من كام سنة كده اخدتنى الشجاعة
تقدروا تقولوااتهورت الصراحة
وفضيت عجلة العربية
بتاعة واحد جارنا
حتقولولى
كده برضة؟
دى اصول الجيرة
الصراحة اتغظت منه
زهقنى فى عيشتى
زهقنى فى عيشتى
كل شوية يحط العربية بتاعته
فوق واخدين بالكم فوق الرصيف
فوق واخدين بالكم فوق الرصيف
بتاع بيتنا ويدخلها اوووى
جنب الحيطة وعلشان تدخل
او تخرج من البيت مشكلة
جنب الحيطة وعلشان تدخل
او تخرج من البيت مشكلة
مكنش عندنا بواب ساعتها
ومبقتش عارفة اعمل ايه
زوج اختى راح كلم البواب بتاعهم
وكمان لما شاف
صاحب العربية مرة فى
صاحب العربية مرة فى
السوبر ماركت كلمه وقاله
يافلان مايصحش كده!! وعلى الأقل سيب
ادام مدخل البيت
يافلان مايصحش كده!! وعلى الأقل سيب
ادام مدخل البيت
ودا ابدا عامل ودن من طن وودن من عجين
ولا سأل ولا همه حاجة
ولا سأل ولا همه حاجة
مرة بقى راجعة وقرفانة اخر قرف
ومفيش خرم ابرة فى الشارع
اركن عربيتى
(كنت لسه ما بعتهاش)
ولقيت دا برضة راكن
بنفس الطريقة
ومفيش خرم ابرة فى الشارع
اركن عربيتى
(كنت لسه ما بعتهاش)
ولقيت دا برضة راكن
بنفس الطريقة
بس
وعنها
طااااا
طاااااااااا
طننننننن
ورحت موقفه العربية ونزلت
وعنها
طااااا
طاااااااااا
طننننننن
ورحت موقفه العربية ونزلت
فضيتلو عجلة العربية
عملتلها إنفساء
بردوووووون
كده
بردوووووون
كده
فسسسسس
ارررتحت
وفشيت غلّى
هههههههههههههههههههه
اسكتوا بقى بعد ما عملت كده
راحت السكرة وجت الفكرة
فوقت وصحيت لنفسى
الله طب ما انا لو سبت عربيتى
هو كمان حياخد بتاره
ويعمل فيها كده
هو كمان حياخد بتاره
ويعمل فيها كده
والعمل ايه ياربى؟
بقيت اركنها
بعيييييد
عن الحتة خااااالص
يعنى احنا فى الجيزة
تقريبا كنت بركنها فى أسوان
وارجع مشى
هههههههههههههههه
خسيت 3 كيلو أيامها
خسيت 3 كيلو أيامها
لحد ما تأكدت ان الولد نسى
ورجعت حبة حبة اقرب من بيتنا
وهو زى ما هو برضة
بيركن على الرصيف
انتهت القصة دى
لما كانت
فيه إنتخابات المجالس المحلية
وساكن من سكان البيت عندنا راح قابل
المرشح بتاع الحتة
فعلاً يوم والتانى
ولقينا بتوع الحى
جايين وجايبن
الطوب الكبير دا
مش فاكرة اسمه الحقيقة اعتقد بردورا؟!
مش فاكرة اسمه الحقيقة اعتقد بردورا؟!
عملوا لنا رصيف بعلو
نص متر تقريبا
لأجل ما نضمن ان محدش يطلع
فوقه تانى والحمد لله
الشارع بتاعنا
اترصف مرتين
لكن الحمد لله لسه رصيفنا اعلى منه
بفضل البردورا
24 comments:
اغلى دكتوره نورا
انا قولت اجى اسلم عليكى واطمن واشوف اخبار الشقااااااااااوه ايه
ربنا يحفظك يا قمرى
زهراء
والله انتى سكره وشربات وبتعرفى تتصرفى وبعدين تركنى العربيه ليه فى اسوان اسكندريه اقرب كنتى تعالى هنا ^_^ واركنى تحت البلكونه براحتك والبواب كل يوم الصبح يروقها لك يا قمرى
دمتى بسعاده وخير وحب
زهـــــــــراء
ههههههه
والله بنت اوكى يادكتورة
تحياتى المستعطرة
لولا وزهـــراء
زهــــــــراء
ايه المفاجأت
الحلوة دى!
لولا وزهــراء
زهــــراء
صاحبة واجب
طول عمرك:)
حمدلله على السلامة
ولا انتى تكتبى من فرنسا
المرة الجاية(ومااعتقدش
حأعملها تانى) يعنى
حأبقى أجى على
اسكندرية
تسلمى وتعيشى
وما اتحرم من تعليقك الجميل
عباس أبن فرناس
الله يخليك دا ذوقك
أنـــت يااستاذ عباس
عرفت الان سبب الصورة انها مقاس الارتفاع المهول ...الذى يصعب حتى على المشاة ارتقائه هو حل مانع للعربات ولكنه ايضا مانع للمشاه العواجيز نظام ايدك معايا يابنى اطلع الرصيف ...ذكرنى ذلك الانفساء بحادث كنت انا المحرض عليه وكان مسمارا وليس تفريغا يدويا ...كنت مسئولا عن صيانة استاد رياضى فى السعوديه وكل يوم الاقى طابور عربيات بتاعة اللعيبه واقفه امام المقصوره مع ان فيه جراج خاص بهم على بعد 100 متر وكان ذلك يعيق سبارة فنطاس المياه إضافة الى كثرة الدهس على النجيل كان يتلفه ...كل ذلك برغم برغم وجود لافتة ممنوع الوقوف فكان ان اوصيت سانكوى عامل النظافة الهندى بثقب عجلة من كل سياره وكانو حوالى عشرين سياره وكانت مذبحة "البنشره" كما يقولون ...والأدهى انهم كانوا حكام المنطقة قرروا ان يلعبوا هم ماتشا على الماشى ...وكانت ازمه دبلوماسيه
طب كويس انك عرفتى تتصرفى
ما هو فى ناس رخمة كتير ميهمهاش غير مصلحتها
دا كويس انه مكسرش الرصيف وعمل مكان لعربيتة
الحل بسيط الناس يكون عندها ضمير وتبطل رخامة وتتعامل بما يرضى الله شفتى بسيط ازاى بس صعب التنفيذ للاسف بس برضو جدعة فشيتى غلك
دمتى بكل خير
أخييييييرا رجعتى التعليقات
وقال بيقولوا ألطف الكائنات ؟
أمال لو كانوا أشرسهم كانوا عملوا إيه ؟
بس طريقة حلوة علشان تنبهيه
بس كنتى سربى الخبر إنه إنت علشان يعرف الرسالة
تحياتى دوما
السلام عليكم
ايه البلطجه دي
ده انتى بلطجيه واحنا منعرفش
انا طبعا مش باحب الحلول اللى زي دي
لكن للاسف فيه ناس مش بتفهم غير اللغه دي
لكن برضه مش حل
بس على فكره كان فيه حل تاني
مسمار وتبوظي الدهان بتاع العربيه
وشويه بويه وتشخبطي على العربيه
هههههههههههههههههههههه
أفكار اجراميه
هههههههههههه
السلام عليكم
ربنا يسعدك اختى الحبيبة هههه
كان عشمى فيك غير كده كنت اراك بنوتة هادية طلعتى شقية وعفريته كمان هههه
ومش تقولى ده ايام الطفولة لان الشخصية تتطور مع مراحل العمر يعنى اكيد فى شغلك اخر شقاوة وجدال مع اى حد مش عاجبك هههه
والله انت سكر حبيبتى
ربنا يسعدك ويفرحك دايما
لك ارق تحية وباقة ياسمين تعطر يومك
دمت بخير
هههههه
مبسوطه منك جدا د:نورا انا كمان ناس كتير بدأت تعصبنى ومش عارفه ازهقهم فى عيشتهم علشان ماعندهمش عربيه
maxbeta3zaman
شفت يعنى عاذرنى اهوه:)
انا يادوبك فضيت عجلاية
واحدة مش عملت مذبحة
الكاوتشات:)
احــساس طفلة محبة
للرومانسية بس واقعية
بس الحل دا محتاج وقت
طووووويل اوى عقبال ما
يتعلموا احترام حقوق الأخرين
الأزهـرى
ماهو بوابهم شافنى
أمال انا كنت بركن فى
اسوان ليه؟:)وحمدلله على سلامتك أنت
م/محمود فوزى
هو أنت شفت حاجة :)
ايه دونيااااااااااا
بس الحمد لله بطلنا خلاص:)
أم هريرة (lolocat)
وعليكم السلام ورحمة
الله نــــعالى وبركاته
دا كان تأثير جرعة الشجاعة
مش بعدها بقيت حاملة الهم وأركن فىاسوان:)
بسنت
معنديكش عربية!دا عز المطلوب:)
يبقى مش حتخافى على حاجة واللى يضايقك فضيله العجلة واستخبى:)
المشكله يا دكتور ان الرصيف عالي جدا يعني الكب تضرب و العيال تتشعبط و الكبار في السن يواجوا مشاكل
بس نعمل ايه اذا كان في شخصيات زي جارك تستاهل الفسسسسسسسسسسسسس
تحياتي
احنا بلدنا لا فيها تلتوار ولا رصيف
مفيش غير طرق العربيات
بس مبروك علي فتح التعليقات
أنا كدا مبسوط والله منك يا د.نور
أنا لو منك كنت كل يوم أفسيها له
فسسسسسسسسسسسسس
لحد ما خليه يحلف 3 أيمان وما هو راكن عندنا تاني
عندك عربية
يا ساتر علي البراجوزية
:P
بصراحة فيه ناس تحرق الدم
يا تاخدي حقك
وتنفسي
يا يجيلك ضغط يا دوك وتتعالجي
انت عندك حق
بس كان المفروض تكرريها بما انك بتركني عربيتك في اسوان
هههههههه
تحياتي
أنا مبسوط جدا من الحركة اللي عملتيها دي
وياريت كمان لو كنتي حدفتي طوبة على الإزاز .. تبقي مية مية
:-)))
يامراكبى
كنت عايزننى
اكسر الأزاز؟
عايزنى أبات فى
بقى؟طب كنت حتيجى تخرجنى وتدفع الكفالة ولا
حتقول
(ولا اعرفك:)
Post a Comment
قول ولا تجرحـش