Wednesday, June 16, 2010

إحداهـــــن!

Mari Yaguchi Astonishment Pictures, Images and Photos
إحدهـــــن
عايزانى لماأشوف
وش أحدهــــــــم
أقوله انت قليل الذوق
!!
طبعاً سمعت كده وحواجيييينى
وصلوا وسط راسى
فــــــ ردت ببساطة
الله ايه!!انتى ملكيش دعوة
داانتى بتقوليلوه عن لسانى!
طب ما تقوليله أنتى حد مانعك؟
ما أنا مابشفوهوش خالص
وكمان بأتصل بيه كتير
!ومش بيرد عليا خالص!
ما كذبش عليكم
كنت عايزة اديها
بالبوكس فى وشها
لكن خفت تسبقنى هى
وتدينى بلُكمية فى عينى
وأنـا مش مستغنية عن عينى
*
*
*
*
فعلاً فيه ناااااااس عجيبة
!

44 comments:

Unknown said...

سبحان الله والحمد لله
ولا آله الأ الله والله أكبر
ولا حول ولا قوة الأ بالله
العّلى الـعظيم.سبـحان الله

لــــ زهــــــراء ــــولا said...

نــورا
-*-*-


وحشااااااااااااانى جدا جدا
لازم اشكرك على الفيديو اللى موجود عندك بصوت لولا بجد فرحانين بشكل مش طبيعى ان الشغل عجبك ....

طول ما الواحد عايش لازم يشوف ناس ويقابل اصناف من البشر اللى زى الماس واللى شبه الزجاج بس ممكن الواحد يتخدع فيه ويفتكره ماس ...

الناس بقيت غريبه عجيبه
من فضلك مش تقفلى التعليقات تانى ولو مش فاضيه انا هاجى ارد على الناس بنفسى وعيونى لكى

زهــــــراء

Unknown said...

لولا وزهورررة
تسلمى وتعيشى يارب
أد القول أنا عارفة بس
ما ينفعش:ينفع حد يستقبل ضيوفك غيرك!طبعاً ما ينفعش.على العموم أنا الحمد لله الانشغال اللى كان عندى خف شوية وربنا يقدرنى على رد ولو جزء بسيط
من الحب والود اللى بحسه من كلامكم معايا.

خواطر شابة said...

اوقات والله العظيم بتحصل لي مواقف بتخليني أقف مع نفسي و اتسائل ياترى الناس دي بتفكر ياترى بتفكر منطق ولا اللي بيجي على بالهم بعملوه ويقولوه من غير ما يوزنوه وحالة من طلبت منك هذا شبيهة بهذا
تحياتي وودي

richardCatheart said...

هههههههههههههه

تعرفى
دى رخمه اوىىىىىى

وحشانى وبطلى تختفى وتقفلى التعليقات

Unknown said...

خواطر شابة
بتبقى ناس غريبة
ولو فكرتى تراجعيها
فى كلامها تطلعك أنتى
الغلطانة وتجادلك
جدال يكرهك
فى العيشة
واللى عايشنها

Unknown said...

richardCatheart
وأنتِ كــمان واحشانى
اوى الصراحة ياريتشارد.

richardCatheart said...

على فكره ليكى عندى واجب

ابقى اعمليه بدل ماتذنبى

هههههههههه

واوديكى للناظر

Unknown said...

richardCatheart
وووووووواجب!؟!
يالطيف اللطف يارب
يبقى تاج الجزيرة:السلطانية
مش كده ولا ايه؟ههههههههههههه
ليه بس كده ياريتشارد دا انا بحبك تعملى فيا كده ليه؟ههههه:)

salma mohamed said...

ازيك يا دكتورة؟

حفيدة عرابى said...

حرفيا!!!؟
يعنى عايزاك تقولى له انت قليل الذوق حرفيا!!!!؟
معلش ياماما المؤمن مبتلى

فاكرة تعليقك عندى اجبلك اتنين بسعر واحد:)
هو ده


الحمد لله انا من فترة مش بقف فى طابور عيش
لكن مرة دماغى وجعتنى جدا
لانى واقفة مؤدبة جدا
وواحدة مصرة انها تاخد قبلى
بلطجة مش اكتر
ولما فهمتها براحة انى واقفة قبلها فى الطابور
قالت لى جملة عبقرية جدا
اييييييييييييييه؟
هو باللى ييجى الاول ولا ايييييييييييييه؟


شفت ازاى ان احداهن اللى عندك

رقيقة جدا من احداهن اللى عندى
وكان ان قررت انى مااقفش فى فرن تانى
والعيش بيوصل لغاية البيت

ماهو نفسيتى دى مش ببلاش ياماما
ولسه مكانش عندى مدونة أفضفض فيها

شكرا جزيلا على البوست الفائت
ووحشتينى مش عارفة ازاى بس هو كده

Anonymous said...

احنا معاكى يا دكتورة اضربيها ومالكيش دعوة بالباقى ..احنا هنسد
تحياتى
well

الشاعر الفنان أحمد فتحى فؤاد said...

صباح الخيييييير

الرابط مش شغال

ثانيا صحيح لا حول الله و لا قوة الا بالله

و لا يهمك ابدا من اى حد و لا اى حاجة

دمتى بخير

ghoneem said...

السلام عليكم طبيبتنا الفاضلة

كيييييييييفك أخبارك ايه ؟؟؟؟؟؟؟
أرجع المدونة بعد الغيبة دي الاقيها ضرب وبهدلة

مين مضايقك بس وانا احبسهولك !!!!!!!!!!!!!!

اصل بعيد عنك انا بقيت دكتور وبلطجي ف نفس الوقت من كتر الخناقات اللي بتخانقها مع المرضي

المهم
اخبارك ايه
مفتقد المدونة وبشدة ورجعت أطمن عليكي الحمد لله انك بخير
انا الجمد لله بخير وان شاء الله عودة بال انقطاع دعواتك كتيييييييييير لأخوكي الصغير

تحياتي

بالتوفيق...............

العلم نور said...

المشكلة إن الأغلبية لم يعودوا يحترموا بعض ويقدروا بعض وبقت الجلا جلا هي السائدة الله يعينك ويصبرك



أرجوا المساهمة في دعم الحملة لو تكرمتم

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي أعقل مجنونة في الوجود .. ويكتبون فوقها ..

(حملة الجـسد الواحـد)

رابط المدونة

http://dndanh111.blogspot.com/2010/06/blog-post_14.html

جعله الله في ميزان حسانتكم .. آمين

العلم نور said...

في كان عندك مشكلة في التدوينتين السابقة افتحها وما بيطعلش صفحة التعليق ومازالت كذلك

يمكنك فتح رسالة جديدة وإعادة كتابتها فيه ثم وضعها مرة أخرى حتى يتم التعليق عليها

Unknown said...

اهي دي بقا الناس المستفزة بجد...

Unknown said...

salma mohamed
الحمد لله انا بخير ياسلمى
أنت اللى ازيك عاملة ايه؟

Unknown said...

حضرة العُرابية الهُمامة
حفيدة عرابى باشا
حرفياً والله عايزانى اول ما اشوفه أقوم (بخه فى وشه)الكلمتين دول ياسلاااااام!المهم لن(احدهم)دا انسان ممتاز الحقيقة وعملنا خدمات كتير وأحنا فى الدورة التدريبية لكن تعملى ايه بقى فى الناس العجب واديكى بتقبل كل يوم صنف منهم زى الست بتاعة الفرن(حد يقف فى طابور العيش برضه يااستاذة؟:)
تجربة إنسانية مصرية معيشية فريدة:(

Unknown said...

well
بجد؟!ماشى
مخلياك المرة الجاية
ماهى الحاجات دى
بتتكرر كتير

Unknown said...

الشاعر الفنان
أحمد فتحى فؤاد
صباح الخير والخيرات
رابط ايه اللى مش شغال؟
قصدك التعليقات على التدوينتين اللى فاتوا؟انا كنت قافلة التعليقات عليهم دا السبب
وإذا عُرف السبب بطل العجب
المهم انت حتضمنى يعنى فى القسم لما ابطحها؟ماااااااااشى:):)

Unknown said...

ghoneem
وعليكم السلام ورحمة
الله تعالى وبركاته
ياالف اهلااااااا وسهلاً
ياطبيب ويازميل وياصديق
الف حمدلله على السلامة يادكتور أحمد غنيم أيه اخبارك؟خلصت الماستر ولا لسه؟وعملت ايه فى حياتك العمليه ؟عامل ايه؟الف سؤال وسؤال عايزين نسأله بس برضه بالراحة عليك ومنتظرينك انت اللى تحكى لنا على اقل من مهلك كل اللى حصل معاك واللى خلاك بقيت طبيب وبلطجى على حد قولك ولو انى اشك طبعا لأنك انسان فى منتهى الذوق .

Unknown said...

أم الخــلـود
فعلاً هى الجلا جلا دى هى المسيطرة على (التعامل)بين الناس الأيام دى.أما الحملة فربنا يسهل ,اشوف أقدر أعمل ايه فيها.

Unknown said...

أم الخــلـود
التدونتين السابقتين
أنا كنت قافلة التعليقات
فيهم دا السبب يمكن لكن هم
ظهروا فى الريدر بتاع (الجيران) عادى

Unknown said...

ELMOSTAFZ
شفت بقى الأستفزاز على أصوله:)

حصان المرجيحة said...

حبيت اسلم و اعتذر عن طول الغياب
بس والله غصب عني
شكرا ليكي

Unknown said...

حصان المرجيحة
حمدلله على السلامة
وبركة أنك بخير دا هو المهم

Anonymous said...

السلام عليكم:
أعتقد لو عرفتي منها سبب هي ليه عاوزة تقوله انه قليل الزوق مش هاتستغربي.
حازم

Anonymous said...

ملاحظة:
هذا ما قاله صحابة رسول الله (ص) عن معني التقوي:
- قال ابن عباس رضي الله عنهما:(المتقون: الذين يحذرون من الله و عقوبته)
- و في تفسير قوله تعالي (اتقوا الله حق تقاته) (آل عمران: 102) قال ابن مسعود: (أن يطاع فلا يعصي، و يشكر فلا ينسي، و أن يشكر فلا يكفر).
حازم

كلمات من نور said...

دي عارفه كويس المثل اللي بيقول ما شتمك الا من بلغك أكيد ......معلش فيه ناس كده يا فتاتي .......ربي يقينا شرورهم و أفكارهم ........تحياتي

لــــ زهــــــراء ــــولا said...

اخيييراَ عرفت اجي واعلق
اولاَ ميرسي قوووي على اعلان عن بوست بحبك اللي دونتي فوقيها برافو ل لولا بجد يادكتورة ميرسي قوووووي اسعدتيني ..لما شخصية جميلة زي حضرتك تثني على عمل يخصني بجد بكون طااااايرة من الفرح ...
ثانياَ بالنسبة للبوست ده مش حواجبينك بس اللي بقت في نص راسك دا انا كمان ههههههههههههه وبقي اتفتح حرف اوه وبقى دايرة كبيييييييييييييرة ... بجد حاجة غريبة

لــولا

Unknown said...

أستاذ حازم
سألتها يافندم:)
وقالت انها رنت عليه
وهو ما ردش!حتى راجعتها
انه ممكن يكون مشغول أو أى
شىء ودى أبداً مصممة انى أقوله
اللى سبق وقولته وكمان عايزانى انا اللى أقولهوله فى وشه ومن هنا جه التعجب بتاعى!

Unknown said...

أستاذ حازم
شكراً جزيلاً للأضافة
بـس هو أنت تقصد شىء
معين ولا فقط للأفادة العامة؟

Unknown said...

كلمات من نور
أكـيد هى عارفاه
ياأم الأبناء لكن تعملى
ايه بقى فى الناس؟!

Unknown said...

لولا وزهـراء
لولا
حمدلله على سلامة الوصول
انتى اللى جميلة وأعمالك كمان :)وانا ما عملت الأ شىء بسيط
سلامتك من الاووووه الكبيرة دى
معلش طوا ما احنا عايشين فى الدنيا ادينا بنقابل ناس وناس:(

Anonymous said...

السلام عليكم:
يعني هي عاوزة تقوله انه قليل الزوق علشان مش بيرد عليها؟ طيب و هي عاوزة منه ايه؟!!!
ربنا يهدي الجميع
حازم

Anonymous said...

أردت فقط أن أوضح معني التقوي الذي فهمه صحابة رسول الله (ص) من خلال معايشتهم له، فلقد قرأت في البوست الماضي معني آخر للتقوي، و اليك قول صحابي آخر: عن أبي الدرداء رضي الله عنه قال : تمام التقوى أن يتقي الله العبد حتى يتقيه من مثقال ذرة وحتى يترك بعض ما يرى أنه حلال خشية أن يكون حراما يكون حجابا بينه وبين الحرام فإن الله قد بين للعباد الذي يصيرهم إليه فقال : (فَمَنْ يَعْمَلْ مِثْقَالَ ذَرَّةٍ خَيْراً يَرَهُ(7)وَمَنْ يَعْمَلْ مِثْقَالَ ذَرَّةٍ شَرّاً يَرَهُ) فلا! تحقرن شيئا من الخير أن تفعله ولا شيئا من الشر أن تتقيه.
حازم

Ramy said...

اولا

هههههههههههههههه

ثانيا

احنا فى مصر

ثالثا

اسمعى راديو تيييت موضوع الألينز او الكائنات الفضائية

و انت مش هتستغربى

رابعا

هههههههههههههههههههههه

خامسا معرفتش اسيب كومنت فى مدونة
جواباتى وأغنياتى و حجاتى ومحتجاتى 2

شكرا لزيارة المدونة والتعليق

Unknown said...

استاذ حـازم
وعليكم السلام ورحمة
الله تعالى وبركاتـه
الغريب فى الأمر أنها
عايزانى اوصله الكلمة دى ولما انا استغربت قالت(ايه انى ملكيش دعوة دا انا اللى بقوله)فاهم قصدى ؟!من هنا جه استغرابى !

Unknown said...

استاذ حازم
شكراً مرة تالتة للتوضيح
وللأضافة وللأفادة فى معنى التقوى
(هى كلمة جامعة للخير على ما ارى :اليس ذلك؟)

Unknown said...

Ramy
اولاً اهلا وسهلاً
ثانيا :فعلاً احنا فى بلدنا:)
ثالثاً:ايه التردد بتاعه؟او أجيبه ازاى؟
رابعاً:منورنا:)
خامساً:لانها مش مسموح فيهابالتعليقات خالص
سادساً:مرة تانية نورتنا يااستاذ رامى .

Unknown said...

الحمد لله رب العالمين.

وفاء بركات said...

حاجة غريبة .. وده بقي من آيه
الإستهبال خلو برضة في ناس كتير عايشه
عافيه بارده
اللي يعيش ياما يشوف
ربنا يعافينا ويصلح حالنا
تحياتي

Unknown said...

حبيبتى أستاذة وفاء
صح كلامك بردون (بتستعبط)وفاكرانى
حأخد الكلمة منها
اوصلها للشخص التانى (وماليش دعوة دى هى اللى بتقول!!)ياسلام
الواحد ياما بيشوف من البشر!!

Post a Comment

قول ولا تجرحـش