Friday, April 2, 2010

كان حيشتغل !!


walking Pictures, Images and Photos


من كام يوم كده
ماشية فى حالى
لا بيا ولا عليا

عـربية أخر
عظمة من اللى

بيقولوا عليها

Car Pictures, Images and Photos

فور باى فور ولا فور باى ايت ؟

قعدت تزمررررررررررررر
ايه ياعم ما انا ماشية فى حالى
اهوه وعلى الرصيف فيه ايه
بيببببببببببببببببببببببببببببب

الله ايه؟!هم منعوا المشى على الرصيف كمان ولا ايه؟
بيببببببببببببببببببببببببببببببببببببببببببببب
قلت لأ بقى!! لابد من وقفة
لوضع حد لهذا الأمر
خليكى حازمة


المهم وقفت والتفت ابص على العربية واللى سايقها
لقيت واحدة ضربه شعرها فى الخلاط وايه يعنى !!
وبتضحكلى اوووى كأنها تعرفنى !قعدت أقدح فى الذاكرة
هو انا اعرف حد ضارب شعره فى الخلاط؟

وكمان عنده العربية الأبهة دى!!
ياتررررى مين؟ ياترررى مين
المهم الست لمّأ لقت مافيش فايدة يظهر
والحكاية حتقلب بكسفة لها ولىّ
ندهت على بأسم من زمان ما سمعتهوش
!!لأ
بقى دى تعرفنى أكيد
المهم لقيت الست ركنت ونزلت واخدتنى بالحضن
ايه فينك من زمان وازيك والكلام اللى انتم عارفينوه دا
انا فلانة اللى كنت معاكى فى المدرسة !!!
والله فلانة اللى كنتى معيا فى المدرسة !!
اهـ ما عرفتنيش ؟!
الصراحة لأ ما عرفتهاش
لان كل تركيزى كان فى العربية
اصلها حلوة خالص
ومريحة خالص خالص
وكمان فيها تكييف !
ايوة ماهى حلفت لزم توصلنى للبيت
المهم الصراحة قاسم السماوى
كان حيشتغل وحيبتدى ينخرب فى نفساويتى
لكن الحمد لله الست بصت الناحية التانية وشفت
شىء فكرنى بسرعة بنعمة ربنا عليا
صف اسنانها الشمال الفوقانى طاير بالكامل
Smiling Teeth Pictures, Images and Photos
ولقيت الست من غير ماأسألها
بتقولى عن أمراضها:
السكر ياحبيبتى من سنين فقدلى سنانى
وزود عليها الضغط والقلب
والحمد لله رب العالمين
انا لا عندى عربية زيها
بس لا عندى سكر زيها
ولا ضغط زيها
ولا سنانى وقعت زيها
وباكل بسبوسة
وأيس كريم
وحلاوة المولد
(طبعاً باعتدال)
بأكل ده
وبأكل مخلل وطرشى
وكمان فسيخ فى شم النسيم
والف حمد وشكر لله رب العالمين
وربك سبحانه وتعالى هو
الرحمن الرحيم
مقسم الارزاق
الله العدل

30 comments:

سمع هوص (Abo 3li) said...

المهم بعد ده كله .. مفتكرتيهاش؟؟؟

هههههههههههه... الحمدلله علي كل نعمه علينا...

بس تعرفي .. فكرتيني بمشهد من فيلم الف مبرووك.. لما زميل احمد حلمي في الشغل كان بيقارن بينه وبين حلمي.. وبيشرح للمستجدين... واحمد حلمي دخل عليه... وقعد يعرفهم الفرق الحقيقي... فاكرة المشهد ده؟؟

Unknown said...

بسم الله ماشاء الله
ربنا يزيد ويبارك
تصدق ياأبو على وتـأمن
بالله انا لسه بحضر
أحط التعليق الاولانى
وهو آية قرأنية لقيتك
انت التعليق الاول
والله برافوا عليك
وأشكرك كثيراكثيراكثيراًكثيرا
كفاية كده؟:)ولا
استمر؟:)المهم لقيتك سبقتنى
وعلى هذا أعلنها صريحةمدوية
انك انت
الأوووووووووووووووووووووول
بلا منازع.

سمع هوص (Abo 3li) said...

احم احم... طب مفيش جايزة للأول؟؟

Unknown said...

نسيت اقولك
وصدقنى انا ما بشوف
افلام بالكامل!وأن شفت بتبقى
بعيد عنك مقطعة لأما بفعل فاعل لأما لانى بأقوم اثناء المشاهدة
لأما بأنساها بمجرد المشاهدة
لأما وهو الأحتمال الأكثر انا بتفرج على افلام اجنبية أكثر من العربى
زى الفيلم بتاع براد بيت
اللى حطيت الرابط بتاعه
فى تدوينة فى صعبان على حالنا (الأولى)وخدلى بالك.

Unknown said...

حأدعيلك بالستر والصحة
وحُسن العاقبة باذن الله
أظن بقى أحسن جايزة
الستر والصحة وحُسن العاقبة
ليست جائزة واحدة ولكن ثلاثة
جوائز خليك فاكر :):):)

سمع هوص (Abo 3li) said...

شكرا يا دكتورة نور ياقمر علي الدعوة... اللهم امين

وطبعا فاكر البوست بتاع الفيلم... انا كمان مبحبش الافلام العربي... بس بتفرج علي افلام حلمي بس...

Unknown said...

صراحة هو يستحق
الفرجة عارف ليه؟
لأنى بأحس أنه مجتهد
بيحاول وبيطور نفسه
وكمان حكاية المقالة
اللى بيكتبها اسبوعيا
فى جريدةالدستور

KEBLAWYAT said...

الحمد لله على كل نعمه

الحمد لله على نعمة الاسلام


اخيرا لقيت حد بيحب الفسيخ .. انا بحبه اوى .. انا بفكر اتقدمله اصلا

Unknown said...

دكتور قبلاوى
بجد هو فيه حد بيكرهه!
عايزة اقولك أن أول مدير
لى كان عنده مصنع فسيخ!ورثه من اسرته وكتير كنا نوصيه يجيب
لنا(بأسعار مخفضة)ياه ذكريات
فكرررررتنى يادكتور:)

richardCatheart said...

لالالالا ياختى ربنا يكفينا بالصحه والستر
اكلت فسيخ زى اللى قولتى عليها دى لاتقدر بثمن يامى ولا 100 عربيه فايف باى فايف
والله بقال 10 ايام بجهز لشم النسيف ولمه الفسيخ والرنجه يانور وضربى دور لوز وبرد والدكتور منعنى منهم وقالى لو اكلتى انا مش مسئول قولته وحضرتك اكل ايه فى شم الفسيخ فول

الحمد لله رب العالمين على كل نعمه الغاليا علينا وربنا يدمها علينا
ويكفينا شر الامراض يارب

بصى بقى عجبنى البوست اوى والصور دمها شربات والكتابهمع الكتابه كله دمه خفيف

تسلمى يانور
تقبلى مرورى

Unknown said...

richardCatheart
تسلمى وتعيشى
وتأكلى وتتهنى
ايه دا شعر
يااخواتى شعر
هههههههههههههههه
الأحتياط واجب وبدال
الطبيب قالك مش مسئول
تبقى الحكاية جد:)أستنى لما
تخفى تماماً وأبقى كلى اللى نفسك فيه بعد كده الأيام قدامك والفسيخ متوافر وبكثرة
ما تستعجليش
وأسمعى كلام الطبيب.

Anonymous said...

هو رزق من ربنا يادكتورة زى67 ماحضرتك عارفة
العربية الجميلة والمرض
والمشى67 على67 الرصيف والصحة
المهم ربنا يرزقنا فى67 كل الاحوال
الرضا بحالنا
دى67 اهم حاجة

متهيألى67 عرفتينى67 خلاص بقيت مميزة

جمعة مباركة بأذ1ن الله

تــركــي الــغــامــدي said...

أسلوب شيق ، وحوار أكثر من رائع فعالم القطط يساعد على قول مالانتمكن من التطرق إليه أحياناً ، ولهذا كنت فرحاً بأن هناك من شاطرني عالم القطط أسوة بقصة (يوميات مشمشة) التي طرحتها في مدونتي منذ مدة راجياً لنا ولك من الله تعالى التوفيق ، والصحة الدائمة ، آمين وجميع المسلمين .

عين فى الجنة said...

متعك الله بالصحة والعافية

محمد خالد said...

اللهم لك الف حمد وشكر يارب ,, ربنا يديم عليكي نعمه دوكتورتي الغالية الطيبة

بس علشان خاطري بلاش الفسيخ :(

أحلي اصطباحة .. انا عملت لحضرتك كوباية شاي بالنعناع وبعدها هنحلي بالايس كريم ان شاء الله

ومش مهم العربية خالص :)

حصان المرجيحة said...

والله تسلم ايدك
فعلا الحمد لله علي كل حال
و دايما علشان نرضي
لازم نبص للي اقل مننا

لــــ زهــــــراء ــــولا said...

دكتوره نورااااااااااا
ياريت كل الناس يقدروا يعرفوا ان كل واحد ربنا يهب له نعم مش موجوده عند اى حد غيره
بس للاسف كتير من الناس قاسم السماوى واكتر كمان من عم قاسم
ربنا يكرمك ويديم عليكى نعمه
تقبلى اطيب الامنيات بالسعاده

زهراء

زهرة(جنى)الاسلام said...

السلام عليكم
بوست رائع ومفيد
ولازم نحمد ربنا على كل شى ولازم نقول لعلة خير فى كل شئ

well said...

الحمد لله على نعمة الصحة
الحمد لله على نعمة الايمان
الحمد لله على نعمة السلام
الحمد لله على نعمة الاسلام

خواطر شابة said...

الحمد لله على نعمة الصحة
الحمد لله على نعمة القناعة فهي كنز بغيرها كل اموال الدنيا لن ترضينا ولن تكفينا وسنبقى دوما عندنا رغبة في المزيد
سؤال بس بالنسبة للفسيخ هل السمك يؤكل نئ فقط مجفف ?

P A S H A said...

ألف حمد وألف شكر ليك يا رب

البوست هاااااااايل بجد .. وعجبتني قوي الرسوم ههههههههههه

حلو البوست المتحرك ده .. جديد جديد ما فيش كلام .

خالص تحياتي وعميق تقديري

:)

سلام

Unknown said...

حضرة العربية الهُمامة
الشهيرة ب 67 67
ههههههههههههه
أهه والله نعمة من
الله وكل نعمه عظيمة
والحمد لله.ماله المشى على
الرصيف(لمّا نلاقيه )مش كده:)
نورتينى وأسعدتينى حضرة الأستاذة

Unknown said...

أستاذ تركى الغامدى
ايوة عالم القطط عالم
رائع ما هو من صنع الله سبحانه
وتعالى الخالق البارىء المصور
وآمين لكل دعوتك لنا ولكم ولجميع المسلمين..

Unknown said...

أستاذ راجى
لنا ولكم
وللمسلمين أجمعين.

Unknown said...

الدكتور محمد
وعليك وعلى اسرتك يارب
ومعلش بقى يامحمد:)دا يوم واحد فى السنة يعنى مش حنكتر ولا حنكرر:)وتسلم ايدك الشاى مضبوط توووووووووومام
والأيس كرررررريم كمان

Unknown said...

حصان المرجيحة
وتسلم من كل شر
يارب ولو شكرنا أناء الليل وأطراف النهار ما وفينا ماعلينا من الشكر.

Unknown said...

لولا وزهــراء
بعيد عنك يازهووورة
دول بيبقوا مساكين ما بيستمتعوا بشىء الحسد
بيسمم حياتهم لانهم فى مقارنة مستمرة بين اللى عندهم وعند الناس.ربنا يرحمنا ويرحمهم.نورتينا يازهـــراء

Unknown said...

well
(الحمد لله على نعمة الصحة
الحمد لله على نعمة الايمان
الحمد لله على نعمة السلام
(الحمد لله على نعمة الاسلام
الف حمد وشكر لله رب العالمين.

Unknown said...

P A S H A
الحمد لله رب العالمين
يعجبك خدهـ:)ما يغلاش عليك
ياشريف باشا.

Unknown said...

خواطر شابة
الحمد لله رب العالمين
على كثير نعمه لا تعد
ولا تحُصى.اما الفسيخ فيؤكل
مجفف ومملح لمدة طويلة جداً .

Post a Comment

قول ولا تجرحـش