Friday, November 12, 2010

.............لحـــــظة غـــيرة.............

heart on fire Pictures, Images and Photos

أحكى عن لحظة
حسيت فيها
بالغيرة الشديدة
من زميل لى لمّا
قالى بأنه جاله
كـــ22ـــشف
فى يوم واحد
فى حين ان ما
جانى فى اليوم دا
الأ كشف واحد
بصراحة
مش حأكذب عليكم
غيرررررررت
والغيرة نااااار
بعيد عنكم
fire Pictures, Images and Photos




نارررررر
مش هزار
ناررررررررر
المهم وزى عوايدى
ياخدنى الأنفعال لحظة لكن
ارجع لعقلى وأفحّص وأمحّص الموضوع
وخصوصا لو كانت حاجة بايخة ومضيقانى
فكرت فلان دا مأجر عيادة
jealous Pictures, Images and Photos
بيدفع أيجار وتومرجى وضرايب
وميه ونور وعوايد
دا اول بند
وبعدين فلان دا بيروح عيادته بعربيته
بيدفع بنزين وتصليح وجراج ورخصة وإنتظار
ومخالفات بسبب ومن غير سبب
ودا تانى بند
وفلان عنده
ثلاث بنات فى مراحل التعليم
المختلفة مطلوب منه
مصاريف لبس ومدارس
ومدرسين ودروووس
ودا تالت بند
وعلشان ماطولش عليكم
والدته على قيد الحياة
ربنا يخليها ولكن فى اسيوط
وهو متكفل بمصاريفها بالكامل
لأن والده لم يترك معاشاً
ودا البندالرابع
والأخير
الصراحة بعد ما حللت
الموضوع بالطريقة دى
استريحت راحة مش معقولة
ولقيت ان الكشف
الوحيد اليتيم اللى جالى
يمكن يعادل ال22 كشف بتوعه
ويمكن انا كسبانة
(مادياً)
اكثر
Jealous Pictures, Images and Photos

20 comments:

Unknown said...

اللهم أغفر
لىّ ولـــوالدى
وللمؤمنين يـــوم
يقــــــوم الحــساب

كلمات من نور said...

قلبك أخضر يا نورهاتي الحبيبة

ربي يجعله دايما كده تراجعي نفسك وتفكري وتتراجعي عن أي إحساس مش ولابد

تسلمي يا جميلة وعيد سعيد

22
? جنيه يجيبوا ربع كيلو لحمة

علشان الفتة ههههههههههه

Unknown said...

كلمات من نور
الله يخليكِ ويحفظك
ويجعلنا دايما ممن
يعرفون الحق فيتبعونه
ولا يمنعنا كبر أو خيلاء
من الرجوع الى الحق.
نورتينى ياام الأبناء
وكل لحظة وانتِ
والأسـرة بألف خير

خواطر شابة said...

دائما ما اقول ان الحياة 24 قيراط كل واحد منا واخذ الاربع وعشرين قيراط بتوعه كاملين بس متشكلين
اعجبتني فكرة مراجعة النفس وأعجبني ايضا صدقك مع نفسك وشجاعتك في الكتابة عن لحظة ضعف انساني كل منا يمكن ان يمر بها لكن يحتفظ بها في طيات نفسه
دمت بكل ود وعيد أضحى مبارك مسبقا

أ / أحمد عبد المنعم said...

بسم الله الرحمن الرحيم
الأخت الفاضلة : د / نورا

قد يداخل النفس شىء من هذا لكن العاقل من يفعل ما فعلت بمراجعة النفس ولكن
شىء من الاستغفار ينهى الأمر فى النفس

ومراجعة النفس أمر هام لإرجاعها عن نظرتها الخاطئة ودفعها إلى فعل الخير والصواب

BNT ELISLAM said...

حلو اوى تحليلك وتفكيرك
اهم شىةء انىك راجعتى نفسك ومعنى كدع ان ضميرك صاحى
ويارب مايتوث ولا بحقد ولا حسد ولا بى حاجه

Tarkieb said...

لو اتعلمتي التبذير شوية ممكن الزباين تكتر...ربنا باعت الزباين على قد المصاريف أكيد...

momken said...

سيدتى الغيره ليست حرام لم ياتتى فى الشرع ولا السنه ما يمنعهم خصوصا اذ كانت بمثابه حاف لتنافس شريف

المحرم هو الحسد وانتى تعلمين جيدا الفرق بين الغبطه والحسد والغيره

ما كنتى فيها يحدث لنا جميعا
اما ما توصلتى له من نتائح وتحليللات لا يقوم بها من عمر قلبه الايمان والمحبه
والطيبه

اسلوبك جميل كالعاده
والموضوع يجعلنا نقف وقفه مع انفسنا

تحياتى

تــركــي الــغــامــدي said...

وإذا عرف السبب بطل العجب وانكفت نار الغيرة .. الغير أمر محمود بما أنها لاتصل إلى الحسد ... وماحصل يعبر عن رقي أخلاقك ... والتماسك أسباب رزق الآخرين التي هي من عند الله تعالى قبل كل شيء ... تحياتي لك وكل عيد وأنت بخير وسلامة والأسرة الكريم ... اللهم آمين

شمس النهار said...

اخيرا في تعليقات

:))

كل سنه وانتي طيبه

وهو المؤمن كده

يثور وايمانه يرجعه

:)

rovy said...

كل عام و انتى بخير و سعادة دكتورة نور و أسرتك الكريمه و كل أحبابك يا رب .. أسعدكى الرحمن و جعل كل ايامك اعيادا ..
عيد اضحى سعيد ..

Unknown said...

أولا: شرفني زيارة مدونتك للمرة الأولى.. إن شاء الله لن تكون الأخيرة، لأنها أعجبتني بصدق.

ثانيا: جزاك الله خيرا على صدقك مع نفسك، وجزاك الله خيرا على محاسبتك لنفسك لتعود إلى رشدها..

ثالثا: أنا أرى - كما رأت إحدى الأخوات المعلقات- أن هذه الغيرة اقرب للغبطة منها للحسد؛ لأنه كما هو واضح أنتِ لم تتمني زوال النعمة عنه.

رابعا: المهم أن تكون هذه الغيرة ذات تأثير إيجابي يدفعك نحو مزيد من الجهد لتحصيل مزيد من الرزق، وإلا تحولت إلى نار تأكلك - عافاك الله من هذا-.

خامسا: وهو أمر هام؛ أحترم بالطبع وجهة النظر الشهيرة حول تقسيم الرزق إلى 24 قيراط وتوزيع هذه القراريط بأساليب متساوية على الخلق.. هي نظرية وجيهة لأول وهلة، لكني أرفضها لأني أعتبرها اشتراطا على الله عز وجل، بمعنى أنها تجعل كل مخلوق عندما يفكر في هذا الأمر و(كأنه) يحاسب الله، ويطالبه بقراريطه....!! فنحن ليس لنا أن نتساءل عن أنصبتنا في الدنيا؛ فالله نعمه تغرقنا بمجرد أن خلقنا وسوانا وعدلنا، وجعلنا نتنفس وجعلنا مسلمين...
بمعنى آخر؛ حتى لو أن هذا الطبيب الزميل ليس لديه أبناء ولا أم ينفق عليها، وغير متزوج، وعيادته في نفس البيت الذي يسكن فيه، ومع ذلك رزقه الله الـ20 كشفا.... فماذا سنقول ساعتها؟!!!!!

أرأيتِ أختي الكريمة، كل ما علينا أن نقوله ساعتها: هذا فضل الله يؤتيه من يشاء..

طبعا أنا أحييكِ على تحليلك الذي ساعدك على التغلب على نفسك التي وسوست لك بالغيرة أو الشيطان الذي أوقدها بداخلك..

ولكن كل ما رجوته أن أذكر نفسي والله وإياكم ..... ألا نشترط على الله..

أؤكد مرة أخرى إعجابي بفكرة البوست..
تحياتي أختي الكريمة وكل عام وأنتِ بخير..

-------------
كفاية رغي بقى وسيبيني أتجول شوية في المدونة!!! :)
-------------
يشرفني زيارة عقل كعقلك لمدونتي المتواضعة:
http://magidalkady.blogspot.com/

Unknown said...

على فكرة.. الكليب بتاع (لا تلوموا الأطفال) رائع وفكرته جميلة جدا..

Unknown said...

كل عام وانت بخير
وعيد أضحى مبارك إن شاء الله

Haytham Alsayes said...

كل سنة وحضرتك بخير وصحة وسعادة يادكتورة
والاسرة الكريمة
ربنا يعود عليكم الايام بخير

richardCatheart said...

ربنا يهدلنا نفوسنا يا نور احنا بشر ساعات او كتير بنهنج بس لما بنرجع لصوبنا بنفتكر نعم ربنا علينا

جميل البوست وربنا يصلحلك الحال ديما يارب


كل سنه وانت طيبه وبالف خير وصحه يعود عليكى وعلى الاهل بالخير يارب

Anonymous said...

هو ربنا الرزاق يعنى يدى ده ويمنع عن ده

والصابرين فى السراء والضراء


كل سنه وانتى بخير وان شاء الله تفيدك دى

http://noureldens.maktoobblog.com

noureldens said...

الصبر شطر الايمان يعنى نصه

ال عاوز يختبر واحد فى التزامه يعنى بالنسبه لل متقدم لزواج او غيره كوظيفة او ال عاوز يعين موظف عنده وماشابه

يختبره ويركز فى النقطه دى اكتر حاجه ويدرس حياته فى مسئله الصبر بالذات هاتوفر عليه استنباطات واستنتجات كتيره

وبعد كده يركز فى باقى العبادات الاخرى لان حتى الايه قالت استعينوا بالصبر والصلاة اى ان الصبر اولا


لان الصبر بيشتمل على حجات كتيره بل قد يشتمل على كل امور الحياه منها العفو والتسامح والقدرة على التحمل
والانتاج
حتى القدره على التنفيذ الجيد للمشاريع يحتاج للصبر

فالصبر هو سنة الكون
فخلق الكون فى سته ايام قد يكون حكمته ان نتعلم من خلال ذلك الصبر
لان الله يقول للشئ كن فيكون

فالاية ذكرت

{لَّيْسَ الْبِرَّ أَن تُوَلُّواْ وُجُوهَكُمْ قِبَلَ الْمَشْرِقِ وَالْمَغْرِبِ وَلَـكِنَّ الْبِرَّ مَنْ آمَنَ بِاللّهِ وَالْيَوْمِ الآخِرِ وَالْمَلآئِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَا 3;ِينَ وَابْنَ السَّبِيلِ وَالسَّآئِلِينَ وَفِي الرِّقَابِ وَأَقَامَ الصَّلاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُواْ وَالصَّابِرِينَ فِي الْبَأْسَاء والضَّرَّاء وَحِينَ الْبَأْسِ أُولَـئِكَ الَّذِينَ صَدَقُوا وَأُولَـئِكَ هُمُ الْمُتَّقُونَ }البقرة177

Anonymous said...

هههههههه
على العموم دى غيرة ايجابية يادكتورة
وزى المثل مابيقول ربنا بيبعت البرد على كد الغطا
تحياتى
وعيد سعيد

يا مراكبي said...

بالظبط كده
ممكن كشف واحد عندك يعادل 50 كشف عند حد تاني

ربنا سبحانه وتعالى مقدر الأرزاق .. والواحد فينا ممكن يكسب كويس لكن كل الزرق ده لناس تانية في رقبته وهو ما يطولش منهم أي حاجة .. لأنهم مش بيشتغلوا وكل أرزاقهم بتيجي عن طريق الشخص الوحيد اللي بيشتغل ده

الحمد لله على كل حال

Post a Comment

قول ولا تجرحـش