Saturday, July 16, 2011

.......عـيد مـيـلاد مـدام وفـاء




بأذن الله بكرة عيد ميلاد مدام وفاء

ونظرا للظروف فى
بلدنا
وفى(جيوبنا)وكمان
نظرا
لغلاء الأسعار
اللى مش عارفة حتوصل
لحد فين
بعد ما كيلو
البرقوق بقى بـ25جنية
وياريته حلو
نظرا لكل الحيثيات دى
(مش بخل ابدااااااا)
لكن العين بصيرة والأيد قصيرة
أسمحيلى أحط التدوينة
بتاعة
عيد ميلادك قبل الماضى
ربنا يخليكى لنا كلنا ولأسرتك الكبيرة والصغيرة
كل لحظة وانتى بألف خير
يافووووفو ياحبيبتى
=====
===
=


عرفتها من النت وبالرغم من انى ما شفتها
لكن والله كأنى شفتها
وعرفتها من سنين طويلة
وده من كلامها فى مدونتها
اللى لما تقرأها
تحس كأنك جالس معها

وكأنك قاعد فى البلكونة
وياها وقدمكوا صينية الشاى

او القهوة وبتتكلموا مع بعض
فى اللى حصل واللى وصل
مدام وفــــــــاء بركات
من اوائل الناس
الحلوة اللى اتعرفت عليهم
هنا بالنت والحمد لله
المعرفة دى مستمرية
الى الان
ويارب
على طول
ولان المدام وفاء
ست صعيدية وجدعة

وما يضحكش عليها بتورتية
ولا حبة بتى فورررررررر
عملت لها عيد الميلاد المخصوص ده
بالهبر
اى اللحمة
وارجو انها تتقبل منى التحية البسيطة دى
عربون للمحبة وعرفان
لصداقة ارجو ان تستمر
واتفضلوا
ياجمـــــــــــــاعة
........
.....
...
.


1-نفتتح بالشوربة



كفتةللغاوى كفتة

الشيش طاوووق للى مابيحبوا
اللحمة(بكرة يندموا)


4-ورق العنب للى عااااااااااايز




ندخل على المهم :الفتة
وبعدين الاهم:اللحمة للعطشان وللزوران وللى عايز يبلع
ميه تروى العطشان وتطفى نار الحران

وفيه كمان مشروبات بجميع الانواع


جبت البياع بنفسه

وانتوا اختاروا اللى عايزينه

والحلوووووللحلوييييييين



وبالف الف الف هنا وشفا للموجوديين


............
ولو سمحتوا ياجماعة التعليقات مش حتكون لىّ

حتكون للمدام وفاء لانها صاحبة العيد

انا فقط كنت محظوظة

وعرفت التاريخ

كل لحظة وانتى بألف خير

يافوفو
ياحبيبتى
وربنا يعطيكى الصحة والعمر

وتتهنى بأولادك وأحفادك كمان وكمان
ويخلى وينجح مقاصد اللى عرفنا ببعض
فى الاول خالص.