...الطيور المهاجرة....

بعضهم يبـــــــدأ رحلته الأولى
 و الأخـر ينهى الأخـــــيرة 
ومــا بين هـــــذا وذاك
تستمــــر الحيــــاة
جــــملة سمعتها
(وأعجبتنى)

....الصبر طيب...

بعد 3خطوبات متفشكلة
و10 قصص حب فاشلة
تــــــــــــــم النهاردة
ايوة النهاردة
(الحمد لله رب العالمين)
عقد قرآن وزفاف
أبــــن أختى
أخــــــــــــــــــــــــــيرا
أخــــــــــــــــــيرا
أخــــــــــــيرا
وقالوا أيه؟
اللى يصبر ينول

اللى شفــــــته قبل ما تشوووووفك عينيــــا....

 اللى شفته
قبل ما تشوفك عينيا
عمر ضايع يحسبوه
أززززززاى عليـا

الحمد لله الذى فضلنا
على كثير من عباده الصالحين
الحمد لله الذى بحمده تتم الصالحات

تررررررا

تررررررررا


ركبت مووووووتوررر
اخيرااااااااااااااااااااااااااااااا
موووووووووتور ببالونة
بالرغم من انى كنت رافضة الفكرة
ومش شايفة له داعـــــــــــــــــــــــــــــى
دا أنا ســــــــــــــــاكنة فى الدور التانى
لكن لقيت ان الحكاية زادت عن حدها  جدا
والميه صارت تتقطع عندى من صباحة ربنا
وخصوصاً بعد دخول المدارس
طب وبعدين؟؟؟
لابد منه
الموووووووتوررررر
المووووووتور
ولا شىء
الأ
المووووووتور

....مـــــــال ســــــــايب....

أكد حسن فريد
نائب رئيس اتحاد الكرة
أن استمرار بوب برادلي المدير الفني للمنتخب المصري
سيعفي اتحاد الكرة من سداد مبلغ
3 ملايين جنيه
قيمة الشرط الجزائي في حالة فسخ عقده.

 

وأوضح فريد ان اتحاد الكرة
سيمنح برادلي فرصه لخوض مباراة العودة
وبعدها سينتهي عقده الذي لم يتبقى منه سوى شهر.

 

واشار إلى أن برادلي
رفض تقديم استقالته
ولذا فإن اتحاد الكرة لن يتخذ قرار اقالته
حتى لا يسدد الشرط الجزائي.
حسبنا الله ونعم الوكيل

مـــجزرة ...فض إعتصام رابعة ...

الصور مـــــــــؤلمة

ولكن مهما بلغ إيلامها

فلن تصف الأ أقل  القليل

مما حــــــــــــــــــــدث هناك

لكل من شارك هناك
قاتلاً او مقتولاً
شاهدا او شهيدا
فاعلاً او مفعولا
!!!هنيئا لك إختيارك

.......ســــــــر الزهــــد...

أو نستطيع أن نكون هكـــذا ؟
أن يســـــــــــتقر فى وجدننا
أن رزقنا مـــقدور لنا
وأن عملنا موكول الينا
وان
الله
سبحانه وتعالى
مــــــــــــــــطلع علينا ليل نهار
وأن المـــــــــــــــوت متربص بنا
ليأخذنا فينقطع عملنا من خير لأنفسنا
إن فعلنا هذا فقد نُلنا سعادة الدنيا والآخرة
اللهم آلهمنا
حُســـــــن العمل
وحُســــــــــن التــــــــوكل
وحُــــــسن الظن بـــــــــــالله

...أنــــــا وأبـى....

وأنا عمري 4 أعوام 
أبي هو الأفضل



وأنا عمري 6 أعوام
أبي يعرف كل الناس



وأنا عمري 10 أعوام
أبي ممتاز ولكن خلقه ضيق


وأنا عمري 12عاما
أبي كان لطيفا عندما كنت صغيرا


وأنا عمري 14 عاما
أبي بدأ يكون حساسا جدا

وأنا عمري 16 عاما
أبي لا يمكن أن يتماشى مع العصر الحالي


وأنا عمري 18 عاما
أبي ومع مرور كل يوم يبدو كأنه أكثر حدة

وأنا عمري 20 عاما
من الصعب جدا أن أسامح أبي
أستغرب كيف إستطاعت أمي أن تتحمله


وأنا عمري 25 عاما
أبي يعترض على كل موضوع


وأنا عمري 30 عاما
من الصعب جدا أن أتفق مع أبى
هل ياترى تعب جدى من أبي عندما كان شابا
 
وأنا عمري 40 عاما
أبي رباني في هذه الحياة
مع كثــــــــير من الضوابط
ولابد أن أفعل نفس الشيء


وأنا عمري 45 عاما
أنا محتار كيف أستطاع أبي أن يربينا جميعا

وأنا عمري 50 عاما
من الصعب التحكم في أطفالي
كم تكبد أبي من عناء
لأجل أن يربينا ويحافظ علينا



وأنا عمري 55 عاما
أبي كان ذا نظرة بعيدة
وخطط لعدة أشياء لنا
أبي كان مميزا ولطيفا

وأنا عمري 60 عاما
أبي هو الأفضل

جميع ما سبق إحتاج إلى 56 عاما
لإنهاء الدورة كاملة ليعود إلى نقطة
البدء الأولى عند الـ 4 أعوام
' أبي هو الأفضل'


فلنحسن إلى والدينا
قبل أن يفوت الأوان
ولندع الله أن يعاملنا أطفالنا
أفضل مما كنا نعامل والدينا.

!!!النـــــهـــــــــاردة العيد

بكرة العيد وحنعيّد

وندبحك يا سى السيد

ونحطك فى الاروانة

ونضربك بالخرازنة!

كل سنة وانتم واحنا وهم وهن

بألف مليون خير يارب

أحترت اكتب أيه بالمناسبة

الجميلة دى

لقيتنى بأفتكر أغنية كنا بنقولها

فى بيتنا وحتتنا القديمة زمان

ونفضل نغنيها أدام الخروف

ونغيظه اوى

معتمدين على أنه مربوط

ومش حيعمل لنا حاجة

لكن فى مرة

الحبل ماكنش متين كفاية

والخروف قطعه

وجرى ورانا

وعينكم ما تشوف الا النور بقى

أصطاد واحد من ولاد اخواتى

الصغيرين

ونطحة حتة نطحة

تقولش بيليه فى زمانه

النطحة حدفت الولد 4متر ادام

والحمدلله

جت سليمة شوية كدمات على سجاحات

على ذكرى ما قدرش ينساها ابداً

و بطل بعدها

كتير من الشقاوة ومعاكسة الخرفان

ولما بيشوف خروف لحد دلوقتى

بيحاول ما يقربش منه

من ذكريات العيد الكبير

زى ما كنا متعودين نسميه زمان

برضه

لما الخروف بتاعنا جه له زكام

واشار علينا

(الخبراء)

أن لازم ننفخ فى وشه

(دخان سجاير)

طيب دى مشكلة !

مكانش عندنا حد بيدخن

أو بالأصح بيعترف انه بيدخن

فى الزمن دا لانه كان عيبة كبيرة اوى

..أيه دُنيا

المهم طب نعمل ايه ؟

أم نادية

مدبرة منزلنا ربنا يشفيها ويعافيها ويخليها يارب

مالقتش منه بد

مسكينة جابت علبة سجاير

(ماركة بلمونت الاصلى)

وبقت كل يوم تطلع تدخن فى وش

(حضرته)

سيجارة او سيجارتين

على حسب ما تسمح الظروف

ولحد حضرته

(الخروف)

ما يعطس!

هكذا اشار علينا الخبراء

العلبة كانت قربت نخلص

وحضرة الخروف المحترم

لسه ما بيعطسش!

يادى الوقعة يارب !

بقينا خايفين ان الست هى اللى تحب السجاير

من كتر ما دخنت

لجناب الخروف

وخصوصاً انها بقت تطول فى القعدة فى السطوح

لكن قدر ولطف الحمد لله

الخروف خف قبل ما نبعت نشترى

العلبة التانية

الحمد والشكر لله

ذكريات كتيرة اوى ممكن الواحد يفتكرها

ودا جزءمن الرصيد اللى بتعطيه

الأسرة لأولادها

بعد كده

ذكريات وتجارب وخبرات

يستعين بها الأولاد

فى حياتهم بعد كدهـ

******

معانى الكلمات:

الأروانة:طشت صغير:)

الخرزانة:عصاية رفيعة بتوجع موووت

سجاير بلمونت:ماركةسجاير للناس العادية

بيليه:لاعب كرةبرازيلى ماتقوليش بقى:)

:::::::

تدوينة قديمة
فى صعبان على حالنا
نمر ون
لكنها عزيزة عليا
اوووووووى
وكمان لا بيروح
عليها الزمان ولا بيجى
زى ما بيقولوا
قلت احطها النهاردة
ومرة تانية
كل لحظة وأنتم بألف خير
++++++++++++++++++++++

السلام عليكم ورحمة الله تعالى وبركاته:عودة بعد إنقطاع

كل لحظة وانتمطيبين
وسالمين من كل شر
وراضين بما قدر الله لكم
أهـــــ

 من الرضا
نعمة يمنها الله
على من يشاء من عباده
الله اجعلنا من الراضين بقضاءك
الصابرين على بلاءك
الشاكرين لنعماءك
باختصار يا جماعة
ومن غير كلام كتير
(بالرغم من انى حضرت كلام أد كدددددده)
ربنا سبحانه وتعالى
قدر لى الأصابة بمرض
(سرطان الثدى)
زى أمى واختاى الأثنتين
اما الثالثة فقد أجرت تفريغ لمحتويات
الثدى منذ مدة طويلة
(ياعنى ممكن كان جالها هى كمان!!مين يعرف)
أنا عملت عينة
(بالأبرةaspiration biopsy)
والنتيجة الأولية تؤكد المرض
لكن طُلب منى عمل عينة اخرى جراحية
وفعلا عملتها يوم الثلاثاء اللى فات
وبأذن الله النتيجة ممكن تبقى بعد العيد
طبعا كلام كتير ومشاعر مختلفة

 وحاجات ومحتاجات بقى ما  تعدووش 

كنت عاوزة اقولها وحاقولها باأذن الله 

لكن خلينا واحدة واحدة عشان ما تزهقوش 

وانا كمان ما أتعبش من القعدة
صراحة نسيت قاعدة الكومبيوتر

 والبص فى الشاشةوكده ياعنى
حاجة كمان بأستاذنكم فيها
اعفونى من الرد عن الأسئلة الشخصية
سواء عن الموضوع دا او غيره
فى الوقت الحالى على الأقل
كمان واهم حاجة
شكررررررررا
شكررررررررررررا
شكررررررررررررررررا
الف شكر !!لأ الف ايه بس
نبحبحها شووووية مش معقول البخل دا
يبقى مليار شكر لكل من سال عنى
مرة او مرتين او ثلاث مرات
او اربعة او خمسة او خمستاشر
او حتى خمسين مرة
(مكنتش عارفة أنى مهمة كدة)
مرة تانية ومليار مرة الف شكر
وكل سنة وأنتم جميعا بألف خير