...عدنا بعد إنقطاع...ترررم ...

عُدت وعاد النت الى كومبيوترنا العامر
بعد إنقطاع دام نهار وليلة ونص نهار

حاجة بتاعة سنتين ونص

(أحساسى كده!)

المهم خلال الفترة دى
غسلت الغسيل الحمد لله
ونشرت الغــسيل الحمد لله
وكمان لميت الغســيل الحمد لله
بالمرة ثبّت كل الزراير والكباسين المحتاجة تثبيت
حليت الكلمات المتقاطعة بتاعة يوم الخميس اللى فى الأهرام
وقرأت قصة بوليسية لأجاثا كريستى كنت نزلتها من النت
ووضبت الدولاب وطلعت هدوم الشتا ووديتها للدراى كلين
اينعم مش حألحق ألبسها

والاقى الصيف جه

جرررررررى

لكن معلش علشان

المنظر والبريستيج

وبس كده الحمد لله ابن اختى جه

بالسلامة وراح دفع الأشتراك

ولولوىىىىىى

لولوىىىى

لولوىى

النت رجع يا مواطنى بلوجر الكرام