Wednesday, December 9, 2015

تدوينة سنوية أنا عندى زكاااااان.....


زى كل سنة
الزكااان وصل
والحمد لله
من الحاجات اللى افتكرها
للعيانين مرة كنت عفوا

( بنف ف ف ف ف ف)
داخل عيان بيسال مالك يادكتورة؟
قلتله عيانة شوية
رد :هم الدكاترة بيعويوووا
انا صراحة سكت حارد اقول ايه؟
اللى ردت الحكيمة
اه بيعويووا طبعا


من اللى بيشوفوه

 
ومرة  افتكر رجعنا 
من إجازة عيد أضحى او عيد الفطر
وكانت طويلة شوية
لان (لضم )فيها
اجازة شم نسيم أو عيد عمال
مش متذكرة اوى
المهم
رجعنا فوجئنا بزميل عزيز لنا
توفى فى حادث فى قريته
الراجل كان فعلا نعم الأنسان والزميل
انا وزميلتى لما سمعنا الخبر
هااااااااااااتك ياعياط




جه عيان
فسأل
خير فيه ايه؟
قالتله زميلتى
دكتور فلان مات
قعد العيان يقول
الله يرحمه
!دا كان راجل امير
!دا كان دكتور شاطر
!دا كان انسان بمعنى الكلمة
وقعد يتصعبن
ويمصمص شفايفه
ويقول ويعيد
وبعدين








طب قيسيلى الضغط بقى


12 comments:

زهــــراء said...

الف سلامه على الحلوين من البرد واعتقد ان البرد أصبح صديق لنا جميعا انا تقريبا من نهاية الصيف البرد مصاحبة جدا وتحسي انه بقى صديق صدوق بس كل ده بسبب الجو عندنا المهم بقى في ناس مش مقتنعه ان الدكتور يتعب لأنه حاجه غير البشر مره كنت عند دكتور عظام واعتذر عشان وقع على رجله انكسرت واحد كان قاعد قال ايه ده هو عرف يجبس نفسه ههههههههههه وأزاي يقع ويتكسر كمان سبحان الله وكأن الدكاتره غير البشر
ربنا يحفظك ويبارك فيكي يا دكتورتي

زهــــراء said...

كنت اول تعليق ونسيت اعمل احتلال معلس بقى أنفي مقفول ومش قادره اخد نفسي ومش هاقدر اعمل احتلال حظك بقى ههههههه

norahaty mo said...

زهووورة
اسمه أحتللللان
مش احتلاااااااال
انتى مزكمة وحالتك
زى حالتى انا عارفة

norahaty mo said...

زهوووورة
سلامتك من البرد
والتعب والعيا
معاكى بنديل
☺☺☺☺☺☺☺☺

Gamal Abu El-ezz said...

الف سلامة عليكى دكتورة نور
والشخص الى سال الدكاترة بيتعبوا . كان يقصد اكيد انهم كأطباء عارفين العلاجات السريعه فمش مفروض يتعبوا
معلش بقى كل واحد بيبقى فى دماغه إن الى شغال فى مهنة تانيه ساحر :)
ربنا يشفيكى ومرضى المسلمين اجمعين

norahaty mo said...

جمـــــال ابو العز
ربنا يكرمك ويبعد عنك
المرض والحزن والهم والغم
ووجع القلب يارب.

P A S H A said...

ألف سلامة على حضرتك يا دكتورة، ربنا يشفيكي ويعفو عنك وتقومي بألف سلامة إن شاء الله
:)
استأذن حضرتك اتقمص دور الطبيب مرة من نفسي بقى D:
راحة تامة وسوايل دافية كتير وامشي ع العلاج ده (حطيه ع الأرض وامشي عليه):
(حضرتك ممكن تتخيلي أي طلاسم مكتوبة بلغة فناكيشي ما حدش يعرف يقراها لا الدكتور ولا الصيدلي)
الإستشارة الأسبوع الجاي إن شاء الله
وبعدين قبل حضرتك ما تخرجي من الأوضة وتفلسعي ارن الجرس للمرضة .. ترررن ترررن .. خدتي ميت جنيه من الدكتورة؟؟ دفعت يعني؟؟ .. طيب تمام .. قلتي لها أن الإستشارة بخمسين؟؟ .. تمام .. دخلي الحالة اللي بعدها
مع ألف سلامة يا فندم
D:

norahaty mo said...

شريف باشا
ههههههعه
بعد الكلام الحلو
دا خلاص خفيت.
لعلمك انت وصفت العلاج
بالضبط:دكتووووور ياخوووواتى

P A S H A said...

مش عارف والله يا دكتورة إذا كنتِ حضرتك هتوافقيني في كلامي ده ولا لأ .. بس أنا عندي اعتقاد إن أحد أسباب شفاء المريض (بعد إرادة ربنا طبعاً) بعد زيارته للطبيب مش التشخيص بس؛ لأ فلوس الكشف اللي بيدفعها المريض للطبيب دي بيبقى داخل فيها جزء صدقة من غير ما المريض يعرف وبيتولى توزيعها الطبيب من غير ما يعرف برضه .. يعني الطبيب اللي بياخد فلوس الكشف بيكون شغال معاه ممرض وسكرتيرة وفيه عاملة نضافة بتيجي تنضف العيادة وبواب عمارة وسايس جراج قدام العمارة وصيدلية تحت العمارة شغال فيها عمال وجنبهم محلات وهكذا ..... كلهم بيستنفعوا بشكل أو بآخر من بعض بطريقة مباشرة أو غير مباشرة .. عجلة رزق ودايرة ع الكل.
باحس ساعات أن ربنا سبحانه وتعالى بيسبب الأسباب بأن فلان يمرض علشان يروح للطبيب مخصوص (وممكن يركب مواصلات كمان) ويدفع فلوس كشف وإستشارة وأدوية ..... إلخ، علشان يجبره أنه يطلع الصدقة من جيبه ويا سبحان الله في أحيان كتيرة تلاقي المريض خف بعد زيارة الطبيب ومن غير حتى ما يشتري الدوا.
باستشعر ساعتها الحكمة العظيمة من الحديث الشريف اللي بيقول: "داووا مرضاكم بالصدقة"
جايز تكون وجهة نظر غير منطقية شوية وغريبة بس أنا فعلاً باشوف الأمر كده :))
شكراً جزيلاً لذوقك؛ ربنا يكرمك ويعافيكي .. باعتذر جداً عن الإطالة
تقديري واحترامي

Sam Elgawady said...

شفاكي الله وعافاكي وسلمك من كل سوء

norahaty mo said...

شريف باشا
وجهة نظر تحترم
بس حاقولك أن العامل
النفسى للمريض من إحساسه
أن(حط)المسئولية فى ايد امينة
لها دخل كبير فى الشفاء

norahaty mo said...

سامح الجوادى
عندنا!! يامرحبا يامرحبا
حللت أهلا ونزلت سهلا
عافانا الله وإياكم من كل سوء