Friday, October 29, 2010

...عدنا بعد إنقطاع...ترررم ...


عُدت وعاد النت الى كومبيوترنا العامر
بعد إنقطاع دام نهار وليلة ونص نهار


حاجة بتاعة سنتين ونص


(أحساسى كده!)


المهم خلال الفترة دى
غسلت الغسيل الحمد لله
ونشرت الغــسيل الحمد لله
وكمان لميت الغســيل الحمد لله

بالمرة ثبّت كل الزراير والكباسين المحتاجة تثبيت
حليت الكلمات المتقاطعة بتاعة يوم الخميس اللى فى الأهرام
وقرأت قصة بوليسية لأجاثا كريستى كنت نزلتها من النت
ووضبت الدولاب وطلعت هدوم الشتا ووديتها للدراى كلين
اينعم مش حألحق ألبسها


والاقى الصيف جه


جرررررررى


لكن معلش علشان


المنظر والبريستيج


وبس كده الحمد لله ابن اختى جه



Stuffed Animal Duck Dance Pictures, Images and Photos
بالسلامة وراح دفع الأشتراك


ولولوىىىىىى


لولوىىىى


لولوىى




النت رجع يا مواطنى بلوجر الكرام
Happy Face Pictures, Images and Photos

24 comments:

Ramy said...

حمد الله ع السلامة

و شفتى

بس حلو قوى شوفتى نص الباية المليان

يعنى برغم انقطاع النت

لكن دة مهزمكيش

و لا خليكى محبطة

لالالا خالص

دا انتى خلصتى حاجات كتير فى البيت

هنيئاً لكِ

(:

تحياتى

Unknown said...

الحمد لله وحده
والصلاة والسلام
على من لا نبى بعده
وعلى آله وصحبه وسلم
تسليما مباركاً

Haytham Alsayes said...

صلي الله عليه وسلم

حمد الله علي السلامة
يادكتورة

Unknown said...

بجد ياأستاذ رامى
انا مش عارفة
اشكرك ازاى على
كلامك دا والأهم من دا
مدوامــتك على التعليق
بالرغم من تقصيرى فى الرد وفى
رد الـزيارة كمان .
حأهديك وسام
المواطن الصابر
نمر ون فى بلاد بلوجر الكبرى
فى بلوجر الكبرى

Unknown said...

وأدى الاستاذ
Haytham Alsayes
المواطن الصابر نمر ون
مكرر فى بلاد بلوجر الكبرى
صابر عليا وعلى التعليق
فى صعبان على حالنا2
فشكرا لكم أنتم الأتنين
الف الف الف الف الف الف شكر

Ramy said...

اولا العفو يا دكتورة (:

الموضوع مش كدة خالص ما هواش مرتبط

بتبادل الكومنت و خلاص

لالالالا

ابسولوتلى

(:

دة شرف ليا يا دكتورة (:

حفيدة عرابى said...

حمد لله على السلامة يادكتور وحشتينى
ووحشتى البلوجر والفيس :)
مبروك نزول الشتوى لانى لسه تايهة بين الاتنين فى الدولاب ادع لى

انا شفت الاتنين المواطنين الصابرين
استاذ رامى واستاذ هيثم والاتنين فى منتهى الذوق ودى مدونة الدكتورة العسولة فطبيعى الطيور على اشكالها تقع

Unknown said...

ياأستاذ رامى
ما تحاولش التواضع أنت
المواطن الصابر نمبر ون يعنى
المواطن الصابر نمبر ون
(ما تنرفزنيش:):))
والشرف لنا ولصعبان
لمدوامتك على المرور
ويارب دايما منورنا.

Unknown said...

حبيبتى أبلة العرابية
ربنا يعثرك على التايهة
منك وترتاحى كده زى الراحة
اللى انا بحسها كل ما افتكر
انى انتهيت من المهمة العسيرة
السئيلة البايخة المملة
التلمة (كفاية كدا؟)اللى
اسمها هدوم الصيف والشتا
والبطاطين والألحفة
حاجة تزهق!
وعلى ايه الحكاية
ما بتستمر شهرين على بعضهم
والله ياابلة العّرابية
انا كل سنة بشّتى بس كسوف من الناس
لكن لو عليا افضل البس صيفى
ويادوبك بلوفر او شال عليهم لكن تعملى ايه فى الناس ادامك
لابسين ومتكلفتين وكأنهم فى الاسكيمو:)

Tarkieb said...

حمد الله ع السلامة
النت نور من تاني

أبو العريف said...

حمدالله عالسلامه يا دكتوره

وحشتني مدونتك

ووحشنيي بلوجر

بس ايه كل الحاجات دي

Unknown said...

حمدلله على سلامتك
أنت يـاتركيبووو
بقى لك شوية غايب؟

Unknown said...

الله يــسلمك
ياأبو العريف
العارف كل حـاجة
وخلاص بدال بلوجروحشك
كده ما تبعدش عنه كتير .

أحــوال الهـوي said...

غريبه حليتي الكلمات المتقاطعه
دي معصلجه معايا المرة دي

حمد الله علي سلامة العوده من السفر في الزمن الكمبيوتري اللي اليوم فيه بسنه

ما تحرمناش بقي من بوستاتك و موضوعاتك الجميلة

يا دكتوووووره

تحياتي

تــركــي الــغــامــدي said...

عدت بخير والله الحمد ... وعندما يصبح التدوين كالفرض الواجب القيام به وبالمقابل المداومة على الرد على التعليقات هذا وإن كان أحياناً يبدو مرهقاً إلا أنه يؤدى بنفس رضية ولايكون على حساب الواجبات الأخرى .
تحياتي لك وبالتوفيق

هانى زينهم said...

حمد الله ع السلامة يا فندم نورتى البلوجر والله مع ان حضرتك صاحبة بيت وتنى اللى ترحبى بينا . النت فصل عندى 3 شهور عشانكنت بانقل من الشقة وكدة والله عدوا ولا كأنهم 3 دقايق !! عادى يعنى .. حمد الله ع السلامة تانى يا دكتور وربنا ما يقطعلك نت ابدا !!

أ / أحمد عبد المنعم said...

دوت الزغرودة من الفيس بوك حتى البلوجر
فأتيت مهرولا ومهنئا على عودة النت

ننتظر المزيد من الموضوعات الشيقة

كلمات من نور said...

ليكي وحشة يا نورهاتي يا حبيبتي والله

فعلا انقطاع الانترنت على أد ما هو أزمة على أد ما تلاقي نفسك بتنجزي إنجازات طيبة وهو مقطوع .ربنا ما يقطع لك نت يا فتاتي

عاشــــــ النقاب ـقــــة"نونو" said...

الف حمد الله على سلامتكم
كل عام وحضرتك بخير وسعادة

بنجاواتى said...

حمدايه ده هو النت لما بيغيب كده بنعمل الانجازات العظيمة دى كلها؟؟
لو كده يبقى كل واحد محتاج تأخير يومين على الدفع من كل شهر هشان يلحق ينجز المهما الجميلة دى

عموما حمد الله ع سلامة النت ونورتى الدنيا

تحياتى

بنجاواتى said...

اول جملة دى " ايه ده..." مش عارف ال"حمداية" دى مين والله

موناليزا said...

حمدالله على السلامة
حاسة بيكى على فكرة:)

Hamdy said...

ما شاء الله عملتي كل ده في نهار وليلة ونص نهار
ربنا يديكي الصحة
انا علي كده عايز النت يفصل اسبوع بحاله علشان ابقي نشيط شوية واعمل حاجة بدل الكسل ده :D

بس احسن حاجة انك نورتي البلوجر تاني يعني بالانجليزي
welcome back :D

تحياتي *_*

nigro said...

هل بت أنا مش عارف ليه كل ما اقرالك بوست يا دُك بابقى مبتهج داخليا و منشكح الأسارير و مرسوم على وشي ابتسامة عريضة من الودن اليمين للشمال
هل بت و ربنا ماعرف ليه
هل بت حضرتك تعرفي ولا مش هل بت ؟
:)

آه صحيح
هل بت صباح الفل

سلامـُـه عليكم

Post a Comment

قول ولا تجرحـش