.jpg)
لـــــــــنا قريبة
توفت منذ مدة
يــقول أقاربها
انهم كلما فتحوا
درجاً من ادارج
دولاب ملابسها
او البوفييــة
او الـــــنيش
او المــــــــــــطبخ
او أى مكان فى شقتها
وجدوا مالاً
كثيراً او قليلاً
ليس مهم
المهم
ان هناك مالاً
اسمع انا هذا الكلام
وابتسم واقول لمن يحكى لى
اهو انا زيهـــــــــــــــــــا
بأذن الله
بعد عمر طويل أو قصير
من سيفتح اى درج
من ادراجى
سيجد؟
؟
؟
؟
؟
؟
؟
؟
؟
؟
؟
؟
؟
؟
ورقة كلمات متقاطعة
لم يكتمل حلها
(ومحدش أحسن من حد)
(اهى كلها اوراق)
☺☺☺☺
19 comments:
يا حبي ربنا يكرمك و يبارك في عمرك
على فكره الكلمات المتقاطعه بتنزل الذاكره وبتخلي الزهايمر يبعد عننا هههههه
إنت بايتة فى المدونات يا زهراء
كل ما أدخل مدونة أجدك أول
تعليق فى كل المدونات
هههههههههههههههه
أنا أمازح أختى
المفروض تحصلى على درع
التعليق الأول
خالص اعتزازى واحترامى وتقديرى
هههههههههه
المهم يلاقي وراكي حاجة
أمد الله فى عمرك يا دكتورة نور
وجعل أيامك كلها سعيدة
خالص الإعتزاز
نصيحة مخلصة من مجرب ،بلاش الكلمات المتقاطعة دي لان زمان لما كنت عاقل ، كنت اقوم بتصوير اربع نسخ منها ونعمل مسابقة في البيت ، ودي اخرتها كل شيء راح وبقيت ذكريات واوراق عديمة الفائدة ليتني تركت في كل ركن في البيت ربع جنيه كان افضل ، اللهم اني قد بلغت .
بعد اذنك يا دكتورتي نرد على اخونا صاحب مدونه الفرسان
اولا أعلم أن كلامك مزحه ههههههههههه
ثانيا اولا لما اشغل النت ادخل على مدونتي بالحب اتجمعنا واشوف ما هي التدوينات الجديده واعلق عليها ورا بعضها عشان كده بتلاقي اني متواجده وعلى فكره بقى باعشق اني اكون التعليق الأول واعمل احتلال للمدونة وابعد أوقات اجيب شريكتي لولا ويحتل بقى المدونه ونبعت نجيب شاي وبسكويت ونتعشي كمان ههههههه معلش بقى يا دكتورتي رغيت تاني
☺☺☺☺☺☺
ههههعههه
كلمات متقاطعه
عمرى ما حبيتها ابدا
ربنا يبارك فى عمرك يارب
ويحسن.ختامنا جميعا
زهوووووورة
ربنا يكرمك.
حبيتها من سادسة إبتدائى
ازاى اقدر ابطلها ؟دى لها
فضل على صراحة:كمية
معلومات عامة تحصلت عليها
اينعم نسيت كثير منها :) لكن
برضة ما انساش الفضل بتاعها.
مدونة الفرسان
:)بارك الله فيك
زهراء من زملاء التدوين
الأوائل هى ولولا فمن حقها
تعمل اى شىء أنا سامحة لها :)
رحاب صالح
:)حيلاقوا كتيــــر
اطيان !عمارات!اراضى
عربيات !الماظات!جواهر
واهم حاجة ذكريات حلوة
معى تستمر بهم
مدونة الفرسان
بارك الله فيك
وجعل لك من
دعائك نصيباً وافراً
m7sn elmحmdy
معلش!ابدأ من النهاردة
وسيب فى كل ركن10جنية
العمر علمه عند الله أبدأ من اليوم
زهووووووورة
انتى مرحب بيكى
فى اى وقت ولو أنها
مدونتك أنتى اللى ترحبى
بينا فيهـــــــــــــــــــــــــــا :)
قمر وليل وغيوم
حبيتها من 6ابتدائى!
اينعم حبى لها قل وإنشغالى
بها كذلك لكن مازلت كلما
وجدت ورقة فيها كلمات متقاطعة
قصصتها وأحتفظت بها :) :) :)
والله يا دكتورة كأنك تتحدثين عني بالظبط
:)
كنت أشتري أهرام الخميس مخصوص علشان الكلمات المتقاطعة الكبيرة وأرمي باقي الجرنان .. وبعدين أمسك القلم وأقعد أرقم الخانات اللي ع الشمال واللي تحت كلها ؛ بدل ما أفضل ماشي بصباعي على الخانة رايح جاي وأنا باسأل : المعلومة القبل الأخيرة في خمسة أفقي ؟؟ طب أشوف تاني معلومة في تسعتاشر رأسي .. إلخ ، وكان مزاج عندي أحلها كلها بالقلم الرصاص الأول وبعد كده أزرقها وأمضي عليها بعد ما أخلصها وأكتب التاريخ اللي خلصتها فيه (ده بعد كده إنما الأول كنت باخلصها في نفس اليوم ؛ تقريباً تلات ساعات بالكتير)
- من ساعة ما خلوها في منتصف نص الصفحة التحتاني مش في الربع التحتاني الشمال وأنا تقريباً زهدت فيها ؛ لأني ما بقيتش عارف أطبق الجرنان (أثنيه) وأحلها زي الأول ؛ بقى لازم أفرده كأني هاذاكر أو أقطعها من الصفحة !! فبقيت باستسهل السودوكو على الموبايل .
بس بصراحة كل ما أروح لوالدي ؛ يقول لي خد كمل دي !! وألاقيه بيديني كلمات متقاطعة بتاعة يوم الخميس حل منها شوية وزهق !! وأنا بقى ما باعرفش أكمل بعد حد بالذات لو فيه معلومة كان حلها غلط وصلحتها فشوهت منظر الصفحة !!
من أظرف الحاجات اللي صادفتها في موضوع الكلمات المتقاطعة ده .. واحد قريبي كان لما يحب يغيظني وأنا صغير يقوم ماسك الكلمات المتقاطعة وكاتب أي حروف في الخانات ويقول لي مش المهم أنك تملاها حروف ؟؟ .. وفيه ناس تانية كانت حريفة فيها جداً رغم أنها ما كانتش بتكمل حلها ؛ لأنها كانت بتكتب فيها جوابات ومواعيد لبعض :)
بوست بحاله أهه مش تعليق
:)
شريف باشا
أه والله تدوينة كاملة
مش مجرد تعليق جزاك
الله خيراً.العلم عند الله ممكن
نكون قرايب!!أه اصل أنا برضه
كان ليا قريب كل ما يجى يزورنا لازمن
ولابدن يشخبط فى المربعات لأجل ما يغظنى بس!!
طب ليه ياعم دا انت ضيف مفروض!!المهم
كانت سهرة يوم الخميس بالنسبة ليا
جزأين الأول سماع حبيبى الشيخ
الشعراوى والثانى حل الكلمات
المتقاطعة لكن صراحة
نادرا ما كنت انهيها :(
شرفتنى وفكرتنى
واسعدتينى بتعليقك
أبو جمال
انت تانى!!؟
فعلا المهم يلاقوا وراكي حاجة هههههههههه
محمد سلامة
حيلاقوا يافندم
حيلاااااااااقو كتير
Post a Comment
قول ولا تجرحـش