Tuesday, July 17, 2012

.......كـــــام واحـــــد.....


الثانوية العامة نتيجتها طلعت نجح 
 كتير وفشل كتير 
ياترى كام واحد من اللى نجحوا
وخصوصا اللى نجحوا بمجاميع كبيرة
حنسمع اسمه بعد كده فى  الأذاعة أو التلفزيون
او حنشوف اسمه فى الجرايد كطبيب او مهندس او كيميائى
او زراعى أو إعلامى أو خبير كومبيوترأو محامى أو سفير
وياترى كام واحد من اللى فشلوا او جابوا مجاميع
بسيطة أو عادية حيكون له نصيب فى الشهرة
والنجاح اكثر من المتفوقين دول
فى دفعتى فى الكلية كانت معنا
الثالثة علوم على الجمهورية
والسابع رياضيات
فى البكالوريوس
التالتة دى
كانت الــ1890 على الدفعة
اما السابع فكان الأول مكرر على الدفعة
طبعا ممكن تقصير منها او شطارة منه
ممكن كمان الواسطة والمحسوبية وماأكثرهم
فى بلدنا كانوا هم السبب باعتبار أن الاوئل
من الأول حتى الــــ 49كانوا ابناء الاساتذة
نرجع للأول مكرر دا
الصراحة تتقال مكنش
أبن أستاذ فى الكلية











لكن كان ابن حضرة
!!!
البيه المحافظ 
بس خلاص



16 comments:

لورنس العرب said...

أعرف واحد حمار كنت بزاكر له احصاء واقتصاد دخل غش الامتحانات كلها (وهنا أقصد كلها بكل ما تعنيه الكلمه) من اول اللغه العربيه لغاية آخر امتحان بما فيهم التربيه الدينيه والتربيه الوطنيه
وجاب 60%

norahaty said...

بعد كل الغش دا؟
طيب المهم ايه أخباره ؟
وصل لأيه بعد كل الغش دا ؟

norahaty said...

رمضان كريم يالورنس
وكل سنة وانت بخير

zizi said...

طيب انا اعرف برضه واحدة مرة غشت التاريخ كله من الكتاب وجابت 27 من 50طيب مش ده يعتبر ظلم بالذمة هي كانت عايزة تشتكي بس حاتقول ايه في الشكوى ؟؟؟قول انت بقى..؟؟

لورنس العرب said...

ما انا بقولك جاب 60% وهايدخل معهد خاص- بس الوالد مجهز له وظيفه في شركة بترول بعد التخرج إن شاء الله!

norahaty said...

zizi
ما سبتهاش
تشتكى ليه؟
يمكن كانوا نقصوها
كمان وكمان:)خليها تعرف
:)ان الله حق

norahaty said...

يالــورنس
ما تزعقليييش
ما بحبش اللى يزعقلى
انا كنت بستفهم عن مستقبله
فيها حاجة دى؟؟؟؟؟

norahaty said...

منورينا ياجماعة بجد

لورنس العرب said...

لا يا دكتوره وانا قدر ازعق بردو
ازعق لك ازاي وانا عامل حسابي انك هتعالجيني من المرض النفي اللي عندي

norahaty said...

مرض نفى؟
نـــفى ازاى
بردون ياعنى:)؟

لورنس العرب said...

مرض نفسي يا دكتوره
بس الكيبورد علقت وانا بكتب

لورنس العرب said...

تى لو مش تخصصك مش مشكله- يبقي ابعتيني لحد معرفه ووصيه عليا

norahaty said...

الف لابأس عنك
يالورنس العرب
وربنا ما يحوجك
ولا يحوجنا للبعت :)

norahaty said...

الحمد لله رب العالمين

Alex Alama said...

أعرف واحد حمار كنت بزاكر له احصاء واقتصاد دخل غش الامتحانات كلها (وهنا أقصد كلها بكل ما تعنيه الكلمه) من اول اللغه العربيه لغاية آخر امتحان بما فيهم التربيه الدينيه والتربيه الوطنيه وجاب 60%

norahaty said...

Alex Alama
غش+دروس خصوصية
وجاب60%!!كان الله فى عونه
وعونناطبعاً

Post a Comment

قول ولا تجرحـش