Thursday, December 11, 2014

...التدوين وذكرياته-3-...


من ذكريات التدوين
اللى مش ممكن أنساها
(وهى كتير على فكرة)
كانت
(مدونة)
صاحبها فى المعاش
وماتت زوجته منذ سنوات طويلة
ويعيش فى بيته بمفرده
ويحكى عن حياته  وحيدا
وعن ذكرياته
وعمله
(وقد كان مديرا عاماً فى مصلحة حكومية)
كان يحكى أيضا عن زوجة ابنه ومؤامرتها المستمرة ضده
المهم
ان هذا الشخص كان عندما يتأخر
فى التدوين
يسارع كثير من متابعيه
بما فيهم
أنا
بالسؤال عنه وان يطمنا
(بلوجريا)
ونتمنى له الصحة والعافية
وبالتدوينة التالية يشكرنا
على اهتمامنا
ويواصل حكاياته
نيجى للمهم
فى مرة
عرفتنى صديقة  بلوجرية
وجارة فيس بوكية
حقيقة الأمر
وان كل تدوينات هذا
الأنسان
وكل كلامه
ما هو الأ صفحات منقولة
بالحرف والمللى
(كوبى وباست)
من رواية
أعتقد اسمها
(حامد زهران مازال حياً)
(صراحة مش متأكدة من المؤلف او اسم الرواية)
لكن اللى أنا متأكدة منه
انها كانت فعلا منقولة من الرواية
نيجى للأهم بقى
(احساسى)
بعد ما عرفت كدا
بجد كنت فى منتهى الحزن
والزعل واحساس بالخيانة
من صاحب المدونة
ليه؟ليه ؟ ليه؟
 ليه أبتزاز المشاعر دا؟
ليه الكذب؟
ليه الأدعاء؟
صراحة لحد الوقت دا
مازلت أحس بالحزن
كلما تذكرت
الموضوع

10 comments:

ولسه بحلم بيوم.... said...

يا دكتورة نور
إلغى الكلمة التأكيدية فى التعليق
أدخلى على لوحة تحكم المدونة ستجدى كلمة إعدادات إضغطى على عليها ستجدى كلمة التعليق والمشاركات إضغطى عليها
ستجدى كلمة إظهار كلمة
إظهار كلمة التحقق
إختارى لا
وبعد كدة اعملى حفظ للإعدادات

Anonymous said...

كنت كاتب بوست من فترة اسمه اتنين ستات وناقد فيه حاجة شبه القصة دي
بس أنا ما كنتش أعرفها والله يا دكتورة دي من تأليف العبد لله
فيها إيه لو كان الزميل ده دخل عندي وخد القصة بتاعتي ؟؟ مش برضه احنا مدونين زي بعض وأولى من الغريب ؟؟
ولا هو يعني الاقتباس ما يحلاش غير من الغريب ؟؟
عموما ما تزعليش نفسك وادعي له بالهداية
P A S H A

Unknown said...

عمرو جويلى
حاااااااضر:)
تصدق وتؤمن بالله
انى كنت دايما اقولها
للأصدقاء فى ابلوجر
اهو جه اليوم
اللى أتقالت ليا
أشكرك لأنى فعلا نسيت
ازاى الغيها وأديك فكرتنى :)

Unknown said...

شريف باشا
داخل متنكر ليه؟ :)
ايه اللى حصل؟
وانا نفسى مستغربة
ليه احساسى بالزعل دا؟
اومال صاحب الرواية نفسها
يبقى زعلان اد ايه لما يكتشف عفوا السرقة دى؟
فعلا عذرته

Unknown said...

استاذ عمرو جويلى
تم بحمد لله
!!بس لسه موجودة
ودا برضه اشتكى منه
شريف باشا قبل كده
بلووووجر أتغير علينا :)

Unknown said...

الحمد لله

Mohamed Ashri said...

نفس المشكله نعانى منها فى الفن التشكيلى عندما يدخل احدهم صورة لوحة فنان ما على برنامج للرسم ويظهرها بخامة مختلفة عن الاصل ويقول من أعمالى .. كنا فى البداية نتحاور ونتشاكس ونتركة فى حال سبيله ..
أما الان نتركة فى حخاتل سبيلة من أول لحظة ..
تعرفى د. نور هذه المشكله نراها ايضا مع مقتبسى الاشعار والخواطر ويتلقون التصفيق والتهليل والتبجيل .. ويتعاملون كما لو كانو هم الكتاب ..

موجة said...

فعلاً هو نوع من الإبتزاز للمشاعر ، خصوصاً أنه حظي بتعاطف كبير من جانبكم على ما يبدو ..
ربنا يهديه ويرزقنا الهدى

خالص تحياتي :)

Unknown said...

Mohamed Ashri
لى زميلة شافاها
الله وعافاها اصيبت بجلطة
افقدتها القدرة على الحركة
بعدما رأت(تجاربها العلمية)تناقشها
زميلة اخرى وتنال بها مجدا وشرفا
لا تستحقه على الأطلاق
ربك يسترها يافنان

Unknown said...

موجة
اللهم آمين

Post a Comment

قول ولا تجرحـش