Wednesday, August 11, 2010

تــــــــــهنئـة نوووووووفى



كل عام وأنتم بخير
رمضـــان كريم
والله
سبحانه وتعالى
أعــــــلى وأكــــــــرم
عارفة أن كل الناس بتقول
الــــــــ3 سطور اللى فــــــوق دول
فيـــــــن النوفى بقى؟ .....
لأ بجد عندى حاجة جديدة وجميلة
بمناسبة شهر رمضان الكريـــــم
قصيدة جميلة كتبها
ماكس
دكتور أحــــــــوال الهوى
والهوى أحوال وأهوال
ونشوف القصيدة بتقول أيه
:
:
:
انت فاهم معنى عاشق
وانا ماكس بتاع زمان
لما جيت اكتب واسطر

رحت كاتب عالأوزون
رحت كندا قمت نايم
جت دماغى ع الجدون
قلت جاى اسكندريه
بت نمت ع الرصيف
عدى قطر الساعة سته
والزحام كان فيه مخيف
بح صوتى طول ندايا
فين عصام بين الجموع
قاللى جايلك بس ناسى
حتى تذكرة الرجوع

قلت يمكن الكفيل
دبسه ف شغلانه تانيه
راح لاغيله الأجازه
صادر الباسبور ف ثانيه
أصلى عارف شغل دولا
كنت جنبك فى تهامه
كنت أنزل الأجازه
فين طلوع الروح ويامه
تتلغى دوغرى الأجازه
لو فيه نمله أو يمامه

عندهم بكره جنازه
ربنا يقصر ياسيدى
قعدتك وسط الحجاز
مصر حلوه لو حناكل
فيها عدس أو بيصاره
موش ضرورى الفيرارى
يكفى فيلا أو عماره
بس نيجى نشوف ولادنا
وننسى فاتورة الجزاره
شهر صومنا له روايح
ماتلاقيها ف حته تانيه

تو مايبان نور هلاله
ينقلب حالها فى ثانيه
واللمض تملا الشوارع
علق الشراشيب ياعبده
والفانوس أبو حبل جامد
حط كعبه جنب منه
والشيطان بيلم توبه
والبنات تلبس حجاب
تطلع السبحه الطويله
اللى كاسيها التراب
والكنافه تطش سمنه
والقطايف ...والكباب
سلطه خضرا ع الفطور
فول مدمس ع السحور
والزبادى ..والعصير
مرقة الطرشى الخطير
والشوادر والموائد
الغنى جنب الفقير
هو ده الشهر المبارك
كل عام وانتم بخير

--------------
ويـــــــــارب
كــــــــل لحظــــة
والجميـــع بألف ألـف خــير

13 comments:

norahaty said...

طبعاًأشكر الله أولاً
والدكتور عصام ثانياً
وماكس بتاع زمان ثالثاُ
على التكرم والسماح بنشر
القصيدة هنااااااااااااااا
والحمد لله أن هيىء لى معرفة مثل
هولاء البشر الطيبين حتى (يعادلوا)من
عرفت من البشر (المش طيبين):):)

لـــولا وزهـــراء said...

كل رمضان وانتي بخير وسعادة يادكتورا ربنا يبلغك رمضان(:
لولا

ELMOSTAFZ said...

كل سنة و رمضان مجمعنا...

حفيدة عرابى said...

قلت اللى عايزة اقوله بالظبط
تسلم ايدي اللى كتبها واللى اتكبت له واللى نقلها
وبجد الف حمد وشكر لله انه بيرزقنا بمعرفة الناس الطيبين
علشان تبقى الدنيا ارحم بكتير:)

momken said...

روعه طبعا


كل عام وانتم بخير


تحياتى

تركي الغامدي said...

أسأل الله تعالى أن يعيد هذا الشهر الكريم عليك والأسرة الكريمةوعلى جميع المسلمين باليمن والخير والبركات ... والقصيدة وصفت حال الكثير من البشر المغتربين والمسافرين والعابرين للممرات والأزقة . وتظل هي الحياة بكل تفاصيلها قد لاتتشابه خطواتنا على أديمها إلا أننا في النهاية نواجه نفس المتاعب والأفراح والمناسبة .. والله المستعان

همس الاحباب said...

كل سنة وانتى طيبة ورمضان كريم عليكى
ونقل مميز
تسلم الاختيارات
تحياتى

reem said...

كل سنة وحضرتك طيبة يا دكتور
ورمضان كريم عليكى يارب

بجد القصديتين رائعتين

وميرسي لحضرتك على نقلهم ونشرهم عندك
وعاجبنى اوى اوى كلامك ان معرفة البشر الطيبين بتعادل معرفة البشر المش طيبين
ونحن في اشد الحاجة لمثل تلك المعادلة

رمضان كريم

Sameh Ezzat - (خواطر خاطر) said...

كل سنة وانتوا طيبين ورمضان كريم عليكوا وعلى امة المسلمين جميعا

Sameh Ezzat - (خواطر خاطر) said...

جميله القصيده وهقتبص منها استيتوس للفيس تؤ

حفيدة عرابى said...

الدكتورة العسولة
القصة الحقيقية اللى حكيتها فى منتهى الجمال
ربنا يكرمنا من عنده ونكون مؤثرين ايجابيا فى حياة انسان لأن ساعتها هنكون فى منتهى السعادة وهننسى ببساطة كل تعبنا
أما اهداءك
فاعذرينى معنديش كلام أشكرك بيه عليه
جزاك الله خيرا
على ذوقك ورقتك وانسانيتك
وحاجات كتير قوى مش عارفة اتكلم عنها
كل سنة وانت حبيبتى:)

حفيدة عرابى said...

اتعلمت منك أعلق فى التدوين السابق لما تكون صفحة التعليقات مقفولة
جمعة مباركة

Michael said...

قلت اللى عايزة اقوله بالظبط تسلم ايدي اللى كتبها واللى اتكبت له واللى نقلها وبجد الف حمد وشكر لله انه بيرزقنا بمعرفة الناس الطيبين علشان تبقى الدنيا ارحم بكتير:)

Post a Comment

قول ولا تجرحـش