Sunday, September 30, 2012

.......نفســـــى....

6 comments
نفسى فى القعدة دى
.
.
.
.
.
.
.
.
.
.
.
.
.
.
.
بس
مش كتير ياعنى
ساعة ولا اتنين ولا خليها عليا
ســــــــــــــــــــــاعتين وربع
وبــــــــــــــعد كـــــــــده 
الطــــــايرة الخاصة
بتاعتى تيجى
تاخدنى





Thursday, September 27, 2012

.......بــــحب الكتب.....

0 comments

يقدم
المؤرخ ديفيد بريستلاند

 خريج جامعة أكسفورد
قراءة مختلفة تكشف
عن تاريخ جديد للسلطة
موضحا كيف سيطر
فكر التجار أو رجال البيزنس
علي السياسيين في السنوات الأخيرة‏
معتبرا أنه
يمكن رؤية التاريخ

باعتباره سلسلة من المعارك
:بين أربع مجموعات متميزة
التجار, والمحاربون, و الحكماء والعمال

و أنه عندما يصبح المهيمن
مجموعة واحدة
كما يقول
فإن ذلك يتسبب في
إحداث الأزمات و الاختلال بالتوازن
 يري بريستلاند أنه لا يجب
اعتبار الأزمات التاريخية
ناتجة فقط عن صراعات سياسية أو إيديولوجية
بل يجب النظر في المنافسة الملموسة
علي السلطة بين ثلاث مجموعات رئيسية
في المجتمع علي مر العصور
- أو كما يطلق عليهم,
الطبقات ولكل منها هويتها و أغراضها
التي ترتبط ارتباطا وثيقا
بوظيفة اجتماعية مهمة تتطلع لها
 ولعل
أول هذه الطبقات هي التجار
أو بتعبير معاصر, الرأسماليين
الذين يسعون لتعزيز قيم
المنافسة التجارية وقواعد السوق
والثانية هي الجندي الطبقي
والتي تنشأ في الطبقة الأرستقراطية
تحلم بأهداف محاربي
العصور الوسطي الإقطاعية
والتركيز علي البطولة والعدوان والانضباط
فيما تأتي
الثالثة من طبقة رجال الدين
أو المتمتعون بالحكمة الفكرية
التي يعود تاريخها إلي أيام الرهبان
في العصور الوسطي المسيحية
ويندرج تحتها أيضا التكنوقراط والخبراء
مشيرا إلي أنه علي مر القرون
كافحت الطبقات الثلاث
لتتفوق علي
كتلة واسعة من
الفلاحين ومؤخرا العمال

وبحسب المؤلف فإن معظم المجتمعات
علي مر التاريخ تستند إلي تحالف
غير رسمي بين اثنين
من هذه الطبقات الثلاث
فعلي سبيل المثال شهدت
الإمبراطوريات الزراعية في وقت مبكر
تحالفا بين الأرستقراطيين
من ملاك الأرض و المحاربين أو الجنود
الذين دخلوا في تحالف وثيق
مع الكهنة( الحكماء) الذين قدموا
دائما التبرير الروحي لحكم هؤلاء

ومع نهايات القـــــــ
17ــرن
برز التجار لأول مرة كطائفة مهيمنة
في إنجلترا وهولندا ومع
حلول القرن الــ19ــــــ برز
ما أطلق عليه بريستلاند قيم التاجر الناعم
عندما استخدمت بريطانيا إمبراطوريتها
المتزايدة كقوة لتعزيز التجارة الحرة والعولمة
 والتي اعتبرت ظاهريا في صالح الجميع
وبحلول منتصف القرن تحول العالم
إلي ما اعتبره عصابات متنافسة
من رجال الأعمال يتزايد دعمها
من قبل الدول االقومية
لافتا إلي أنه لا توجد دولة
اعتمدت قيم التاجر المحارب الصعب
بقوة أكثر من ألمانيا في عهد بيسمارك
حيث تبنت منطق القمع الوحشي في الداخل
بينما كانت محصلتها صفرا
في المنافسة التجارية
مع القوي الصناعية الأخري المعاصرة لها
والتي تقدمت عنها اليوم
معتبرا أن الحرب العالمية الأولي
كانت مقبرة لهذا النظام
وبعد الحرب ظهرت أمريكا
كأغني دولة مهيمنة ومصدر لرأس المال
مما أدي إلي انتشار نفوذ جديد
للتجار الرأسماليين والذي كان له أثره
علي العالم المتقدم من خلال
الرأسمالية الاستهلاكية
و الديون المدفوعة بأموال بالوقود
 وبدأت الاختلالات المالية والتجارية الضخمة
التي أسفرت عن سنوات من
التقشف المالي والاضطرابات الاجتماعية
التي تلت ذلك إلا أن إراقة الدماء
في الحرب العالمية الثانية
أبرزت تحالفا جديدا من حكماء التكنوقراط
و التجار الناعمون
حيث كان العزم علي التعلم من دروس الماضي
 فعملت هذه الشراكة
علي خلق نظام عالمي جديد
وضعت معه القواعد
التي تحكم العلاقات التجارية
بين الدول الصناعية الكبري
معتبرا أن الأزمة المصرفية والديون
في السنوات الأخيرة دفعت التجار
إلي إملاء قيمهم ومبادئهم
علي واضعي السياسات في الغرب

معربا عن أسفه بأن هؤلاء
لا يزالون خاضعون لعبودية
الأسواق المالية والتجارية الدولية
وهو ما اعتبره دليلا
علي وجود غريزة جماعية
لمحاولة إصلاح النظام بدلا من عدم تغييره
ويخصص جزء كبير من الكتاب
لسرد التاريخ الحديث
من حيث المنافسة بين هذه الطبقات الثلاثه 
 مع التركيز علي الصعود المتواصل 
لطبقة التجار الرأسماليين
لافتا إلي أنه في معظم حقائق التاريخ
فإن الطبقات الثلاثة الجندي التاجر والحكيم
قد كافحت للهيمنة علي الطبقة الرابعة
الممثلة في الفلاحين والعمال
وعندما تحقق إحدي تلك الطبقات السيطرة
علي الآخرين دون منازع فإن النتيجة
غالبا ما تكون هي الحرب
والثورة أو كارثة اقتصادية
. مؤكدا أن هيمنة قيم التجار
هي السبب وراء الأزمة المالية الحالية
لذا يحاول من خلال هذا الكتاب
استخدام دروس التاريخ 
لفهم الأزمة المالية الحالية 
مبرزا كيف أن الغرب يدفع الآن
 ثمن الخضوع لقيم التجار 
الذين يسعون لتحقيق أرباح قصيرة الأجل
 دون مراعاة لمخاطر الائتمان 
و تأثير تلك المساعي علي 
الأوضاع الاجتماعية والاقتصادية
 علي المدي البعيد وهو ما نجده
 غير بعيد عما كان يحدث في مصر 
خلال العقود الأخيرة من سيطرة 
السياسات الرأسمالية اليمينية 
التي قادها رجال الأعمال 
المحيطون بالنظام السابق 
وتبناها النظام نفسه مما دفعه 
للاقتراض وإغراق البلاد 
في دوامة من القروض والفقر 
وتردي الأوضاع الاجتماعية 
فكان ذلك أحد أهم عوامل
 قيام الثورة ليكون أحد أهم شعارها
 ومطالبها هو العدالة الاجتماعية
الكتاب
صدر عن دار ألن لان الموضــــــوع
منقوووووووول


Sunday, September 23, 2012

......خير اللهم أجعله خير....

6 comments
Sad music Pictures, Images and Photos
صحيت على صباحة
ربنا زعلانة ومضايقة
كده
وحاجة والعياذ بالله منها
كابسة على مراوح قلبى
بصيت فى الساعة
يالهوىىىى
ياخبر
فاتتنى صلاة الفجر
لكن الحمد لله افتكرت
انى صليتها حاضر ونمت
طيب ايه اللى مزعلك بقى؟
يالهوىىىىىى
تانى
اتأخرت على الشغل
برضه لأ الحمد لله
افتكرت انى اجازة النهاردة كمان
اينعم الثلاتة ايام الاجازة خلصوا
Animated cry Pictures, Images and Photos
لكن معلش لسه بكرة الجمعة
ابقى ازعل بكره براحتى
طيب امال مالى
زعلانة ليه ؟
يكون علشان

الغسالة باظت
امبارح
وما بتحطش منطق
وجربت كل الحاجات الاساسية
او البدائية اللى ممكن تكون السبب
زى مفتاح الكهربا بتاعها
فى لوحة العداد يكون نازل
اوالفلتر فيه حاجة
او الفيشة بتاعتها بايظة
هى طبعا مشكلة فى البيت
بس مش مشكلة اوى يعنى
لان فيه غسالة تانية
عادية اه ومش اتوماتيك
لكن اهى بتقضى الغرض
وما بتحوجنى
لغسيل
الطشت
بردون يعنى
امال مالى بس؟
ايه اللى مضايقنى كده
ومخلينى على صباحة ربنا

وفى الجو الجميل ده ابقى مضايقه كده؟
افتكرت
افتكرت
افتكرت
اخر خبر سمعته قبل ما انام
(بنت اختك جاية مصر اجازة الشهرالجاى)
يعنى خدمة وتعب على الاخر
ولولا عضم التربة زى ما بيقولوا
كان فاض بى من زمان
بتيجى هى وزوجها واولادها
وكأنها جاية من كوكب المريخ
(عايشة فى فرنسا ياسيدى
وبتيجى كل 3سنين تقريباً)
وما تعرفش اللى فى مصر عايشين ازاى
مش ماديا بس والله لكن سلوكياً كمان
مفيش شىء عاجبها
وكل شىء وحش
يع يع يع
وكل شىء مش تمام
وكل شىء مش قد المقام
حتقولولى طب ما تروح لبيتها او لماماتها
ماماتها متوفية من فترة
وبيت مامتها اتجوز فيه اخوها
وبعدين انتو ناسين
بيت طنط
نوانوا
ده بيت العيلة
بيت الجد والجدة
وكمان وده الاهم
بقى
طنط نونو
مش متجوزة
يعنى مفيش حد او راجل غريب
يعنى
يضايقوا منه
فاهمينى
اسفة ان كان كلامى ضايقوا
بس حبيت افضفض شوية
من اللى فيا
واللى فيا
كتير اوى
اوى اوى
والله
وربنا يصبرنا
Animated cry Pictures, Images and Photos

مليش نفس الون حاجة النهاردة
خليها فحلوقى
كده

Friday, September 21, 2012

....من أقوال الأمام الشافعى...

4 comments


دَعِ الأَيَّامَ تَفْعَل مَا تَشَاءُ ــــــــــــــــ وَطِبْ نَفساً إذَا حَكَمَ الْقَضاءُ

وَلا تَجْزَعْ لِحَادِثة الليالي ــــــــــــــــ فَمَا لِحَوَادِثِ الدُّنْيَا بَقَاءُ

وَكُنْ رَجلاً عَلَى الأَهْوَالِ جَلْداً ـــــــــــــــــــ وَشِيْمَتُكَ السَّمَاحَةُ وَالْوَفَاءُ

وإنْ كَثُرَتْ عُيُوبكَ في الْبَرَايَا ـــــــــــــــ وسَركَ أَنْ يَكُونَ لَها غِطَاءُ

تَسَتَّرْ بِالسَّخَاء فَكُلُّ عَيْب ـــــــــــــــ يُغطِّيهِ ـ كَمَا قِيلَ ـ السَّخَاءُ

وَلا تُر للأَعَادِي قَطُّ ذُلاًّ ـــــــــــــــ فَإِنَّ شَمَاتَةَ الأعْدَا بَلاَءُ

وَلا تَرْجُ السَّماحَةَ مِنْ بَخِيلٍ ــــــــــ فَما فِي النَّارِ لِلظْمآنِ مَاءُ

وَرِزْقُكَ لَيْسَ يُنْقِصُهُ التَأَنِّي ــــــــــــــــ وَلَيْسَ يَزِيدُ في الرِّزْقِ الْعَنَاءُ

وَلا حُزْنٌ يَدُومُ وَلا سُرورٌ ـــــــــــــــ وَلا بُؤْسٌ عَلَيْكَ وَلا رَخَاءُ

إذَا ما كُنْتَ ذَا قَلْبٍ قَنُوع ـــــــــــــــ فَأَنْتَ وَمَالِكُ الدُّنْيا سَوَاءُ

وَمَنْ نَزَلَتْ بِسَاحَتِهِ الْمَنَايَا ــــــــــــــــــــ فَلا أَرْضٌ تقيه وَلا سَمَاءُ

وَأَرْضُ اللَّهِ وَاسِعَةٌ وَلَكِنْ ــــــــــــــــــــــ إذَا نَزَلَ الْقَضَا ضاقَ الْفَضَاءُ

دَعِ الأَيَّامَ تَغْدِرُ كُلَّ حِينٍ ــــــــــــــــــــ فَمَا يُغْني عَنِ المَوتِ الدَّوَاءُ



Wednesday, September 19, 2012

.......أحــــبـه اموووت فيه......

0 comments
الكــــــاجــو
أو  الكــــــــاشو
او ســــن العـــــجوز
أبتليت بحبه على كبر بعيد عنكم
اشتريه بالغالى مش حأكذب عليكم
وساعات بيجيلى هدايا من اولاد اخواتى
وقرايبى وهم راجعين من السفر
إنما ايه الكاجو دا؟
!!!!هي فاكهة
(اول مرة اعرف انه فاكهة)
من أصل برازيلي
(ايوة البرازيل اللى جايبالنا العجب دايما)
يكثر نموها في شمـــــــال شرق
البرازيل

وتسمى في
البرتغالية
(Caju)

واللى عاوز يستزيد
يتفضل يقرأ بقية المقال
واللى بيقول ان ثمرة الكاجو نفسها
سامة الأ بعد معالجتها وتحميصها وتقشيرها

حد حيقولى
وماله الفول السودانى
!!!وحش!مش عاجبك

حاقوله ابدا ابدا ابدا
بس اهوه بقى
اهواء تتنازعنا
أحيانا
ثم نرد الى
اصلنا وفصلنا
والباقى لنا دائماً
اللى هو الفول السودانى


ح

Sunday, September 16, 2012

.....عــــــام دراسى جــــديــــد.....

14 comments
عام دراسى جديد
علينا سعيد بأذن الله
وزى ما كنت بقول
لأولاد أخواتى
 التعليم دا
زى الطريق المليان
حفر ودعادير ودهاليز
لكن أخره ورد وجناين  وبساتين
ولابد من المشى فيه للأخر
سواء برضاكم أو غصباً عنكم
كل سنة والتلاميذ والطلاب
والمدرسين والأساتذة
وأولياء الأمور
بخير





Saturday, September 15, 2012

.......الهدوء الذى يسبق العاصفة...

0 comments


شارعنا هادى وساكت وجميل
ولكن من بكرة كل هذا يستحيل
الى العكس تماما
فالعام الدراسى يبدأ غداً
طاطاطاطا
فشارعنا العزيز
به مدرسة أعدادى وثانوى
كما انه به عدد من (السناتر)اى مراكز
اعطاء الدروس الخصوصية ودى بقى شغالة
الله ينوررررررررر من اول يوم فى العام الدراسى
وتقريباً الشارع بيختفى تماما ما بيبقاش فاضل منه الأ اسمه

Friday, September 14, 2012

......دفتر أسامي الهاموش.....


يا دفعة....

يا مرمي....
ف كشك الحراسة....
لحد أما يطلع عليك النهار....
يا صبحي محمد سعيد الفواعلي....
نزيـل المــوائد ف سـاعة الفطــار....
يا كردي يا صالح يا جندي المراسلة....
توصــل مدام إنشراح بالخضــار....
وترجع تجيب العيال م الحضانة....
وتطلع توّدي فلوس الإيجار....
وسيد بشندي....
بتاع النضافة....
بيكنس تقاطع لاظوغلي ونوبار....
ومحسن عفيفي بيقطع تذاكر....
ف خط المنيرة لحد المطار....
وسعد المنادي....
في خط العبور....
أخو أحمد قناوي أشارجي المرور....
و أشــرف شرارة....
ف نفــس الإشارة....
بيطلع يوزع بواكي البخور....
وعبده السواحلي بتاع الفريسكا....
بيسرح يوماتي ف شط الزهور....
ودفتر أسامي الهاموش و الغلابة....
بيكبــر ولا توفّيــهوش الكتابة....
وتسمن و تتخن كروش الديابة....
بلحم اللي ماتوا....
ف أخــر الطابور....

كلمات الشاعر: مصطفى إبراهيم

صورة: عماد كريم
منقووووووول

Tuesday, September 11, 2012

.....النهاردة 9/11


الن
هاردة 11سبتمبر
النهاردة
11سبتمبر
النهاردة 11سبتمبر
النهاردة11سبتمبر
النهاردة 11سبتمبر
النهـــــــــــــاردة11سبتمبر 
النهاردة 11سبتمبر
النهاردة 11سبتمبر

النهاردة 11سبتمبر
النهاردة 11سبتمبر
النهاردة 11سبتمبر
النهاردة 11سبتمبر

************



وانا فاكرهم على طول

معتقلى جواتنامو
و ما حدث ويحدث لهم فيه

وأشباة معتقلى جواتناموا

كثيرين

فى كل مكان

من ارض الله

الواسعة
_________________________

الى هنا انتهت التدوينة القديمة
ولكن موضوعها ما زال حياً
ولا أقرأ حاليا أى كلام  عن معتقلى جواتناموا
الأ قليلا جدا ولربما قيل انه لم يعد هناك أى معتقلين
باعتبار أنهم إما رُحلّوا الى بلادهم
أو
( !!!اختفوا)
من على وجه الأرض
المهم أن الظلم مازال موجودا
اما هناك وأما هنا
___________________
اللهم بحق هذه الايام


حررآسرانا جميعاً


اللهم لا تدع لنا ذنباً الا غفرته


ولا هماً الا فرجته


ولا ديناً الا قضيته


ولا مسافراً الا سالماً غانماً رددته


ولا مريضاً الا شفيته


ولا مبتلاً الأ عافيته


ولا اسيراً الأ حررته


ولا حاجة من حوائج الدنيا والاخرة


لك فيها رضا


ولنا فيها صلاح


الأ سويتها وقضيتها


يارب


العالمين


آمين


وصل اللهم وسلم وبارك


على سيدنا محمد وعلى
آله وصحبه وسلم


الأسرى فى الإسلام
حقوق الأسرى في الإسلام

Monday, September 10, 2012

!!!!!.....هى مأساة ولكن.....

تمكنت اجهزة الحماية المدنية بالقاهرة
من انتشال جثة الطفل الاماراتي

الذي لقي مصرعه
غرقا مساء امس بنهر النيل
حيث عثر علي الجثة بمنطقة
شبرا الخيمة وتم نقلها الي المشرحة
 
وامر اللواء اسامة الصغير
مدير امن القاهرة بتحرير محضر
بالواقعة وتولت النيابة التحقيق
وكان اللواء عبد العزيز توفيق
مدير الادارة العامة للحماية المدنية
قد تلقي بلاغا في ساعة متأخرة
من مساء السبت الماضي
بغرق طفل (5 سنوات) اثناء تواجده
بصحبة والديه المحامي الاماراتي ووالدته
في رحلة بنهر النيل بالقرب من منطقة
منيل شيحة بالجيزة واثناء لهوه بالمركب
اختل توازنه ولقي مصرعه
وكان المسئولون بدولة الامارات
قد ارسلوا28 غواصا امارتيا
علي متن طائرة خاصة
للبحث عن الطفل
بالإشترك مع قوات
الإنقاذ النهري المصرية
وكونا معا فريق عمل
وبدأت عمليات البحث
في الساعات الاولي من صباح أمس
بمشاركة ستة اطقم من قوات الانقاذ النهري
حيث تم عمل عمليات مسح لنهر النيل
بمنطقة منيل شيحة علي مدار
يومي السبت والاحد
الا ان قوات الإنقاذ النهري
باشراف اللواء عبد العزيز توفيق
مدير الادارة الحماية المدنية
قد تلقت اخطارا ظهر امس
من الصيادين المتواجدين
بنهر النيل بمنطقة شبرا الخيمة
بالعثور علي جثة لطفل
وتحمل نفس مواصفات الطفل
وعلي الفور توجه رجال الامن
وبصحبتهم والد الطفل للتعرف على الجثة
ملاحظات
1-نُسب الفضل فى العثور
على الجثة الى من لا فضل له
2-مازالت تكتب اسماء المسئولون
الكبار فى كل إدارة فى حين أسم من غاص
وتعرض للخطر فعلاً من طاقم الضفادع البشرية لم يكتب 
الإمارات بعتت 28غواصا بطايرة خاصة
-3 
للبحث عن جثة طفل إماراتى ولمساعدة والده
هذا ما اريد أن اقوله
أن بلده لم تتركه لحاله
يضرب دماغه فى الحيط
او يشحت المساعدة
من اللى يســــوى
واللى ما يسواش
أو تركته قاعد
على شط النيل
ينتظر ظهور جثة ولده
وراح مسئوليها يتفرجواعلى
ماتش كورة دون أدنى إهتمام بالبشر
4-اجرات السلامة يرحمكم الله
لا تستهينوا بها بالله عليكم
.

Friday, September 7, 2012

......خــــــبـــــر وصـــــور.....

0 comments




ولن أعـــــــلق
فكفى الرجل من علق على اعماله
سواء وهو بالوزارة ام خارجها





فقط أسال هل سيأتى اليوم
الذى ارى فيه كل المجرمين وراء
القضبان يمضون فترات عقابهم!!؟

Tuesday, September 4, 2012

.......نـــــــخــــــــنـــــوووووخ!!!!......

10 comments

حتقولولى حتى انتى يانونو!!
حأقولكم الله ماليش نفس
والله والله والله
انا ما قريت عنه شىء
لحد دلوكيتى
لكن بيتحكيلى
وبأضطر أسمع
!!!حأسد ودانى ياعنى
المهم اكتب او انقل اللى كتبته

جريدة الشروق عنه النهاردة

نخنوخ ليس قوادًا وإنما مخلصاتى.. والداخلية استعانت به فى ضبط مطلوبين أشهرهم الخرشاوى .بعد ساعات من إلقاء القبض على «صبرى نخنوخ» أشهر بلطجية مصر، تبارت وسائل الإعلام فى نشر معلومات، انساقت فيها وراء تسريبات بعضها من جهات أمنية، والآخر مجرد شائعات تداولها الأهالى، كان أبرزها أنه عمل صبى ميكانيكى فى بداية حياته، ثم مشاركا فى أحداث حرق الأقسام
 
«الشروق»
حاولت الإجابة عن السؤال الذى يدور فى أذهان الكثيرين من الذين يتابعون قضية نخنوخ.. كيف بدأ ؟ وما حقيقة ما يشاع حوله ؟ وجاءت المعلومات مختلفة كثيرا عما يجرى تداوله حاليا.. صبرى حلمى نخنوخ من مواليد منطقة بولاق أبوالعلا بالقاهرة، لأسرة ميسورة الحال، يبلغ من العمر 49 عاما، أعزب، لم يكمل تعليمه الثانوى، لديه شقيقان سعيد وسامى، يمتلك الأخير العوامة حورس وعددا من المحال، والملهى الليلى أنكل سام، ووالده حلمى نخنوخ صاحب محل لتجارة مواتير المياه بمنطقة السبتية

البداية
بدأ نخنوخ حياته بالعمل فى تجارة مواتير المياه، سائرا على خطى والده، وكان زبونا دائما فى كباريهات شارع الهرم، والتى كانت حلقة الوصل فى علاقته بالفتوات، حيث بدأ فى الإغداق عليهم بالبقشيش فى كل سهرة، وبدأ يشعر بأن الجميع تحت أمره فى أى وقت، ولتنفيذ أى مهمة

كان صبرى دائم التواصل مع الحراس الشخصيين البودى جاردات فى طول مصر وعرضها، كما أنه كان يحرص على حضور المناسبات التى تخص رجاله المقربين، فضلا عن التكفل بمصاريف أسرة أى بودى جارد محبوس، حتى وإن كان لا يعرفه، فبمجرد أن يعلم بذلك، يرسل أحد رجاله بصحبة محامين للمحبوس، لتلبية طلباته، ونقل تحيات المعلم، ما ضمن له ولاء المئات من الرجال بالتبعية

علاقات صبرى بدأت تتشعب فى عالم الليل، من خلال جاردات مركب شهرزاد، والتى يستأجرها ابنا خالته أشرف وإيهاب، فضلا عن مساعده الأول محمد عبدالصادق، المسجل خطر (جرائم نفس )، وسبق اتهامه فى قضايا شيكات وسلاح. وكان يتولى  حسب المعلومات  توفير الرجال اللازمين لتنفيذ أية مهام، ويدين لنخنوخ بالولاء الشديد، حيث سبق وأن أطلق النار على صبى ذكر اسم نخنوخ دون لقب المعلم

نجح المعلم فى تكوين منظومة كاملة من البودى جاردات، موزعين على جميع كباريهات وفنادق مصر، من الإسكندرية وحتى أسوان، جميعهم يدينون له بالولاء والطاعة. يقول أحد المقربين منه  طلب عدم ذكر اسمه: المعلم لما كان بيطلب حد يبقى ياسعده ياهناه، لأن أكيد فيه مصلحة كبيرة، ورجالة المعلم فى كل حتة فى مصر، وأفضاله عليهم كتير، وكان لما بيروح نايت كان بيوزع فلوس على الجاردات اللى موجودين هناك

المعلومات أكدت أن صبرى كان فى طريقه إلى تكوين مافيا تنتشر بطول وعرض الجمهورية، جميعهم رهن إشارته وإن كان لم يسبق لهم رؤيته وجها لوجه
 
الطريق إلى الملايين
عرف صبرى طريقه إلى الملايين مستخدما ذكاءه الفطرى، من خلال وظيفة المخلصاتى، فحسبما يروى مصدر أمنى  طلب عدم ذكر اسمه  فيه مصالح كتير كانت بتخلص عن طريق المعلم صبرى، يعنى حتة أرض عليها مشكلة، يبعت الرجالة تخلصها، شيك بكام مليون عاوز يتحصل، يقوم بتحصيله ويأخذ عمولته من أول قسط يدفع، وانتقل من التخليص إلى تسقيع الأراضى والعقارات، وكان أغلبها من أملاك الدولة، ليشارك فى انتخابات عام 2005، مستخدما فى ذلك جيشا جرارا من رجاله

 واستمرت علاقة نخنوخ بوزارة الداخلية على ما يرام، وسبق وأن وقع خلاف بين نخنوخ واللواء (أ أ)، بسبب تعدد الأحداث التى تورط فيها رجال نخنوخ، وتدخل حبيب العادلى، وطلب من نخنوخ البقاء فى الإسكندرية وعدم نزول القاهرة، وهو ما نفذه نخنوخ وكان تعامله من خلال التليفون

بداية نخنوخ فى لعبة الانتخابات بدأت من بولاق أبوالعلا، وكانت لصالح الأب الروحى لنخنوخ، اللواء بدر القاضى ،نائب مجلس الشعب عن دائرة بولاق فى النظام السابق، والذى مثل مفتاح دخول نخنوخ إلى عالم السياسة والكبار، وكان القاضى حلقة الوصل فى علاقة نخنوخ بوزير الداخلية المحبوس حبيب العادلى، والذى تعامل معه باعتباره جزءا من تركيبة الشارع

دور صبرى ورجاله كان محددا ومحدودا فى عملية تقفيل اللجان، واقتصر دور صبيانه على افتعال مشاجرة مع الناخبين، ومن ثم تتدخل قوات الشرطة الموجودة بالقرب من اللجنة لفض المشاجرة، وتشميع اللجنة وإلغاء الانتخابات فيها، لكن دوره الأهم برز من خلال تكليف الأمن له بضبط المطلوبين، ومنهم محمد. ج. م عاطل وشهرته سوكة الخرشاوى، أخطر مسجل فرض سيطرته على منطقة الشرابية، والتى تضم عددا لا بأس به من رجال نخنوخ، أبرزهم ح  خ، والذين تختلف درجة قربهم منه حسب درجة إجرامهم

 وكان سوكة متهما بالشروع فى قتل أحمد حسين طاهر، ضابط بإدارة حرس جامعة الأزهر بمنطقة الدقى، وبعد الثورة أتهم بتمزيق جسد الرائد أشرف طه أحمد، رئيس مباحث سجن القاهرة للمحبوسين احتياطيا
 
دائرة العلاقات العامة
دائرة العلاقات العامة لإمبراطور البودى جارد، بدأت بمحاولته اختراق مجال الإعلام من خلال جريدة الدولة الأسبوعية عام 2008، والصادرة بترخيص رقم 04761267 المملكة المتحدة، وكان مقرها عمارة رمسيس. تتصدر صفحاتها الأولى مقالات بقلم صبرى نخنوخ، رئيس مجلس الإدارة، وتحمل إعلانات مدفوعة لكباريهات شارع الهرم، فضلا عن حوارات مع فنانين مثل مى عز الدين، بجانب تعازى لعدد من ضباط الشرطة، كما تضم صفحة عالم الليل، والتى تتناول ما يدور فى شارع الهرم
من ناحية أخرى، مثلت علاقة صبرى بالفنانين سلم الوصول لصفوة المجتمع، وبدأت من خلال مجموعة من الفنانين الذين كانت بدايتهم من شارع الهرم، حيث قاموا باستقطاب أسماء فنية كبيرة للتعرف على نخنوخ، وكان المقابل حفلات صاخبة، وتوفير حماية لهم طوال الوقت

ثروة نخنوخ
لا يملك صبرى نخنوخ أى محال سهر. لكن مقربون أكدوا أن ثروته قاربت المليار جنيه، وأنه كان يحتفظ بمبالغ مالية ضخمة داخل حجرة يتولى حراستها 3 من رجاله، لتخليص بعض الأمور التى لا تنتظر صرف أموال من البنك.

 ومن أبرز ممتلكاته قطعة أرض (حوالى ثلاثة أفدنة)، بطريق مصر الإسكندرية الصحراوى، بالإضافة إلى قصر فى كينج مريوط، وفيللات ببحيرة مريوط والساحل الشمالى وشرم الشيخ وبورتو السخنة، و26 شاليها إلى جانب قطع أراض فى برج العرب وعدد من المحافظات

 السقوط


مصادر أمنية قالت إن جماعة الإخوان وراء التعجيل بالقبض على نخنوخ، وأن تواجد صبرى خارج الأراضى المصرية، جاء لتوقعه ذلك بعد الثورة، وأنه تعرض للخداع حتى يحضر لمصر
الغريب أن كثيرا ممن يعرفون نخنوخ، نفوا كونه قوادا أو تاجر مخدرات. مؤكدين أنه برنس مالوش فى الوساخة، وأنه لا علاقة له بحرق الأقسام لأنه عمل عشوائى وغير منظم على حد قولهم، فى حين رفضوا الإجابة على تساؤل حول مدى تورط نخنوخ فى موقعة الجمل أثناء وجود أركان النظام السابق

الثقة بالنفس
بدا نخنوخ ومنذ لحظة القبض عليه، واثقا من نفسه، يتحدث بتركيز تام، لا يبالى بما يحدث معه، ولعل ذلك راجع لأمرين  حسب مقربين  الأول خوف عدد من شهود العيان من التحدث عن جرائم نخنوخ، والثانى لثقته المطلقة فى ولاء رجاله وأنهم لن يبيعوه.، فضلا عن كونه لم يشارك بنفسه فى جميع العمليات التى قام بها



التحقيق كُــــتب بــقلم
الأستـــــــاذ محمود الجندى

جريدة الشـــــــروق المصرية

Monday, September 3, 2012

...حـــدث فى بولــــــندا قبلنا!!! ...

6 comments

اتفرجت على فيلم عن تحول بولندا
من النظام الشيوعى الشمولى الى
نظام ديمقراطــــى
(على حد علمى)



علشان محدش يقولى ابدا ابدا ابدا
دا النظام الحالى اسوء من السابق
ما يعينى ان الخطوات والأحباطات والمؤمرات
وحتى التبريرات والآلهاءات هى هى ما نمر به حاليا
وكانها خطوات مدروسة ومكتوبة يسير عليها أعداء
الديمقراطية والحرية فى كل مكان
حتى
الطرف الثالث المجهول
أو اللهو الخفى
اللى عندنا وقتل الثوار فى ميدان التحرير
او ماسبيرو أو محمد محمود
كان الطرف الثالث دا عندهم
بس كان النظام بيسميهم 
قتلة مجهولين
ودا  
فيلم تانى اقصر
ملاحظة اخيرة
لا الفيلم الأول ولا التانى
هم اللى شفته لكنهم
بيوضحوا ما اقصده


Sunday, September 2, 2012

.....التـــــعــــود.....

0 comments


التعود على أحد
!بداية حــب

منقول بتصرف

Saturday, September 1, 2012

.......يــــــــارب......

3 comments

يـــــــــــــــــــــــــــــــــــــــارب
يــــــــــــــــــــــــــارب
يـــــــــــــارب
يــــــارب