.....ام عطــــــــــية والثورة السورية.....

لى زميلة ساكنة فى الدقى
بتقول ان أم عطية البوابة بتاعتهم
بتدعى أن مشكلة سوريا تطول شوية
ولما استـــــــــغربت وسألت
وهى مالها ومال سوريا؟؟؟
قالتلى ما احنا اصلنا ساكنين
جنب سـفارة سوريا لزم
وكل شوية فيه مظاهرات
وإعتصامات وتجمعات
هناك وطبعا الدنيا حر
والناس بتعطش فأم عطية جابت
بردون جـــردلين تلاتة كبار
ملاتهم تلج وازايز بيبسى
ومفيش شهر وكانت
جابت التلاجة الكهربا
ملاتها بالبيبيسى الكانز
والميه المعدنية وكمان
جابت علب العصير وايس كريم
ومش بعيد لو الحكاية طولت حبة
تجيب الشيفرلية الدبابة
واحـــــنا قــاعدين
على رأى الأعلان
يبقى لمّا أم عطية مستفيدة
من الحرب السورية وبتدعى انها تطول
أية يكون شعور تجار السلاح وبطانة الحكام
وأعوان الأنظمة المستبدة فى العالم كله
من أى ثورة أو محاولة
للتـــخلص منهم؟

أيه يااخواتى الكلام العسل اللى بقوله دا-