صحيت على صباحة
ربنا زعلانة ومضايقة
ربنا زعلانة ومضايقة
كده
وحاجة والعياذ بالله منها
كابسة على مراوح قلبى
كابسة على مراوح قلبى
بصيت فى الساعة
يالهوىىىى
ياخبر
فاتتنى صلاة الفجر
لكن الحمد لله افتكرت
انى صليتها حاضر ونمت
انى صليتها حاضر ونمت
طيب ايه اللى مزعلك بقى؟
يالهوىىىىىى
تانى
اتأخرت على الشغل
برضه لأ الحمد لله
افتكرت انى اجازة النهاردة كمان
اينعم الثلاتة ايام الاجازة خلصوا
لكن معلش لسه بكرة الجمعة
ابقى ازعل بكره براحتى
طيب امال مالى
زعلانة ليه ؟
يكون علشان
الغسالة باظت
الغسالة باظت
امبارح
وما بتحطش منطق
وجربت كل الحاجات الاساسية
او البدائية اللى ممكن تكون السبب
زى مفتاح الكهربا بتاعها
فى لوحة العداد يكون نازل
فى لوحة العداد يكون نازل
اوالفلتر فيه حاجة
او الفيشة بتاعتها بايظة
هى طبعا مشكلة فى البيت
بس مش مشكلة اوى يعنى
لان فيه غسالة تانية
عادية اه ومش اتوماتيك
لكن اهى بتقضى الغرض
وما بتحوجنى
لغسيل
الطشت
بردون يعنى
امال مالى بس؟
ايه اللى مضايقنى كده
ومخلينى على صباحة ربنا
وفى الجو الجميل ده ابقى مضايقه كده؟
افتكرت
افتكرت
افتكرت
اخر خبر سمعته قبل ما انام
(بنت اختك جاية مصر اجازة الشهرالجاى)
يعنى خدمة وتعب على الاخر
ولولا عضم التربة زى ما بيقولوا
كان فاض بى من زمان
كان فاض بى من زمان
بتيجى هى وزوجها واولادها
وكأنها جاية من كوكب المريخ
(عايشة فى فرنسا ياسيدى
وبتيجى كل 3سنين تقريباً)
وبتيجى كل 3سنين تقريباً)
وما تعرفش اللى فى مصر عايشين ازاى
مش ماديا بس والله لكن سلوكياً كمان
مفيش شىء عاجبها
وكل شىء وحش
يع يع يع
وكل شىء مش تمام
وكل شىء مش قد المقام
حتقولولى طب ما تروح لبيتها او لماماتها
ماماتها متوفية من فترة
وبيت مامتها اتجوز فيه اخوها
وبعدين انتو ناسين
بيت طنط
نوانوا
ده بيت العيلة
بيت الجد والجدة
وكمان وده الاهم
بقى
طنط نونو
مش متجوزة
يعنى مفيش حد او راجل غريب
يعنى
يضايقوا منه
فاهمينى
اسفة ان كان كلامى ضايقوا
بس حبيت افضفض شوية
من اللى فيا
واللى فيا
كتير اوى
اوى اوى
والله
وربنا يصبرنا
مليش نفس الون حاجة النهاردة
خليها فحلوقى
كده
-------------
-----------------
ومش حانسى
الأمثال الشعبية
تدوينة متجددة
-----------------
ومش حانسى
الأمثال الشعبية
تدوينة متجددة
18 comments:
عارفه يا دكتورتي من اكتر الحاجات اللي تفقع المرارة الناس اللي تيجي مش عاجبها حال البلاد يا عم فكك مننا بقى احنا راضيين وحاطين في قلبنا وساكتين وبعدين الناس اللي مش لها بيت في مصر بردون يعني تحجز في فندق ومش تقرفنا احنا اللي فينا مكفينا
يارب البيت مفتوح على الدوام بصحبتك وعافيتك وخيرك بوسه كببيييييره وحضن كبيييييير
زهوووورة
تسلمى وتعيشى يارب
انا خلاص بقيت اصارحهم
بالحقيقة اللى انتى بتقوليها دى
(مش عاجبكم خدونى عندكم:)
هههههههههه يسكتوا على طووول :)
المشكلة إن كل إنسان فى بيته له
نظام خاص فى الفترة دى بيتلغبط كل شئ
تلاقى اللى كان فى اليمين بقا فى الشمال
واللى فى الشمال بقا فى اليمين
وطالما متوفر المقدرة المالية يقومون بشراء
شقة خاصة بهم يقضون الأجازة فيها
كفانا ما نحن فيه
خالص تقديرى
الأمثال
اللى بيخاف من العفريت بيطلعله
اجرى يا ابن آدم جرى الوحوش غير نصيبك يا ابن
أدم لم تحوش
أدب ابنك صغير تفرح بيه كبير
الأدب فضلوه عن العلم
أدعي على ابنى و أكره اللى يقول آمين
اربط الحمار مطرح ما يحب صاحبه
فيه حل لذيذ يا دكتورة ...
كل واحد علق على البوست ده يجيب أسرته ونروح عند حضرتك البيت في اليوم اللي الضيوف هيوصلوا فيه ؛ ولما يشرفوا ويلاقونا عندك ؛ حضرتك تقولي لهم أنك اتزنقتي في قرشين فاضطريتي تأجري لنا الشقة مفروش لمدة شهر وخدتي مننا عشرتلاف جنيه !!
- دفعوا لحضرتك العشرتلاف جنيه علشان نمشي ؟؟ مصلحة .. كل واحد فينا ياخد ألفين جنيه ويتكل على الله وحضرتك تاخدي الأربعتلاف جنيه الباقيين (على اعتبار أن فيه تلاتة بس علقوا ع البوست) ؛ وبكده يبقى الكل استفاد .. وحضرتك ممكن تجيبي بالفلوس دي أجدع غسالة .. ده حضرتك ممكن تجيبي غسالة بشعر تغسل وتبات كمان :):)
- ما دفعوش وراحوا فندق ؟؟ .. مصلحة ويبقى اسمنا خدمنا السياحة :):)
- الاحتمال الأخير بقى ؛ أنهم ما يدفعوش ويقعدوا !!
ما يدفعوش ويقعدوا ؟؟ .. إيه ده ؟؟ هو أستغفر الله العظيم ممكن ده يحصل ؟؟
لا لا إنشاء الله مش هيحصل تفائلوا خير يا جماعة .. ألفين جنيه في ساعتين زمن مش وحشين !! القناعة حلوة يا اخواننا ؛ علشان المرة الجاية بإذن الله الدكتورة تبقى تجيبنا برضه :D
بس بعد إذنك يا دكتورة اقفلي التعليقات ؛ مش عاوزين حد تاني يخش معانا في المصلحة !! أو يفقعنا عين ونتفاجيء لا قدر الله أنهم مش جايين !!
لا لا إن شاء الله ييجوا بألف سلامة وينوروا الدكتورة
:):)
السلام عليكم ياقمر
والله بجد ألمشكله ان اللى بيعيش برا حتى فى دوله عربيه تلات اربع سنين كده بجد حاله بيتغير وكمان تفكيره
يعنى عاش فتره فى نظام وبلد فيها قانون ونضاااافه ومستوى مادى كوبس جدا وبياكل اكل غير مسرطن وشرب ميا معدنيه وتعامل مع ناس وجنسيات مختلفه وقعد فى مكان عاش فيه لا حد بياخد باله من حد ولا حد بيجيب سيره حد وكل واحد فى حاله فلما بيرجع مصر بجد بيحزن اوى وبيحصله صدمه
وطبعا بيكون منزعج جدا
ما بالك بقه اللى عايشين فى دوله اجنبيه
مدونة الفرسان
كفانا ما نحن فيه
خلاصة الخلاصة :)
بس مين اللى عنده الجراءة
لقولها لمن يستحقها :)
اشكرك للتعليق الجميل والجرىء
مدونة الفرسان
اشكرك حالاً حاحطها لو
مــــــــــــــــــش موجودة
مدونة الفرسان
اشكرك تالت مرة
لذوقك وتعبــــــــــك
شريف باشا
اهـ يانى من حلولك
روووووعة :)
قمر وليل وغيوم
اللى بيعيش بره بينسى
حالنا او يمكن كمان
بيتناسى حالنا
اقولك ايه:علىه العوض
شريف باشا
معلش نسيت اسألك
انت أحيانا قافل التعليقات
او قاصرها أحيانا اخرى
ليه؟بتغظنا؟ :)
الحمد لله رب العالمين
طيب ما حضرتك أحياناً برضه بتقفلي التعليقات هنا ؟؟
:D
وبعدين مش باغيظكم يا دكتورة العفو والله
غالباً باكون مش قادر على الرد والتواصل ؛ خاصة لما يكون بوست قديم كتبته من فترة ؛ ما بيكونش عندي خلق أقراه تاني أو أرد عليه .. الحاجة التانية : عندي مشاكل كتير في المدونة (مش فاهمها) بقالها فترة .. آخر ما زهقت عملت مدونة تانية وقلت أرفع المدونة دي عليها ؛ لكن الملف مش عاوز يترفع هناك أبداً فخمنت أن سبب ذلك قد يكون التعليقات (لأنها كتيرة ما شاء الله) إضافة إلى بعض البوستات اللي جوجل أفندي بيقول لي فيها أخطاء كتيرة .. عامة إذا فشلت في إصلاح الأخطاء هاضطر آسفاً أرفع البوستات كلها يدوي من أول جديد في المدونة الجديدة (لكن طبعاً بدون تعليقات حضراتكم اللي بنعتز بيها جداً وبنعتبرها أثمن ما في المدونة) .. أو أحاول أجمع البوستات في ملف وورد أو بي دي إف وأنزل رابط تحميلهم في المدونة الجديدة .
شريف باشا
(طيب ما حضرتك أحياناً برضه بتقفلي التعليقات هنا)
تصدق ما كنتش واخدة بالى :)
شريف باشا
ربنا ييسرك الأمور
وتنقل المدونة بالكامل
وما ينقصش منها شىء
Post a Comment
قول ولا تجرحـش