Tuesday, June 29, 2010

الذكرى السنوية الخالدة!

brite purple flaming birthday candle Pictures, Images and Photos

مـــــن كام سنـــة كدة
وفـــى مثــل هذا اليوم
كانت الأمطـــــار تهطل
وكانت الرياح تزمجرررر
والثلوج تغطى الشـوارع
ايوة مكنش الأوزون أتثقب لسه
ولا فيه إحتباس حرارى ولامالى كمان
ولا ظاهرة مش عارفة ايه
أيوووووة :البيوت الزجاجية؟
تقدروا تقولوا كانت الطبيعة لسه بخيرها
حصل ايه بقى قوووووولى وخلصينا
(اكيد أنت بتقولوا)
أتظلت اى اتولدت أنا حضرتى من سكات
اه والله من سكات
يعنى لا واء واء
ولا تاء تــاء
سُكيتى خالص
مؤدبة طول عمرى
المهم بالمناسبة الحلوة دى
(ايوة حلوة حد عنده مانع)
انا عاملة العزومة دى
واتفضلوا
بس مش حنجيب تورتة ولا جاتوة
حنجيب حاجة مختلفة خالص
انـا احب التميزززز
و وهى عندى أحلى من الجاتوة
ومن الشوكولاته حتى
المهم
الأول كل واحد يمد ايده وياخد أزازة
المية بتاعته ويحافظ عليها اوووووى
انتم عارفين بقى الصيف والحر
وحروب المية الوشيكة
الوقوووووووع
ربنا يستر
بعدين أتفضلوا كل
واحد يمد ايده ياخد برطمان
(بدال البيبسى والعصير والكلام الفارغ دا)
وندخل على الطماطم المخللة
بس خلى بالكم على هدمكم وكمان
الأهم من الهدوم
خلوا بالكم من
مفرش السفرة
ندخل بقى
على ملك المخللات بلا منازع


الليمون المخلل المعصفر أنا بأعتبره فعلاً
هو ملك المخللات بلا منازع
وندووووق السنيد بتاعه
الزيتون الأخضر المخلل برضه
بعتبره كده
اللى بيحب الـــلفت يتفضل
وناس ما بيحبوش
الأ البتنجان ابوووو خل
نفسى أفتح محل
للبتنجان ابوووووخل
على راى الاستاذ
شكوكو
الله يرحمه

موجود عندنا والحمد لله
اللى ملحقش فى كل الحاجات
اللى فوق دى
يتفضل
ياخد برطمان من دول
مخلل مشكل
وبس كده كفاية ملح ومخلل
متهيــــأللى كفاية
ولا أيه رأيكم؟
كل لحظة وأنتم
وهن وهم
وأنا
فى صحة وسعادة
ملحوظة
على الأخر
انا زعلانة اوى من جوجل
مش عارفه اسمه ايه؟
مخدش باله انه
يوم ميلادى برضه
حأفوتهالوه المرة دى
لكن لو كرررها
حتّصرف بقى بمعرفتى معاه

57 comments:

Unknown said...

اللهم أعنا على ذكرك
وشكرك وحُسن عبادتك

لــــ زهــــــراء ــــولا said...

نورااااااااااااااااا


كل ثانيه وانتى بخير وسعاده هنا
يارب يحقق لكى كل احلامك وامنياتك
مية سنه فى سعاده وهنا

انا باعشق مخلل الزيتون والخيار

يارب على طووووووووول فى سعاده وهنا وفرحه

زهـــــراء

Unknown said...

ياااااااااااااارب يخليكم لى يالولا أنتى وزهروورة
يارب وما اتحرم من تعليقاتكم ولا متابعتكم المستمرة يارب
ويفضل الحب والود قايم كده بينكم وبينى على طول
كل لحظة وأنت بألف خير يازهراء الجميلة

عندما نحب said...

و مين جوجل ده اصلا يا ست نورا
احنا معاكى و حواليكى اهم و احلى من جوجل
و بعدين جوجل كان حيجيب تورت و عصير و الحاجات العجيبه دى
لكن انتى احتفالك احلى واجمل و يعدل النفس بصحيح
لا بجد حلوه قوى فكره المقبلات دى و المشهيات
شكلك زيى ملكيش فى الحلو

كل سنه و انتى طيبه يا دكتوره و عقبال السنين الجايه و تبقى كلها فرحه و خير و سعاده

-_- said...

انا جعت

Unknown said...

دكتورة علا
وبعيدة عن الملل
خااااااااااالص
متشكريين يادكتورة على الكلام الحلو دا انا فعلا باحب الحوادق جدا وبفضلها على الف تورتاية.كل لحظة وانتِ واولادك بألف خير.

Unknown said...

يادكتور شارم
هات العيش وأتفضل
المدونة واللى فيها
تحت أمرك أتفضل بالهنا والشفا

حفيدة عرابى said...

كل سنة وانت طيبة وبخير وسعادة
وعسولة
المفروض احنا اللى نحتفل علشان ده من حظنا الطيب


بس العزومة اللى انت عاملاها دى
مقصودة يعنى:)
لانى من مجانين الحوادق عموما
شكرا جزيلا

فاتيما said...

كل سنة و انتى طيبة يا نورهانتى
عيد ميلاد سعيد يا حبيبتى


و كل دا بوفيه ؟؟
دا حاجة معتبرة ع الآخر
هتبوظلوبنا الريجيم
اللى بقالى خمس سنين بعمله ؟!!!
اينفعشى كدا

و تعالى هنا
ضوحكتى علينا
و مقولتيش ماذا تتمنى
للسنة الجديدة

انا سخصياً
بتمنالك كل الخير يا حبيبتى
و تفضلى طيوبة زى منتى
و ربنا يسعد كل ايامك

بوسات
و حضونات
و

http://www.glitter-graphics.com/graphics/914250

خواطر شابة said...

ولا يهمك من جوجل المثل بيقول اللي ميعرفك يجهلك
سنة سعيدة اتمناها لك ان شاء الله وجميل هذا العيد الميلاد المختلف أنا ايضا اعشق الموالح وهناك اشياء مما ذكرت موجود عندنا هنا
باقة ورد كبيرة اهديها لك مع اطيب المنى بحياة سعيدة ان شاء الله

momken said...

كل سنه وانتى طيبه ياستى

طيب جنب الابيتيزر ده كله مافيش حاجه نغمس

يعنى اى خضار او سمك

على العموم انا اول مره احضر عيد ميلاد
من غير حجات ساقعه وتورته جاتوة

علشان كده يوم ميلادك مش هيتنسى ابداً

كل عام وانتى كل الخير


تحياتى

مجداوية said...

السلام عليكم

أنا فهمت في الآخر ليه وزعتي مايه
:)
بس دي بيسموها فواتح شهية
ها
فين بقى الأكل

كل عام وأنت بخير
وعمر سعيد مديد في طاعة الله

Ramy said...

كل سنة و انتى بخير

و تكون السنة دى احسن من اللى فاتت

بس اية عيد الميلاد دة مخلالات و بس فين الأكل (:(:(:

بالرغم انى من عشاق الخلالات بس هنطر نقللها مع الحرب القادمة للمياة

بس سيبك من دة كله تيجى السنة الجاية و تحققى كل اللى تتمنيه

Anonymous said...

كل عام وانت طيبة وبخير ولك ما تتمنين يافندم

Anonymous said...

السلام عليكم:
أطال الله عمرك في طاعة الله..
حازم

أمل حمدي said...

كل سنة و انتى طيبة يا نور
يارب يحقق لكى كل احلامك وامنياتك

Unknown said...

حفيدة عرابى
دا انا اللى أحتفل
بصداقتكم ومعرفتكم
بجد حضرة الحفيدة وادينا
بقينا جيران واصحاب على الفيس
بوك فأهلا بكِ مرحبا.اما المخللات مش حأقولك بقى طلعنا فى الهوا سوا فى حبها:):):)

Unknown said...

فــــــاطيما عندنا
أحلى روح وقلب ماما هنا
يامرحبا يامرحبا يامرحبا
تسلمى وتعيشى يارب ويريح قلبك بما تريدى وتهفو اليه روحك وقلبك انتِ وكل أم يارب
ومتشكرة على بوكية الورد
الجميل دا كل رقة وجمال.

Unknown said...

خواطر شابة
الله يخليكِ يانوجا يارب
عجبتك السفرة:اتفضليها
اكيد طبعاً فيه أكلات مشتركة بينا وخاصة المقبلات والمخللات.
أما جوجل معلش حأسامحه المرة دى بس:).نورتينى يانوجا

Unknown said...

momken
أيوووة أنا قصده
كده يكون مختلف ولا يُنسى
أما الغموس فخليه عليك أتصرف:)

Unknown said...

مجداوية
وعليكم السلام ورحمة
الله تعالى وبركاته
لأ معلش بقى أنا قصدت
فتح الشهية فقط أما بقى
المأدبة فعلى كل ضيف أن يتصرف:)
نورتينا ياماجى المهم عملتى أيه فى الأمتحان؟طمنينا

Unknown said...

Ramy
وأنت طيب وسعيد
يااستاذ رامى
المهم قول يارب أستر فعلاً وما تحصل اى حرب خالص لا على المية ولا على اى شىء فيها ايه لو الناس تبطل تتخانق؟.

Unknown said...

Hina wi Hinak
وكل لحظة وأنت بأتم الصحة والعافيةوالسعادة يارب.

Unknown said...

استاذ حـازم
شكراً يافندم وادام
عليك نعمهُ ظاهرة وباطنة
وأعظمها نعمة الرضا بما قسم الله لنا.

Unknown said...

mohamed ghalia
الف مبروك يامحمد الف مبروك
أنت تستحق كل خير .اما الحضور فهذا ما لم أستطيعه لكن أعتبرنى كانى موجودة بالضبط وكمان اكيد أنت حتحط الصور ولو كمان فيلم على اليوتيوب يبقى كاننا معاك وأحنا فعلا معاك بقلوبنا.مرة تانية الف مبروك يامحمد غالية.

Unknown said...

ماما أمولة
وأنت بالف خير يارب
ويعطيكى الصحة والقوة يارب.

كلمات من نور said...

كل عام وانتي إلى الله أقرب ولطاعته أدوم يا نورهاتي الجميلة ...جوجل مبيفهمش احنا بنغهم وبنهني ونطبطب عليكي لو زعلتي منه الوحش داه .فرنساوي قال !!!!هههههههه

مخللات جميلة ترفع الضغط حلو خالص ...تسلم الأيادي

ahmed_k said...

كل سنه وأنت بألف خير يا دكتوره
وعقبال طووووول العمر ليكي بإذن الله

وغريبه أول مره أشوف عيد ميلاد بالمخللات
أمال الشموع حتتحط فين ؟؟؟
في زتونه ولا لمونه هههههه

كل عيد ميلاد وانتي طيبه وموسعه صدرك على عم جوجل

سمع هوص (Abo 3li) said...

كل سنة وانتي بصحة وسلامة يادكتور...

KEBLAWYAT said...

كل سنه وحضرتك طيبه يا دكتوره

richardCatheart said...

ايه دا
هى دى الاعياد
انا هاضرب البتنجان المخلل كله
واللى يحصلنى يكسرنى
كل سنه وانت من احسن لاحسن ويارب ديما فى رضا الله وفى حب من كل اللى حوليكى
ويملا قلبك وحايتك نور يارب يانور

هابى برزداى تويو هابى برزداى تيو
هابى برزداى تو نور هابى برز داى تو يو
يلا انفوخى فى الخياره المخلله اللى عايزه اللاكل دى
عقبال مليون سنه يارب
لللللللللللللللللللللللللولى
وادى زغروطته العيد الميلاد
احنا كده بصره مواليد نفس الشهر ونفس البرج

قلم رصاص said...

كل سنه وانتي طيبه يادكتوره
وعقبال 100 سنه في سعاده وصحه وتقدم

بس ايه كمية المخللات دي كلها
انا هعطش جدا ومش هيكفيني مية النيل

وجوجل معندوش حق
دايما كدا العالم دي مضطهدينا نحن العرب
هههههههههههه

تقبلي مروري وتحيتي

Tarkieb said...

كل سنة و انتى طيبة شكل الليمون والزيتون يجنن الباقي بقى مقدور عليه

soly88 said...

عام جديد
يا ترى احلامك تحققت ؟
اتمنى لك الصحه وراحة البال

Unknown said...

كلمات من نور
وكل لحظة وأنتِ بألف صحة وعافية ياأم الأولاد ربنا يخليكم لى وما أتحرم منك ابداً ويمتعك بالصحة والعافية أنه على كل شىء قدير.

Unknown said...

ahmed_k
الله يخليك ويحفظك يارب ياأستاذ أحمد .بس ايه رأيك فى الأبتكارات
مش تجديد برضه؟الناس زهقت من الحلو نجيب الحادق شوية:)وحنوسع صدرنا على جوجل علشان خاطرك حااااااااضر.

Unknown said...

سمع هوص (Abo 3li)
وكل لحظة وأنت بخير
ياابو على ياطيب

Unknown said...

قبلاوى
وأنت طيب يادكتور
وربنا ما يحرمنى منك يارب.

Unknown said...

richardCatheart
شفتى؟ادى اعياد الميلاد :)
ربنا يخليكى يارب ياقلب الورد
والفل والياسمين وما أتحرمش من
زغاريطك أبداً ولا أغانيك كمان الحلوة دى.

Unknown said...

قلم دهب
عيار 1200
ياالف أهلاً وسهلاً
ولا يهمك لو عايز ميه تانى أبعت اشترى أمحل على الناصية طوالى:)
ربنا يخليك حضرة المحامى الهُمام

Unknown said...

Tarkieb
وكل لحظة وأنت بخير
ياتراكيبووو يافنان
واللى عايزه أتفضل خده
ولا يهمك بالهنا والشفا

Unknown said...

soly88
ياتلاتمية مرحبا ياسولى
ايه الغيبة الطويلة دى
ارجع بقى كفاية كده اما الأحلام فحتفضل أحلام لانها متهيأللى أحلى وهى أحلام :)

مجداوية said...

فيه تدوينة لك اسمها سبحان الله كل ما أفتحها ملاقيهاش وألاقي التدوينة دي ؟!!

هي لابسة طاقية الإخفا ولا إيه ؟

:)

Unknown said...

ياحبيبتى يامجداوية:)
دى كانت فى دور الأعداد
يعنى تقدرى تقولى لسه بتطبخ:)
وبعدين دووووووست الزرار غلط نزلت قبل ما تخلص فرجعت وحفظتها درافت لحد ما تخلص
تسلملى يارب وتفضلى متبعانى كده على طول

مجداوية said...

السلام عليكم
:)
:)

تدوينة جملي إظاهر
على العموم سويها على مهلك وقت ما تستوي أنا محضرة نفسي عشان آكل
والرجل تدب مطرح ما تحب يا دكتورة ولازم أكون متابعة طبعاً

المشكلة إن بروفة التدوينة لسه موجودة ومتشالتش
:)

gmr14 said...

ههههههه
مساء الانوار
بوست حلو.. رغم المخلل
صحة وعافية ويارب كل عام انتي بخير
والسنة الجاية تحتفل فيكي قوقل ان شاء الله.. بااااااي وشكرا على المخلل

Anonymous said...

ههههههههههه

طب انا عايز بسبوسة وكنافة ماليش دعوة

:D

Unknown said...

مجداوية
الطبخة استوت بحمد الله
وأتحطــت على السفرة كمان
ياوووه قصدى أتحطت فى المدونة:)

Unknown said...

gmr14
مساء الفل ياقمر14
وكل لحظة وأنتِ بألف خير
يعنى أنتِ متأكدة؟ماشى :)لأنى
حتصرف لو ما صلح الغطة دى:)

Unknown said...

سمو الامير
قضيها مخلل معلش:)
حنجيب لك البسبوسة منين دلوقتى؟:)

Unknown said...

الحمد لله والشكر لله.

maxbeta3zaman said...

يانهار ابيض بقى اليوم ده هو الذى نورت فيه النورهاتى التى لا تصرخ ولا تهاتى ...الف نهار مبروك وعاما يتلوه أعوام لو كنت دريت كنت بعثت الكارت اللى لف الدنيا كلها واستقر فى البلوج!! كنت وضبته كده وحطيت جواه دسدتين جاتوه على 2 كيلو شيكولاته من النوع المفتخر ..بس انت عامله حفلة مخللات ومأكولات شرقيه جامه جدا نتمنى لو ان لدينا شاليموه هائل فنلقف به ما بداخل كل هذه الأطباق بشرط خلوها من الكلسترول
كل سنه وانت طيبه وكارت 123 مخصوص عشانك ... حايوصللك بطريقتهم دىولو بعد 3-4 سنين بس حابعته حابعته
كل سنه وانت طيبه يانورهاتى

Unknown said...

maxbeta3zaman
ماكس بتاع زمان
ودلوقتى وبكرة كمان
كده إحتفالى كمل
والكمال لله وحده
وجودك وتعليقك
شرفنى زى ما معرفتك وصداقتك
زادتنى شرف .متشكرة لكل كلمة قلتها
(وفى أنتظار الجاتوة ولو بعد سنة حنستناه حنستناه :):)ولا أقولك اعتبره وصل مش مشكلة (الطيبات أحسن:)
كفاية ذوقك وفضلك.

Brennan Adams said...

ولا يهمك من جوجل المثل بيقول اللي ميعرفك يجهلك سنة سعيدة اتمناها لك ان شاء الله وجميل هذا العيد الميلاد المختلف أنا ايضا اعشق الموالح وهناك اشياء مما ذكرت موجود عندنا هنا باقة ورد كبيرة اهديها لك مع اطيب المنى بحياة سعيدة ان شاء الله

Staceypmyj said...

كل سنه وانتى طيبه ياستى طيب جنب الابيتيزر ده كله مافيش حاجه نغمس يعنى اى خضار او سمك على العموم انا اول مره احضر عيد ميلاد من غير حجات ساقعه وتورته جاتوة علشان كده يوم ميلادك مش هيتنسى ابداً كل عام وانتى كل الخير تحياتى

Unknown said...

Brennan Adams
Thank you 4 your kindness

Unknown said...

Staceypmyj
إيوة أحنا بتوع الإبتكارات
!!!أوماااااااااااال
معلش لأنى أتأخرت فى الرد :)

Post a Comment

قول ولا تجرحـش