Thursday, January 20, 2011

......(2)لـحـظـة نــــــدم


POW MIA FLAG ANIMATED Pictures, Images and Photos

لحظة ندم برنامج يومى فى اذاعتنا المصرية
حرصت دائما على سماعه وخاصة انه كان يذاع
فى الساعة الواحدة والربع اى قرب موعد انصرافى
والشغل بيكون وقتها خفيف وبالتالى مكننى هذا على
متابعة حلقات كثيرة منه ولكن استوقفتنى بعض الحلقات
اكثر من غيرها او قل احتفظت بها فى الذاكرة ولم انسها
(كعادتى دائماً).
فكرة البرنامج تقوم على عرض
حكايات حقيقة من أناس حُكم
عليهم لأول مرة فى قضايا متعددة
وبجرائم متعددة ايضاً وهل اصبحوا نادمين
على تلك الجرائم ام مازالوا مصرين عليها !
احكى اليوم حلقة من تلك الحلقات
هو شاب فى التاسعة والعشريين من العمر
الولد الوحيد خريج كلية التجارة
لاحدى الجامعات الخاصة ويعمل مساعداً
لوالده فى تجارته (تاجر حديد)
له راتب شهرى من والده وله اخت
واحدة فى احدى الكليات متزوج منذ
اربع سنوات وله ابن فى الثالثة من العمر
عرف طريق المخدرات منذ سبع
سنوات عن طريق الاصدقاء فى
النادى الشهير وفى جلساتهم الخاصة بالنادى
بالاركان البعيدة المنزوية
وفى الاوقات غير شديدة الازدحام
بدأت الحكاية
بجملة واحدة
جـــرب دى
هى جملة واحدة
ولكنها البداية والنهاية
بداية هو رفض ولكن.....
الإلحاح وفورة الشباب
وضعف النفس البشرية امام الممنوع
وأشياء كثيرة تدفعنا الى
قذف انفسنا فى التهلكة
ونحن نعلم انها هوة لا فكاك منها ولكننا نتصور
أو
حقيقة نكذب على انفسنا باننا قادريين على التوقف
بأى وقت نشاء وننسى ان
الجسم الهاوى يكتسب قوة ذاتية
من جذب الهاوية له.
ادمن الولد المخدرات وكانت النقود الوفيرة
لديه تشكل عامل جذب للاخريين له
حتى يسعدوا معه فى الجلسات
الخاصة ويقول انه كان يعود
الى بيت والده
(قبل أن يتزوج )
وهو فى قمة الانبساط !!
ولم يلحظ
اى من الموجوديين
شيئاً عليه لسبب واحد :كان يعود والكل نيام !
فى الثالثة اوالرابعة صباحا
ولم يكن احد يسأله اين كنت؟
فهو الولد الوحيد التاجر الكسيب!!
دراع والده اليمين حامى تجارته
وامين سره وله مقابلات
وسفريات خاصة بهذاالعمل .
تزوج الولد ولم تلحظ زوجته شيئاً !!!
الا بعض الاحمرار فى عينيه
!!!
وتقلب مزاجه بين حين وحين
ولكنها ايضا ارجعت ذلك الى العمل
وضغوطاته ومشاكله !
(دائماً نوجد الاعذار ونقبلها لمن نحب!..كارثة)
لم يحاول
طوال تلك السنوات ان يتوقف
......ولمـاذا؟؟.......
هو لا يرى ضرراً فيما يفعله
(هذا منطقه هو!)
المهم
فى احدى المرات
وكان عائداً من الساحل الشمالى
بسيارته الخاصة بعد ان تـــــرك اسرته فى
(شاليهم الخاص)
عاد ومعه المعلوم واللازم
لسهرة مع الاصدقاء اللى
وحشوه جدا جدا ومووووووت كدهـ
فى القاهرة
على الطريق كانت هناك حملة
(بالبلدى كبسة)
على الطريق
وكانت القفشة !!
لم يستطع الانكار فالمخدرات
فى سيارته والوزن يزيد عن المسموح
به للاعفاء فقد كان اكثر
من 8,5جرام
حكم عليه بـــــــــــ9ــــــــ سنوات قضى منها
عامين فقط والباقى!!!!!!!
فى علم الله سبحانه وتعالى .
توفى والده من اثر الصدمة
بعد 3اشهر من سجنه
ولا يعلم عن تجارته شيئاً
زوجته لم تطلب الطلاق منه
فهى متمسكة به كما يقول !
وأخيراً ماذا يقول هو:
الشيطان شاطر
وزّة الاصدقاء
الشباب واندفاعه
ولن يعود للادمان فهذا ما ينتويه
فهل فعلا سينجح بهذا ام هو فقط
كلام (السجن)يسيحه الإفـراج
والنقود الكثيرة وصحبة السوء
واهم شىء
(ضعف النفس البشرية)
::::::::
:::::
:::
مواضيع ذات صلة

36 comments:

Unknown said...

اللهم عافنا
وأعفو عنا وعنهم
يـــــــــــــارب

لــــ زهــــــراء ــــولا said...

دكتوره نــــــورا
----------------------------
انا قولت امسى عليكى قبل ما اقوم انام لاقيت الحكايه اللى توجع القلب
على فكره الحكايه دى بقيت مكرره ويمكن دلوقتى مش بيعملوا عليها افلام لانها بقيت واقع .....
اللهم اعفو عنا

انتى وحشاااااااااانى جدا وعارفه انى مقصره فى السؤال عنك

زهراء

Unknown said...

حبيبتى زهراء
فعلاً بقت منتشرة
جدا جدا لدرجة توجع
القلب وأخر الضحايا شاب
ساكن جنبنا فقد بيته وماله
وأخيرا حياته نفسها بسبب المخدرات.
ربنا يرفع مقته وغضبه عنا جميعاً
وما أتحرمش من كلامك ولا سؤالك
عنى أبدا ابدا ابداً

Unknown said...

المخدرات هذا البلاء الذى شاع وانتشر بين شبابنا يمتص رحيق الشباب منهم ولايتركهم إلا أجساداً خاوية ضائعة
ولاحول ولاقوة إلا بالله

Unknown said...

أستاذ محمد الجرايحى
كلامك مضبوط أستاذنا
هو وباء اشد وأخطر من
أوبئة كثيرة نعرف مسبباتها
وعلاجها

تــركــي الــغــامــدي said...

حسبي الله ونعم الوكيل ... للأسف على مدى مايرد في الإعلام وأي وسيلة تتناول المخدرات ومهالكها إلا أن النتائج سلبية وكأن مايحدث من مكافحة متعددة يأتي في جانب الداعية لها . ويبدو والله أعلم إما أنه هناك خلل في المواجهة وبالتالي عدم القدرة على الابتكار في التنوير والتوجيه والتوعية بمخاطرها أو أن رغبة الفرد في الإنسحاب من الواقع أشبه بشخص يحرق نفسه انتقاماً من واقعه والله المستعان .
تحياتي لطرحك الراقي

الشاعر الفنان أحمد فتحى فؤاد said...

السلام عليكم

المشكلة الحقيقية ان الادمان ما بقاش بيفرق بين غنى و فقير .. متعلم و جاهل

و الاعلام جاهز بالردود
ادمان الغنى بسبب صحبة السوء و الفلوس الكتير .. ادمان الفقير بسبب برضه صحبة السوء لكن مع ضغوط الحياه

ربنا يعافينا و يسترها معانا و مع اولادنا
امين يا رب

تحياتى و تقديرى

Unknown said...

تركي الغامدي
هو وباء وشر وقع
بنا وبأرضنا وبعوبنا
وكما تفضلت بالقول لا يفرق
بين غنى وفقير .ربنا يرفع عنا
هذا البلاء

Unknown said...

الشاعر الفنان
أحمد فتحى فؤاد
للأسف يااستاذ أحمد
الإعلام مشترك فى هذا
البلاء بعدم الدخول
بجدية لإعلام الناس
بخطورة المشكلة ومدى إنتشارها.

Tamer Moghazy said...

العنوان مناسب جدا للبرنامج وللبوست ده..
لانها فعلا..فعلا.. لحظة ندم..
ربنا يعافنا ويعفو عنا.

شمس النهار said...

دااااااااااااايما ماحدش لاحظ

لو لاحظ الاب لو لاحظت الزوجة

تدليل الولد الواحد

عوامل كتير في مجتمعنا بتدفع الشباب لده ماحدش بينحرف وتلاقي ظروفه كويسه الا ناااااااادرا جداااااااا

Ramy said...

المشكلة بقى
ان اللى بيدخن فاكر ان دة مفيهوش مشكلة و انها مرجلة

البرنامج جميل

انا كُنت هاوى لسماع الراديو لغاية ثانوية عامة

لازم تقرى رواية ربع جرام هى كبيرة بس جميلة

و رائعة

ربنا يبعد عننا الحاجات دى

ليس فقيرا من يحب said...

ربنا يكفينا الشر ويعافى كل مبتلى ياااااارب

ويحمى ولادنا

هبة فاروق said...

المخدرات تدمير للفرد والاسرة والصحة والعمل والانتاج
بالعربى تدمير شامل
اللهم احمى اولادنا وشبابنا من هذا المرض اللعين وهو الادمان
بارك الله فيكى اختى
تقبلى مرورى

momken said...

النفوس المريضه كتير
والنفوس الضعيه اكثر
اعتقد انى احد اعضاء النادى ده..وعندى اصحاب كتير وفى النادى ملهمش فى الحجات دى ولا حتى بيشربوا سجاير
مش معنى كده انهم (سيس) او فافى او لاد مامتهم
لاء ناس نجحين جدا مراكز مرموقه
وولاد ناس محترمين
وعارفين اولاويتهم
اعتقد ايضا ان نوع الاصدقاء هو من يشكل شخصيه الفرد وهم من يحددون اتجاهه
لاصدقاء خصوصا فى فتره ثانوى والجامعه هم رمانه ميزان مستقبل الشخص

استمتع دائما بكلامك يا دكتور
بس انا تقريبا مش بسمع ردايو خالص
بس هدور على البرنامج ده

تحياتى

إبن النيل said...

السلام عليكم
فعلا صعبان علي حالنا إسم علي مسمي بالنسبه للقصه دي لان الموضوع دا منتشر فعلا
لكن فين الأسرة فين الأب فين الأم فين ألأهل علشان الولد الوحيد دراع ابوه اليمين دا سبب يخلي الكل ياخد باله أكتر يعني مش 10 أولاد هيتبعوا مين ولامين دا واحد بس
حسبنا الله ونعم الوكيل
دمتي بكل خير

Dr Ibrahim said...

ربنا يهدى شباب المسلمين

r said...

دائما نحمل الشيطان وذر افعالنا
هى النفس الضعيفه لا غير

تظل الاسره هى الحصن الاول

Anonymous said...

السلام عليكم
ازيك يادكتوره
جزاكم الله خيرا على الموضوع المهم ده

اصدقاء السوء - ضعف الواعز الديني -ضعف الرقابه

اعتقد ان دي الاسباب الرئيسيه للكوارث اللى حصلت للشاب ده
ودي نقاط مهمه لازم الناس تخلى بالها منها في تربيه الاولاد
ربنا يرحمنا
اشكرك مره تانيه
ربنا يكرمك ويوفقك

Unknown said...

Timo
اللهم آمين
يارب العالمين
واهلاً بك فى أول زيارة

Unknown said...

شمـس النهار
وللأسف لأما محدش
واخد باله لأما بيكدب
عينيه وبيكدب نفسه فى الحالات
اللى زى دى

Unknown said...

Ramy
فى رايى المتواضع
التدخين او سلم الوقوع
فى دايرة الخطر.انا قرأت ملخصها
لكن ماقرأتها كاملة الصراحة:(

Unknown said...

ليس فقيرا من يحب
اللهم آمين يارانيا
ويبعد عنهم شياطين الأنس
والجن يارب

Unknown said...

هبة فاروق
كلامك مضبوط ربنا
يجازى كل من يسعى للفساد
والإفساد

Unknown said...

momken
ما هو أحنا أتفقنا
أن صحبة السوء هى اول
درجات الخطر وخصوصا فى سن
الشباب ومع قلة التجربة من
الممكن انه يقع فى الفخ:(

Unknown said...

إبن النيل
حالنا بقى صعب
ويصعب على كل من
يشوفه ويكون قلبه علينا
وعايز مصلحتنا بحق وحقيق.

Unknown said...

Dr Ibrahim
اللهم آمـين
يارب العالمين

Unknown said...

بسنت
الأسرة مهمة طبعاً
ومهمة جدا جدا جدا

Unknown said...

م/محمود فوزى
لخصت أنت المشكلة
فى النقاط الثلاثة دى
وربنا يحميك ويحمى شعبنا
وناسنا كلهم من الشر دا.

Unknown said...

اللهم لا أسألك
رد القضاء ولكنى
أسألك اللطف فيه.

يا مراكبي said...

سؤالك في نهاية البوست لا توجد اجابة مُحددة له

هل سيعود لفعلته أم سيندم؟

كلا الإحتمالين مُتاحين بنسب مُتساوية على السواء

Unknown said...

يأمراكبئ كلامك مضبوط نسأل له الله التوبة عنها نهائيا

صابر وراضى said...

وعليكم السلاااااااااااام ورحمة الله وبركاته

Unknown said...

صـــابر وراضى
!!!ياالف أهلا وسهلاً
ياألف مليون الف اهلا وسهلا
انت فين؟واخبارك أيه؟بركة أنك بخير
ومنتظرين تحكيلنا كل أخبارك
المدة الطويلة اللى بعدتها دى

salma mohamed said...

ربنا يحفظنا من البلاوي كلها
ويحفظ شبابنا
البعد عن الله ورفقةالسوء وغياب وعي الأسرة كلها تؤدي الى طريق واحد
الهاويــــــــــــــة

Unknown said...

salma mohamed
اللهم آمــين
يارب العالمين
اللهم أهديهم لما
فيه خيرهم وخير بلادهم
نورتينى بالحضور والتعليق
ياسلمى

Post a Comment

قول ولا تجرحـش