Thursday, November 4, 2010

جيرانا ركبوا الوميتال


جيرانا ركبوا
لبلكونتهم الـــوميتال
قام اللى فوقيهم قالوا أشمـــعنا
راحوا هم كمان ركبوا الــووميتال
راح اللى جنبهم قلدوهم وركبوا الوووميتال
اللى أدامهم قالوا فكرة ما أحنا كمان نركب الوميتال
اللى بعدهم ما كدبوش خبر وبسرعة ركبوا الوميتال
الناس اللى تحتهم قالوا ياسلاااااااااااااام
هو أحـــــــنا أقل منهم
راحوا مركبين الألوووميتال
وعنها وحيـــــاتكم أنا
عايشة فى زن شنيورالألوميتال دا
بقى لى أكتر من شـــهرين ونص
لمّا انا حاسة انى ماشية بالذبذبات
ودماغى عمالـــــــــــة تعمل
زن زن زن زن زن زن زن
زن زن زن زن زن زن زن
زن زن زن زن زن
زن زن زن زن
زن زن زن


Anime Drill Girl Pictures, Images and Photos


كلام فى سركم
أنا كمان عايزة أركب
الوووووميتال
بس مستنية
أقبض الجمعية

25 comments:

Haytham Alsayes said...

ههههههههههههه
طيب ركبي بقي في الدوشة دي
ولا عاوزة لما يخلصوا عشان الانتقام
هههه

تحياتي يادكتورة

هراء لا داعى له ..... said...

هههههه
إيه دا معقول كنتوا قادرين تعيشوا السنين إللى فاتت دى كلها من غير ألومنتال فى حياتكم

لـــولا وزهـــراء said...

نورا

بصى احنا نروح القسم وكل واحد ياخد حقه هناك هههههههههههههههه
الحقى ركبيه بسرعه فى الدوشه

زهراء

بنجاواتى said...

الالومنتال هو الحل :))))))

توكلى على الله وركبى الومنتال وربنا يبارك بس بعد ما كل الجيران يركبوا عشان تدوشيهم شوية :)

Dr Ibrahim said...

لا ألف سلامة إن شالله الاولميتال:)

well said...

ههههه .. بالنسبالى والله الشيش احلى من الالومنتال

تحياتى

MR.PRESIDENT said...

يا مسهل
ههههههه
:))

ELMOSTAFZ said...

ايه الألوميتال ده :)

sal said...

ههههههه

الحقى ركبى الوميتالك بسرعة
قبل ما الحالة تهدأ
وترجعى تانى لحالة
زن ن ن ن

ما تستنيش الجمعية
حاولى تشوفوا حد بالتقسيط

تحياتى

الشاعر الفنان أحمد فتحى فؤاد said...

انا ممكن اسلفك دلوقتى اللى يكفى

و سددى زى الجمعية

و بدون فوائد

و ممكن افوت لك كام قسط

تحياتى

richardCatheart said...

هههههههههههههههههه
صحيح سبحان مغير الوميتال ههههههههههه

انا بحب الشيش ونضلم الشقه ونهش الدبان
والصيف نقفله ونفتح الازاز وكدهيعنى فهمانى اكيد

بس بما ان الكون كله ركبه فالازمن تركبى الوميتال والا هاتصير السمعه على كل لسان ههههههههههه

اوعى تصرفى الجمعيه

TIMMY !! said...

يااااااه
بقى شنيور صغيور زي ده عامل لك مشكلة ؟؟
أنا كنت شغال بشنيور بموتور هوائي
بيطلع ضوضاء أكثر من 90 ديسيبل
لمده شهر تقريبا

عموما
البسي
ear plugs

خواطر شابة said...

ههه فكرتيني بشريط لشارلي شابلن كان شغال في مصنع بيلف حاجة كده طول اليوم فايده اتعودت على نفس الحركة حتى لو هو في البيت
ياستي مبروك مقدما الوميتال وان شاء الله يتم المراد قريبا

Hu-man said...

ههههههه
أنا كمان بفكر اركب ألوميتال

لـــولا وزهـــراء said...

مبرووووووووووووووووووك مقدماً على الالموتال... وحشتيني
لولا

الفقيرة إلى الله أم البنات said...

أوعى دا اسوا شئ الالوميتال...مفيش أجمل من الشيش الخشب الطراوة الربانى..والشمس تدخل بحساب اوقات بحس بإنهيار من ضوء الشمس اللى مغرق البيت ومش قادره اريح عينى
اوعىىىىىىىىىىى

كلمات من نور said...

نورهاتي

عندي فكرة كويسه استني لما يهدوا خالص يا بنوته وابتدي ركبي الوميتال بس اختاري نوع حلو الا الشتا والالوميتال تجربة سخيفه جربتها

وطبعا حتلاقي الالوميتال وانتي واقفه تتفرجي عالعمارة اشكال والوان عشوائيات

قلم رصاص said...

ركبي يادكتور
وليكن شعار المرحله
الألوميتال قبل الخبز أحيانا
ههههههههههههههه

تقبلي مروري وتحيتي

وفاء بركات said...

مبروك يا دكتورة مقدما
وأبقي أستخدمي سداد أذن
ربنا معاك
ززززززززززززززززززززززززززززززززن
ههههههههههههههههههههههه

أ / أحمد عبد المنعم said...

بسم الله الرحمن الرحيم

الأخت الفاضلة :د/ نورا

جميل أن تكون التعليقات مفتوحة

ممكن أسلفك لغاية ما تقبضى الجمعية
لكن خدى بنصيحة مدونة من نور

واحد من العمال said...

السلام عليكم

لو سمعك حد من الحكومه حيقولك طيب دى ظاهره زن ايجابيه
ده معناه أن البلد فيها فلوس
والشعب بيركب كله ألوميتال
ودا دليل رفاهيه
ومبروك الألوميتال مقدماً

ودمتِ بخير حال

فكرة من الزمن ده said...

الوميتال الوميتال ان شا الله ماحد حوش جمعية
هههههههههههه
كل سنةوانتي بالف خير وربنا يتقبل من الجميع احسن الاعمال
تحياتي

Tarkieb said...

ههههههه دي عدوى بقى وانتشرت...

أحمد الصعيدي said...

كل عام وانتم بخير

ظلالي البيضاء said...

الحمد لله ..
كل الجيران عندنا مركبين ألوميتال قبل ما أسكن البيت ,,
بس أنا ولادي هم اللي عاملين ضجيج في البيت في اللعب والنطوَطة ..
والجيران مستحملين ..
كتر الله خيرهم ..
على فكرة يا دكتورة الفيس بوك من يومين مش راضي يفتح .. ومعذبني .. يحتاج حبة وجع راس ومش ملاقيله ... هههه
مع التحية ..

Post a Comment

قول ولا تجرحـش