Sunday, March 1, 2015

...النهاردة اول مارس...

النهاردة اول مااااااااااااااارس
يوم كان حيمرعلى زى ما مر قبل هذا كتير
لولا ان الست اللى أستأذنت تدخل
قبل
دورها فى الكشف فكرتنى بيه
معلش ياستى الدكتورة
اصل ابنى رايح يستلم الشغل النهاردة
نسى الكارنية بتاعه معايا
وانا رايحة اوديهوله
خلص كلية الطب
وحيبدأ سنة الامتياز النهاردة
يااااااااااااااااااااااااااااااااااخبر
الامتياز
اه صحيح !!احنا بندأ الامتياز فى شهر مارس
بعد ستة اعوام من العذاب
فى كلية الطب والعذاب
لأ كده غلط
فى كلية
العذاب والطب
لتبدأ بعدهم
سنوات الشغل والعذاب
برضه كده غلط
لتبدأ بعدهم سنوات العذاب والشغل
والله ماهى نظرة تشاؤمية ولا حاجة
لكن نظرة حقيقية من بعد ممارسة المهنة
سنوات عديدة
مش حأقولك ياللى بتسأل كام !
ملكش دعوة!
مش حأقولك حاجة غريبة الناس دى!
المهم اليوم ده رحت استلم
ابص لاسمى ياخويا فى الكشف
الاقينى نساء
اكره فروع الطب الى قلبى !
طيب أمرى لله
رحت على مستشفى النساء والولادة
فين الاسامى ياعمى بتوع الامتياز
اللى هناك عندك دى
ابص!ابص!أبص!
ياوووووووووقعة سوثا
ياووووووووووووقعة زرقا
ياااااااااااااااااااااااااااااااااااااااااقعة فحلوقى !
اية دا :نوبتشية بليل
من الساعة 8مساءا
اول يوم
فى الشغل
نوبتشية
وبليل
ونساء
وووووو
وووووووووو
ووووووووووووو
ولادة
رجعت تانى البيت
ومعلش ياعم
محمود السواق
ماكنتش لسه اتعلمت السواقة
ابقى تعاللى بليل احنا أسفين يعنى حنسهرك
(وفى عقل بالى وانت راجل كبير وكبّارة بتنام من العشا )
لأ معلش مفيش حاجة
ده هو اللى بيقول
المهم
مش حأقولكو الجو كان شكله ايه ليلتها
بالظبط زى مابتقولى كده
مكمل للجو العام
وزى ما بيجى فى الافلام العربى
مطر ورياح وصواعق وعواصف كمان
انا فاكرة عملت ليلتها
(ولحد الان ما أعرف ليه)
شنطة ولا بتاعة الرحلات الخلوية
ولا كأنى رايحة الصحرا مش المستشفى
اللى بقى لى سنتين بروحها
سندوتشات وترمس شاى
ولب وسودانى
وووووووو
حمص
اصل
بموت فيه
ومش حأنسى
الخيار
طبعا
رحت
لقيت كل اللى معايا فى الجروب
ناس ماعرفهاش خالص
وكمان اللى زود الموضوع
بنين
اى
صبيان
اى
رجال
وكل واحد والتانى
بلاااااااااااااااااااااااااااكار
على رأى عزت ابو عوف
طبعا بقيت عماله اوسع لنفسى مكان بينهم
وكأنى بحفر فى الصخر
وكل شوية
لوسمحت
لو سمحت
ل
و
و
و
و
اوووووووووو
ايه فيه ايه؟
صباعى يادكتورررر
انا مالى بيه؟
انت دايس عليه حضرتك!
ايه؟
انت دايس على صباعى !
اممممممم
اممممم
امممم
اه طيب
معلش
الحوار اللى فات ده اتكررررررر
كتير فى هذه الليلة
وبعدها طبعا
لكن الحقيقة
بعد كده بقينا
زملاء
عاديييييين خالص
وحتى معلش مابقوش يقولوها!!
المهم الليلة دى
انا فاكرة كذا حالة ولادة جت
ومش حأكذب النواب هم
اللى عملوا كل حاجة و أحنا كنا بنتفرج
يمكن غيرنا بعد كده بقى بيشتغل بأيده
لكن وللاسف
احنا كنا
متفرجين
ومشوارجية
بمعنى خدوا العيان ده للاشعة
العيان ده للتحليل
روحوا بنك الدم
خدوا التاريخ المرضى للحالة
او كتابة الروبورتات
وهكذا
لكن برضة اشتغلنا كتير
فى العيادة الخارجية
من ضمن او اكتر حاجة فاكراها فى الليلة
دى اول مرة اشوف
وعلى الطبيعة
والحقيقة
ولادة طفل
شىء
ربانى
الهى
سبحان الله
قرأت كتير وذاكرت كتير
لكن تشوف بعينك
عينك اللى هى
فى ام رأسك
دى حاجة تانية
منظر لايمكن
تنساه
سبحان ربى العظيم
انا فاكرة كانت بنت
وزى القمر!
سموها ساعتها
فط النور
اصلها اتولدت وقت اذان الفجر
بالضبط
امها كانت من العزبة
اللى جنب الكلية زمان
عزبة القرود
(هكذا كانوا يسمونها)
او عرب المحمدى
الحين اصبحت
جناين وحدائق.
وعلى أد برضة ما كنت فرحانة
انى خلصت الكلية
وارتحت من المذاكرة والامتحانات
على قد ما كنت حاسة ان فيه حاجة نقصانى
ونقصانى كتير
وحاجة كبيرة اوى
اوى
اوى
اوى
امى
توفت قبل امتحاناتات
البكالوريوس
بشهرين
فقط
لكن دى حكاية تانية
خليها
لمرة تانية
بأذن
الله
تعالى
وتسلمولى من الشر كله
ويفرحكوا المولّى
باحبابكوا
جميعا
تدوينة قديمة
لا بيروح عليها
الزمان ولا بيجى
ولو لى عمر بأذن الله
حاحطها مرة ومرة ومرة
لانها بتفكرنى بيوم مشهود
فى حياتى العامة والخاصة
ولما بقرأها بفتكرواحس واسمع
كل لحظة وكل صوت وكل كلمة
حصلت فيها

35 comments:

زهــــراء said...

كل مارس وأنتي بخير وسعاده ويارب تعود عليكي الأيام بخير وسعاده
اقولك على سر عجيب غريب كنت ولازلت لما يتحط في طريقي عريس أسأل هو نسا وولاده عشان ابقى محدده هدفي هو اني عاوزه التخصص ده بالخصوص ليه بقى عشان هو نفسه هتبقى مش طايقه تبص لأي ست أو بنت يبقى اضمن أن عينه مش هتبقى زايغه كده او كده هههههههه حتى لو زهق من شكلي اصلا مش مشكله احسن برضه هههههه
يارب ايامك سعاده وحب

مدونة الفرسان said...

شكلك يا زهراء النحس فك منك وبقيتى التعليق الأول أهو
هههههههههههه
إرحمى نفسك شوية
ههه
وسيبى لى التعليق الأول مرة
ههههههه

مدونة الفرسان said...

دكتورة نور
تمر الأيام بحلوها وبمرها وتبقى الذكرى الطيبة
وكلية الطب بطبيعة الحالللطلاب المتفوقين
اللى كلأملهم فى حياتهم يوصلوا ليها
ربنا يرحم والدتك ويسكنها فسيح جناته
اللهم آمين
خالص اعتزازى

norahaty mo said...

زهووووورة
ربنا يسعدك باللى يستاهلك
ويسعدك ويرضيكى ربك بما هو قاسمه لك
ودايما الأولى والناجحة والبريمووو والألفة
على طوووووووووووووووول

norahaty mo said...

مدونة الفرسان
ياسيدى سيبها براحتها
واهلا وسهلا بيك دايما وابدا

norahaty mo said...

مدونة الفرسان
كلية الطب صعبة اوى
لكن النتيجة النهائية بتبقى حلوة اووى برضه
وربنا يحفظك لكلامك الطيب.هى الحياة
لقاء وفراق

زهــــراء said...

شوفتي يا دكتورتي عمنا صاحب مدونه الفرسان بيعمل فينا إيه ههههههههه يا عم من زمان مش اخدت اول تعليق من زمان وانت ما شاء الله واخد كل المدونات رايح جاي هههههههعع

Gamal Abu El-ezz said...

التدوينة جديدة بالنسبة ليه
ومهنة الطب يمكن المهنة الوحيدة الى متعتها فى صعوبتها يعنى أكيد بتكونى سعيدة جدا لما تنقذى مريض أو تشوفى الحياة بتتبث فى جنين قدام عنيكى والاهم من ده روح الطبيب مع مريضه أحيانا حب المريض للدكتور بيكون حافز له إنه يتعافى بسرعه لانه بعد الثقه فى الله بيثق فى طبيبه
ربنا يوفقك ولو 1/3 بيفكرك بيوم عصيب فهو كان بداية رحلة العمل الى أكيد بتبقى عصيبه أكتر مع مرور الزمن وبما أن الطب رساله مقدسه فلازم تكون ضريبتها عاليه وأيضا مكافئتها من الله بتكون كبيره جدا
تحياتى وإن شاء الله أخد جولة فى بقيت المدونة الى أكيد هتكون جميلة (الجواب بيبان من عنوانه

قمر وليل وغيوم said...

السلام عليكم دكتوره نور
يارب دايما منوره التدوين
وكل مارس وانتى طيبه
وطبعا بجد الله يكون فى عونك مهنتك صعبه الله يعينك
بس انا صعب اوى اشوف ولاده طفل قدام عينى انا بخاف اوى من اى منظر فيه نقطه دم
بس بسمع ان الطفل وهو.طالع من بطن امه بيكون جميل اوى سبحان الله

mحsn elmحmdy said...

انا نسيت كل شيء في التدوينة دي رغم شعوري بأني كنت متواجد معاكم ، الامور العادية لا تعلق في الذاكرة
ودائما ما ييتبقى هو الافضل رغم قسوته احيانا ،
المهم ان مايشغلني الان هو !!
تاريخ عزبة القرود بالضبط
ما تاريخ تحولها وما حولها لحدائق غناء واشجار شامخة
:D

norahaty mo said...

السلام عليكم جميعا
ورحمة الله.بأذن الله
ارد واكتب وأسلم بعد
ما ارجع من الشغـــــل
الى اللقاء يا أصدقاء☺☺

Tarkieb said...

مع اني زبون مستديم اول مرة اقراها بصراحة....الغريب ان العمر بيجري واللي بنبات فيه بنصبح فيه....احلي حاجة انك بقيتي بتسوقي....وربنا يرحم والدينا

norahaty mo said...

بلوجر أتجنن
على ما يبدو؟؟

norahaty mo said...

أستاذ جمال عز الدين
يا أهلا بك وسهلا
فى صعبان نمر تو
هى مهنة جميلة مفيش شك فى كده
وصراحة الصراحة كفاية اللقب بتاعها☺☺☺
نورتنا استاذ جمال واهلا بك مرة تانية
فى صعبان على حالنا2

norahaty mo said...

الحمد لله
بلوجر رجعله عقله ☺☺☺

norahaty mo said...

زهوووورة
معلش بلوجر(اكل) تعليقى عليكى
أكتبه تانى ولا يهمك
كنت بقولك ان مفيش
حسد بين ا صدقاء
لكن غبطة ومشاكسة
(حلوة مشاكسة دى؟؟)
ودم خفيف وتعليقات ظريفة

norahaty mo said...

قمر وليل ونجوم☺☺☺
صدقينى بتتعودى شوية شوية
اللى ما بيتعودش بيغير مسار
بس صدقينى مهنة جميلة أووووى

norahaty mo said...

محسن المحمدى
ماااااشى ابحث ونقب ودور
وقولنا النتيجة النهائية أيه؟
☺☺☺☺☺☺☺

norahaty mo said...

تراكيبوا
الله يطول عمرك
بالصحة والعافية
السواقة! الحمد لله
كانت حلم بالنسبة ليا
بس ربنا أكرمنى وأتعلمتها

norahaty mo said...

الحمد لله
رب العالمين

عبير علاو said...

ما شاء الله عليك يا دكتورة

كل واحد مارس و انتي بخير ❤️

محمد سلامة said...

قال كلية صعبة قال هههههههههه
ده انتوا كلكوا بتجيبوا امتياز
وبتتخرجوا على تكليف
وبتفتحوا عيادات
وعاملينهم على قلبكم قد كدة
ده مش قر ولا حاجة
ده مجرد حسد :)

زهرة الحياة said...

دكتورة نور
رحم الله والدة حضرتك
وأدخلها فسيح جناته
ومبروك لحضرتك على تعلم قيادة السيارات
وكلية الطب امل كل طالب مجتهد
دمتِ بخير

norahaty mo said...

عبير علاو
وانتى بألف صحة وسلامة
وعقبال ما نبارك لك التخرج
والعمل بأذن الله

norahaty mo said...

محمد سلامة
أأأأأبااااااى
فيه ناس مركزة معانا☺☺
على رأى الحكمة اللى بيتكب على السيارات
(ماتبصش ليا بص للى أدفع فيا☺☺☺)

norahaty mo said...

زهرة الحياة
الله يبارك فيك
ربنا يوفق كل مجتهد

عبده العمراوى said...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

عبده العمراوى said...

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

عبده العمراوى said...

شركة نقل اثاث بالرياض


شركة مكافحة النمل الابيض بالخرج

شركة عزل اسطح بالخرج

شركة تنظيف بالخرج

شركة تنظيف شقق بالخرج

عبده العمراوى said...

شركة تنظيف فلل بالمزاحميه

شركة تنظيف منازل بشقراء

شركة رش مبيدات بشقراء

شركة تنظيف منازل بخميس مشيط

شركة رش مبيدات بالخرج

عبده العمراوى said...

شركة مكافحة النمل الابيض بابها

شركة مكافحة حشرات بابها
شركة جلى بلاط بالرياض

شركة تنظيف منازل بخميس مشيط

شركة مكافحة حشرات برماح

عبده العمراوى said...

شركة مكافحة حشرات بشقراء

شركة مكافحة حشرات بجازان



شركة الصفرات لتنظيف الخزانات بالرياض

شركة الصفرات لتنظيف الشقق بالرياض

عبده العمراوى said...

شركة الصفرات لتنظيف الفلل بالرياض

شركة الصفرات لتنظيف القصور بالرياض

شركة الصفرات لتنظيف المجالس بالرياض

شركة الصفرات لتنظيف المنازل بالرياض

شركة الصفرات لتنظيف الموكيت بالرياض

عبده العمراوى said...

شركة الصفرات لرش المبيدات بالرياض

شركة الصفرات لعزل الخزانات بالرياض

شركة الصفرات لكشف التسربات المياه بالرياض

شركة الصفرات للتنظيف بالرياض

شركة الصفرات لمكافحة الحشرات بالرياض

عبده العمراوى said...

شركة الصفرات لنقل الاثاث بالرياض

شركة الصفرات لنقل العفش بالرياض

شركة مكافحة حشرات بضرماء

شركة مكافحة حشرات بالخرج

Post a Comment

قول ولا تجرحـش