بعيد عنكم
جانى فوبيا
إذ فجأة كدا
من عبور الشارع
أو من تعدية الشارع
بالبلدى ياعنى
من كتر الحوادث
والأصابات
والعاهات
اللى حصلت
لناس أعرفهم
وأخرهم أبنة
زميلة عزيزة
رحلت وتركت
اطفالا صغاراً
ذلك بعد أن تم
سحلها
أى جرها
على أسفلت
الشارع
لأن حرف أسدالها
شبك فى
شكمان تاكسى
كانت تركبه
ومشى
التاكسى و لا على باله
(حدث لى مثله بس ربنا ستر)
المهم
عاوزة أقول أتصرفت ازاى
لأنها فعلا كانت مشكلة
شغلى الناحية دى
وبيتى الناحية المقابلة
وبينهم شارع عريض
تمشى به كل انواع المواصلات
كنت الصراحة بمشى
لحد الميدان
كانت فيه اشارة عبور مشاة
وعسكرى كمان
المهم تعبت صراحة من المشى
ولقيت حضرة
الصول عبد الرحيم
(الصول المكلف بالحراسة عند ناصية الشارع)
مستعد يخدم!!
ازاى؟
الراجل كان يشوفنى
ويشوف حيرتى
يجى جرى
يعدينى
ويوقف العربيات بأيده
علشانى
طبعا انا قلت لازم اكافئه
بقيت كل يومين
او تلاتة
(الف اللى فيه القسمة)
فى منديل ورق وأعطيه له
!!!!حتقولولى رشوة
حاقولكم كنت مضطرة
وكمان عن طيب خاطر
منى له
ومسمحاهــ
المهم
استمر الحال مدة
ولكن دوام الحال من المحال
حضرة الصول عبد الرحيم
طلع معاش
وأتحطيت أدام
الأمر الواقع مرة تانية
ملقيتش بد بقى
وبقيت اقول الشهادة
واعدى الشارع
والعمر واحد
والرب واحد
دائما وابدا
5 comments:
والله يا دكتورة لو الموضوع فيه مبلغ ومنديل كمان يبقى كلنا الصول عبد الرحيم
:)
وبعدين احنا ممكن نقسم نفسنا ورديات علشان حضرتك تبقي متطمنة ؛ بصي أنا باقترح إن حضرتك أول كل شهر تدينا المرتب واحنا هنتصرف :D
نهارك فل بإذن الرحمن
فكرتيني بزميلة الله يصبحها بكل خير ؛ اضطررت مرة تدي رشوة لموظف وكانت خايفة ومرعوبة ومكسوفة قوووي راحت لفتهم له في منديل زي صباع المحشي واستنت لما الزحمة خفت شوية وراحت رامياه في حجرة !!
الراجل اتخض وسألها وهو بيبرق لها : إيه ده ؟؟؟
فاتلخمت وما عرفتش ترد ففتح المنديل وشاف الفلوس وراح حاططها في جيبه وراح مناولها المنديل علشان تنشف عرقها !!
قلت لها إنسان وفيه الخير والله كنتي قلتي له : علشان الفلوس ملوثة وفيها ميكروبات فأنا خفت أحسن حضرتك تتعدي :)))
PASHA
:)فيك الخير
بس مخلاياك لوقت اشد:)
PASHA
هى دى عادتى
فعلا طبع فيا:الفلوس
سواء زكاةاو منحة او نفحة
أحطها أو الفها فى منديل
طبع بقى!تعمل فيه ايه؟
ali sahar
:)
Post a Comment
قول ولا تجرحـش