Sunday, July 1, 2012

.........بحلم بيوم.......




بحلم بيوم
لوسالت أى مصرى
ماشى فى الشارع
تحب تهاجر لأى بلد تانية
يبصلك بإستغراب كدا
ويقولك
أهاجر!!أهاجر ليه؟
هو أنا ناقصنى حاجة فى بلدى

بحلم بيوم
الاقى الناس طوابير
واقفة أدام سفاراتنا  فى
اوروبا وامريكا واستراليا
عاوزين يهاجروا لمصر

بحلم بيوم

اهل الخليج يجوا يشتغلوا
فى بلدنا بشهادتهم وبخبراتهم
ويلاقوا عندنا من اسباب العيش
  الكريم ما نجده نـــــــــــحن
الأن عندهم وأكثر

بحلم بيوم
الاقى الناس بتقلب فى البضاعة
فى المحلات واول ما تلاقى كلمة
صنع فى مصر
تشترى على طول
فالضمان للجودة
اهوة
صنع فى مصر

بحلم بيوم
الناس من بلاد الدنيا كلها
يبعتوا اولادهم ياخدوا
الماجستير والدكتوراة
من هنا من جامعاتنا
وتبقى شهاداتهم جواز
مرور للعمل ببلادهم
 

بحلم بيوم
المصرى ياخد
فيزا الدخول لأى بلد
وهو فى مطار البلد دى

بحلم بيوم
ولا اقولكم
كفاية كدا



 

8 comments:

AHMED SAMIR said...

كلها احلام مشروعة و قابلة للتحقيق فعلا
بس اهم حاجة هو ان نمتلك الإرادة و قبلها الرغبة في ان تتحقق

لورنس العرب said...

إن شاء الله


(مش عاوز أقول يبقي قابليني - اصلي شايفك متحمسه اوي اوي وكتبت رد طويل ومسحته عشان مجبش للناس احباط)

ربنا يعمل اللي فيه الخير يا دكتوره

حفيدة عرابى said...

احلام مشروعة يادكتورتى ياحبيبتى
وان شاء الله تبقى حقيقة وربنا يهدينا لسكتها ونبقى من اللى ساهموا فيها
من سنة ونص أنا مكنتش احلم ان فيه ثورة ضد مبارك وانه هيمشى ويتسجن
ربنا سبحانه وتعالى خالق الاسباب قادر يلهمنا لاسباب تحقيق الحلم ده
صباحك نصر :)

حفيدة عرابى said...

الاخ الرفيق لورنس العرب

وينك؟

أحــوال الهـوي said...

احلامك هي امنياتنا جميعا كنا في الماضي نحقق معظم هذه الاحلام و سنعود باذن الله حينما ننفض عن عقول الشعب الانشغال فقط بقوت يومهو سكن يسترة و تعليم ميسر فتصبح اخر ما يفكر به حينما نعلي من قيمة العلم

شروط اصلاح النفس بعدها سوف ياتي اصلاح الامه

ربنا يحقق احلامك و املنا
تحياتي

تــركــي الــغــامــدي said...

تحياتي لشخصك الكريم ... أحلام تليق بالإنسان المصري لما يملكه من تاريخ ووطنية وميراث ثقافي يضرب في أعماق التاريخ ... قطعاً التغيير للأفضل أصعب من المحافظة على ماضي ... ولهذا قد لايشعر المواطن البسيط بالتغيير في وقت قصير ... وأرجو لمصر ولجميع البلاد العربية المزيد من الأحلام الطبيعية التي تتحقق على أرض الواقع

لورنس العرب said...

ازيك يا ميس
معلش أصل الفيس بوك متعب للأعصاب
ووجدت نفسي هاخسر ناس كتير
فقلت انسحب في هدوء بدون أي مشاكل وأزمات مع معارفنا
بس هاتروحوا مني فين
انا قاعد لكم

اندروميدا said...

احلام مشروعة جدا ..... وتحقيقها ممكن جدا .... فنحن أهل لهذا كله ... ولكن ينقصنا شئ بسيط جدا ... اسمه ... الضميـــــــر


تحياتي العطرة

Post a Comment

قول ولا تجرحـش