نتيجة للأخد والرد
والقيل والقال
فى موضوع تغير الساعة
نقدمها !نأخرها
نخليها!نمشيها
النتيجة أن الموضوع
ارتبط فى دماغى انهم
حيغيروه
(التوقيت يعنى)
الليلة اللى فاتت
يعنى الأثنين بليل اللى صبحيته النهاردة الثلاثاء
ونمت وصحيت طبعا
على هذا الأساس
صحيت عاااااااااااااادى
صليت الفجر حاضر الحمد لله
وقعدت زى الشطورة
أعمل هنا
وأحط هنا
وأشتغل هنا
ماهو لسه ساعة بحالها
على التحضر للشغل أتاريهم
الــ(
) منهم لله
) منهم لله حيغيروها
الليلة دى
يعنى بكرة بأذن الله
حيبقى صيام وعطش
وأحساس بالبطىء الشديد
للوقت عقبال ما نتعود تانى عليه
المهم عقبال ما أكتشفت
الحقيقة المرة دى
كانت الساعة بقت 7ونص وخمسة
وانا ميعادى 7ونص ولو دبحتنى كده
معنديش أستعداد أمضى تأخير لأى سبب
وبالتالى مارحتش الشغل
حيبقى اليوم عارضة
وربنا يستر لأن فيه كلام
أن الرأس الكبيرة
أن الرأس الكبيرة
قصدى الرئيس الجديد
للهيئة حيجى يزورنا قبل رمضان
لأ ياسادة مش علشان يهنئنا بقدوم رمضان
(بعد الشر ودى تيجى!)
لكن علشان يشوف الإنشاءات الجديدة
حقيقة هى إصلاحات
وترميمات وليست إنشاءات
فى المستشفى والعيادة الخارجية
المــــــهم اللى بيــــزن
فى نافوخى دلوقتى
سطرين أتنين
ززن
ززززن
زززززززن
ززززززززززن
أزززززززززززز
حنغير الساعة
تررررررررررم
لأ حنرجع الساعة
ترررررررام
وحسبى الله ونعم الوكيل
فى حكومتنا الذكية
الإليكترونية
20 comments:
حســبنا الله
ونعم الوكيل
كل عام وانتم بخير
Sharm
وأنت بألف
خير يارب
كل سنه وانتى طيبه يا نورا
معلش بقى يوم اونطه يلا كل عارضه وانتى بخير
اما بقى بالنسبه لموضوع الساعه مش هاتكلم عليه لانى لو اتكلمت هافقد صيام الشهر اللى لسه مش بدا
اكيد انتى عارفه انا عاوزه اقول ايه
زهــــــــراء
لولا وزهـراء
كل لحظة وأنتِ بالف
خير يازهــراء يارب
طبعاً فاهمة حبيبتى قصدك
اللى هو زى قصدى بالظبط:)
مرة تانية كل لحظة وأنتِ وحبايبك
كلههههههههههههههههههههههم
بالف خير وسلامى لـ لولا كتير
كل سنة وانت طيبة وبخير تقبل الله منك الصيام والقيام
هنا ايضا يوم السبت الماضي عدنا الى توقيت غرينيتش ونقصنا ساعة التي كانت اضيفت خلال الصيف انا عن نفسي رحت كثيرا بالعودة لتوقيت غرينيتش التوقيت الاخر كان اصعب لاننا نضطر للاستيقاظ ابكر من المعتاد
دمت بكل ود عزيزتي ورمضان كريم
بصراحة تغييير الساعة في غير يوم الجمعة ده مشكلة ,
يعني أنا مثلا بكرة إن شاء الله هسافر الشغل في قطار 4:20 ص , يا ترى هييجي في معاده و لا هييجي على 3"20 ص ؟؟
و برضه أتوبيس الشركة هييجي الساعة 8 و لا 7 على القديم ؟؟
حاجة تقلق بصراحة ,
و المشكلة إن ما عندناش عارضه زيكم :(
الذكاء واضح جدا
في حكومتنا الرشيدة
كل سنة وانتي طيبة
كل سنة وانتي طيبة
انا الحمد لله واخد اجازة الاسبوع كله لغاية ما الواحد يتعود علي التوقيت الجديد
يلا معلش تعيشي وتاخدي عارضة :D
كل سنه و انتي طيبة و الساعه متقدمه في بلد متاخرة
و الحياة بتستمر و هما لا بيقدموا و لا ياخروا
ورمضان كريم
تحيات
كل سنة وحضرتك طيبة وبألف خير وصحة وسلامة إن شاء الله
:)
رمضان كريم
رمضان مبارك يا نورهاتي
ومعلش احنا حسبنا زيك كده حيغيروها الخميس اللي فات والأوشاعه انتشرت والكل اخد مقلب ........تعيشي ومتاخديش غيرها
السلام عليكم
فعلاً منهم لله عالم دماغهم فاضيه قال يعنى كده يبقوا شغالين وشايفين شغلهم تمام
بقدم الساعه وأخر الساعه
ناس شايفين شغلهم فعلاً
هوه ده الأنجاز
وكل عام وحضرتك بخير حال
كل عام وانتم بخير
تقبل الله صالح الاعمال
أنا رأيي يلغوا الساعة خالص...
الأهم من دا كله حابب اقول
كل سنه وانتي طيبه
ورمضان كريم يادكتوره عليكي وعلى أسرتك
وعلى كل المسلمين في شتى بقاع الأرض
كل سنة وانتى طيبة يادكتور ورمضان كريم عليكى
كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم
نور هاتى كل عام وانتى بخير
السلام عليكم:
كل عام و انت بخير.
حازم
Post a Comment
قول ولا تجرحـش