موظف فى شركة
دونالد
رئيسه المباشر
روجر
رئيسهم هم الأتنين
بيرت
الراس الكبيرة
بمعنى
رئيس التلاتة اللى فاتوا
المهم
بيتر
دونالد
من الشغل فى التو واللحظة
خد بعضه وراح على
روجر
اللى هو رئيسهم الأتنين زى ما قلنا
وعرض عليه العملة السودا
اللى عملها بيتر
وقال انه لازم يتفصل ياعنى يتفصل
روجر المكار المراوغ الى واللى واللى
فكر شوية وقاله لأ خليها تيجى من
بيرت رئيس مجلس الأدارة
فعلا خدوا بعضهم الأتنين
(دونالد وروجر)
وراحوا لـــ
بيرت
شرح دونالد الموقف والغلطة
اللى عملها بيتر
وقال ان العقاب الوحيد لبيتر هو الفصل
قعد بيرت يفكر شوية كده
وقالهم
انتم عارفين بيتر دا
مين أبوه ؟ومين أمه؟
ابوه فلان فقد ثروته فى صفقة من الصفقات
ومات بحسرته وهو صغير فى السن
اما امه
فهى دى
(مربط الفرس)
بحكم العز والوز بتاع زمان
فهى عضوة فى كل نوادى المدينة
الراقية وكل مجالس إدارات المستشفيات
وكذلك فى عدد لا يحصى من المجلات
والنشرات والوكالات الإعلانية
ياعنى بأختصار لو احنا
طردنا أبنها النهاردة
(وهو يستحق الطر د فعلا)
حتقعد فى كل حتة من الحتت اللى قلتلكوا عليها
وتشتكى منا واللى مش فينا حتجيبه فينا
وأحنا لسه بادين شركتنا وعاوزين
نكبرها ونجيب زباين مش نطفش الزياين
خرج
روجر ودونالد
وعفوا
(قفاهم يقمر عيش)
سأل دونالد
والحل؟ حأرجع فى كلمتى أدام بيتر؟
قاله روجر
ابدا وحياة غلاوتك
انا حاخلصك من الموقف دا
دخلوا هم الاتنين على
بيتر
وكان تقريبا شبه ميت من القلق والخوف
روجر
هو اللى اتكلم
ايه يافندى الغلطة الشنيعة دى ؟
انت ازاااااى تعمل كده ؟
دا لمّا
بيرت
رئيس مجلس الأدارة
سمع بالغلطة دى
كان مصمم لازم يفصلك
لكن عارف مين اللى دافع عنك؟؟!!!دونالد
اهـ دونالد هو اللى دافع عنك
وقال لازم نديله فرصة تانية
لانه لسه شاب وبيتعلم
بيتر مكنش مصدق نفسه
(حتى دونالد
نفسه مكنش مصدق)وكان بيترعاوز يوطى على ايد دونالد يبوسها
وبكده صار بيتر مربوط من رقبته
والرباط بأيد رئيسه
المباشر اللى هو دونالد
!!!(مشهد تمثيلى من مسلسل تلفزيونى)
7 comments:
رؤساء العمل يحتاجون لبعض الدهاء فى
التغلب على المشاكل التى تواجههم
على أرض الواقع
خالص تقديرى
مدونة الفرسان
فعلا زى ما بيقولوا
الأدارة شطارة:)
احتراماتى
بدأت أشك إن روجر ده أصلاً مصري :)
قصة جميلة من أجواء العمل ومكائده إلتي نعيشها كل يوم وفي كل حين :)
موجة
البشر واحد
بجد بتختلف العوايد
او التقاليد لكن التصرفات
البشرية واحدة
سبحان الله
ما خرجت به من المشهد انه يجب على الانسان عدم التسرع فى اتخاذ القرار بالسلب كان او بالإيجاب .. وان يفكر فى عواقب القرار وهل القرار له تأثيرات على العمل أو الحياة .. وعموما وجب على من يكون على رأس القائمة ان يكون عنده نوع حسن التصرف الايجابى طبعا .. تحياتى
Mohamed Ashri
مظبوط كلامك
واضيف ان احيانا
حياتنا المهنية
(يتلاعب)
بهابعض
المديرين لمصلحتهم
او مصلحة العمل
Uouo Uo
وجزاكم احسن الجزاء
Post a Comment
قول ولا تجرحـش