Monday, May 12, 2014

...بيكــــــــــــايد...


بيكــــــــايد
وقلبـــــــــــــــه
قـــــــــــــــــــــــــايد
قلتها لنفسى لما سمعت
أمين المخزن بتاعنا اللى 
أتنقل
 (بالقوة)
الى فرع أخر بعد تكاثر الشكاوى
والسرقات من المخـــــــــــــــــــزن
المهم جه يسلم على الزملاء
(اللى واحشينه اوووى)
ولما سألوه عن حاله
فى مكانه الجديد
!!قال:عظمة
أخر جمال
والحوافز بالكوم 
والأجازات زى ما انا عاوز
وبروح وقت ما أنا عاوز 
وأمشى وقت ما أنا عاوز
قــــــــــــلت فى نفسى 
ســــــــــــــاعتها
بيكـــــــــــايد
وقـــــــلبه
قـــــايد

4 comments:

P A S H A said...

ههههههههههههههه
الموقف ده فكرني بعاطف زميلنا اللي ما كانش حد بيطيقه ولا كان بيحب يشتغل وما حدش كان قادر عليه ، لحد ما جه في مرة من المرات اتزربن وحلف ليحرمنا منه ويتنقل مكان تاني ، وطبعا المديرة ما صدقت ووافقت له على طلب النقل .. قعد شهرين بحالهم ما فيش مكان راضي ياخده خالص رغم وجود عجز في الأماكن دي .. لحد ما اتنفى في مكان بنسميه جوانتانامو .. بعد أسبوع بقى كل يوم والتاني ييجي ينط لنا بحجة شكل !!
مرة علشان واحشينه ومرة علشان يفهم زميلنا اللي جه بداله طبيعة الشغل ومرة كان معدي بالصدفة .. وكل ما نسأله عامل إيه هناك يا عاطف ؟؟ يقول : ميت فل وأربعتاشر ، أحسن من هنا مليون مرة ، أنتوا هنا مش عايشيين ولا بتقبضوا ، أنا باروح بمزاجي وبامشي بمزاجي والقهوة بتتحط على مكتبي قبل ما باتمناها وزمايلي هناك شايليني من ع الأرض.
علما بأن هناك ما فيش غير واحدة موظفة وقطة كانت لسه والده !!
الموظفة اتنقلت عندنا أول ما هو راح هناك والقطة سابت له ولادها وجت عندنا D:

Osman Ali said...

و ممكن يكون صادق لأن كثير من ملوثي الايدي عندما ينقلوا فإنهم ينقلوا الى اماكن أفضل بكثيررررررر
أما نظيف اليد اذا نقل فإنه يُنقل الى اسوأ الاماكن
و هي دي ماسر :))

norahaty said...

P A S H A
ههههههههههههههه
حتى القطة هان عليهاضناها:)
وطفشت ياخبر !!كان الله فى العون

norahaty said...

Osman Ali
فى حالة (الأستاذ هذا)لأ ياعثمانواضح انه بيكايد ومتكاداوووووى

Post a Comment

قول ولا تجرحـش