Tuesday, August 10, 2010

عـــارضة أونــــــطة :منـــهم لله


Angry Curse Cursing Upset Grr Grrr smiley smilie smileys smilies icon icons emoticon emoticons animated animation animations gif gifs Pictures, Images and Photos
نتيجة للأخد والرد
والقيل والقال
فى موضوع تغير الساعة
نقدمها !نأخرها
نخليها!نمشيها
1sm025bawl Pictures, Images and Photos
النتيجة أن الموضوع
ارتبط فى دماغى انهم
حيغيروه
(التوقيت يعنى)
الليلة اللى فاتت
يعنى الأثنين بليل اللى صبحيته النهاردة الثلاثاء
ونمت وصحيت طبعا
على هذا الأساس
صحيت عاااااااااااااادى
صليت الفجر حاضر الحمد لله
وقعدت زى الشطورة
أعمل هنا
وأحط هنا
وأشتغل هنا
ماهو لسه ساعة بحالها
على التحضر للشغل أتاريهم
الــ() منهم لله
حيغيروها
الليلة دى
يعنى بكرة بأذن الله
حيبقى صيام وعطش
وأحساس بالبطىء الشديد
للوقت عقبال ما نتعود تانى عليه
1sm025bawl Pictures, Images and Photos
المهم عقبال ما أكتشفت
الحقيقة المرة دى
كانت الساعة بقت 7ونص وخمسة
وانا ميعادى 7ونص ولو دبحتنى كده
معنديش أستعداد أمضى تأخير لأى سبب
وبالتالى مارحتش الشغل
حيبقى اليوم عارضة
وربنا يستر لأن فيه كلام
أن الرأس الكبيرة
قصدى الرئيس الجديد
للهيئة حيجى يزورنا قبل رمضان
لأ ياسادة مش علشان يهنئنا بقدوم رمضان
(بعد الشر ودى تيجى!)
لكن علشان يشوف الإنشاءات الجديدة
حقيقة هى إصلاحات
وترميمات وليست إنشاءات
فى المستشفى والعيادة الخارجية
المــــــهم اللى بيــــزن
فى نافوخى دلوقتى
سطرين أتنين
ززن
ززززن
زززززززن
ززززززززززن
أزززززززززززز
حنغير الساعة
تررررررررررم
لأ حنرجع الساعة
ترررررررام
1sm025bawl Pictures, Images and Photos
وحسبى الله ونعم الوكيل
فى حكومتنا الذكية
الإليكترونية

20 comments:

norahaty said...

حســبنا الله
ونعم الوكيل

Sharm said...

كل عام وانتم بخير

norahaty said...

Sharm
وأنت بألف
خير يارب

لـــولا وزهـــراء said...

كل سنه وانتى طيبه يا نورا
معلش بقى يوم اونطه يلا كل عارضه وانتى بخير
اما بقى بالنسبه لموضوع الساعه مش هاتكلم عليه لانى لو اتكلمت هافقد صيام الشهر اللى لسه مش بدا
اكيد انتى عارفه انا عاوزه اقول ايه

زهــــــــراء

norahaty said...

لولا وزهـراء
كل لحظة وأنتِ بالف
خير يازهــراء يارب
طبعاً فاهمة حبيبتى قصدك
اللى هو زى قصدى بالظبط:)
مرة تانية كل لحظة وأنتِ وحبايبك
كلههههههههههههههههههههههم
بالف خير وسلامى لـ لولا كتير

خواطر شابة said...

كل سنة وانت طيبة وبخير تقبل الله منك الصيام والقيام
هنا ايضا يوم السبت الماضي عدنا الى توقيت غرينيتش ونقصنا ساعة التي كانت اضيفت خلال الصيف انا عن نفسي رحت كثيرا بالعودة لتوقيت غرينيتش التوقيت الاخر كان اصعب لاننا نضطر للاستيقاظ ابكر من المعتاد
دمت بكل ود عزيزتي ورمضان كريم

TIMMY !! said...

بصراحة تغييير الساعة في غير يوم الجمعة ده مشكلة ,
يعني أنا مثلا بكرة إن شاء الله هسافر الشغل في قطار 4:20 ص , يا ترى هييجي في معاده و لا هييجي على 3"20 ص ؟؟
و برضه أتوبيس الشركة هييجي الساعة 8 و لا 7 على القديم ؟؟
حاجة تقلق بصراحة ,
و المشكلة إن ما عندناش عارضه زيكم :(

Haytham Alsayes said...

الذكاء واضح جدا
في حكومتنا الرشيدة


كل سنة وانتي طيبة

wa7ed w5las said...

كل سنة وانتي طيبة
انا الحمد لله واخد اجازة الاسبوع كله لغاية ما الواحد يتعود علي التوقيت الجديد
يلا معلش تعيشي وتاخدي عارضة :D

أحــوال الهـوي said...

كل سنه و انتي طيبة و الساعه متقدمه في بلد متاخرة
و الحياة بتستمر و هما لا بيقدموا و لا ياخروا
ورمضان كريم

تحيات

P A S H A said...

كل سنة وحضرتك طيبة وبألف خير وصحة وسلامة إن شاء الله
:)
رمضان كريم

كلمات من نور said...

رمضان مبارك يا نورهاتي

ومعلش احنا حسبنا زيك كده حيغيروها الخميس اللي فات والأوشاعه انتشرت والكل اخد مقلب ........تعيشي ومتاخديش غيرها

واحد من العمال said...

السلام عليكم

فعلاً منهم لله عالم دماغهم فاضيه قال يعنى كده يبقوا شغالين وشايفين شغلهم تمام
بقدم الساعه وأخر الساعه
ناس شايفين شغلهم فعلاً
هوه ده الأنجاز
وكل عام وحضرتك بخير حال

مسرور said...

كل عام وانتم بخير
تقبل الله صالح الاعمال

ELMOSTAFZ said...

أنا رأيي يلغوا الساعة خالص...

قلم رصاص said...

الأهم من دا كله حابب اقول
كل سنه وانتي طيبه
ورمضان كريم يادكتوره عليكي وعلى أسرتك
وعلى كل المسلمين في شتى بقاع الأرض

mohamed ghalia said...

كل سنة وانتى طيبة يادكتور ورمضان كريم عليكى

romansy said...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم

سهيل ولى الدين علام said...

نور هاتى كل عام وانتى بخير

Anonymous said...

السلام عليكم:
كل عام و انت بخير.
حازم

Post a Comment

قول ولا تجرحـش