مـــــن كام سنـــة كدة
وفـــى مثــل هذا اليوم
كانت الأمطـــــار تهطل
وكانت الرياح تزمجرررر
والثلوج تغطى الشـوارع
ايوة مكنش الأوزون أتثقب لسه
ولا فيه إحتباس حرارى ولامالى كمان
ولا ظاهرة مش عارفة ايه
أيوووووة :البيوت الزجاجية؟
تقدروا تقولوا كانت الطبيعة لسه بخيرها
حصل ايه بقى قوووووولى وخلصينا
(اكيد أنت بتقولوا)
أتظلت اى اتولدت أنا حضرتى من سكات
اه والله من سكات
يعنى لا واء واء
ولا تاء تــاء
سُكيتى خالص
مؤدبة طول عمرى
المهم بالمناسبة الحلوة دى
(ايوة حلوة حد عنده مانع)
انا عاملة العزومة دى
واتفضلوا
بس مش حنجيب تورتة ولا جاتوة
حنجيب حاجة مختلفة خالص
انـا احب التميزززز
و وهى عندى أحلى من الجاتوة
ومن الشوكولاته حتى
المهم
الأول كل واحد يمد ايده وياخد أزازة
الأول كل واحد يمد ايده وياخد أزازة
المية بتاعته ويحافظ عليها اوووووى
انتم عارفين بقى الصيف والحر
وحروب المية الوشيكة
الوقوووووووع
ربنا يستر
بعدين أتفضلوا كل
واحد يمد ايده ياخد برطمان
(بدال البيبسى والعصير والكلام الفارغ دا)
وندخل على الطماطم المخللة
بس خلى بالكم على هدمكم وكمان
الأهم من الهدوم
خلوا بالكم من
مفرش السفرة
ندخل بقى
على ملك المخللات بلا منازع
الليمون المخلل المعصفر أنا بأعتبره فعلاً
هو ملك المخللات بلا منازع
وندووووق السنيد بتاعه
الزيتون الأخضر المخلل برضه
بعتبره كده
اللى بيحب الـــلفت يتفضل
وناس ما بيحبوش
الأ البتنجان ابوووو خل
نفسى أفتح محل
للبتنجان ابوووووخل
على راى الاستاذ
شكوكو
الله يرحمه
موجود عندنا والحمد لله
اللى ملحقش فى كل الحاجات
اللى فوق دى
يتفضل
ياخد برطمان من دول
مخلل مشكل
وبس كده كفاية ملح ومخلل
متهيــــأللى كفاية
ولا أيه رأيكم؟
كل لحظة وأنتم
وهن وهم
وأنا
فى صحة وسعادة
ملحوظة
على الأخر
انا زعلانة اوى من جوجل
مش عارفه اسمه ايه؟
مخدش باله انه
يوم ميلادى برضه
حأفوتهالوه المرة دى
لكن لو كرررها
حتّصرف بقى بمعرفتى معاه
57 comments:
اللهم أعنا على ذكرك
وشكرك وحُسن عبادتك
نورااااااااااااااااا
كل ثانيه وانتى بخير وسعاده هنا
يارب يحقق لكى كل احلامك وامنياتك
مية سنه فى سعاده وهنا
انا باعشق مخلل الزيتون والخيار
يارب على طووووووووول فى سعاده وهنا وفرحه
زهـــــراء
ياااااااااااااارب يخليكم لى يالولا أنتى وزهروورة
يارب وما اتحرم من تعليقاتكم ولا متابعتكم المستمرة يارب
ويفضل الحب والود قايم كده بينكم وبينى على طول
كل لحظة وأنت بألف خير يازهراء الجميلة
و مين جوجل ده اصلا يا ست نورا
احنا معاكى و حواليكى اهم و احلى من جوجل
و بعدين جوجل كان حيجيب تورت و عصير و الحاجات العجيبه دى
لكن انتى احتفالك احلى واجمل و يعدل النفس بصحيح
لا بجد حلوه قوى فكره المقبلات دى و المشهيات
شكلك زيى ملكيش فى الحلو
كل سنه و انتى طيبه يا دكتوره و عقبال السنين الجايه و تبقى كلها فرحه و خير و سعاده
انا جعت
دكتورة علا
وبعيدة عن الملل
خااااااااااالص
متشكريين يادكتورة على الكلام الحلو دا انا فعلا باحب الحوادق جدا وبفضلها على الف تورتاية.كل لحظة وانتِ واولادك بألف خير.
يادكتور شارم
هات العيش وأتفضل
المدونة واللى فيها
تحت أمرك أتفضل بالهنا والشفا
كل سنة وانت طيبة وبخير وسعادة
وعسولة
المفروض احنا اللى نحتفل علشان ده من حظنا الطيب
بس العزومة اللى انت عاملاها دى
مقصودة يعنى:)
لانى من مجانين الحوادق عموما
شكرا جزيلا
كل سنة و انتى طيبة يا نورهانتى
عيد ميلاد سعيد يا حبيبتى
و كل دا بوفيه ؟؟
دا حاجة معتبرة ع الآخر
هتبوظلوبنا الريجيم
اللى بقالى خمس سنين بعمله ؟!!!
اينفعشى كدا
و تعالى هنا
ضوحكتى علينا
و مقولتيش ماذا تتمنى
للسنة الجديدة
انا سخصياً
بتمنالك كل الخير يا حبيبتى
و تفضلى طيوبة زى منتى
و ربنا يسعد كل ايامك
بوسات
و حضونات
و
http://www.glitter-graphics.com/graphics/914250
ولا يهمك من جوجل المثل بيقول اللي ميعرفك يجهلك
سنة سعيدة اتمناها لك ان شاء الله وجميل هذا العيد الميلاد المختلف أنا ايضا اعشق الموالح وهناك اشياء مما ذكرت موجود عندنا هنا
باقة ورد كبيرة اهديها لك مع اطيب المنى بحياة سعيدة ان شاء الله
كل سنه وانتى طيبه ياستى
طيب جنب الابيتيزر ده كله مافيش حاجه نغمس
يعنى اى خضار او سمك
على العموم انا اول مره احضر عيد ميلاد
من غير حجات ساقعه وتورته جاتوة
علشان كده يوم ميلادك مش هيتنسى ابداً
كل عام وانتى كل الخير
تحياتى
السلام عليكم
أنا فهمت في الآخر ليه وزعتي مايه
:)
بس دي بيسموها فواتح شهية
ها
فين بقى الأكل
كل عام وأنت بخير
وعمر سعيد مديد في طاعة الله
كل سنة و انتى بخير
و تكون السنة دى احسن من اللى فاتت
بس اية عيد الميلاد دة مخلالات و بس فين الأكل (:(:(:
بالرغم انى من عشاق الخلالات بس هنطر نقللها مع الحرب القادمة للمياة
بس سيبك من دة كله تيجى السنة الجاية و تحققى كل اللى تتمنيه
كل عام وانت طيبة وبخير ولك ما تتمنين يافندم
السلام عليكم:
أطال الله عمرك في طاعة الله..
حازم
كل سنة و انتى طيبة يا نور
يارب يحقق لكى كل احلامك وامنياتك
حفيدة عرابى
دا انا اللى أحتفل
بصداقتكم ومعرفتكم
بجد حضرة الحفيدة وادينا
بقينا جيران واصحاب على الفيس
بوك فأهلا بكِ مرحبا.اما المخللات مش حأقولك بقى طلعنا فى الهوا سوا فى حبها:):):)
فــــــاطيما عندنا
أحلى روح وقلب ماما هنا
يامرحبا يامرحبا يامرحبا
تسلمى وتعيشى يارب ويريح قلبك بما تريدى وتهفو اليه روحك وقلبك انتِ وكل أم يارب
ومتشكرة على بوكية الورد
الجميل دا كل رقة وجمال.
خواطر شابة
الله يخليكِ يانوجا يارب
عجبتك السفرة:اتفضليها
اكيد طبعاً فيه أكلات مشتركة بينا وخاصة المقبلات والمخللات.
أما جوجل معلش حأسامحه المرة دى بس:).نورتينى يانوجا
momken
أيوووة أنا قصده
كده يكون مختلف ولا يُنسى
أما الغموس فخليه عليك أتصرف:)
مجداوية
وعليكم السلام ورحمة
الله تعالى وبركاته
لأ معلش بقى أنا قصدت
فتح الشهية فقط أما بقى
المأدبة فعلى كل ضيف أن يتصرف:)
نورتينا ياماجى المهم عملتى أيه فى الأمتحان؟طمنينا
Ramy
وأنت طيب وسعيد
يااستاذ رامى
المهم قول يارب أستر فعلاً وما تحصل اى حرب خالص لا على المية ولا على اى شىء فيها ايه لو الناس تبطل تتخانق؟.
Hina wi Hinak
وكل لحظة وأنت بأتم الصحة والعافيةوالسعادة يارب.
استاذ حـازم
شكراً يافندم وادام
عليك نعمهُ ظاهرة وباطنة
وأعظمها نعمة الرضا بما قسم الله لنا.
mohamed ghalia
الف مبروك يامحمد الف مبروك
أنت تستحق كل خير .اما الحضور فهذا ما لم أستطيعه لكن أعتبرنى كانى موجودة بالضبط وكمان اكيد أنت حتحط الصور ولو كمان فيلم على اليوتيوب يبقى كاننا معاك وأحنا فعلا معاك بقلوبنا.مرة تانية الف مبروك يامحمد غالية.
ماما أمولة
وأنت بالف خير يارب
ويعطيكى الصحة والقوة يارب.
كل عام وانتي إلى الله أقرب ولطاعته أدوم يا نورهاتي الجميلة ...جوجل مبيفهمش احنا بنغهم وبنهني ونطبطب عليكي لو زعلتي منه الوحش داه .فرنساوي قال !!!!هههههههه
مخللات جميلة ترفع الضغط حلو خالص ...تسلم الأيادي
كل سنه وأنت بألف خير يا دكتوره
وعقبال طووووول العمر ليكي بإذن الله
وغريبه أول مره أشوف عيد ميلاد بالمخللات
أمال الشموع حتتحط فين ؟؟؟
في زتونه ولا لمونه هههههه
كل عيد ميلاد وانتي طيبه وموسعه صدرك على عم جوجل
كل سنة وانتي بصحة وسلامة يادكتور...
كل سنه وحضرتك طيبه يا دكتوره
ايه دا
هى دى الاعياد
انا هاضرب البتنجان المخلل كله
واللى يحصلنى يكسرنى
كل سنه وانت من احسن لاحسن ويارب ديما فى رضا الله وفى حب من كل اللى حوليكى
ويملا قلبك وحايتك نور يارب يانور
هابى برزداى تويو هابى برزداى تيو
هابى برزداى تو نور هابى برز داى تو يو
يلا انفوخى فى الخياره المخلله اللى عايزه اللاكل دى
عقبال مليون سنه يارب
لللللللللللللللللللللللللولى
وادى زغروطته العيد الميلاد
احنا كده بصره مواليد نفس الشهر ونفس البرج
كل سنه وانتي طيبه يادكتوره
وعقبال 100 سنه في سعاده وصحه وتقدم
بس ايه كمية المخللات دي كلها
انا هعطش جدا ومش هيكفيني مية النيل
وجوجل معندوش حق
دايما كدا العالم دي مضطهدينا نحن العرب
هههههههههههه
تقبلي مروري وتحيتي
كل سنة و انتى طيبة شكل الليمون والزيتون يجنن الباقي بقى مقدور عليه
عام جديد
يا ترى احلامك تحققت ؟
اتمنى لك الصحه وراحة البال
كلمات من نور
وكل لحظة وأنتِ بألف صحة وعافية ياأم الأولاد ربنا يخليكم لى وما أتحرم منك ابداً ويمتعك بالصحة والعافية أنه على كل شىء قدير.
ahmed_k
الله يخليك ويحفظك يارب ياأستاذ أحمد .بس ايه رأيك فى الأبتكارات
مش تجديد برضه؟الناس زهقت من الحلو نجيب الحادق شوية:)وحنوسع صدرنا على جوجل علشان خاطرك حااااااااضر.
سمع هوص (Abo 3li)
وكل لحظة وأنت بخير
ياابو على ياطيب
قبلاوى
وأنت طيب يادكتور
وربنا ما يحرمنى منك يارب.
richardCatheart
شفتى؟ادى اعياد الميلاد :)
ربنا يخليكى يارب ياقلب الورد
والفل والياسمين وما أتحرمش من
زغاريطك أبداً ولا أغانيك كمان الحلوة دى.
قلم دهب
عيار 1200
ياالف أهلاً وسهلاً
ولا يهمك لو عايز ميه تانى أبعت اشترى أمحل على الناصية طوالى:)
ربنا يخليك حضرة المحامى الهُمام
Tarkieb
وكل لحظة وأنت بخير
ياتراكيبووو يافنان
واللى عايزه أتفضل خده
ولا يهمك بالهنا والشفا
soly88
ياتلاتمية مرحبا ياسولى
ايه الغيبة الطويلة دى
ارجع بقى كفاية كده اما الأحلام فحتفضل أحلام لانها متهيأللى أحلى وهى أحلام :)
فيه تدوينة لك اسمها سبحان الله كل ما أفتحها ملاقيهاش وألاقي التدوينة دي ؟!!
هي لابسة طاقية الإخفا ولا إيه ؟
:)
ياحبيبتى يامجداوية:)
دى كانت فى دور الأعداد
يعنى تقدرى تقولى لسه بتطبخ:)
وبعدين دووووووست الزرار غلط نزلت قبل ما تخلص فرجعت وحفظتها درافت لحد ما تخلص
تسلملى يارب وتفضلى متبعانى كده على طول
السلام عليكم
:)
:)
تدوينة جملي إظاهر
على العموم سويها على مهلك وقت ما تستوي أنا محضرة نفسي عشان آكل
والرجل تدب مطرح ما تحب يا دكتورة ولازم أكون متابعة طبعاً
المشكلة إن بروفة التدوينة لسه موجودة ومتشالتش
:)
ههههههه
مساء الانوار
بوست حلو.. رغم المخلل
صحة وعافية ويارب كل عام انتي بخير
والسنة الجاية تحتفل فيكي قوقل ان شاء الله.. بااااااي وشكرا على المخلل
ههههههههههه
طب انا عايز بسبوسة وكنافة ماليش دعوة
:D
مجداوية
الطبخة استوت بحمد الله
وأتحطــت على السفرة كمان
ياوووه قصدى أتحطت فى المدونة:)
gmr14
مساء الفل ياقمر14
وكل لحظة وأنتِ بألف خير
يعنى أنتِ متأكدة؟ماشى :)لأنى
حتصرف لو ما صلح الغطة دى:)
سمو الامير
قضيها مخلل معلش:)
حنجيب لك البسبوسة منين دلوقتى؟:)
الحمد لله والشكر لله.
يانهار ابيض بقى اليوم ده هو الذى نورت فيه النورهاتى التى لا تصرخ ولا تهاتى ...الف نهار مبروك وعاما يتلوه أعوام لو كنت دريت كنت بعثت الكارت اللى لف الدنيا كلها واستقر فى البلوج!! كنت وضبته كده وحطيت جواه دسدتين جاتوه على 2 كيلو شيكولاته من النوع المفتخر ..بس انت عامله حفلة مخللات ومأكولات شرقيه جامه جدا نتمنى لو ان لدينا شاليموه هائل فنلقف به ما بداخل كل هذه الأطباق بشرط خلوها من الكلسترول
كل سنه وانت طيبه وكارت 123 مخصوص عشانك ... حايوصللك بطريقتهم دىولو بعد 3-4 سنين بس حابعته حابعته
كل سنه وانت طيبه يانورهاتى
maxbeta3zaman
ماكس بتاع زمان
ودلوقتى وبكرة كمان
كده إحتفالى كمل
والكمال لله وحده
وجودك وتعليقك
شرفنى زى ما معرفتك وصداقتك
زادتنى شرف .متشكرة لكل كلمة قلتها
(وفى أنتظار الجاتوة ولو بعد سنة حنستناه حنستناه :):)ولا أقولك اعتبره وصل مش مشكلة (الطيبات أحسن:)
كفاية ذوقك وفضلك.
ولا يهمك من جوجل المثل بيقول اللي ميعرفك يجهلك سنة سعيدة اتمناها لك ان شاء الله وجميل هذا العيد الميلاد المختلف أنا ايضا اعشق الموالح وهناك اشياء مما ذكرت موجود عندنا هنا باقة ورد كبيرة اهديها لك مع اطيب المنى بحياة سعيدة ان شاء الله
كل سنه وانتى طيبه ياستى طيب جنب الابيتيزر ده كله مافيش حاجه نغمس يعنى اى خضار او سمك على العموم انا اول مره احضر عيد ميلاد من غير حجات ساقعه وتورته جاتوة علشان كده يوم ميلادك مش هيتنسى ابداً كل عام وانتى كل الخير تحياتى
Brennan Adams
Thank you 4 your kindness
Staceypmyj
إيوة أحنا بتوع الإبتكارات
!!!أوماااااااااااال
معلش لأنى أتأخرت فى الرد :)
Post a Comment
قول ولا تجرحـش