Friday, July 30, 2010

أناَ لستُ بباحثةٍ ولا بواعظةٍ:تدوينة قديمة


معلش هم كلمتين واقفين فى زورى من زمان
ونفسى أقولهم وأخلص ضميرى أمام
ربنــــــــــــــــــــا
والنــــــــــــاس
فقط أردت النصح فى الله
الله:تكتب الله
الله تكتب الله

وليس اللة
(حاشا لله )
ماشاءالله تكتب ما شاءالله
وليس:مشاء الله
ولا مشاء اللة
(حاشا لله)
إن شاء الله
تكتب إن شاء الله
وليس أنشاء الله
(حاشا لله)
ولا انشاء اللة
(حاشا لله)
عارفة اللى ممكن يتقال
حبكتيها
هى جت على دى
مش أوى كده
مش عارف أيه!!!
لأ معلش هى جت على كده وكده أوى كمان
وهو فيه أهم من كده:أشرف لفظ فى الوجود
لفظ الجلالة
ومحدش يقولى معلـــــــــــــــــش
غلطة كيبورد بقى !!
أزاى ؟ تيجى الغلطة دى؟
التاء المربوطة فى الصف الأول فى الكيبورد
فى حين الهاء فى الصف الاخير
وكمان تكرار الخطأ معناه
عدم العلم بأنه خطأ
لأما تعمد الخطأ
ما ينفعش أبقى بعتب على الساسة والسياسة
وبقول وأعيد وعامل فيها العالم العلامة والفاهم الفهامة
وأكتب غلط
:وأيه
لفظ الجلالة
الله
أشرف كلمة فى الوجود
بالله عليكم أنا كتبت
وأوصى كل من يقرأ
أن يبلغ من لم يقرأ
مش عيب نصلح لبعض
ومش عيب نقول الصح لبعض
أمال هى الصداقة فائدتها أيه؟
مرة تانية وأخيرة
لا أقصد أحد بعينه
ولكن أقصد النصح فى الله
وارجو الأ يغضب أحد
ما قصدت الأ النصيحة
والفائدة
.

****مواضيع ذات صلة***

تدوينة الازهرى :اللغة

...................................

دى تدوينة قديمة على مدونتى

(صعبان على حالنا نمر ون)

المتجمدة

حبيت احطها تانى النهاردة

لانى فعلاً بحبها جداً

وأرجو بها وجه الله

ولقراءة التعليقات فى المرة السابقة

(جميلة ومفيدة جداً جداً)

أتفضلوا

أما فى هذه المرة

سافتح التعليقات

ولكن أرجو المعذرة

لأنى قد لا أستطيع

الرد عليها ......أسفة جداً

الكومبيوتر السلف اللى أنا قاعدة

عليه دا حيجبلى المناخوليا بعيد عنكم

ومتهيأللى لو قعدت على لوح عجين

يمكن كان أسرع وأحسن

وأرحم لأعصابى

ربنا يرحمنا جميعاً

30 comments:

norahaty said...

السلام عليكم ورحمة
الله تعالى وـركاته
الأ قـــد بلغت
اللهم فأشهـد

الفقيرة إلى الله أم البنات said...

فى ميزان حسناتك يا نور
لانها بقت كتيير قوى
ربنا يسلم ويبارك فيك وفى اللى زيك
مش كل حاجحه هنقل عليها محبكها
لو مش مع لفظ الجلاله هيبقى مع مين بقى
جمعه مباركه عليك

Tarkieb said...

وصلت الرسالة .....الله ينور.....وبرافو عليكي ...مشكلتنا بجد في التفريق بين الهاء والتاء المربوطة....

يا مراكبي said...

بغض النظر إنك لست واعظة أو باحثة في اللغة لكن الدين النصيحة

المهم الواحد مننا يعمل اللي عليه .. وده أضعف الإيمان

norahaty said...

الفقيرة إلى الله أم البنات
مش كده برضه؟لو ما دققناش
على الكلمة دى فاضل ايه ندقق
عليه؟جزاكِ الله خيراً ياأم البنات

norahaty said...

Tarkieb
وعليك ياتركيبووو
يارب.صدقنى مش مشكلة
لو دققت عليها فى النطق
وفى الكلام حتلاقيها(واضحة)خالص

norahaty said...

يا مراكبي
صح يامراكبى ولو
الأصدقاء ما نصحوا
بعضهم فى الخير مين
اللى ينصح بقى؟

Anonymous said...

السلام عليكم:
جزاك الله خيرا يا دكتورة، و ربنا يستر عال ا|لأجيال الجديدة في ظل وجود قنوات فضائية، و جرائد بتتعمد ان كل كلمة تتقال و تتكتب فيها باللغة العامية في أقبح صورها، فتتربي الأجيال علي يا اما لغة عامية أو لغة أجنبية و اللغة العربية الفصحي اللي تخليه يقدر يقرأ القرآن بشكل صحيح و يفهمه و يعمل بيه تضيع.
ده مش بيحصل في أي وطن عاوز يتقدم، العكس تماما هو اللت بيحصل، علي الرغم من ان الاختلاف بين العامية و اللغة الفصحي مش بيكون اختلاف كبير، اتفرجي كده علي أي فيلم أمريكي أو فرنسي أو ألماني اللي الناس بيتكلموه مع بعض هو هو اللغة الرسمية اللي في الكتب و الصحف و نشرات الأخبار، يعني الناس بيتكلموا بالفصحي بينهم و بين بعض، و مش حاسين انهم متخلفين و لا حاجة، هما بيحافظوا علي كيانهم علشان كده بيحافظوا علي لغتهم.
ممكن تسأليني طيب أنا ليه ماكتبتش الكلام ده بالفصحي؟!!!
و لهذا قصة أخري
حازم

لـــولا وزهـــراء said...

نوراااااااااا


جزاكى الله كل خير على هذه النصيحه
بس المشكله ان فى ناس تقولك اصلها مع السرعه وانت اكيد فاهم المعنى
ايه رايك بقى فى اللى يكتب صلعس عارفه دى اختصار لايه امسكى اعصابك " صلى الله عليه وسلم " شوفتى الهبل اقول ايه بس ربنا يرحمنا

مش لازم اكون واعظه عشان انصح الناس
ربنا يجعل هذه التدوينه فى ميرزن حسناتك

زهــــــــــراء

كلمات من نور said...

وكمان كلمة حمدله عالسلامه...اغلبنا بيقولوها كده حد يفسرلي معناها؟؟؟؟؟ المفروض نقول الحمدلله على سلامتكم مش كده؟ الواحد لازم يمجد خالقه ويثني عليه دائما مش ينطق بكلمات خطأ تدينا ذنوب واحنا نفسنا نغفر ذنوبنا ونبدلها حسنات...جزاكي الله خيرا يا نورهاتي

عاشــــــ النقاب ـقــــة"نونو" said...

جزاكم الله خيرا
كل عام وانتم بخير
لاتنسيني من دعائك

أحمد شريف said...

السلام عليكِ دكتور

كيف الحال ؟
رمضان كريم إن شاء الله

بوركتِ على الطرح

أحــوال الهـوي said...

ازيك يا دكتورة
اعرف انع مقال قديم قد سبق و قراته لك
و يومها تمنيت ان لا يقع احد بمثل هذا الخطا الذي يعتبر خطأ شائع

و للاسف مازل الكثيرون يقعون فيه
لجهل وهم والمتعلمون و لغفلة و هم المثقفون

جزاك الله خيرا للتذكرة و التنبيه

Ramy said...

للأمانة انا كنت بأكتبها غلط

بس اللى لفت نظرى للموضوع

ميرا مدونة ميرامار

و بجد استفدت

من البوست دة كمان فى الكلام

كتر خيرك

ربنا معاكى و يوفقك (:

مسرور said...

مع اني شاطر وما بغلطش في الكتابة اوي يعني :)

لكن دائما اشوف الاخطاء الي ذكرتيها

في كتابات البعض

جزاك الله خيراً

Haytham Alsayes said...

صح كدة
لا وبصراحة لازم كمان نكتب باللغة الفصيحة اكتر في المدونات
فكرتيني بالفرنسيين معتزون بلغتهم جدا واي فرنسي من اصغر طقل لغاية رئيس الجمهورية بيتكلم بلغته وصح مش فيها اخطاء لغوية


تحياتي علي الموضوع

rovy said...

أزيك يا دكتوره ..
ربنا يبارك فيكى و يجازيكى خير حبيبتى
و اكيد عندك حق .. سلمت يداكى و جعل الله البوست و كل مدونتك الرائعه فى ميزان حسناتك ..
تحياتى لكى غاليتى

norahaty said...

أستاذ حــازم
وعليكم السلام ورحمة
الله تعـالى وبركــــاته
بالضبط يااستاذ حازم وكأن فيه
تعمد وقصد وتربص على إفساد اللغة
ولأحظت كمـان ان كل المهاجريين من الجنسيات الأخرى بتعلم أولادها
لغتهم الأم ماعدا العرب
ليه مش عارفة؟!
وياريت تبقى
تقولنا
القصة
الأخرى
دى
ممكن؟

norahaty said...

لولا وزهـــراء
نعم مين بينادى:)
الأستسهال وللأسف يازهراء
وعدم الأتقان والفهلوة وحاجات
كتير خلتهم يعملوا كده لكن
لــو دا صح فى كل شىء
فلا يصح فى لفظ الله
وكلمات الله.
نورتينى
يازهراء

norahaty said...

كلمات من نـور
الله ينور عليكِ كمان وكمان
كل كلمة بنكتبها تسبيح وتمجيد لله
هى فى ميزان حسناتنا فليه نبخل على نفسنا بالحسنات دى؟وجزاكى
الله كل الخير والخيرات
ياأم الأبناء

norahaty said...

عاشــــــ النقاب ـقــــة"نونو
وعليكم السلام ورحمة
الله تعالى وبــــركاته
ياأم يوسف .الحمد لله على
كل حال كيف حالك أنت وحال
الأبنــاء لعلكم جميعاً بألف
خير.وكل لحظة وأنتِ بالف خير
ربنا يحسن شأن بلدنا وأمتنا كلها يارب

norahaty said...

أحمـد شريــف
وعليكم السلام ورحمة
الله تعـالى وبركـــاته
الحمد لله بخير كيف حالك أنت؟
شكراً لك وكل سنة وأنت بألف خير.

norahaty said...

أحوال الهوى
والهوى أحوال
الحمد لله بخير يادكتور
كيف حالك أنت وحال الشغل
معلش أدينا بنفكر الناس
كل شوية وكل واحد بس
افتكر فى كل مرة وصحح
ما يكتب يبقى
فيه أمل فى
الأصلاح لغيره
ولغيره

norahaty said...

Ramy
شكراً لله ولميرا ولك
يارامى وربنا يكثر من
المستفيدين فى الخير
كمان وكمان

norahaty said...

مســـــرور
يارب شاطر على طول
وأدينا بنحاول ننبهه
على شىء خطأ وربنا
يهدى الجميع.

norahaty said...

Haytham Alsayes
الفرنسيين دول حكاية
فى الأعتزاز بلغتهم
وسمعت أنه ممنوع
تعليم أى لغة
أخرى ماعدا الفرنسية
لحد سن 12 سنة (مش متأكدة)وذلك
حتى يتقن الطفل لغته الأم أولاً-عكسنا هنا:(

norahaty said...

rovy
الحمد لله بخير
ياأم ياسمين كيفك
أنتِ وكيف حال البنات
يارب تكونوا جميعاً بألف خير.
كلامك أنتِ اللى جميل ورائع ياروفى.

norahaty said...

الحمد لله رب العالمين

maxbeta3zaman said...

طب اي رأيك فى ناس كباره وقيمه وسيمه وبتكتب الله وأكبر بدلا من الله أكبر وبتكتب اعملو كذا وكذا حتى "يتثنى" لنا عمل كيت وكيت ...علما بأن يتثنى أى يتلوى كالأفعى ويتسنى المقصوده جايه من الاتاحة و الظهور وامكانية العمل الم يسمعوا اغنية لما بدا يتسنى الموشح الشهير ألا يعرفون آية القرآن( يكاد سنا برقه يذهب بالأبصار) ؟؟
يتثنى دى دايما تجينى فى جوابات رؤسائى فتغيظنى فأصلحها بالقلم الجاف
ربنا يجعلنا من اهل اصراط المستقيم ويبعد عنا المتثنين والأفاعى والعائدون لللات والعزى

maxbeta3zaman said...

قرأت هنا من يقول حمداله ع السلامه ايه أصلها هى أصلها
حمدا لله على السلامة بالوصول أو الولاده أو تطليع بطاقة الرقم القومى أو انهاء أى عمل حكومى فيه تطليع للروح وبعودة الروح للجسد نقول حمدا لله على عودة الروح بعد الطلوع واقترابها من الذهاب الى بارئها

Post a Comment

قول ولا تجرحـش