللى عايش..والنهارده التجار هم المستفيدون وبيدوسوا على الآخرين..ومنهم الفلاح الذى أصبحخفير الشعب..وتتساءل لو الفلاح بطل انتاج وباع أرضه مين ح يأكلنا؟
تفاقم مشاكل الفلاح وتراكمها يهدد بقائه بل يهدد الزراعة المصرية ويزيد من فاتورة استيراد الغذاء..ويحوله هو الآخر من صفوف المنتجين إلى المستهلكين..فهل من مسئول؟
==================== 


موضوع قديم نقلته من الأهرام 

ولا أتذكر التاريخ صراحة
ولكنه مستمر إستمرار
!!!إستمرار الحياة

Friday, January 17, 2014

...إن كان الأمر أمرى....

8 comments




أحبــُــــكم فى الله
أحبُكم فى الله
أحبكم فى الله
أحبُكم فى الله
أحبُكم فى الله
 
أحبُكـــــــــم فى الله
أحبُكم فى الله 

أحبُكم فى الله 
احبُكم فى الله 
أحُبكم فى الله
إن كان الأمر أمرى
أو كان فيه شىء بـــــيدى
لكنت انتصرت لكل المظلومين
 شفــــــــــــــــــيت كل المرضى
لكــــنت اشبعت كل الجائعين
لكنت ارحت كل المـــــتعبين
لكنت أسعدت كل الأطفال
ولكنت هديت كل الضالين
لكنت حررت كل المأسوريـن
ولكنت أغنيت كل المحتاجين
ولكنت أفرحت كل المعوزين
ولكنها إرادة الله
أن يجعل هذا
فيصبر
ويجعل ذاك
 فيشكر
 

Thursday, January 16, 2014

!!!المسألة صعـــية...لكنها فى غاية البساطة

14 comments

المسأله صعبه...
لكنها في غاية البساطه...!!

المسأله :
عروش...تعلوها كروش..

واللي ما عنده عسكر..
كرامه ....مالوش..

يا شعب ثاير ...
عندك ....كرامه؟؟
عندي ...جيوش..

ربيع عربي....!!!
ههههه.....
الملعب ملعبي..
ديمقراطيه...لا تلعبوش...

تلعبوا؟؟؟!!
اللعب اصلا حرام..
حتى الحلم..لا تحلموش...

ترفع راسك..يا مواطن؟؟؟!!!
لا ...لا.. ما ترفعوش..

عرشي... حصن...
بدك تعيش....
ما تقربوش....

وإن جد الجد....
وصرتوا علي خطر...
أخلي شوارعكم دم...
وحبايبكم في النعوش..

أنا الحاكم العربي
أنا الخط الاحمر..
انا السبع الغضنفر..

أنا اللي يخالفني....
أبدا....أبدا...
مرحموش.....
هههههههه.....هههههه
*********

سجل..: أنا عربي....
الله يرحمك يا شهيد الكرامه

أبن الإيمان
منقول من الفيس بوك
على جـــــــنب كدا
كـــــــــام واحد عايش
وكــــــــــــــــام واحد مات
وكام واحد أتشال من الحكم؟
وكام واحد لسه (قاعد)على قلب شعبه؟

** معمر القذافى
(بصراحة قُتل)
زين العابدين بن على مات
على عبدالله صالح أتشال
حسنى مبارك أتشال
(كدا وكدا ياعنى)
(بوتفليقة لسه موجود وكل شوية
 رايح يعمل تحاليل فى فرنسا))
عمر البشير لسه ماسك عصاية المرشالية
(وفقد جنوب السودان)
عمرو موسى مشى من الجامعة العربية
(وجه لجنة الخمسين بتاعة الدستور)
الجماعة السمر مش عارفاهم صراحة
مفيش الأ بتاع زيمباوى :لسه موجود
لا استنوا :ابووووومازن لسه موجود
وبيفاوض على حل الدولتين
لو حد عارف ناس تانى يقولى
وانا اضيفهم 

Wednesday, January 15, 2014

....ياااااشارون...ياشارون....ياشارون...

0 comments
كيف كـــــــــانت
ليلتك الأولى فى القبر؟
هل رأيت ســـــوء عملك؟
هل رأيت سواد صفحتـــك؟



Tuesday, January 14, 2014

...أنـــــــا مقاطعة...

0 comments

!!أنا مقاطعة
فقولى لأ او نعم لن يخلف من النتيجة
فقد عزم من بيده القــــــــوة الغاشمة
ومن يبطش بغير خوف من الله عز وجل
ومن يسترزق من وراء الألام والأحزان لشعبنا
عزم على تمرير ما يريد
فقد سبق وقلنا ما نريد
فهل سُمع منا ما نريد؟
وهل إستجيب لطلبنا؟

Monday, January 13, 2014

...حقيقة الإحتفال بالمولد النبوى...

0 comments


مقدمة
اطلعت على بعض المقالات
التي يـروج أصحابها لفكرة
الاحتفال بمولد الرسول
صلى الله عليه وسلم
 واتخاذ يوم ولادته عيداً
ليكون ملتقى روحياً للمسلمين
 -على حد تعبيرهم-
ومحاسبة النفس على مدى الاتباع
والتمسك بالدين الإسلامي كما يزعمون..
وبالرغـم من أن هذا الموضوع قديم
وقد كتب فيه المؤيدون والمعارضون
 ولن يزال الخلاف فيه
 -الا ما شاء الله-
إلا أنني رأيت من واجبي تجلية
 بعض الحقائق التي تغيب عن جمهـور
الناس عند نقاش هذه القضية..
وهذا الجمهور هو الذي يهمني
 الآن أن أضع مجموعة من الحقائق
 بين يديه ليعلم حقيقة الدعوة إلى
الاحتفال بمولده صلى الله عليه وسلم
.. ولماذا تُرفض هذه الدعوى من أهل
التوحيد والدين الخالص والإسلام الصحيح.
ماذا يريد الدعاة
إلى الاحتفال بالمولد النبوي على التحديد؟
يصور دعاة الاحتفال والاحتفاء
 بيوم مولد الرسول صلى الله عليه وسلم
على أنه هو مقتضى المحبة والتعظيم
 لرسول الله صلى الله عليه وسلم
 وأن يوم مولده يوم مبارك
ففيه أشرقت شمس الهـداية
 وعم النور هذا الكون
وأن الرسول صلى الله عليه وسلم
كان يصوم يوم الاثنين ولما سئل عن ذلك قـال
: [هذا يوم ولدت فيه وترفع الأعمال إلى الله فيه، وأحب أن يرفع عملي وأنا صائم]
وأنه إذا كان العظماء يحتفل بمولدهم
 ومناسباتهم فالرسول صلى الله عليه وسلم
 أولى لأنه أعظم العظماء وأشرف القادة..

ويعرض دعاة الاحتفال
 بالمولد هذه القضية على أنها خصومة
بين أحباب الرسول
صلى الله عليه وسلم
وبين أعدائه وخلاف
 بين من يعظمون
الرسول صلى الله عليه وسلم
 ويقدرونه وينتصرون له
وبين من يهملونه ولا يحبونه
ولا يضعونه في الموضع اللائق به.

ولا شك أن عرض القضية
على هذا النحو هـو من أعظم التلبيس
 وأكبر الغش لجمهور الناس
 وعامة المسلمين فالقضية
 ليست على هذا النحو بتاتاً
فالذين لا يرون جواز الاحتفال
بمولد الرسول صلى الله عليه وسلم
خوفاً من الإبتداع في الدين
 هم أسعد الناس حظاً
بمحبة النبي صلى الله عليه وسلم وطاعته
 فهم أكثر الناس تمسكاً بسنته واقتفاءاً لآثاره
وتتبعاً لحركاته وسكناته وإقتـداء به
 في كل أعماله صلى الله عليه وسلم
 وهم كذلك أعلم الناس بسنته
 وهديه ودينه الذي أرسل به
 وأحفظ الناس لحديثه
وأعرف الناس بما صح عنه
وما افتراه الكذابـون عليه
 ومن أجل ذلك هم الذابون عن سنته
 والمدافعون في كل عصر
عن دينه وملته وشريعته
 بل إن رفضهم للإحتفال
بيوم مولده وجعله عيداً
إنما ينبع من محبتهم وطاعتهم
 له فهم لا يريدون مخالفة أمره
ولا الإفتئات عليه
 ولا الإستدراك على شريعته
 لأنهم يعلمون جازمين أن إضافة أي شيء إلى الدين إنما هو استدراك على الرسول صلى الله عليه وسلم لأن معني ذلك أنه لم يكمل الدين، ولم يبلغ النبي صلى الله عليه وسلم كل ما أنزل الله إليه أو أنه استحيا أن يبلغ الناس بمكانته ومنزلته، وما ينبغي له، وهذا أيضا نقص فيه، لأن وضع الرسول صلى الله عليه وسلم في مكانته من الدين الذي أمر الرسول صلى الله عليه وسلم بتبليغه وقـد فعل صلى الله عليه وسلم، فقد بين ما يجب على الأمة نحوه أتم البيان فقال مثلا [لا يؤمن أحدكم حتى أكون أحب إليه من ولده ووالده والناس أجمعين] (أخرجه البخاري ومسلم)
* وقال عمر بن الخطاب: والله يا رسول الله لأنت أحب إلي من كل شيء إلا من نفسي، فقال : [لا يا عمر حتى أكون أحب إليك من نفسك] فقـال -أي عمر- : فأنت الآن أحب إلي من نفسي، فقال: [الآن يا عمر] (أخرجه البخاري)..
والشاهد أن الرسول صلى الله عليه وسلم لا يستحي من بيان الحق، ولا يجوز له كتمانه، ولا شك أن من أعظم الحق أن يشرح للناس واجبهم نحوه، وحقه عليهم، ولو كان من هذا الحق الذي له أن يحتفلوا بيوم مولده لبينه وأرشد الأمة إليه.
وأما كونه كان يصوم يوم الاثنين وأنه علل ذلك أنه يوم ولد فيه، ويوم ترفع الأعمال إلي الله فيه، فإن أحباب الرسول صلى الله عليه وسلم على الحقيقة يصومون هذا اليوم من كل أسبوع اقتداء بالنبي صلى الله عليه وسلم في ذلك.
وأما أولئك الملبسون فإنهم يجعلون الثاني عشر من ربيع الأول يوم عيد ولو كان خميساً أو ثلاثاءً أو جمعةً.
وهذا لم يقله ولم يفعله رسول الله صلى الله عليه وسلم، فلم يثبت أنه صام الثاني عشر من ربيع الأول، ولا أمر بصيامه.
فاستنادهم إلى إحيـاء ذكرى المولد، وجعل الثاني عشر من ربيع الأول عيداً لأن الرسول صلى الله عليه وسلم صام يوم الاثنين تلبيس على عامة الناس وتضليل لهم.

والخلاصة:
أن الذين يُتهمون بأنهم أعداء الرسول صلى الله عليه وسلم ومنكرو فضله، وجاحدوا نعمته، كما يدّعي الكذابون هم أسعد الناس حظا بإتباع الرسول صلى الله عليه وسلم، ومحبته، وهم الذين علموا دينه وسنته على الحقيقة.
وأما أولئك الدعاة إلي الاحتفال بالمولد فدعوتهم هذه نفسها هي أول الحرب لرسول الله صلى الله عليه وسلم، وأول الكذب عليه، والاستهانة بحقه.
لأنها مزاحمةٌ له في التشريع واتهام له أنه ما بيّن الدين كما ينبغي، وترك منه ما يستحسن، وأهمل ما كان ينبغي ألا يغفل عنه من شعائر محبته وتعظيمه وتوقيره، وهذا أبلغ الأذى لرسول الله صلى الله عليه وسلم.
وهذه نقطة الفصل في هذه القضية، وبداية الطريق لمعرفة من اهتدى ومن ضل فيها.
فدعاة المولد
 -بدعوتهم إليه-
مخالفون لأمره صلى الله عليه وسلم
 مفتئتون عليه، مستدركون على شريعته
 ونفاة المولد متبعون للرسول
 صلى الله عليه وسلم، متابعون لسنته
 محبون له، معظمون لأمره غاية التعظيم
 متهيبون أن يستدركوا عليه ما لم يأمر به
لأنه هو نفسه صلى الله عليه وسلم
 حذرهم من ذلك فقال :
 [من أحدث في أمرنا هذا ما ليس فيه فهو رد]
 (أخرجه البخاري ومسلم)
) و [من عمل عملا ليس عليه أمرنا فهو رد]
 (أخرجه البخاري ومسلم)
مَنْ هَؤُلاَءِ؟ ومَنْ هَؤُلاَءِ؟
وهنا يأتي السؤال
 من الداعون إلى المولد ومن الرافضون له؟
والجواب أن
 الرافضين للمولد هم أصحاب
النبي صلى الله عليه وسلم الكـرام
 ونقول الرافضين
 -تجوزاً-
فالمولد هذا ما كان في عصرهم قط
 ولم يعرفوه أبدا، ولا خطر ببالهم أصلا
 وعلى هذا كان التابعون وتابعوهم
وأئمة السلف جميعاً ومنهم الأئمة الأربعة
 أعلام المذاهب الفقهية المشهورة.
وعلماء الحديث قاطبةً
 إلا من شذ منهم في عصور متأخرة
 عن القرون الثلاثة الأولى قرون الخير
 وكل من سار على دربهم ومنوالهم إلى يومنا هذا.
وهؤلاء هم السلف والأمة المهتدية
 الذين أمرنا الله باتباعهم والترضي عنهم
وفيهم الخلفاء الراشدون المهديون
الذين أمرنا الرسول صلى الله عليه وسلم باتباع سنتهم
فقال
[عليكم بسنتي وسنة الخلفاء الراشدين المهديين من بعدي عضوا عليها بالنواجذ وإياكم ومحدثات الأمور فإن كل بدعة ضلالة]
 (أخرجه ابن أبي عاصم في

 (السنة)
والترمذي وابن ماجه من حديث العرباض بن سارية
وصححه الألباني)

فهل كان هؤلاء من جعل يوم مولده عيداً
ومن خصه بشيء من العبادات
 أو العادات أو التذكير أو الخطب، أو المواعظ.
وإذا كانت الأمة الصالحة
هي ما ذكرنا وهي التي لم تحتفل بيوم مولده
وتركت ذلك تعظيماً
للرسول صلى الله عليه وسلم لا إهانة له
 ومعرفة بحقه لا جحوداً لحقه
 فمن إذن الذين ابتدعوا الاحتفال بمولده
وأرادوا -في زعمهم- أن يعظموا
 الرسول صلى الله عليه وسلم
بما يعظمه به سلف الأمة الصالح
 وأرادوا أن يحيُّوُهُ
صلى الله عليه وسلم بما لم يُحَيِّه به الله؟
والجواب:
 أن أول من ابتدع ذلك هم
 ملوك الدولة الفاطمية
في القرن الرابع الهجري
 ومن تسمى منهم باسم
 (المعز لدين الله)
ومعلوم أنه وقومه جميعا
إسماعيليون زنادقة، متفلسفون
. أدعياء للنسب النبوي الشريف
 فهم من ذرية عبد الله
 بن ميمون القداح اليهودي الباطني
 وقد ادعوا المهدية وحكموا المسلمين
بالتضليل والغواية، وحولوا الدين
 الى كفر وزندقة وإلحاد فهذا الذي تسمى
 (بالحاكم بأمر الله
هو الذي ادعى الألوهية
وأسس جملة من المذاهب الباطنية الدرزية احدها
 وأرغم المصريين
على سب أبي بكر وعمر وعائشة
وعلق ذلك في مساجد المسلمين
ومنع المصريين من صلاة التراويح
 ومن العمل نهاراً إلى العمل ليلاً
ونشر الرعب والقتل واستحل الأموال
 وأفسد في الأرض مما تعجز المجلدات
 عن الإحاطة به وفي عهد هؤلاء الفاطميين أيضا
 وبإفسادهم في الأرض
 أكل المصريون القطط والكلاب
 وأكلوا الموتى، بل وأكلوا أطفالهم.
وفي عهد هؤلاء الذين ابتدعوا
بدعة المولد تمكن الفاطميون والقرامطة
من قتل الحجاج وتخريب الحج وخلع الحجر الأسود.
والخلاصة: أن بدعة المولد نشأت من هنا
 وهل يقول عاقل أن هؤلاء الزنادقة
 الملحدون قد اهتدوا إلي شيء من الحق
 لم يعرفه الصديق والفاروق وعثمان
 وعلي والصحابة والسلف الأئمة وأهل الحديث؟ هل يكون كل هؤلاء على باطل وأولئك
الكفرة الملاعين على الحق؟
وإذا كان قد اغتر بدعوتهم بعض
 من أهل الصلاح والتقوى وظن
 -جهلاً منه-
أن المولد تعظيم للرسول
صلى الله عليه وسلم ومحبة له
هل يكون الجاهلون المغفلون حجة في دين الله؟!
ماذا في المولد؟ وما الذي يصنع فيه؟
ونأتي الآن إلى سؤال هام
: وماذا في المولد؟ وما الذي يصنع فيه؟
والجواب: أن الذين يحتفلون بالمولد
هم في أحسن أحوالهم مبتدعون
 مفتئتون على رسول الله صلى الله عليه وسلم
مستدركون عليه. مجهلون لسلف الأمة وأئمتها
. هذا في أحسن الأحوال إذا صنعوا
 معروفا في الأصل لتذكر لنعمة الله بإرسال الرسول صلى الله عليه وسلم، وقراءة في سيرته وصلاةٍ وسلامٍ عليه
 وإظهارٍ للفرح والسرور بمبعثه
 ونحو ذلك مما هو من الدين في الجملة ولكنه لم يشرع في هذه المناسبة. ولكن الحق أن أهل الاحتفال بمولده صلى الله عليه وسلم هم في العموم ليسوا على شيء من هذا أصلا.

فالمولد عندهم بدعة أنشأت بدعاً منكرة
 بل شركاً وزندقة، فالاحتفال بالمولد
 عند أهله المبتدعين نظام وتقليد معين
 واحتفال مخصوص بشعائر مخصوصة
وأشعار تقرأ على نحو خاص
 وهذه الأشعار تتضمن الشرك الصريح
 والكذب الواضح وعند مقاطـع مخصوصة
 من هذا الشعر يقوم القوم قياماً على أرجلهم
زاعمين أن الرسول صلى الله عليه وسلم
يدخل عليهم في هذه اللحظة
ويمدون أيديهم للسلام عليه
 وبعضهم يُطفئ الأنوارويضعون كذلك
 كأساً للرسول صلى الله عليه وسلم ليشرب منه
فهم يضيفونه في هذه الليلة!!
ويضعون مكاناً خاصاً له ليجلس فيه بزعمهم
 - إما وسط الحلقة-
وإما بجانب كبيرهم. الذي يدَّعي بدوره أنه من نسله...
ثم يقوم (الذِكر) فيهم علي نظام مخصوص
 بهز الرأس والجسم يميناً وشمالاً
 وقوفاً على أرجلهم، وفي أماكن كثيرة
 يدخل حلقات (الذِكر) هذه الرجال والنساء جميعاً.
وتذكر المرأة هزاً علي ذلك النحو
حتى تقع في وسط الجميع ويختلط الحابل بالنابل
 حتى أن شعوباً كثيرة ممن ابتليت بهذه البدعـة المنكرة
 اذا أرادت أن تصف أمرا بالفوضى وعدم النظام
 يقولون (مولد) يعنون أن هذا الأمر
في الفوضى وعدم النظام يشبه الموالد.
والعجيب أن هذه الزندقة
التي ابتلي به العالم الإسلامي
منذ الفاطميين وإلى يومنا هذا -
وإن كان قد خف شرها كثيراً
- والتي ابتدعها القوم تعظيما
 للرسول صلى الله عليه وسلم
في زعمهم لم يقصروها
 على رسول الله صلى الله عليه وسلم
بل جعلوا لكل أفاكٍ منهم مولداً
 ولكل زنديق مدع للولاية مولداً
وبعض هؤلاء يعظم مولد هؤلاء
ما لا يعظمون مولد الرسول صلى الله عليه وسلم.
فهذا مولد من يسمى
 (بالسيد البدوي)
الذي لا يعرف له اسم ولا نسب
والذي لم يثبت قط أنه صلى جمعة أو جماعـة
 والذي لا يعرف أيضاً أكان ذكراً أم أنثى
 حيث أنه لم يكشف وجهه قط!!
وكان ملثماً أبداً!!
هذا (السيد البدوي) والذي أنكر
 أهل مكة أن يكون منهم أو يعرفوه
 - يحتفل بمولده أعظم من الاحتفال
بمولد رسول الله صلى الله عليه وسلم
. فإلى اليوم يجتمع بمولده

 في أسبوع واحد أكثر من سبعة ملايين شخص
وهو عدد أعظم من العدد الذي يجتمع في الحج.
فإذا كان أمثال هؤلاء
تُعظم موالدهم واحتفالاتهم على نحو ذلك
 فهل يكون هذا أيضاً من تعظيم الرسول؟!
وهل من تعظيم
رسول الله صلى الله عليه وسلم
 أن يجعل
 (المعز الفاطمي)
وهو الذي ابتدع بدعة المولد النبوي
. لنفسه مولداً كمولد
رسول الله صلى الله عليه وسلم؟
 فهل أراد تعظيم رسول الله
 صلى الله عليه وسلم ومحبته حقا؟!
وإذا كانوا قد نافسوه في هذه العظمة
بل احتفلوا بغيره أعظم من احتفالهم به
 صلى الله عليه وسلم
فهل هذا دليل محبتهم وتوقيرهم
لرسول الله صلى الله عليه وسلم؟!
فليتهم اذا ابتدعوا بدعة المولد
أن يكونوا قد حرموها على غير
 رسـول الله صلى الله عليه وسلم
وقصروها عليه لمنزلته ومكانته
 ولكنهم ابتدعوه قنطرة يقفزون
 عليها لتعظيم أنفسهم واتباع أهوائهم
وجعل هذا مناسبة لترويج
مذاهب بعينها وعقائد مخصوصة
يعرفها من قرأ شيئا
عن الفكر الصوفي والفكر الباطني..
عقيدة الأمة في الرسول غير عقيدة هؤلاء!
والحق أن عقيدة الأمة الإسلامية المهتدية
 في الرسول صلى الله عليه وسلم
غير عقيدة هؤلاء المبتدعين
فرسـول الله صلى الله عليه وسلم
عند المسلم الحقيقي هو
 النبي والرسول الذي تجب طاعته
 قبل كل أحد وبعد كل أحد
 ولا تجوز معصيته والذي يجب محبته
فوق كل أحد والذي لا دخول للجنة
إلا بمحبته وطاعته واقتفاء أثره
 وأنه النبي الخاتم
الذي جاء بالتوحيد والإيمان
والدين الصحيح

 الذي يعبد به الله وحده لا شريك له..
وأما أولئك فإن
الرسول صلى الله عليه وسلم
عندهم غير ذلك تماما
فالرسول صلى الله عليه وسلم
 عند هؤلاء هو أول من خلق الله من الهباء
 -في زعمهم-
وهو المستوي على عرش الله
 والذي من نوره هُوَ
 خلق العرش والكرسي والسموات والأرض
، والملائكة والجن والإنس
 وسائر المخلوقات
وهذه عقيدة ابن عربي
 (صاحب الفصوص والفتوحات المكية
)، واقرأ في ذلك
 (الذهب الإبريز لعبد العزيز بن مبارك السجلماسي)
وانظر كتابنا
 (الفكر الصوفي في ضوء الكتاب والسنة)
باب: (الحقيقة المحمدية) (ص 151)
وانظر فيه ما قاله محمد عبده البرهامي
 في كتابه (تبرئة الذمة في نصح الأمة)!!
والذي يدعي فيه أن
الرسول صلى الله عليه وسلم قال
 لجبريل من يأتيك بالوحي يا جبريل؟
 فقال جبريل تمتد يد من خلف الحجاب
فتعطني الآيات فآتيك بها..
فكشف الرسول
 صلى الله عليه وسلم في زعمهم
 - عن يده-
 وقال مثل هذه يا جبريل؟
! فقال جبريل متعجبا :
 (منك وإليك يا محمد)
فانظر هذه هي عقيدتهم في
 الرسول صلى الله عليه وسلم
أنه أنزل الوحي من السماء وتلقاه في الأرض.
وقـد فصَّل هذه العقيدة
عبد الكريم الجيلي الصوفي الزنديق في كتابه
 (الإنسان الكامل)..
فانظره إن شئت
. فالرسول صلى الله عليه وسلم عندهم
 ليس هو الرسول عندنا
بل هو عند أساطينهم ومحققيهم
هو الله المستوي على العرش
 وعند جهلائهم وأغبيائهم
هو المخلوق من نور العرش
 أو من نور الله
 وهؤلاء ربما يعتقدون
 أن الله موجود قبل الرسول
صلى الله عليه وسلم
 وأن العرش مخلوق
قبل الرسول صلى الله عليه وسلم
.. ولكن أولئك
 (المحققين في زعمهم)
يعتقدون أن وجود
الرسول صلى الله عليه وسلم
سابق على وجود العرش
 بل وجود كل مخلوق لأنه أول
 (التعينات)
) أي أول من أصبح عيناً أي شيئاً
معيناً ومن نوره تخلقت كل الخلائق بعد ذلك.
وأما المغفلون منهم
 فيقـول يا أول خلق الله
ظانين أنه مخلوق
 قبل كل البشر فهو عندهم مخلوق قبل آدم نفسه
وأولئك يقولون يا أول خلق الله
على الأرض قبل العرش
 والكرسي والسموات والأرض
 والجنة والنار بل كل هذه في زعمهم
 خلقت من نور الرسول صلى الله عليه وسلم.
ولا شك أن هذا كفر وهذا كفر
 فالرسول صلى الله عليه وسلم
قد خُلِق بشَراً كما يُخلق سائر البشر
 وكان خلقه في وقت تكونه
 نطفة فعلقة فمضغة.. ووليداً
 {قل إنما أنا بشر مثلكم يوحى إليَّ}
(الكهف:110)
ولا يخفى أيضاً أن هؤلاء المبتدعين
 لم يخطئوا فقط في حقيقة
 النبي صلى الله عليه وسلم بل كذلك
أخطئوا في إعطاء كل ما يجب لله
 أعطوه للرسول صلى الله عليه وسلم
 من دعاء له واستغاثة به
 وعبادة بكل معاني العبادة.
وهذه أمور لا يتسع المقام لذكرها.
والخلاصة:
 أننا يجب أن نفهم هـذا الأمر
 الذي يبدو صغيراً في أوله
ولكنه عظيم جداً في نهايته
فالاحتفال بالمولد:
أوله بدعة وآخره كفر وزندقة.

والاختلاف فيه ليس كما يصوره
الداعون إلى المولد أنهم
 ورَّاث الرسول صلى الله عليه وسلم وأحبابه
يدافعون عن شرف النبي صلى الله عليه وسلم
 ويخاصمون من يتركون فضله ومنزلته
بل الأمر على العكس تماماً:
 إن المنكرين للمولد منكـرون للبدعة
محبون لرسول الله صلى الله عليه وسلم
لا يريدون مخالفة أمره، والاستدراك عليه
متبعون سنة رسول الله صلى الله عليه وسلم
وسنة خلفائه الراشدين، والأئمة المهديين
وأما أولئك فهم على سنة الزنادقة الإسماعيلية سائرون وببدعتهم وكفرهم معتقدون فأي الفريقين
 أحق بالأمن إن كنتم تعلمون.

هذا والحمد لله رب العالمين
 والصلاة والسلام على
 نبي الهدى والرحمة في
 العالمين إلى يوم الدين.


الكاتب
عبد الرحمن بن عبد الخالق



Sunday, January 12, 2014

....ولابد من يوم:شارون مات...

4 comments
ولابد من يوم 
يعود المخلوق
الى خـــــــــالقه
وهاانت ذا ياشارون
تعود الى
الله
ليسألك عـــــــــــن
كل قطرة دم أهرقتها
عن كل طفــــــــلة يتمتها
عن كل زوجة رملتها 
عن كل حاملا أجهضتها
عن كل روح قتلتــــــها
عن كل شجرة زيتون أقتلعتها
عن كل قرية خــــــــــــربتها
عن كل مدرســـــــــة هدمتها
عن كل أســــــرة شردتها
لن يفلتك ربك الأ بعد
ان يقتص منك 
تمـــــــاماً

Saturday, January 11, 2014

الصراع فى جنوب السودان :جالك اللى يقرفك يا سيلفيا

2 comments
سيلفيا كير
جالك من يعاندك ويحاربك
نائبك وصحبك



ريكاك مشار

لكن وللأسى والألم 
مين بيدفع الثمن؟ 
فى كـــــــــــــــــل 
حــــــــــــــــرب
الإنسان الـــعادى
الإنسان المـــــــــسكين
اللى ماحيلتهوش الأ نفسه  
ورجليه وفرشـــــــــــة
وحصيرة وازازة بلاستك
وكيس حــــاطط فيــــه 
كل ثروته كســــرة خبز
شوية دقيق قصعــــــــة
 وحتة قـــــــــــــماش 
يســــــــتغطى بيها 
لو غطى رجلـــــــيه
بانـــــــــــت راسه
ولـــــــو غطى راسه
تعرت قدمــــــــــيه
يارب أنت للغلابة 
فى كل مكان يارب


اسباب الصراع  الأخير
 فى جنــــــــــوب السودان




السودان
شمال  وجنوب
ثروات منهوبة
وآلام لا تنتهى 

Friday, January 10, 2014

..انا أخدت الجرعة الخامسة...

12 comments

(دى مش ايدى طبعاً)

المهم الحمد لله 
الحكيمة أمبارح كانت شاطرة
جابت الوريد من أول 
(شــــــــــــــكة)
 

وحطت الكانويلا 
 والف حمد وشـــــــــكر لله  
وخلصت الجرعة بستر وسلامة
وكمان سمعت كلام
(الدكاترة)
المرة دى أخدت مانع القىء
من قبل ما أكل اى شىء
لأجل ما يبدأ الشغل أول ما أكل
النهاردة أكلت فواكهة وخضار صابح 
كابوتشى

(الخس المدلع دا  )

وموزززززز
وبرتقاااااااال
مش عصير لا بتعبنى
لكن البرتقال الصاحى
ياعنى اللى بتقشر كدا
كنا نتسابق أنا وأبناء أخوتى
مين فينا
حيطّلع القشرة أطول

أهـ  صحيح
وكمان حطيت أزازة الميه
ادامى لأجل ما افتكر أشرب كل شوية
 لأجل ما اغسل الكلى من الدوا
وأضيع طعم الدوا من فمى
واخفف (زورة غريبة) كتلك التى نعانى منها
فى بداية الإصابة بالبرد
إعانى منها
بعد الحقن لمدة يوم أو يومين
الــــــــحمد لله 



اللهم أنت الشافى ولا شفاء الأ شفاءك

Thursday, January 9, 2014

The Green Mile:جمــــلة فى فيـــــلم

6 comments

فى فيلم
الطاحونة الخضراء
Green mill
هناك جملة أتذكرها دائماً
 قالها الممثل
مايكل كلارك دانكن
Michael Clarke Duncan


ما معناه أن طول العمر
ليس بميزة إذا فكرت جيداً
لان اصدقائك ومعارفك
لن يكونوا معاك
فقد رحلوا من زمن
وما تعودت عليه من زمن
سيكون غريبا
لا يشاطرك أحدا أياهـ
أذكر تململ جدتى
من كلامنا نحن
ومن ملابسنا
ومن الأغانى التى كنا نسمعها
وكذلك الأفلام أو  المجلات
احيانا (اضبط)نفسى
اقول كلمة ما
فى نقد
أحدهم
لأختياره أغنية ما
او فيلم ما
او ممثل ما

يخيل الىّ حينها
!!أن جدتى هى من تتكلم وليس أنا




Tuesday, January 7, 2014

الأ تمتلك سيارة ....نعمة:تدوينة قديمة

12 comments


نعمة لا تعرفونها

الأ بعد ان تكونوا أمتلكتم

واحـــــــــــدة وعانيّتم



كما عانيتُ

ثم عفا

الله


عنكم 

وبعتووووها

صدقووووووونى

راحة ما بعدها راحة

وكمان

ياااااااااااااسلام

لو كان شـغلكم قريب

يبقى مفيش بعد كده

(اللهم لا حسد )

أول يناير كان ميعاد التجديد

السنوى للرخصة وكنت زمانى

بأفكر وحاملة الهم بتاع المخالفات

والغرامات والوقفة والأستمارات

وورق التأمينات

والدمغات

وما أدراك ما الدمغات

وكمان بقى لو كان عليها

فحص سنوى يبقى

تصليحات وترميمات

وميكانيكية ودهانات

مش بقى يبقى

عدم إمتلاك

سيارة

فى بلدنا نعمة عظيمة






(دا انا مجبتش سيرةالأنتظار ولا الجراج)




_______
انا عارفة ان السيارة
او بالأصح إمتلاك سيارة
حلم للملايين من الناس ربنا يحقق حلمهم
 ويمكن اللى مريحنى او ساعدنى زى ما قلت
ان الشغل ادام البيت(الف حمد وشكر لله)وكمان
ودا المهم مشاويرى قليلة وربنا يخلى التاكسى الأبيض
والأهم ربنا يخلى اولاد أخوتى متى احتاج اليهم أجدهم


Sunday, January 5, 2014

....بــــــيـــــت الــــــراحة:تدوينة قديمة .....

3 comments



BRB Bathroom Outhouse break Smiley Emoticon Animation Animated gif Pictures, Images and Photos









حاجة مهمة ومحدش يقدر يستغنى عنها
من الامير الى الغفير وكلنا فاكرين حكاية الرهان
اللى قريناها زمــــــان بين ملك والوزير بتاعه وفيها
تحدى الوزير الملك ان مملكته كلها لا تساوى(تواليت )
واحد طبعا الملك هاج وماج ازاى تقول كده؟ دا انا! دا كذا !
المهم الوزير قاله حاثبتلك وفعلا لعبوا مبارة شطرنج هزم
الوزير الملك وكان حكم الوزير ان الملك ما يرحش الحمام!
يالهوىىىىىىىىى الملك عمل فيها راجل ومسك اعصابه
ساعة
أتنين
تلاتة
خمسة
ماقدرش بعدها
وقعد يترجى الوزير


















خد كذا طب خذ كدا
والتانى ابدا راسه والف
سيف ما يوافق لحد ما وصل
أنه عرض نص مملكته عليه
ودا ابداً مش موافق ومالاقاش الملك
منها بد عرض مملكته كلها عليه قصاد
يسيبه يرررررررررررررررررررروح
الحمام وفعلا وبعد ما خرج الملك واستررررريح
وحس بالراحة بقى عمال يغنى


زى محــــرم فــــــــؤاد ويقول:
زى ما أكون تعبان وارتحت
دا اللى انا بشعر بيه ياحبيبى
طبعا الحمامات اتطورت
جدا عن زمان وبعد ما كانت
مجرد حفرة فى الارض تردم








أو بردوووووون جردل يقضى الغرض














بقت حاجات ومحتاجات وأماكن
تجنن وتهوس كده يعنى اللى يدخلها
ما بيبقاش عايز يخرج منها بصراحة
زى دا

















أو دا مثلاً























أعجب ما اذكره عن الحمامات
لما سافرت لندن وكانت أول مــرة
أعرف ان الأجانب ما بيستــــــعملوا
(بردون الشطاف) يادى النيلة !وكنت


كل مرة ألبى نداء الطبيعة:)أضـطر استحمى


لما أتهريت من الحموم والصابون !بقى كل النظافة دى
فى الشوارع وفى البيوت والورد اللى فى البلكونات والبارفات


وبعد كده مفيش شطااااااااف ياكسوفى ياكسوفى ولندن كانت ارحم
من باريس اللى رحتها بعد كده ليه؟لان الحمام بتاع الاوضة أوالاوض
كلها لها حمام واحد فين ياجماعة !!!!!!!!!فى البسطة اللى بين الدورين


فاهمين قصدى؟أهـ والله وطبعا برضه مافيهوش شطاف! طبعاً يعنى !!!!
ولازم تطلعى تستحمى فى اوضتك !


لما رحت نيويورك كانت ارحم شوية


حمام الاوضة كان فيه بيديه لولولوىى








من ذكريات الحمامات برضه لما كنا
بنروح القرافة(المدافن) وأحنا أطفال
مش عايزة أقولكم الرعب اللى الواحد كان
بيحسه وهو رايح الحمام هناك بالرغم من ان


الحاج والدى الله يرحمه كان موصل النور والمية
للمدفن نفسه لكن الحمام نفسه كان بلددددددددددى





















فهمينى !كنت ببقى مرعوبة وحاسه
كأن حاجةأو أيد حتطلع منه وتخطفنى !
المهم ايه اللى فكرنى بالحمامات وكل كل دا
هى فقرة كانت فى إذاعة البى بى سى امبارح


عن مخترع كرسى الحمام الحديث اللى بيفرغ من


المحتويات بتاعته الأوفنسف بضغط الميه (منه فيه)
واللى أنقذ البشرية من (الحمام البلدى)ولو ان بعض


الناس بيقولوا أنه(البلدى يعنى) طبياً اســـلم لكن بصراحة
بيكسراو عايز ركب من حـــــديد:) الحقيقة الفقرة أثـــــارت أهتمــــامى
وذكرياتى وخلتنى ابحث فى جوجل عن مخترع التواليت بشكله الحديث
ولقيت كلام كتير أخترت منه كلام
الاستاذ صلاح منتصر (ومش عارفة
هوالأستاذ منتصر بتاع الاهرام بتاعنا ولامجرد تشابة اسماء)المهم
الاستاذ صلاح أعتبران التواليت الحديث هو الاختراع رقم واحد فى
تاريخ البشرية لان لا أحد يستطيع الأستغناء عنه أو أن يقول أنه


لم يستعمله ولو مرة فى حياته وكمان ريح الناس من حاجااااااااااات


كتيراوىىىىىى انتم عارفينها وأمراض اكثر.أخر حاجة حاقولها


وأمشىىىىى :مرة مريض كان بيشتكى لى من بردون الامساك


وأد ايه معذبه وعمال فيه عمايل صعبة فى نفس الوقت اللى كان


عندى نفس المشكلة :لقيت نفسى لا شعورياً بقوله :


ايوووووووووووووووووووووة عــارفة :)

----------------------
تدوينة قديمة
لكنى بأحبها جدا
ومعلش الدنيا ملخبطة
دا من ساعة المدونة الأولى
ما أتجمدت  :( الكتابة ملخبطة كدا