ما كذبش اللى قال
اننا بنتعلم من التجارب المؤلمة
اكثر ما بنتعلم من التجارب السعيدة
ومن التجارب المؤلمة اللى مرت عليا
واللى
فعلا فعلا فعلا
اتعلمت منها
انى احط
عفوا
شىء ببوقى وامشى
بالنحوى ياعنى
اتعلمت انى لا اضع شيئا
بفمى
my mouth
وامشى
كنت فى سنة تالتة ابتدائى يمكن
حطيت القلم الرصاص
فى بقى وانا قاعدة فى الفصل
قال ايه بافكر
بافــــــكرررر
ما دريتش الأ وانا واقعة
عفوا
على بوزى
اى ماى ماوس
اى فمى
والدم نازل شلال
ياخبر ابيض
!!ابيض ايه
يالهوووووووووشى
طبعا نقولى بسرعة
لأوضة الممرضة
وكتر خيرها
شافت سقف بوقى
الحمد لله يادوبك
القلم دخل فيه بس
يالهووووشى
قعدونى عند الحكيمة بقية اليوم الدراسى
وادونى اجازة يومين ولا تلاتة بعدها
مش متذكرة بالظبط
اللى متذكراه كويس
انى كنت باكل واشرب
بالشفاط
والوجع مش حاقولكم عليه
نااااااااااااااااااااااااار
خلتنى من بعدها
ما احط شىء ابدا ببقى
ولما اشوف واحدة حاطة
دبوس طرحتها
او عيل حاطط قلم بفمه
ابقى مرعوبة كدا عليه
****
ويجى بعد كدا الأجانب
يحطوا حلق ولا خرزة
فى لسانهم
سبحان الله
ما يفهم الخلق
الأ اللى خالقهم
سبحان الله
0 comments:
New comments are not allowed.