صفــحــــة الحــــوادث

البـــد اية
________
تفكير إجرامى بالبحث والتنقيب

عن الأثار بمنطقة معبد شنهور

بمركز قوص بمحافظة قنا
التشكيل الاجرامى للعصابة

(العصابه المداريه فى البلاطى مستخبيه)

المتهم الأول

(الزعيم يعنى)

وكيل نيابة سابق

أعضاء العصابة

2-- 3-- 4-- 5-- 6-- 7--

8-- 9-- 10-- 11-- 12-- 13-- 14--15
وجميعهم خفراء بالمعبد المذكور

(حاميها حراميها يعنى)

(لا حول ولا قوة الأ بالله)

الخُـــطـــــة

( العملية فى النملية والفيل فى المنديل)
المتهم الاول

(البيه وكيل النيابة السابق)

+الأعضاء

ال2+أل3+ال4+ ال5
أتفقــوا على الجريمه وحددوا

المكان والزمان لبدء العمليه

(الازازه فى البزازه)
واجتمعوا مع المتهمين

ال6 +ال 7

اللذين يملكان منزلا مجاورا للمكان المطلوب

(شوف محاسن الصدف ياأخى)
واتفقوا مع المتهم ال 8

لتوفير العمالة المطلوبة للحفر= للفحت باللغة الدارجة

يعنى

(المتهمين 9+ 10+11+12)

وبالفعل تم الاتفاق

(استبينا ياريس!!! حلاوة يا معلمى!!!!)
الجــــريمة

قاموا بالحفر فى المكان المطلوب

واثناء ذلك انفجرت

( بــــومّ بّـــــــومّ بّــــــومّّ )

بــــئر للميــاة الجــــــــوفية

(حـــــظهم زى وشُـهـــم )

داحنا مش لاقين الميه فى الحنفيات

يقوموا هم يلاقوا بير ميه.بحاله..

صحيح الناس حظــوظ
وترتب على ذلك

تلفيات جثيمة

(عظيمة يعنى بالبلدى)

و ازالة قدرآ كبيرمن
النقوش والرسومات بجدران المعبد

(يالطيف اللطف يارب )
طبعا الدنيا قامت والناس أتلمت

وأتقبض عليهم

نفــــــــر

نفــــــر

نــفــر

الحكم بعد المداولة

السجن من 3 سنوات الى 7 سنوات

(بسسسسسسسس! )
فات منها حوالى السنه

فى التحقيقات والذى منه

وسنة السجن 9 اشهر

زى ما أنتم عارفين ولو مش عارفين أديكم عرفتووا....العلم نورون برض
ياعنى كلها سنتين ثلاثه فى الكلّوب

(على راى فريد شوقى فى فيلم 30 يوم فى السجن)

وكله يرجع لحاله
وعجبىىىىىىىىىى
حد بردون

""غلس""

حيسال طب ال13 وال14 وال15 عملوا فيهم أيه؟

........ماعرفش ......ماقالوش! طب اعمل ايه؟

أ آلف انا من عندى.!!؟

...اسئلة غريبه والله
*****
شوية حوادث صغنونة على الماشى

(سريع يابو سريع)

-1-
النيابه العامه تجرى تحقيقآ

فى اختفاءالهارد دسك لعدة اجهزة كومبيوتر

رئيسيه بأدارات التخطيط السياسى

والإعلامى والدبلوماسية العامة

(بوزارة مهمة اوووووى)
كشفت التحقيقات وكاميرات تصوير المراقبة

(ياووود ياجامد يابتاع كاميرات المراقبه انت)

كشفت ايه ياسيدى؟!
دخول المهندس

سين شين صاد ضاد

فى الساعةالعاشرة مساء

(بليل والدنيا ضلمه والرياح تزمجر وطاخ طاخ طاخ)

عمل ايه بسلامته الساعة

"العاشرة مساءاً"

دخل المهندس الى الوزارة وكان

وخللى بالك من كان دى

يحمل شنطه

كبيررررررررة

والأمن نايم واللى يدخل يدخل

واللى يخرج يخرج مش مشكلته هو ماله

المهم بعد إكتشاف السرقة

والاطلاع على أفلام كاميرات المراقبة
إلقى القبض على الموظف

وعجز عن تفسير سبب دخوله

الى الوزارة فى هذا الوقت المتأخر

فى رأيى دا اكيد راجل متربى كويس ليه؟

علشان مارضاش يقول أن الميه مقطوعة

عندهم فى البيت بقى لها ثلاث سنين

و انه كان عايز يروح يعمل

بردون

زى الناس فى حمام وزارة الخارجية

زى عادل امام فى فيلم اعتقد كراكون فى الشارع

لما كان متعود يعمل كده

ولا كان فيه حد بيساله انت رايح فين

هو يعنى حلو لعادل امام وحرام لغيره
وووو

ووووو

وووووووو

عجبىىىىىىىىىى

-2-

كبابجى يقتل عمه بسبب الميراث

قام الكبابجى فلان الفلانى علان العلانى

بقتل عمه بان انهال عليه بالطعن بالسكين

(واخد على شغل الجزاره و تقطيع اللخمة قصدى اللحمة)

المهم عمنا ده له 2500 جنيه

(أهـــ والله 2500 جنيه )

عند عمه والراجل مش عايز يديهم له

وقاعد يسوف ويماطل فيه

والواد ملاقاش فيه فايدة قال يخد

حقـــــه ناشف

بضاعة يعنى

(لحمه مشفية عجالى ولا كندوز )

من جتة عمه

بس وعنها عينك

ما تشوف الا النور وهاتك

ياضرب بالسكينة فى ضهره وبطنه

لما نزله ساكت

وقال أيه؟

ابن القتيل جاى يدافع عنه

كان حيقتله هو كمان لولا مكتوب له عمر ونفد بجلده..
المهم الافندى عمل العملة بتاعته

وراح جى قال ايه عايز يهرب

لكن على مين.......؟؟؟؟

سيادة اللواء فلان

وحضرة العقيد علان

جناب المقدم فعلان

والرائد ترتان

والملازمين

تان

تان
وووووكل دول

اشتركوا فى القبض عليه

(عصفوره ووقعت فى القفص وهى فرصه للدعايه للقسم)
وعجبىىىىىى

*******

*****

***

تدوينة قديمة أوى برضه

(2008)

فى مدونتى الأولى

حذفت جزء منها

وصلحت أخطاء كومبيوترية

ونقحتها

(حلوة نقحتها دى؟)

وقلت أحطها النهاردة

(بمناسبة ما يحدث حولنا من أمور غريبة ومحزنة)

وأرجو المعذرة

عن عدم زيارتى للأصدقاء

وكمان عدم ردى على التعليقات

اللى فاااااااااااااااااااااااااااااااتت

أنا نفسى مش عارفة مالى؟

لكن حتفرّج بأذن الله

يـــــــــارب

ورقة جرنال بـــايتـــة!

الزمن يجرى بالأخرين

وهم يجرون معه
إيران تبدأ تزويد مفاعل بوشهر بالوقود النووى

أما نحن فالزمن يجرى

ولكن نحن محلك سر
الدعم الموجه للمواطنين لن يتأثر بأرتفاع الأسعار

بل ربما نسير للخلف

أكثــــــــر
ســـرقة لوحة زهرة الخشخاش

فأكثــــــــــــر
الســرطان ينتشر‏‏ والفقراء وحدهم يتألمون

حاجة تحزن فعلاً

وتخلينى صعبان علىّ حالنا

أكـــــــــثر وأكـــــــثر وأكـــــــثر

صفحــــة الوفيــــــات

حتقولولى ياساتر يارب
الله!!!الله!!الله

ما الموت علينا حق ياجماعة

وشىء لابد منه

وبرضه من ضمن الامثال الشعبية

اللى ما يموت منين يفوت
المهم انا بعدت عن الموضوع وهو صفحة الوفيات

مالها بقى صفحة الوفيات :خلصينا؟

ده اكيد انت او انتى بتقولى كده

حاقول انها صفحة عجيبة

يعنى ممكن تقعد تقرأها ما تخلص منها

وتاخد منها شوية معلومات عجب وعجب العجب كمان

نعطى امثلة
خد عندك ياسيدى:-

سقط سهوا وخللى بالك من سهو دى

وبعد كده يافطة طويلة

امال لو كان عمدآ كنتوا نسيتو كام واحد

وساعات تلاقى المنسين اقارب من بعيد

دول اكيد زعلوا وحلفوا ما حيجوا المأتم

الأ لما أسمهم يتكتب

وساعات المنسيه تكون الزوجة!!!

(تكون الزوجة الثانية ولا حاجة؟)

:-توفى الى رحمة الله:-

مسكينا فى عالم الرضا فلان الفلانى

ويرجو التخفيف على كل من له علاقة به

فلا عزاء وان أصر البعض

(دماغه ناشفه البعض دا وبصراحه كمان تلم)

لواجب فليتصدق بثمن تليغراف العزاء على روحه

وليدعو الله وتلك هى رغبتى

(فلان)

الله يرحمه راجل بيفهم

مش عايز الناس تتعب نفسها

وتتلم وتعمل ازمة وزحمة من غير لزوم

والدنيا مش ناقصه زحمة

ورايحين فين ياجماعة؟

رايحين العزاء بتاع فلان:(

طب خدونى معاكم

واتوبيسات المصلحه تطلع

وتدور على موظف واحد

ما تلاقى واحد يقضوا لك طلبك

معلش اصلهم فى عزاء زميلهم

وكمان اللى رايح يجرى ده

يمكن ما كان بيصبح

على فلان ده وهو حى!!!

-:توفيت الى رحمة الله:-

الحاجه فلانه

زوجة الاستاذ/الدكتور/ المهندس/المستشار/

رئيس مجلس ادارة كذا/

العضو المنتدب لكذا/

حائز وسام كذا

وخد من ده حاجه بتاعة

نص متر فى الجرنال ليه؟

الله!!!!!الله!!!!!!الله !!!!!

جوزها بيعلن عن نفسه شويه0000فيها ايه؟

-:نيجى بقى للكلام اللى بيتقال:-

ماما الحبيبه

بابا الغالى

000ياتوأم الروح000

يارفيق العمر

ياجوهرة

يامحبة

يـــــاأغلى حبيب

ومـــــــن ده كتيرجداااا

عايزه اعرف الناس دول بيكتبوا الكلام

ده لمين؟

للميت !!هو حيقرأ!!!!

:-برضه مثلا فلانة-:

زوجة العميد او العقيد

كذا مدير إدارة كذا

فى سلاح كذا

وطبعا عنوان البيت

علشان التليغرفات
من الاخر معلومات كثيرة

وعديدة ممكن تتحط جنب

بعضها وتبقى حكايه

:-دايما بفتكر فيلم زمان اووووى:-

كان بيجى فى التليفزيون

اعتقد اسمه : كلهم أبنائى

كان هندى, ومدبلج بالعربى

أيوة كانت زمان موضة

دبلجة الافلام الروسيه والهندية

علشان اللى مابيعرفش يقرأ

ورمز لدول اوكتلة عدم الانحياز

المهم الفيلم بيبتدى وكالعادة

فى السينما الهنديه بمأساة موت الاب

عائل الاسرة الوحيد وطبعا ماحيلتهومش حاجه

ومع ذلك اضطروا يعملوا واجب العزاء بالكامل

ويضيفوا المعزين استضافه كاملة

ولا فندق 5 نجوم وكانوا أولاد الميت

حيموتوا من الجوع والضيوف بياكلوا كل حاجه

!!!!!!!!!

وده صحيح اللى بيحصل فى الهند

زى صاحبتى سوسيلا ما حكت لى
حتقولوا سوسيلا مين ؟

وصحبتك الهندية دى عرفتيها فين؟
دى حكاية تانيه بعدين بقى ابقى احكيها
باىىىىىىىىىىىىىىى

----------------

تدوينة قديمة اوى

من اوائل التدوينات

اللى عملتها

فى

صعبان على حالنا

نمر ون

ساعتها جه لى تعليق واحد

وماتتصوروش فرحتى يومها كانت أد ايه

ســـــــــؤال !!

ســـــألته:قـــل لى بايجاز
كـــيف تعــــــرف أخلاق فــتاة؟
قال:أستمع لـــرنين ضحكتها
فهناك حكمـة تقـــول رنين
النقــــود يكشف أصالتها
ورنيـــن ضــــحكة

الفتــــاة يبين

أخــلاقها

بصراحة

اجد كلامه معقولاً

فأنا أنفر نفوراً شديداً

من صاحبة الصوت العالى

فكيف بصاحبة الضحكة العالية؟

.....أرزاق........أرزاق...........

أرزاق ...أرزاق

مقسمها الخلاق

ناس رزقها كتير

وناس رزقها قليل

ناس مبسوطة وعايشة

وناس تقول أهـى ماشية

ناس عدتها دراعها

وناس عدتها دماغها

تهلب ....!تحّوش!

تناكف .....!تكّوش

ناس تقول الحمد لله مستورة

وناس زعلانة ومقهورة

ليه غيرها واخد وكابش

وليه هى حالها قافش!

ناس يجى لها رزقها

على ورق سوليفان

وناس شوية شوية حتهد الحيطان

الفكرة جت لى الصبح

لما شفت دى

أيوة قالب طوب ولا جرانيت

ولا مش عارفة أسمه ايه؟

من اللى بتعمل به الرصيف

يستخدمها أحدهم

لحجز مكان

أى مكان بالشارع

ليساوم بعد ذلك

الزبون:صاحب السيارة

التعيس لاجل مايزيحه شوية

ليركن سيارته

وياخد هوالمعلوم بعد كده

بسأل نفسى كتير

ياترى

رزقه حلال ولا حرام؟

.......قصـة المُعلمة وإهــداء خـاص

حين وقفت المعلمة أمام الصف الخامس

في أول يوم تستأنف فيه الدراسة،

وألقت على مسامع التلاميذ

جملة لطيفة تجاملهم بها

نظرت لتلاميذها وقالت لهم

إنني أحبكم جميعاً

هكذا كما يفعل جميع المعلمين والمعلمات

ولكنها كانت تستثني في نفسها

تلميذاً يجلس في الصف الأمامي، يدعى تيدي ستودارد

لقد راقبت السيدة تومسون

الطفل تيدي خلال العام السابق

ولاحظت أنه لا يلعب مع بقية الأطفال

وأن ملابسه دائماً متسخة

وأنه دائماً يحتاج إلى حمام

بالإضافة إلى أنه يبدو شخصاً غير مبهج

وقد بلغ الأمر أن السيدة تومسون

كانت تجد متعة

في تصحيح أوراقه

بقلم أحمر عريض الخط

وتضع عليها علامات

x

بخط عريض وبعد ذلك

تكتب

عبارة

"راســــب"

في أعلى تلك الأوراق
وفي المدرسة التي كانت تعمل فيها السيدة تومسون

كان يطلب منها مراجعة السجلات الدراسية السابقة لكل تلميذ

فكانت تضع سجل الدرجات الخاص بتيدي في النهاية

وبينما كانت تراجع ملفه فوجئت!! بشيء ما
لقد كتب معلم تيدي في الصف الأول الابتدائي

ما يلي

"تيدي طفل ذكي ويتمتع بروح مرحة

إنه يؤدي عمله بعناية واهتمام

وبطريقة منظمة، كما أنه يتمتع بدماثة الأخلاق
وكتب عنه معلمه في الصف الثاني

تيدي تلميذ نجيب، ومحبوب لدى زملائه في الصف

ولكنه منزعج وقلق بسبب

إصابة والدته بمرض عضال

مما جعل الحياة في المنزل تسودها المعاناة والمشقة والتعب


أما معلمه في الصف الثالث فقد كتب عنه

"لقد كان لوفاة أمه وقع صعب عليه..

لقد حاول الاجتهاد، وبذل أقصى ما يملك من جهود

ولكن والده لم يكن مهتماً

وإن الحياة في منزله سرعان

ما ستؤثر عليه إن لم تتخذ بعض الإجراءات
بينما كتب عنه معلمه في الصف الرابع

تيدي تلميذ منطو على نفسه

ولا يبدي الكثير من الرغبة في الدراسة

وليس لديه الكثير من الأصدقاء

وفي بعض الأحيان ينام أثناء الدرس
وهنا أدركت السيدة تومسون المشكلة

فشعرت بالخجل والاستحياء

من نفسها على ما بدر منها،

وقد تأزم موقفها إلى الأسوأ

عندما أحضر لها تلاميذها

هدايا عيد الميلاد ملفوفة

في أشرطة جميلة وورق براق، ما عدا تيدي

فقد كانت الهدية التي تقدم بها لها

في ذلك اليوم ملفوفة بسماجة وعدم انتظام

في ورق داكن اللون، مأخوذ من كيس من الأكياس

التي توضع فيها الأغراض من بقالة

وقد تألمت السيدة تومسون وهي تفتح هدية تيدي

وانفجر بعض التلاميذ بالضحك عندما وجدت فيها

عقداً مؤلفاً من ماسات مزيفة ناقصة الأحجار،

وقارورة عطر ليس فيها إلا الربع فقط...

ولكن سرعان ما كف أولئك

التلاميذ عن الضحك عندما عبَّرت

السيدة تومسون عن إعجابها الشديد

بجمال ذلك العقد ثم لبسته على عنقها

ووضعت قطرات من العطر على معصمها

ولم يذهب تيدي بعد الدراسة إلى منزله في ذلك اليوم

. بل انتظر قليلاً من الوقت ليقابل السيدة تومسون

ويقول لها: إن رائحتك اليوم مثل رائحة والدتي!


وعندما غادر التلاميذ المدرسة

انفجرت السيدة تومسون في البكاء لمدة ساعة على الأقل

لأن تيدي أحضر لها زجاجة العطر

التي كانت والدته تستعملها

ووجد في معلمته رائحة أمه الراحلة!،

ومنذ ذلك اليوم توقفت عن تدريس القراءة، والكتابة، والحساب

وبدأت بتدريس الأطفال المواد كافة

"معلمة فصل"

وقد أولت السيدة تومسون اهتماماً خاصاً لتيدي

وحينما بدأت التركيز عليه بدأ عقله يستعيد نشاطه

وكلما شجعته كانت استجابته أسرع

وبنهاية السنة الدراسية

أصبح تيدي من أكثر التلاميذ تميزاً في الفصل

وأبرزهم ذكاء، وأصبح أحد التلايمذ المدللين عندها
وبعد مضي عام وجدت السيدة تومسون

مذكرة عند بابها للتلميذ تيدي، يقول لها فيها

"إنها أفضل معلمة قابلها في حياته
مضت ست سنوات دون أن تتلقى أي مذكرة أخرى منه

ثم بعد ذلك كتب لها أنه أكمل المرحلة الثانوية،

وأحرز المرتبة الثالثة في فصله

وأنها حتى الآن مازالت تحتل مكانة أفضل معلمة قابلها طيلة حياته
وبعد انقضاء أربع سنوات على ذلك

تلقت خطاباً آخر منه يقول لها فيه:

إن الأشياء أصبحت صعبة

وإنه مقيم في الكلية لا يبرحها

وإنه سوف يتخرج قريباً

من الجامعة بدرجة الشرف الأولى

وأكد لها كذلك في هذه الرسالة

أنها أفضل وأحب معلمة عنده حتى الآن
وبعد أربع سنوات أخرى

تلقت خطاباً آخر منه

وفي هذه المرة أوضح لها أنه

بعد أن حصل على درجة البكالوريوس

قرر أن يتقدم قليلاً في الدراسة

وأكد لها مرة أخرى

أنها أفضل وأحب معلمة قابلته طوال حياته

ولكن هذه المرة كان اسمه طويلاً بعض الشيء

دكتور ثيودور إف. ستودارد
لم تتوقف القصة عند هذا الحد

لقد جاءها خطاب آخر منه في ذلك الربيع، يقول فيه

إنه قابل فتاة، وأنه سوف يتزوجها

وكما سبق أن أخبرها بأن والده قد توفي قبل عامين

وطلب منها أن تأتي لتجلس مكان والدته في حفل زواجه

وقد وافقت السيدة تومسون على ذلك"،

والعجيب في الأمر

أنها كانت ترتدي العقد نفسه

الذي أهداه لها في عيد الميلاد

منذ سنوات طويلة مضت،

والذي كانت إحدى أحجاره ناقصة،

والأكثر من ذلك أنه تأكد

من تعطّرها بالعطر نفسه

الذي ذَكّرهُ بأمه في آخر عيد ميلاد .
واحتضن كل منهما الآخر،

وهمس

(دكتور ستودارد)

في أذن السيدة تومسون قائلاً لها

أشكرك على ثقتك فيّ

وأشكرك أجزل الشكر

على أن جعلتيني أشعر بأنني مهم

وأنني يمكن أن أكون متميزاً
فردت عليه السيدة تومسون والدموع تملأ عينيها:

أنت مخطئ،

لقد كنت أنت من علمني كيف أكون

معلمة متميزة، لم أكن أعرف كيف أعلِّم، حتى قابلتك .

تيدي ستودارد هو الطبيب الشهير

الذي لديه جناح باسم مركز

"ستودارد" لعلاج السرطان

في مستشفى ميثوددست

في ديس مونتيس ولاية أيوا

بالولايات المتحدة الأمريكية،

ويعد من أفضل مراكز العلاج

ليس في الولاية نفسها وإنما على مستوى الولايات المتحدة الأمريكية .
---------------------------------
قصة جميلة منقولة أهديها
للأصدقاء من المدونِين والمدِونات
وخاصة العاملين منهم بالتعليم
فبفضل الله سبحانه وتعالى
وبفضل الوالدين
ثم جهد وتشجيع
مجموعة جميلة وكبيرة
من المدرسين والمدرسات
على مــــدى سنين عمرى
فى الماضى ما كان له أكبر الأثر
فى حيــاتى ووصولى الى ما انا فيه

واهـــــــــداء خاص

الى

أبلة العُرابية

حفيدة عرابى

صاحبة مدونة

لقد خلقنا الله أحراراً

تــــــــــهنئـة نوووووووفى

كل عام وأنتم بخير
رمضـــان كريم

والله
سبحانه وتعالى

أعــــــلى وأكــــــــرم
عارفة أن كل الناس بتقول

الــــــــ3 سطور اللى فــــــوق دول

فيـــــــن النوفى بقى؟ .....
لأ بجد عندى حاجة جديدة وجميلة

بمناسبة شهر رمضان الكريـــــم
قصيدة جميلة كتبها
ماكس

بتاع زمان ودلوقتى وبكرة كمان

وأهداها
للدكتور عصـــــام عـلام

دكتور أحــــــــوال الهوى

والهوى أحوال وأهوال
ونشوف القصيدة بتقول أيه

:

:
:
انت فاهم معنى عاشق
وانا ماكس بتاع زمان
لما جيت اكتب واسطر
رحت كاتب عالأوزون
رحت كندا قمت نايم
جت دماغى ع الجدون
قلت جاى اسكندريه
بت نمت ع الرصيف
عدى قطر الساعة سته
والزحام كان فيه مخيف
بح صوتى طول ندايا
فين عصام بين الجموع
قاللى جايلك بس ناسى
حتى تذكرة الرجوع
قلت يمكن الكفيل
دبسه ف شغلانه تانيه
راح لاغيله الأجازه
صادر الباسبور ف ثانيه
أصلى عارف شغل دولا
كنت جنبك فى تهامه
كنت أنزل الأجازه
فين طلوع الروح ويامه
تتلغى دوغرى الأجازه
لو فيه نمله أو يمامه
عندهم بكره جنازه
ربنا يقصر ياسيدى
قعدتك وسط الحجاز
مصر حلوه لو حناكل
فيها عدس أو بيصاره
موش ضرورى الفيرارى
يكفى فيلا أو عماره
بس نيجى نشوف ولادنا
وننسى فاتورة الجزاره
شهر صومنا له روايح
ماتلاقيها ف حته تانيه
تو مايبان نور هلاله
ينقلب حالها فى ثانيه
واللمض تملا الشوارع
علق الشراشيب ياعبده
والفانوس أبو حبل جامد
حط كعبه جنب منه
والشيطان بيلم توبه
والبنات تلبس حجاب
تطلع السبحه الطويله
اللى كاسيها التراب
والكنافه تطش سمنه
والقطايف ...والكباب
سلطه خضرا ع الفطور
فول مدمس ع السحور
والزبادى ..والعصير
مرقة الطرشى الخطير
والشوادر والموائد
الغنى جنب الفقير
هو ده الشهر المبارك
كل عام وانتم بخير
--------------
ويـــــــــارب

كــــــــل لحظــــة
والجميـــع بألف ألـف خــير

عـــارضة أونــــــطة :منـــهم لله

نتيجة للأخد والرد

والقيل والقال

فى موضوع تغير الساعة

نقدمها !نأخرها

نخليها!نمشيها

النتيجة أن الموضوع

ارتبط فى دماغى انهم

حيغيروه

(التوقيت يعنى)

الليلة اللى فاتت

يعنى الأثنين بليل اللى صبحيته النهاردة الثلاثاء

ونمت وصحيت طبعا

على هذا الأساس

صحيت عاااااااااااااادى

صليت الفجر حاضر الحمد لله

وقعدت زى الشطورة

أعمل هنا

وأحط هنا

وأشتغل هنا

ماهو لسه ساعة بحالها

على التحضر للشغل أتاريهم

الــ() منهم لله

حيغيروها

الليلة دى

يعنى بكرة بأذن الله

حيبقى صيام وعطش

وأحساس بالبطىء الشديد

للوقت عقبال ما نتعود تانى عليه

المهم عقبال ما أكتشفت

الحقيقة المرة دى

كانت الساعة بقت 7ونص وخمسة

وانا ميعادى 7ونص ولو دبحتنى كده

معنديش أستعداد أمضى تأخير لأى سبب

وبالتالى مارحتش الشغل

حيبقى اليوم عارضة

وربنا يستر لأن فيه كلام
أن الرأس الكبيرة

قصدى الرئيس الجديد

للهيئة حيجى يزورنا قبل رمضان

لأ ياسادة مش علشان يهنئنا بقدوم رمضان

(بعد الشر ودى تيجى!)

لكن علشان يشوف الإنشاءات الجديدة

حقيقة هى إصلاحات

وترميمات وليست إنشاءات

فى المستشفى والعيادة الخارجية

المــــــهم اللى بيــــزن

فى نافوخى دلوقتى

سطرين أتنين

ززن

ززززن

زززززززن

ززززززززززن

أزززززززززززز

حنغير الساعة

تررررررررررم

لأ حنرجع الساعة

ترررررررام

وحسبى الله ونعم الوكيل

فى حكومتنا الذكية

الإليكترونية

.........من كام يوم كده:تدوينة قديمة...

من كام يوم كده
عقبال الحبايب
جبت
شــوز
بردون يعنى
جزمة جديدة
وكالعادة وربنا ما يقطع لنا عادة
دوخت عقبال ما لبستها
وكأنى زى ما اختى بتقولى
هو أنت ما بتبقاش رجليكى معاكى
وأنت بتشتريها؟
والله بتبقى معايا
بس
مش عارفة ايه اللى بيحصل
المهم دخت السبعتاشر دوخة
(أيوة أنا حسبتهم كانوا سبعتاشر مش سبعة)
على لبيسة فى البيت طبعاً
ما لقيتش
افتكرت ساعتها
الاميرات
والملكات
اللى اكيد حد بيلبسهم ويقلعهم
الشوز
بردون يعنى
لكن قبل ما أنسى نفسى
والحمد لله بسرعة
افتكرت
اللى ما بيقدرش يلّبس نفسه
الجزمة
واللى ما عندوهوش جزمة
واللى كمان ما بيقدرش يمشى
و
و
و
و
خلعت الشوز
بعد الدوخة دى
وقمت صليت ركعتين شكر لله
لعله يغفر لى
ما قدمت وما آخرت
وما أسررت وما أعلنت
وما هو أعلم به منى
اللهم آمين
يارب العالمين
(كان ماله القباب ..وحش!)

----------------------

برضه دى تدوينة قديمة

وبرضه بحبها اوى

الجملة المعتادة

لكنى فعلاً

أحبها

لأنها كانت

وليدة اللحظة اللى حصلت فيها

ونشوف التعليقات ساعتها قالت أيه

علام فى بلاد الأندلس -رحلة ولا أى رحلة -2

(يا ريتهم كانوا هم)

وقعدنا نتريق ونضحك على منظرهم

بس لما وصلنا للمكان كانت المفاجأة الكبرى
مفيش جنس بني آدم نهااااااائي
إيه يا جماعة هو إحنا جينا بدري ولا إيه ؟!

! طب يمكن التجمع في مكان تاني ولا حاجة ؟!

! قولتلهم فيه تلاتة تانيين أهم يعني إحنا صح

قالولي دول معانا وجايين على الميعاد اللي سمعناه
وزي ما بيقولوا بتوع النحوي أسقط في أيدينا جميعاً
ولقيت الكل بيبحلق فيا وبيقولي

مش إنت اللي قلت إن الميعاد هنا !

قولتلهم يا جماعة

والله

ده اللي حصل وأنا بأحجز وأكدولي

إن الميعاد والتجمع هنا ..
والمشكلة إن الكل إعتمد على الكل

في إنه يتأكد من الميعاد

وزي ما بيقول المثل قولي أي حاجة جت يا راحت
المهم سألنا حرس الجامعة قالوا مفيش أي خبر

إن فيه رحلة طالعة النهاردة

سألنا بتوع الورش

اللي حوالين المكان ما سمعوش حاجة

رحنا عند العيادة الشاملة على أساس

إن التجمع يمكن يبقى هناك بس مفيش حد برضه !!

التليفونات إشتغلت وبقى الكل بيتصل

باللي يعرفه ويسأله عن أم الرحلة الكئيبة دي

-سمعت إن شركات المحمول كسبت

حوالي إتنين مليون جنيه في الفترة دي-
.. ناس قالولنا إن الرحلات تبع الكلية بتتأخر في التحرك

وممكن لغاية الساعة 9:30

قلنا أدينا قاعدين مستنيين لما نشوف آخرها

. ولكن بمرور الوقت بدأ القلق يدب في الطرقات ويطرق الأبواب

… قلت للي معانا مش ملاحظيين إن مفيش ولا واحد
من اللي طالعين الرحلة حضر

قالولي تلاقي باقي الرحلة موظفين من الكلية

وحيجوا على الميعاد على طول

(بنشتغل نفسنا مش أكتر)

. وكل شوية نقول الناس اللي جاية من بعيد

دي شايلة شنط يبقى أكيد معانا

لما يقربوا يدخلوا مستشفي

من المستشفيات اللي حوالينا
قررت إني أروح تاني للعيادة الشاملة

وأشوف التجمع هناك ولا إيه

روحنا هناك ولقينا المكان فااااااااااااضي

وسألنا الحرس قالوا مفيش أي خير عن رحلة

واللي موجود هو إمتحان لكلية الصيدلة

مش أكتر وممنوع الدخول إلا ليهم

لإن النهاردة أجازة لباقي الجامعة

. رجعنا وقفنا زي خيبتها تاني قدام مستشفى مبارك

(سرك باتع مع الأهلي ومعانا)

وعملنا مكالمات تاني بكل اللي نعرفه

ولكن زي ما قال

ســــعد زغلول

قبل ما يموت

مفيش فايدة

قررت أعمل خطوة جريئة وهي إني أروح

لحد مدخل المجمع اللي في كفرعصام

على أمل إن التجمع هناك وإحنا ناسيين ولا حاجة

(برضه بنشتغل نفسنا)

أخدت تاكسي ورحنا هناك ومفيش حاجة

سألت أصحاب المحلات اللي هناك

عن أي رحلات طلعت من هنا

النهاردة وكان الرد قاطعاً


“مفيش حاجة طلعت” ..

سألت الحارس بتاع البوابة اللي هناك

قال مفيش خبر عندنا بس

ممكن تلاقيها من قدام مستشفى مبارك

(ما إحنا ملطوعين هناك)

والراجل كتر ألف خيره سمح إننا

ندخل من قلب المجمع إختصاراً للطريق
دخلت المجمع وعلى الكلية بتاعتنا عدل

ولفيت في كل مكان ممكن ألاقي فيه

إعلان عن تأجيل أو حتى إلغاء الرحلة بس مش لاقي حاجة

سألت الطلبة اللي عندهم إمتحان طلعوا مش عارفين حاجة

. رجعت تاني للعيادة الشاملة مفيش حاجة ..

رجعت لمكانا الأصلي وقررنا إن بجد مفيش أمل

(طلعت بتفهم يا سعد باشا)
طب حنعمل إيه دلوقت في أم الموقف الزبالة ده

قالوا ناخد عربية مخصوص ونطلع مع نفسنا

، بس طلعت فكرة مش ولابد لإنها حتكلفنا جامد جداً

وكمان مش عارفين حاجة في مدينة الإنتاج دي

وحنبقى تايهين فيها لإن المفروض

بيكون فيه مرشد من المدينة مع كل رحلة

وطبعاً مش حيكون معانا حد

لإننا 10 أفراد بس مش رحلة كاملة ..

طب نعمل إيه ، نعمل إيه ..

قررنا

مع الأسف

مع الندم

مع الألم

إننا نروح حديقة الأندلس

الموجودة في شارع البحر بطنطا

حاجة المفروض يعني إنها حديقة حيوان

وفيها جناين علشان الأطفال اللي معانا

وأهو يبقى عملنا حاجة

بدل ما نرجع على طول على البيت

، وبالمرة ناكل ساندوشتين على أساس

إننا في رحلة يعني

(عيش الوهم حقيقة)
رحنا الحديقة دي وكان فيه هناك رحلات كتير جداً

(أطفال في الحضانة من اللي شبه عقلة الإصبع دول) ،

قطعنا التذاكر بجنيه للفرد على إيه مش عارف ..

دخلت إلى هذا العالم الساحر والجميل

عالم الأندلس لاند

وبجد بجد من غير هزار ولا مبالغة كان شعور رائع جداً

ولذيذ جداً جداً جداً فوق ما تتخيلوا ..

لقيت حيوانات كتير جداً جداً من كل شكل ونوع

، بجد مش حرمونا من حاجة
لقيت هناك قردين كل واحد منهم في قفص لوحده ..

ولقيت هناك كام فرخة بيضاء بتستهبل

ومكتوب على القفص طاووس أبيض

والقفص اللي جنبهم كام فرخة بلدي ملونيين

بيستهبلوا برضه ومكتوب على القفص طاووس بالألوان

. وكمان لقيت هناك حصان إسود

في حتة أرض صغيرة حواليها سور وبرضه كان لوحده ..

والمفاجأة لقيت غزالة جنب مكان الحصان وبرضه لوحدها

. وفيه قفص فيه كام فار متنكرين وبيقولولنا ده خنزير غينيا

(فاكرينا مانفهمش) ..

ولقيت شوية عصافير في قفص وأهو قسم الطيور
متعة ما بعدها متعة

خارجين علشان نروح الماجيك لاند

ومدينة الإنتاج وآخرتها نتفرج على قرد ..

لأ وكل حيوان من اللي فاتوا دول لوحدة

يعني حتى مش جوز مش عارف ليه ،

هل السبب إنهم فاصلين الإناث عن الذكور علشان كلام الناس ؟

! ولا أهو توفير والجودة بالموجود ؟!
قلنا نجيب كرة نلعب بيها ولا حاجة

خرجت ولفيت شارع البحر والشوارع المجاورة

ومش لاقيين محل فاتح في الوقت ده ..

رجعت بعد ما طلع عيني على بلاد الأندلس تاني

وقعدنا تحت بتاعة كده المفروض إنها للإستراحة

نسمع شوية أغاني نصبر نفسنا بيها ..

وشوية وطلعنا ساندوشتين تلاتة أكلناهم على أساس

إننا لسه في الرحلة ونبقى عملنا حاجة

وفكرت إني ألحقهم في البيت قبل ما يعملوا الغدا

وأهو نتغدى بالأكل اللي واخده معايا

(واخدين كمية تكفينا تلات سنين قدام)
وزي ما اليوم بدء بداية جميلة فلازم النهاية تبقى أجمل

قاعدين في أمان الله

لقينا إتنين داخلين علينا وبيقولوا بطايقكم !!

بقى يا ربي هي ناقصة

اللهم لا إعتراض على حكمك ..

طلعت البطاقة أنا وأحمد وقدمناها

واحد منهم قالي إنت في كلية

رحت مطلعله كارنية كلية الطب

وما أقولكش على النظرة اللي كانت على وشه ساعتها

ولا الإحترام اللي عاملنا بيه بعدها

فعلاً مع إن الطابونة دي خنقة بس بتنفع في المواقف اللي زي دي ..

المهم لما شافوا الكارنيه بتاعي أنا والكاشف

هزروا معانا شوية ومشيوا فقررنا

إن مالناش قعدة تاني في المكان ده

وليمنا حاجتنا ورجعنا سالمين إلى أرض الوطن الأم
طبعاً مش أقولكم على الكلام اللي أخدته

من حبايبي الحلوين اللي عرفوا إننا

إتقلبنا في الرحلة والتريقة اللي مالهاش حد ولا مثيل

، وقررت إني لازم أنتقم من اللي عملوا فينا الموقف ده في الكلية

وحذرت العالم اللي بتخاف من منظر الدم

من إنهم يروحوا الكلية تاني يوم لإن الدم حيبقى للركب

وإحتمال تحصل طرطشة والهدوم تتبهدل

ونمت وأنا مبيت النية على الشر

والعين بالعين والسن بالسن والساندوتش بالساندوتش
تاني يوم رحت الكلية وحضرت الراوند

وأول ما خلصت طيران على الكلية وعلى المسئولة عن الرحلة

بأقولها مش هو المفروض كان فيه رحلة إمبارح لمدينة الإنتاج

ردت عليا وبكل برود وهدوء وقالتلي أصل الرحلة إتلغت

علشان العدد مش كفاية .. يا عيني على الصبر

. طب يا ستي ما حدش بلغنا يعني ولا إتعلق إعلان

قالت إنتم المفروض كنتوا تسألوا قبلها أو تسيبوا رقم تليفون نكلمكم عليه

.. طب إتلغت إمتى الرحلة دي ، قالت يوم الأربعاء اللي فات ..

تخيلوا حالى وأنا واقف بأسمع الكلام ده منها

وبكل برود وهدوء وكأن ولا حاجة حصلت ،

سحبت الإشتراك أنا والكاشف ومشينا

وإحنا بنضحك على حالنا وعلى اللي جرى لينا
طبعاً الشباب عمل معايا أحلى واجب يومها

وهاتك يا تريقة وضحك عليا وعلى اللي جرالي

وطلعوا نكت كمان على اللي حصل

وأنا أكيد ضحكت معاهم علشان أبين يعني

إني مش متأثر ولا حاجة بدل ما يزيدوا في التريقة والهزار

.. لأ والأغرب إني لقيت دكتورة في الإمتياز

مقابلاني وعمالة تضحك وتقولي إيه أخبار السندوتشات ؟

قولتلها بخير والحمد لله ، بس ساندوتشات إيه ؟

قالتلي بتاعة الرحلة .. قولتلها هي الحكاية وصلتلك

هي نزلت على الجزيرة ولا إيه ؟

وهاتك يا ضحك منها وطبعاً من حقها

لإن مفيش حد في الدنيا كلها حصل معاه نفس اللي حصل معانا
عرفتوا بقى إن أنواع الهم كلها حصلت معانا وأوضحهالكم:
- هم يبكي –> من اللي شفناه ساعة الموقف ده لحد تاني يوم
- هم يضحك –> من كمية التريقة اللي أخدناها وأنا كمان ضحكت لما إفتكرت اللي حصل
- همبورجر –> كنا واخدينه معانا ناكله في الرحلة
- هم يا جمل –> لما أكلنا الهمبورجر في بلاد الأندلس
في النهاية أقولكم لازم تاخدوا العبرة والعظة

من اللي حصل لينا ، ولازم كلنا نبطل نطلع رحلات

ولو طلعنا ندفع الإشتراك

ومش نروح علشان الأتوبيس لما يروح

ما يلاقيش حد ونبقى عملناها فيه

زي ما عملها فينا .. ومش ناقصة تريقة وحياة أبوكم

---------------

من يوميات دكتور مخنوق

بعنوان

علام فى بلاد الأندلس

فى 29-نوفمبر 2006