Saturday, November 5, 2011

........بكرة العيد وحنعيد.......


بكرة العيد وحنعيّد

وندبحك يا سى السيد

ونحطك فى الاروانة

ونضربك بالخرازنة!


كل سنة وانتم واحنا وهم وهن

بألف مليون خير يارب

أحترت اكتب أيه بالمناسبة

الجميلة دى

لقيتنى بأفتكر أغنية كنا بنقولها

فى بيتنا وحتتنا القديمة زمان

ونفضل نغنيها أدام الخروف

ونغيظه اوى

معتمدين على أنه مربوط

ومش حيعمل لنا حاجة

لكن فى مرة

الحبل ماكنش متين كفاية

والخروف قطعه

وجرى ورانا

وعينكم ما تشوف الا النور بقى

أصطاد واحد من ولاد اخواتى

الصغيرين

ونطحة حتة نطحة

تقولش بيليه فى زمانه

النطحة حدفت الولد 4متر ادام

والحمدلله

جت سليمة شوية كدمات على سجاحات

على ذكرى ما قدرش ينساها ابداً

و بطل بعدها

كتير من الشقاوة ومعاكسة الخرفان

ولما بيشوف خروف لحد دلوقتى

بيحاول ما يقربش منه

من ذكريات العيد الكبير
زى ما كنا متعودين نسميه زمان

برضه

لما الخروف بتاعنا جه له زكام

واشار علينا

(الخبراء)

أن لازم ننفخ فى وشه

(دخان سجاير)

طيب دى مشكلة !

مكانش عندنا حد بيدخن

أو بالأصح بيعترف انه بيدخن

فى الزمن دا لانه كان عيبة كبيرة اوى
..أيه دُنيا

المهم طب نعمل ايه ؟

أم نادية

مدبرة منزلنا ربنا يشفيها ويعافيها ويخليها يارب

مالقتش منه بد

مسكينة جابت علبة سجاير

(ماركة بلمونت الاصلى)

وبقت كل يوم تطلع تدخن فى وش

(حضرته)

سيجارة او سيجارتين

على حسب ما تسمح الظروف

ولحد حضرته

(الخروف)

ما يعطس!

هكذا اشار علينا الخبراء

العلبة كانت قربت نخلص

وحضرة الخروف المحترم

لسه ما بيعطسش!

يادى الوقعة يارب !

بقينا خايفين ان الست هى اللى تحب السجاير

من كتر ما دخنت

لجناب الخروف

وخصوصاً انها بقت تطول فى القعدة فى السطوح

لكن قدر ولطف الحمد لله

الخروف خف قبل ما نبعت نشترى

العلبة التانية

الحمد والشكر لله

ذكريات كتيرة اوى ممكن الواحد يفتكرها

ودا جزءمن الرصيد اللى بتعطيه
الأسرة لأولادها

بعد كده

ذكريات وتجارب وخبرات

يستعين بها الأولاد

فى حياتهم بعد كدهـ
******
معانى الكلمات:
الأروانة:طشت صغير:)
الخرزانة:عصاية رفيعة بتوجع موووت
سجاير بلمونت:ماركةسجاير للناس العادية
بيليه:لاعب كرةبرازيلى ماتقوليش بقى:)

:::::::

تدوينة قديمة
فى صعبان على حالنا
نمر ون
لكنها عزيزة عليا
اوووووووى
وكمان لا بيروح
عليها الزمان ولا بيجى
زى ما بيقولوا
قلت احطها النهاردة
ومرة تانية
كل لحظة وأنتم بألف خير

14 comments:

حفيدة عرابى said...

:)
تدوينة لذيذة اوى يادكتور وخصوصا معانى الكلمات اللى فى الاخر
تسلم الايادى وربنا مايحرمك من وجود حبايبك حواليكى ولا من الذكريات الحلوة
كل سنة وانتى طيبة وبخير دايما يارب
أنا قلت لك قبل كده انى بحبك فى الله ..صح ؟
اعتبرينى باقولهالك دايما
كل سنة وانتى طيبة وبخير ياأحلى دكتورة فى الدنيا

norahaty said...

حبيبتى ابلة راشا
حفيدة عرابى باشا
وكل لحظة وانتى بألف خير
ربنا يخليكى ويخليلك أحبابك
ويديم نعمه كلها ظاهرة وباطنة
عليكم جميعا وأنا احبك فى الله

ظلالي البيضاء said...

ذكريات جميييييلة جداً عشناها اليوم معاك .. والله الضحكة طلعت غصب عني .. هههههه ... الله الله على الخاروف بتاعكم ظريف .. كان لزوم ما تذبحوه ..علشان دمه خفيف ..
إن شاء الله كل عام ودكتورتنا نورهاتي وكل أسرتها بخير يارب

norahaty said...

ظلالي البيضاء
وكل لحظة وانت
بألف خير
أضحى مبارك

تركي الغامدي said...

بكره العيد أعاده الله عليك وعلى من تودين والمسلمين أجمعين بألف خير .. زادك الله تعالى قرباً منه ومن خلقه الصالحين الطيبين المباركين أينما كانوا ... ولشخصك الكريم تحياتي وفائق التقدير .

rona ali said...

:):) كل سنه وانتى طيوبه يا نور

حلوة الذكريات دى لاتنسي ابدآ

ربنا يجمل ايامك كلها

سعيده وجميله يارب :):)

لـــولا وزهـــراء said...

كل سنه وانتى بخير
ورغم الكلام يضحك اوى لكن اكتشفت ان عيونى امتلات بالدموع ثم تلاشت واصبحت بسمه لان كلامك اعاد لى ذكريات جميله مع ناس اجمل


زهراء

منجي باكير said...

أهلا و سهلا
مدونة الزمن الجميل تتمنّى لك عيدا سعيدا
و كلّ عام و أنت أنقى و أتقى و أرقى
http://zaman-jamil.blogspot.com/

norahaty said...

تركي الغامدي
كل عام وانت
والأسرة بألف خير

norahaty said...

rona ali
ذكريات جميلة
يارونا لأنها دائما
مرتبطة بأجمل فترة :الطفولة

norahaty said...

لـــولا وزهـــراء
وانتى بالصحة والسلامة
يازهووورة يارب أنتى ولولا

norahaty said...

منجي باكير
كل سنة وانت
بألف خير يارب

سواح في ملك اللــــــــــــــــــه- said...

كل سنة وانتي طيبة

norahaty said...

سواح في ملك الله
وأنت بالصحة والسلامة
يافــــــــــندم

Post a Comment

قول ولا تجرحـش