Sunday, September 23, 2012

......خير اللهم أجعله خير....

Sad music Pictures, Images and Photos
صحيت على صباحة
ربنا زعلانة ومضايقة
كده
وحاجة والعياذ بالله منها
كابسة على مراوح قلبى
بصيت فى الساعة
يالهوىىىى
ياخبر
فاتتنى صلاة الفجر
لكن الحمد لله افتكرت
انى صليتها حاضر ونمت
طيب ايه اللى مزعلك بقى؟
يالهوىىىىىى
تانى
اتأخرت على الشغل
برضه لأ الحمد لله
افتكرت انى اجازة النهاردة كمان
اينعم الثلاتة ايام الاجازة خلصوا
Animated cry Pictures, Images and Photos
لكن معلش لسه بكرة الجمعة
ابقى ازعل بكره براحتى
طيب امال مالى
زعلانة ليه ؟
يكون علشان

الغسالة باظت
امبارح
وما بتحطش منطق
وجربت كل الحاجات الاساسية
او البدائية اللى ممكن تكون السبب
زى مفتاح الكهربا بتاعها
فى لوحة العداد يكون نازل
اوالفلتر فيه حاجة
او الفيشة بتاعتها بايظة
هى طبعا مشكلة فى البيت
بس مش مشكلة اوى يعنى
لان فيه غسالة تانية
عادية اه ومش اتوماتيك
لكن اهى بتقضى الغرض
وما بتحوجنى
لغسيل
الطشت
بردون يعنى
امال مالى بس؟
ايه اللى مضايقنى كده
ومخلينى على صباحة ربنا

وفى الجو الجميل ده ابقى مضايقه كده؟
افتكرت
افتكرت
افتكرت
اخر خبر سمعته قبل ما انام
(بنت اختك جاية مصر اجازة الشهرالجاى)
يعنى خدمة وتعب على الاخر
ولولا عضم التربة زى ما بيقولوا
كان فاض بى من زمان
بتيجى هى وزوجها واولادها
وكأنها جاية من كوكب المريخ
(عايشة فى فرنسا ياسيدى
وبتيجى كل 3سنين تقريباً)
وما تعرفش اللى فى مصر عايشين ازاى
مش ماديا بس والله لكن سلوكياً كمان
مفيش شىء عاجبها
وكل شىء وحش
يع يع يع
وكل شىء مش تمام
وكل شىء مش قد المقام
حتقولولى طب ما تروح لبيتها او لماماتها
ماماتها متوفية من فترة
وبيت مامتها اتجوز فيه اخوها
وبعدين انتو ناسين
بيت طنط
نوانوا
ده بيت العيلة
بيت الجد والجدة
وكمان وده الاهم
بقى
طنط نونو
مش متجوزة
يعنى مفيش حد او راجل غريب
يعنى
يضايقوا منه
فاهمينى
اسفة ان كان كلامى ضايقوا
بس حبيت افضفض شوية
من اللى فيا
واللى فيا
كتير اوى
اوى اوى
والله
وربنا يصبرنا
Animated cry Pictures, Images and Photos

مليش نفس الون حاجة النهاردة
خليها فحلوقى
كده

6 comments:

AHMED SAMIR said...

انتي بتدوري في دفاترك القديمة و لا ايه؟!!!!
هههههه
اوعي تكوني افلستي تدوينيا
بس تدوينة حلوة و دمها خفيف
تحياتي و احتراماتي

Unknown said...

AHMED SAMIR
لأ ما افلستش بعد الشر
بس انت شايف الجو العام لبلدنا
زائد (وده المهم)انى مشغولة
الأيام دى شوية وكمان خلى
أصدقائنا الجداد
يعرفوا شىء يمكن
ماقرأهوش
عندى قبل كده
منورنى يادكتور

momken said...

....

طب بالمره بقى متنسينيش فى البرفانات
والهدايا
كمان متنسيش الكيكات والصابون والشامبو

والله مش عاوز اتقل عليكى
بس لو تفتكرينى فى عربيه بيجو او رينو يكون كده الواجب وصل

والله والدنيا ضحكتلك يا نونو قصدى يا دكتور نونو

انا مش بأر ولا بحسد...ده نــــق
ال زعلانه ال وهى مظقططه من جوة
تحياتى

.....

Tarkieb said...

التدوينة دي من تلات سنين يعني شكلها كدة كانت اخر زيارة يعني حصل حاجة حرمو يرجعو مصر...يا اما انتي كبرتي دماغك وماكتبتيش اخر زيارة ليهم السنة دي يا إما كسرتي وراهم قلة وحرمو يجو تاني...فين تقرير الزيارة الجديد..

ظلالي البيضاء said...

أولاً السلام عليكم ورحمة الله ..
وعساكم تكونوا بألف ألف خير دكتورة نور ..
مشكلتك محلولة وبسيطة .. وحلها عندي وسهلة جداً ..
يعني لو من البداية اتكلمتي وفضفضتي كان زمانها اتحلت ومن غير دموع ..
أمال إنت تفتكري أننا مش معاكي ؟؟ احنا معاكي ومعاكي ومعاكي للآخر ..
بس إنتي ولا تضايقي ولا على بالك ..
هيه الدنيا سايبة يا جدعان ؟؟
احنا برده جيران واخوات ..
انتي بس اشحني الغسالة على دمشق وأنا أصلحهالك وأرجعها زي الفل .. هههههههه ..

وبطريقك اشحني معاها الراجل زوج بنت أختك واحنا نقوم بواجبه على أكمل وجه .. نخليه يطير طيران على فرنسا وما يفكرش يرجع تاني ..
الموضوع مش يكلف أكتر من ليلة واحدة يعيشها بيننا وهو حيسافر وحده من أصوات أفلام الرعب اللي صارت واقع في حياتنا ..
ربنا يحمل معاكي يا دكتورة ..
بس برده إنتي قدها وقدود ..
دمت بكل خير وسعادة ... وربنا يسهل ..

يا مراكبي said...

بتقولي بتيجي كل 3 سنين

يعني مسعاد نزولها الجديد قرَّب وألا إيه؟

:-)))

Post a Comment

قول ولا تجرحـش