Monday, August 9, 2010

.........من كام يوم كده:تدوينة قديمة...

من كام يوم كده
عقبال الحبايب
جبت
شــوز
بردون يعنى
جزمة جديدة
وكالعادة وربنا ما يقطع لنا عادة
دوخت عقبال ما لبستها
وكأنى زى ما اختى بتقولى
هو أنت ما بتبقاش رجليكى معاكى
وأنت بتشتريها؟
والله بتبقى معايا
بس
مش عارفة ايه اللى بيحصل
المهم دخت السبعتاشر دوخة
(أيوة أنا حسبتهم كانوا سبعتاشر مش سبعة)
على لبيسة فى البيت طبعاً
ما لقيتش
افتكرت ساعتها
الاميرات
والملكات
اللى اكيد حد بيلبسهم ويقلعهم
الشوز
بردون يعنى
لكن قبل ما أنسى نفسى
والحمد لله بسرعة
افتكرت
اللى ما بيقدرش يلّبس نفسه
الجزمة
واللى ما عندوهوش جزمة
واللى كمان ما بيقدرش يمشى
و
و
و
و
خلعت الشوز
بعد الدوخة دى
وقمت صليت ركعتين شكر لله
لعله يغفر لى
ما قدمت وما آخرت
وما أسررت وما أعلنت
وما هو أعلم به منى
اللهم آمين
يارب العالمين
(كان ماله القباب ..وحش!)
----------------------
برضه دى تدوينة قديمة
وبرضه بحبها اوى
الجملة المعتادة
لكنى فعلاً
أحبها
لأنها كانت
وليدة اللحظة اللى حصلت فيها

17 comments:

Unknown said...

الحمد لله
رب العالمين
كمـــا ينبغى
لجلال وجهه ولعظيم سلطانه

Ramy said...

ازيك

مش عارف فتح التعليقات عندك بقى زى يوم العيد
هههههه

عارفة انتى فكرتينى بترنيمة بحبها

أسمها ابتدى بالشكر

دة صحيح لازم نشكر ربنا فى اى و قت و على اى حاجة

الحمد لله

تدوينة جميلة

Ramy said...

شوفتى بقى خلتينى انسى

من فرحة التعليقات

(:(:(:

كل سنة و انت طيبة

رمضاااان كرييييم

(:

كلمات من نور said...

داه زي التكرار يعلم الشطار ؟؟؟؟؟؟؟

ههههههههههههههههههههههه

عموما لبستي جديدا و إن كان بقى قديما

ورمضان مبارك عليكي يا حلوة ....سيبتي المنتدى ورحتي فين؟

Tarkieb said...

طب ما تروحي ترجعيها وتجيبي واحدة اكبرة بنمرة...هل حاولتي الاول؟ حاول ثانية ياصلاح الدين .اعتقد ان الجزمة ممكن تتبدل...زمان كان ابونا هارينا جزم باتا وكنا بنروح نغيرها مع ان كان كل الفورمات كانت واحدة من يوم ما وعيت ع الدنيا بس اهو احساس بالحرية...طبعا البوست اكيد قديم بقى وراح الترجيع...عليك بالسبرتو الاحمر وحطيها في القالب وبكدة تبقى وسعت وبلاش تلبسيها على طول بعدها احسن بعد كدة لو مشيتى في الشارع والناس شافت الجزمة الجديدة حتمشي وراكي بقى وتعاكس وتبقى حوسة لو حد واقف بقى ع الناصية مدخن وبدل مامحمد رشدي يغنى ليكي كعب الغزال حتسمعى حليم بيغنى نار نااااااااااااااااااار ...

-_- said...

القبقاب دهخ حكايته حكاية

TIMMY !! said...

فكرتيني بالشبشب ,
أنا ناوي أجيب شبشب يكون نعله طري شوية ,
لأن رجلي وجعتني من الشباشب الفلين دي ,
هو انتي جبتي بتاعك منين ؟؟
:)

ليس فقيرا من يحب said...

هههههههههههههههههههههه

انا بادوخ وانا باشترى البتوع دول دايما مقاس 41 واسع عليا ومقاس 40 مظبوط على رجلى بطريقه تخنقها

وفى النهايه لاما اشترى 40 ورجليا توجعنى

لاما 41 وتخرج من رجلى وتبقى واسعه

الحل ايه مش عارفه هههههههههههههههههههه

كل سنه وانتى طيبه يا دكتورتنا الجميله

رمضان كريم

أحــوال الهـوي said...

صباح الفل يا دكتورة
الحمد لله اكرمني الله بمعرفة ناس كتير عن طريق التدوين لا يجمعنا الاحترام و التقدير
و الكثيرون منهم لم يتيسر رؤيتهم او الاتصال الشخصي بهم
مثل حضرتك و اخي الاكبر ماكس

واي شئ في المدونه ملك لسعادتك و لي الفخر

اكرمك الله و كل عام و انتم بخير

تحياتي

Unknown said...

Ramy
يوم العيد
هو يوم زيارتك لنا
الشكر لله يديم ويحفظ النعم
دا أكيد طبعاً

Unknown said...

Ramy
الله سبحانه وتعالى أكرم
وكل لحظة وأنت بخير
وسعادة يارامى شكرا .

Unknown said...

كلمات من نور
يارب يحفظوه وما يغلطوا فيه
تانى أبداً يارب.المنتدى أننا ماسبتهوش
لكنها حياتنا المليئة بالأنشغالات
ربنا يقوينا جميعا يارب

Unknown said...

Tarkieb
خلاص ما ينفعش بقى
فات الميعاااااااااد:)
وياسلام على باتا وأيام باتا
ذكريات كتيرة:فكرتنى بالذى مضى
ياتركيبو:مآآآآآآآآآآآآآآآآآآآسى:)

Unknown said...

Sharm
دخل التاريخ صح؟

Unknown said...

TIMMY !!
جيب بسرعة ياتيمى
راحة الجسم تبدأ من القدمين
جوجول صور فيها كتير :هات منها:)

Unknown said...

ليس فقيرا من يحب
رانياااااا!!!عاش مين
شافك ياجميلة كيفك وكيف أحوالك
يارب تكونى فى أحسن حال.انتِزى مقاسى بين
نمرتين الأصغر يوجعنى والأكبر يخرج من رجلى
فى وقت من الأوقات أعتمدت على التفصيل
من غلبى حأعمل أيه؟

Unknown said...

أحــوال الهـوي
الحمد لله يادكتور وأكرمنى
انا كمان من واسع فضله بمعرفة
حضرتك وكثير أخرين.والقصيدة تم نشرها
والحمد لله الف شكر له ولحضرتك على ذوقك وكرمك.

Post a Comment

قول ولا تجرحـش