Tuesday, December 9, 2014

...الــــــتــدوين2...


من ذكريات التدوين
اللى ما أنساهاش
 كانت مدونة عامة
كانت مشهورة أوى
يأتى اليها الزوار
بالمئات يوميا
المهم
كنت أتابعها
واعلق فيها
ولا أترك موضوعا
الا وكتبت فيه رأيا
(بداياتى معلش كنت  بأعمل جمهور)
ولو كان حتى بكلمة واحدة
مثل

( !!!موضوع رائع)
أو
(يعطيك العافية)
المهم راحت السكرة وجت الفكرة
!!الله
هو حضرته مش بيرد ليه؟
هو حضرته مش بيزورنا  ليه؟
هو حضرته
(تقلاااااان)
ليــــــه؟؟
هو أنا اومال وبكل صراحة 
تاعبه نفسى ليه فى الرد والكتابة؟؟
المهم
ما اكذبش عليكم
تانى  مرة دخلت المدونة
كانت بيطلب صاحبها
اننا نصوت لصالح
مدونته فى
؟؟
والله ما فاكرة أيه بالظبط
لكن كانت مسابقة ما بين المدونات
جاوبته بسؤالين
انت ما بتردش على تعليقاتنا ليه؟
وما بتزرش المدونات التانية ليه؟
وإن كان على التصويت لمدونتك
حيحصل بس  بعد ما تجاوبنى
:-المهم جاوب فعلا
 !اصل
!فصل
!لان 
!كأن
!علشان
كلام من نوعية 
الزوار كتير للمدونة
حأرد على مين ولا مين؟؟
ياحرررررررررررررام 
وعنها ما اكذبش عليكم
ما دخلتهاش تانى
(المدونة)
فى 
اعتقادى ياعنى
كلنا كمدونين 
(هواة)
الأ القليل جدا جدا
وبالتالى
أنا اعلق عندك
يبقى
ترد على كلامى
دا اولاً
و تعلق عندى
دا ثانيا
(هو كدااااا)
والأ 
الله 
الغنى
أعتبروها سطحية
اعتبروها طفولية
زى ما يكون
(وقيس على هذا الفيس بوك)


من كام يوم
افتكرت الموضوع
دا ودورت على المدونة دى
لقيت صاحبها توقف عن الكتابة
من 2013 ولم يعتذر او يقول سببا

6 comments:

ولسه بحلم بيوم said...

يارب ما يكونش أنا
هههههههههه
دكتورة نور
هناك الكثير من المدونيين لإنقطعوا عن التدوين بعد نجاح ثورة 25 يناير فرحا بتحقيق حلم كنا نخلم به جميعا وهو إزاحة مبارك عن الحكم بعد كم الفساد الذى عانينا منه جميعا واعتقدنا أن حياتنا أصبحت ورديه ولكن لم يدم الحلم طويلا فعدنا وأنا أتحدث عن نفسى ومنا من اتجه إلى الفيس بوك

P A S H A said...

- هتعلق ولا تتعلق ولا تدفع الجزية من سكات ؟؟
- وإيه هي الجزية يا حضرات ؟؟
- نص كاجو وطبق حلويات وشيكولاتة كبيييييرة بالمكسرات و...
- انسوا ؛ عم عشم مات يا بهوات
- إذن ؛ علقوه م الشنبات واكتبوا عليه رافض الكومنتات
- لا لا خلاص هعلق يا باشاوات
- للأسف يا هذا الوقت فات وقفلنا صندوق التعليقات وقعدنا عليه خمس فتوات
- لأااااااااااااه
- هجووووووووووووووووم
(يتقدم جيش النمل المكفوف بنظاراته الشمسية الملونة والمصافي المثقوبة فوق رأسه)
دن دن دن تش دن دن دن تش

P A S H A said...

حضرتك لسه فاكرة موضوع التصويت على المدونات ده ؟؟
ده بقاله أربع سنين يا دكتورة !!
:))
كلمات التحقق اللي بتظهر دي غلسة ؛ عملت لها إخفاء عندي لكن برضه كانت بتظهر مش عارف ليه ؟؟
:)

norahaty mo said...

ولسه بأحلم بيوم
كلنا للأسف أنخدعنا
معلش ملناش تجربة قبل
كده بالثورة وكلنا اتحولنا
للفيس بوك لكن عن نفسى والحمد
لله لم أنقطع عن التدوين تسألنى ليه؟
اقولك مش عارفة بس عامة
أنا بأعتبره زى
تسجيل مذكرات
مين عارف
مين
يقرأها
بعد كده؟؟

norahaty mo said...

باشا باشا باشا:)
أيه الكلام الجميل دا؟
بتاعك يا أبو المواهب المستخبية؟

norahaty mo said...

باشا باشا باشا
ايوووة لسه فاكراه :)
اعمل ايه :)ماهو بوست ذكريات
انت مش واخد بالك؟ :)
وكلمات التحقق دى حتى ظاهرة
ليا النهاردة مع انى المفروض
صاحبة البيت :)!!!
حنشوفولها تصريفة
واقولك :)

Post a Comment

قول ولا تجرحـش