Saturday, March 27, 2010

يـــا صديقى ساعدنى!


يا صديقى ساعدنى

لا أريد زوجاً ولا حبيبا

اريد صديقاً

من غير بنات جنسى

اريده يصادقنى ويصدُقنى

يكلمنى عما فى نفسه

وأحادثه بما لا استطيع

البوح به لبنات جنسى

هناك أماكن وتجارب تُلم انت بها

ولا تستطيع صديقاتى الإقتراب منها

تُعرض عــليك أشياء

تقابلك عــقبات

تشاغلك إغراءات

تكره تصرفات

وتحب تصرفات
تحفزك أحدهن لتحبها

وتجبرك أخرى لتحترمها

وتدفعك ثالثة لأحتقارها

فلمّّا احببت هذه

وأحترمت تلك

واحتقرت الثالثة

ياصديقى

جــــــاوبنى

.
.
.
.
.
.
من وحى رسالة

أُرسلت إلىّ
.


83 comments:

norahaty said...

يــارب
يامسهـل

z!zOoOo said...

السلام عليكم

صباح الخير

ازيك يا دكتوره

يارب تكوني بخير دايما

مبروك علي المدونه الجديده

يارب تبقي فاتحه خير عليكي

وربنا يوهبك الصحبه الخيره المحبه في الله

الي يفهموكي وتفهميهم

ربنا يوهبك السعاده ويريح قلبك

تحياتي

فكرة من الزمن ده said...

صباح الانوار
يا نوار
مبروك البيت الجديد
جميل جدا البوست
ومعناه اجمل
فعلا كثيرات مننا تحتاج الصديق
في ظروف لا تعترف بهذه الصداقة
والمحظوظات بس هما اللي بيلاقو الصديق ده في الاب او الاخ ثم بعد ذلك في الحبيب الزوج
تحياتي

مصطفى أبوزيد said...



السلام عليكم
مبروك الناس اللي عزلت بس البيت الجديد شبه القديم بالظبط
:D

شخصيا أنا متحير و ليس لي رأي ثابت في هذا الكلام الرائع
فكثيرا ما احتجت لصديقة تفهم مني ما لا يفهمه أعز الأصدقاء
و لكن دائما أتراجع و أقول المجتمع لا يسمح

ربما هذا هو أول الأسباب التي تجعلني أسعى جديا للإرتباط هو إفتقادي لذلك الانيس الطيب و الشريك المقرب

تسلم إيدك يا دكتورة

و تقبلي مروري

لولا وزهراء said...

صباح الفل على احلى دكتوره نورا

حلو البوست اوى اوى ويمكن لانى اقول على الدوام ان اصدقائى هم رأسمالى فى الحياه ...
طبعا انتى تتكلمى على الصداقه بين الولد والبنت واعتقد ان فى ناس كتير مش بتفهم الصداقه دى يعنى فى ناس ممكن تفهم انها حب او رغبه فى الارتباط وده لان نظرة المجتمع لهذا النوع من الصداقه نظره غريبه شويه ...
الحمد لله ربنا سبحانه وتعالى وهبنى اصدقاء بجد اى حد يتعرف عليهم يقول لى يا بختك باصدقائك وعمرى فى حياتى ما سعيت انى افقد اى صديق واحاول انى احافظ عليهم لاخر يوم فى عمرى ...
ربنا يحفظك ويحفظ لى اصدقائى يااااااااااااااارب

زهراء

احاسيس آيوشه said...

ايه ده هو حضرتك عزلتى من غير معرف :(
طيب الف مبرووووووك على المدونة الجديدة

اقول لحضرتك حاجة على الرغم انى فعلا العادات والتقاليد فى مجتمعنا وكمان الشرع حاطط حدود للعلاقة بين الرجل والمراة ومفيش عندنا حد بيقتنع بموضوع الصداقة ده
بس كتير اوى ده ان مكنش فى الاغلب وخصوصا بعد ما عرفت التدوين انا لما بحب اتكلم فى موضوع او اخد راى حد او العكس بيكون فى الاغلب صديق مش صديقة
معرفش يمكن علشان كل واحد محتاج يفهم الطرف التانى وعنده فضول يعرف بيفكر ازاى وبيكون عنده صبر على ده
لكن بصراحة فى اغلب الاوقات الصداقة دى مش بتكون شئ كويس ومهما حصل وطالت المدة اكيد هيقع فى قلوبهم حاجات تانية
جميل اوى البوست وجميلة الكلمات يادكتورة
تسلم ايديكى

norahaty said...

z!zOoOo
وعليكم السلام ورحمة
الله تـــعالى وبركاته
ومساء الفل يازيزووو
الله يبارك فيك يارب ويحققلك
كل أمالك واحلامك ويوفقك فى
حياتك ويعوضك عما فُقد منك.

norahaty said...

فكـرة من الزمن دا
الله يباركلك يافكورة يارب
ونتمنى كلنا أننا نلاقى الصديق
الصادق اللى يبقى نعم الصاحب
والناصح فى الحق.

norahaty said...

مصطفى أبوزيد
الله يباركلك يارب
اصل عزلت بالغصب عنى
وبعدين ما بحبش أغير الأماكن
الأ وانا مضطرة.ربنا يوفقك للأنسانة
اللى تستاهلك وتحققلك أملك.

norahaty said...

لولا وزهراء
دا ذوقك يازهوررة
اللى بيخليكى شايفة
كل حاجة جميلة وحلوة .
ربنا يديم عليكِ نعمته ويخليك
اصحابك الطيبين دول.

norahaty said...

احاسيس آيوشه
تقدرى تقولى مش عزلت
لكن المدونة جالها إخلاء
وكمان أتجمدت ياأيووووش
يابنت خالى على رأى زعيم
حزبناالاستاذ المحترم المعتصم
المنتصر ربنا يرجعه لنا على خير
وبالتالى كان لازم ولابد أعزل
وووووووووووووووووووعزلت:(

TIMMY !! said...

السلام عليكم و رحمة الله يا د.نور ,

طبعا كل واحد نفسه في صديق ,
لكن متهيأ لي الأحسن يكون من بني جنسه , علشان يفهمه أكثر ,
و علشان ما تكونش الصداقة محرمة
لكن المشكلة في الزمن ده إن الصداقة بقت عملة نادرة , زي البريزة الورق .. نادرة برضه :)

norahaty said...

TIMMY !!
وعليكم السلام ورحمة
الله تـعالى وبركاته
يابـاشمهندس تيمى
فعلاً هى بقت نادرة
ســواء نفس الصنف
او مختـلفى الصنف.

mhmdwahab said...

يعنى تشترى مدونة ثلاث ادوار جديدة حلوة و بحرى و على الناصية و فى التجمع الخامس كمان و عايزة مساعدة اما و الله دى حاجة تجنن اية يعنى عايزة تلمى حق المدونة الجديدة ولا اية يعنى هى ناس تشترى مدونات و ناس تدفع؟

norahaty said...

mhmdwahab
وعليكم السلام ورحمة
الله تعالى وبركـاته
يافندم أحنا مش عايزين
غير الستر والصحة ورضا ربنا
سبحانه وتعالى بعد كدا أى شىء
مش مشكلة يجى ما يجى مش مشكلة
نورتنا استاذ محمد.

سمع هوص (Abo 3li) said...

يمكن فيه ناس كتير بتعارض فكرة الصداقة بين الولد والبنت...
ومبيعترفوش ب انها ممكن تكون صداقة مجردة من اي حاجة تانية...
بس انا فعلا ليا صديقة في معزة اختي... بناخد رأي بعض في كل حاجة.. انا اتكلمت عنها قبل كده في بوست عندي...

النوع ده من الصداقات رغم ان المجتمع بيعرضه الي حد ما... لكن بيكون مفيد جدا للطرفيين..

تحياتي يادكتورة نور

لولا وزهراء said...

السلام عليكم ورحمة الله وبركاته
ازيك يا قمر الدكاترة ...حلو البوست بس مش عارفة انا لا اعترف بالصداقة بين الولد والبنت فمعرفش قوي الاحساس ده ممكن اشعر به ولكني لا اعرفه

لـــولا

أبو حميد said...

طبعا يا دكتورة حضرتك عارفة رأيى من البوست بتاعى عن الموضوع ده
تحياتى

يا مراكبي said...

على فكرة .. نفس الأمنية موجودة لدى بعض الرجال أيضا

لكن المشكلة بتكمن في ندرة هذا النوع من الأصدقاء الذين يتفهمون جيدا تلك الحدود الدقيقة والخيوط الرفيعة جدا بين الصداقة البريئة وما يمكن أن يتخطاها من إعجاب وحب وخلافة

الصديق عموما عملة نادرة هذه الأيام

راجى said...

مبروك المدونة الجديدة والموضوع مهم جدا

micheal said...

تصدقي..أنا كل أسراري تقريبا مع زمايلي البنات مش الولاد
:)
تحياتي

د/عرفه said...

سلام عليكم

كيفك دكتورة


أظن انه الصداقى الحقة من افضل نعم ربنا


بالنسبة للصداقة بين الولد والبنت
صعبة جدا ولو على النت بس حتى
مهما يكون فيه واحد منهم ممكن يتأثر فالانسب الصداقة بين بنى الجنس الواحد هيفهموا بعض احسن

richardCatheart said...

اولا الف مبروك على الفيلا الجديده ويارب تكون عتبت خير عليكى وتمتعينا
ولو محتاجه اى مساعده فى فرش البيت اختك ريتشارد موجوده

كلامك صح وجميل
كفايه يكون فى صديق واحد من الجنس الاخر
وخصوصا لو الصديق دا مرتبط وانت مرتتبطه بتكون فعلا صداقه مش لانى ببصى للعلاقه على انها لازم تقلب
لاء لانها بتكون اوقع واامن واصح كاصداقه حقيقيه ولانها فى الغالب بتقلب حب وغم وتبوظ الصداقه
احنا فى مجتمع غريب يايحرم الصداقه بين الراجل والست ياتلاقى اللى اللى عنده 15 صديقه واللى عندها 15 صديق
انا طبعا من اللى مابيشجعوهاش ودا لعدم الثقه ديما فى الشخص واغراضه الا اذا كان الصديق شخصيه محترمه فعلا تجبرك على الثقه فيها
انا عن نفسى مكتفيه بصديق واحد ذو عقل وحكمه واحترام وشخصيه مميزة فعلا
وماعتقدش انها هاتتكرر مع حد تانى نوهاااااااااااائى

تسلمى يانور
تقبلى مرورى

أحــوال الهـوي said...

هناك معوقات كثيرة في مجتمعنا و معتقادتنا و ايضا في انفسنا
قد تفند كل ما نتمناه
حقيقة قد احتاج لصديقة الجا اليها حين اعجز عن تفهم بعض المواضيع و لكن وجود مثل هذا المفهوم يحتاج الي نوعيات معينه من البشر قد تخلصوا من موروثات الفكر و العادات و التقاليد شخصيات ناضجه تاخذ الصداقة بحدودها و لا تتخطاها الي ترجمات اخري
لست ادري اذا كنت قد استطعت ايصال الفكرة ؟؟؟
ام انني الف و ادور حول المعني
تحياتي

خواطر شابة said...

ربما اناليس لدي هذا المشكل انا تربيت وسط 5 ذكور عالمي وأفكاري كانت هي عالمهم وحتى خبراتي في الحياة اكتسبتها من تجاربهم والان يشكلون بالنسبة لي أصدقاء أسمعهم ويسمعونني لن أنسى كلمات أخي لي ; في أي وقت تحتاجينني كصديق انا موجود فقط اخبريني وسأترك الاخ في البيت وسأكلمك بصفة الصديق
كلماته ترن دوما في أذني وتحسسني بالدفء وبالامان

Haytham Alsayes said...

السلام عليكم

بجد البوست رائع واسلوب جميل وكمان الانشودة تحفة

تحياتي عرفت المكان الجديد وساكون متابع ان شاء الله

nour shahen said...

هنا ولا هناك والله ما هتفرق هنروح وراكى لو لأخر الدنيا بس اكتبلك العنوان وميهمكيش

جميله الخاطره بس مش فاهمه ليه تنتحت كدا وانا بقراها علي وصلت لأخر جزء فوقت

بس ايه سر التعديل او الانتقال اذا سمحتيلى بالسؤال

واذا لا مفيش مشكله المهم انك موجوده معانا ودا اكتر شىء مهم واى شىء تانى علي رأى راغب علامه مش مهم

reem said...

ازيك يادكتورة

الف مبروووك على المدونة الجديدة

البوست بجد حلو اوى وموضوع كبييييير فيه جدال عليه كتير

انا عن نفسي بحس ان الصداقة دى بين الجنسين المختلفين ناجحة جدا لو كل واحد فيهم فاهم معناها كويس

Anonymous said...

السلام عليكم
و لماذا لا تريد زوجا لتقول له كل هذا؟
هل وصل (غسيل المخ) الي هذا الحد؟
بالمناسبة: ما معني (حبيبا)، اذا كانت هذه الكلمة مختلفة عن زوجا؟
هل من الموافق للشريعة الاسلامية أن توجد مثل هذه العلاقات بين رجل و امرأة خارج اطار الزواج؟
في الاسلام العلاقة بين رجل و امرأة غريبة عنه اما زواج و اما لا علاقة.
أعرف الكثيرين من مجتمعات غير مجتمعنا، و لا يوجد ما يسمي بصداقة بين رجل و امرأة، توجد اباحية نعم ، و يوجد زواج مفتوح نعم.
أنا شخصيا لا أحب أن يكون لأختي أو لزوجتي أو لأمي أو لابنتي (صديق رجل)، من يقبل علي نفسه ذلك فليصادق الفتيات أو حتي المتزوجات.
بصراحة البوست فاجأني يا دكتورة.
انا لله و انا اليه راجعون.
حازم

Sameh Ezzat - (خواطر خاطر) said...

مبروك المدونه الجديده يا دكتور

!!! عارفة ... مش عارف ليه said...

الف مبروك نور

وإن شاء الله تكون بداية

جديدة لمزيد من الإبداع والتألق

-------

بالفعل الصداقة من الجنس الآخر

تختلف وتضيف ابداعاً أخرى

لمزيد من تعميق وجهات النظر

كنت محقة في طرحك

تحياتي
وليد

سهيل ولى الدين علام said...

مبروك..!!المدونه وعايزين جديد فى الشكل والمحتوى والا بلاش..ة

شاب مصري مفروس said...

السلام عليكم
اولا مبروك على انك عزلتى على خير بدون خسائر
ولكن يا ترى بتحنى لبيتك القديم ولا خلاص نسيتيه
ثانيا البوست بتاعك حلو جدا وفكرته روعة
طول ما انا كنت بقراه كنت ببتسم لانه بيفكرنى بتجربه شخصية
وبيفكرنى باغنية كن صديقى للرائعة ماجدة الرومى
واخيرا اتمنى ان تقبليني صديقا لبيتك الجديد
تحيتي لكِ

سمو الامير said...

مبروك ع المدونة الجديدة يا دكتور

وجميلة أوي الانشودة والخاطرة

تحياتي :)

norahaty said...

سمع هوص (Abo 3li)
الاراء بتختلف جداً
زى ما أنت شايف
فى الموضوع دا
بالذات
وربنا يخليلك
هذه الصديقة الصدوقة
ما تقولنا اللنك بتاع التدوينة
اللى قصدك عليها دى ياأبوعلى.

norahaty said...

لـولا وزهـرة
وعليكم السلام ورحمة
الله تعالى وبركاته
يالولا الأمورة
وزى ما قلت أنا
الاراء بتختلف فى
الموضوع دا بالذات
زى ما أنتى شايفة.

norahaty said...

أبــو حميـد
عارفة يافندم
عــارفة.

norahaty said...

يـــــامراكبى
هى فعلاً حدود رقيقة
ودقيقة ورفيعة
وأحنا محتاجين
نميز بينها من الصغر
ونتعلم نميز بينها كمان.

norahaty said...

الباشمهندس راجى
الله يبارك فيك
ويباركلك يارب.

norahaty said...

micheal
بجد!!
نورتنا مايكل.

norahaty said...

د/عــرفه
وعليكم السلام ورحمة
الله تعالى وبركــاته
حمدلله على السلامة
كيف حال الشغل معاك.
أنا عارفة هو موضوع
فيه
أختلاف كتير.

norahaty said...

richardCatheart
الله يبارك فيكِ
ولكِ يارب
وربنا يباركلك
فى هذا الكنز اقصد
الصديق الذى لن يتكرر..

norahaty said...

أحوال الهوى
والهوى أحوال
حضرتك وضحت
وانا فهمت
انا عارفة انها
شىء مش سهل ومش متوافر
ولهذا أطلبه وأنا عارفة حدود دينى أولاً ومجتمعى ثانياً

norahaty said...

خواطر شابة
نعّم الأخ الصديق هذا
ربنا يحفظه لكِ يارب
ويكثر من امثاله.

norahaty said...

Haytham Alsayes
وعليكم السلام ورحمة
الله تعــالى وبركـاته
عرفت العنوان
الجديد طيب:)وياألف
أهلاًوسهلاً بك دايماً

norahaty said...

ونكمل بعد الصلاة
إن شــــــاء الله.

Tarkieb said...

مبروك الدار الجديدة ويجعله عامر و يارب وتمليها زبايين واصحاب .

نهــــــــــار said...

السلام عليكم ورحمة الله وبركاته..
مبارك البيت الجديد يا دكتوره
.....
من النادر وجود مثل هذا الصديق
...
دمتِ بخير

well said...

مبروك المكان الجديد ...

...

كل اللى يهمنى ..الاقى اللى جواكى مكتوب هنا ..
اصل جواكى نور
تحياتى

norahaty said...

nour shahen
ياألف اهلاً وسهلاً بكِ
يانور هنا او هناك
ومفيش سر ولا حاجة
المدونة الأولى مش عارفة
حصل لها ايه كل مواضيعها الجديدة
بطلت تنزل على ريدار الأصحاب (متجمد)عند موضوع معين وسكتت
وعملت كذا حاجة ومفيش فايدة
فأضطريت للأخلاء والعزال.

norahaty said...

reem
الحمد لله ياريم
ازيـــك انتِ
عاملة ايه؟
وكلامك مضبوط كل
واحد فيهم فاهم
وحافظ الحدود بينهم
نورتينى وأنستينى.

norahaty said...

أستاذ حــــازم
وعليكم السلام ورحمة
الله تعــالى وبركاته
سلامتك من المفاجأة يافندم
وكمان حمدلله على السلامة بعد غياب.

norahaty said...

Sameh Ezzat-خواطر خاطر
الله يبارك فى حضرتك
يااستاذ سامح
وعايزين نشوف
جديدك فى
مدونتـك
(فين من ديسمبر)

norahaty said...

!!!عارفة...مش عارف ليه
الله يبارك فى حضرتك
ياأستاذ وليد
ومتشكرة لوجودك
ولتمنياتك الطيبة.

norahaty said...

سهيل ولى الدين علام
الله يــبارك فيك
أستاذ ســهيل
وربنا يسهل

norahaty said...

شـاب مصرى مفروس
وعليكم السلام ورحمة
الله تعالى وبركاتـه
الله يباركلك يارب
أكيد بحن اليه طبعاً
ولولا الشديد القوى
ما كنتش نقلت:(
على العموم الحمد لله
الأنتقال بينهم سهل
واهلاً بيك الف مرة.

norahaty said...

سمو الأمـــير
الله يبارك فيك ولك
ياباشمهندس وتلاقى فى
كل كيلو متر من أرضك ياصحراء
مصر الشرقية والغربية لأما بير ميه
لأما بير بترول:أيه رأيك فى الأمنية دى؟.

norahaty said...

Tarkieb
الله يبارك فيك
ياتراكيبو وعامر
بك وبكل الأصدقاء دايماً

norahaty said...

نهـــار
وعليكم السلام ورحمة
الله تعالى وبركاته
الله يباركلك يارب
ومعترفة معاكِ
بنُدرة وجوده
بس نقول
ايه:
يارب نلاقيه.

norahaty said...

well
الله يبارك فيك
ودايماً تلاقى اللى
يهمك وينفعك فى دينك
ودنياك.

ghada mOhsen said...

هلا نورا ...

بجد خاطرتك بتعبر عن أفكار بنات كتير ...

أحيانا بتحسى هناك فرق كبير بين الصداقه لما تكون من بنت لبنت ومن بنت لولد ..

بس أنا بحس أنه مش فارقه كتير ...

أهم شي معنى الصداقه بحد ذاته

بس بجد فكره الخاطره جديد وحبيبته اوى
تسلمي ...
... ;) ,,, ;) ...

norahaty said...

ghada mOhsen
ياأهلاً فيك ياغادة
فى صعبان عليا حالنا
فى أول زيارة لها ولى.وزى
ما بتقولى هى بتبقى مختلفة
ولو بحدود الشرع والدين والعقل
بتبقى بمنتهى الجمال

Anonymous said...

السلام عليكم:
الله يسلمك يا دكتورة.
لماذا لم تردي علي أسئلتي؟
مرة أخري: من أي كتاب فقه أو أي حديث أو آية قرأنية أو فعل أو قول لأحد الصحابة و التابعين قرأت أن المرأة سواء كانت متزوجة ام لا و الرجل أيضا لهما الحق في اقامة علاقة صداقة يبوح فيها كل طرف للآخر بأسراره؟!
اذا أردت مناقشة هذا الموضوع من وجهة نظر عملية و منطقية و علمية و ليست فقط دينية، فأنا مستعد لذلك، غير أنني أري أن ردك لا يوحي بذلك اطلاقا.
عموما اذا كان هذا هو رأي نهائي لك دون الحاجة الي مناقشة، فأتمني لكل امرأة ايجاد ذلك (الصديق الرجل)، و أن يتفهم أخوها أو زوجها أو أخوها أو ابنها لحاجتها (الملحة) الي تلك (العلاقة) (الشرعية) (البريئة).
حازم

Anonymous said...

اناحفيدة عرابى67
وهتلاقى67 حلاجات عجيبة فى67 التعليق معلش سامحينى67
قرأت التدوينة من اول نشرها انا وكان عندى اعاقات كمبيوترية تمنعنى67 67 اكتب تعليق
بس وصلت لمرحلة انى67 دعيت ربنا اعرف اكتب
ربنا يستر

انا فاهمة معنى67 كلامك يادكتورة
وحاسة بالطلبات اللى67 طلبتيها
وفاهمة كويس جدا ان اخلاقك وتدينك وخبرتك وضعوا لك اطار وحدود فى67 التعامل مع كل البشر
علشان كده استغربت من الاراء المعارضة
لأن اللى67 بتتكلم مش طالبة فى67 سنة اولى67 ثانوى67 تجارى67 عايزة تكلم ولاد
انا اسفة على67 كلامى67
انا عن نفسى67 ماتعاملتش مع حد على67 انه صديق
بس بعد سنين فى67 الشغل
ربنا قدر اتعرف على67 زملاء رجال بجد
بحترمهم جدا
واى67 شغل مشترك بحب اعمله معاهم
وبستفيد من وجودى67 معاهم67 سواء فى67
الشغل او خبرات فى67 الدنيا
بحس ان الرجالة فعلا طريقة تفكيرهم غيرنا والمواضيع اللى67 بتشغلهم مختلفة
ومعلش مش غدارين زى67 الستات
ومحدش منهم بيرمى67 كلام على67 التانى67 واضحين وصرحاء حتى67 فى67 خلافاتهم عن السيدات

Anonymous said...

والدتى67 كان ليها زملاء فى67 العمل اشتغلوا سوا كتير جدا وكانوا بيزورونا فى67 البيت مع زوجاتهم وبابا كان بيحبهم جدا
واحنا كنا بنزورهم حتى67 من غير

مناسبات لكن مصطلح الصداقة نفسه مكانش بيتقال لكن معناه موجود بقوة
وكانت ماما بتعتمد عليهم فى67 حاجات كتير وبتستشيرهم فى67 امور كتير
وهما نفس الحكاية
فى67 حاجات طبيعى67 ماينفعش تتقال لحد
وربنا امرنا بعدم الخضوع بالقول
وفى67 حدود فى67 الكلام والمعاملة مع كل البشر
لكن فى67 ناس ناضجة لما تتكلم سوا الطرفين بيستفيدوا
ودى67 مش حاجة حرام
والصداقة مش معناها انحلال واباحية وخلوة وكل الكلام الكبير الذ1ى67 لا ينطبق على67 الحالة هنا
معناها اللى67 فهمته انا من التدوينة
ناس ناضجة بتتفاهم بدون اغراض
مش لازم علشان نكون اصدقاء نكون بنغضب ربنا
وبنعمل علاقات غير شرعية وغير بريئة
الرحمة حلوة

norahaty said...

أستاذ حازم
عليكم السلام ورحمة
الله تــعالى وبركاته
وأنا معك أتمنى هذا.

norahaty said...

حفيدة عرابى
هو انتى حبيبتى حفيدة عرابى؟
ولا حد تانى منتحل الشخصية؟
داخلة ليه غير معرف؟
طب ايه اللى جرى
لكومبو ماله؟ وايه حكاية
67اللى كل شوية تتكتب دى؟اناتهت والله !لكن المجموع العام
للكلام الحمد لله انا فهمته
وربنا يرزقنا حسن الصحبة وحسن
الادب وحسن الحب والنصح فى الله.

Anonymous said...

انا هى67 ياحبيبتى67
بس الكمبيوتر بيخرف
وش واحدة بتعيط
ومش عارفة ادخل طبعا بالاكونت بتاعى67

norahaty said...

ياحفيدة عرابى
عجبنى كل كلامك بس
السطريين دول عجبونى اوى
(حس ان الرجالة فعلا طريقة تفكيرهم غيرنا والمواضيع اللى67 بتشغلهم مختلفة
ومعلش مش غدارين زى67 الستات
ومحدش منهم بيرمى67 كلام على67 التانى67 واضحين وصرحاء حتى67 فى67 خلافاتهم عن السيدات)
وكمان (ناس ناضجة بتتفاهم بدون اغراض
مش لازم علشان نكون اصدقاء نكون بنغضب ربنا
وبنعمل علاقات غير شرعية وغير بريئة)
تسلم كيببوردك يااستاذة
مش حاقول غير
الف شكر لله ولك
بجد رديتى بكل كلمة كنت عايزة أقولها ومش عارفة اقولها ازاى؟.شكراً

norahaty said...

ياحبيبتى
هونى عليكى
سلامتك من العياط
بكرة يخف أو ربنا يعطيكى
وتيجيبى واحد جديد ويستر عليكى
وعلى زملائك من حضرة المارشال:)

أحمد شريف said...

السلام عليكِ

مُبارك عليكِ الانتقال الجديد ، ربما مشكلة القديم في القالب حاولي استبداله بآخر من القوالب الأساسية لبلوجر مع الاحتفاظ بنسخة احتياطية من المدونة قبل هذه الخطوة

وعن هذه التدوينة أقول
اللهم احفظنا من كل شر وارزقنا بالصديق الصدوق والرفيق والخلوق
اللهم آمين

Anonymous said...

السلام عليكم:
دكتورة:
أنت تحدثت عن علاقة تتفق مع حدود الدين و الشرع. ما أعرفه أننا نستقي الدين و الشرع من القرآن و الأحاديث و أفعال الرسول و الصحابة و من بعدهم التابعين.
و كلها آيات و أحاديث تدعو الي عدم
اختلاط الرجال بالنساء أساسا، و ليس
فقط اتخاذهم أصدقاء.
أم أن هناك دين جديد؟
طبقا للشريعة الاسلامية: الخاطب لا يصح أن يتحدث مع خطيبته (التي من المفترض أنه سيتزوجها) بمفردهم دون وجود رجل لا يحل لها من عائلتها.
فما بالنا بمن هو ليس خاطب؟

الانسانة التي تبرعت بالرد علي أقول لهاأن كلامي كان محدد جدا عندما تساءلت عن وضع امرأة تحكي لرجل غريب عن أسرارها و أشياء أخري لا تبوح بها لزوجها مثلا، و ليس علاقة عمل بين زملاء فرضت عليهم ظروف المجتمع الاشتراك سويا لانجاز مهام معينة، أتساءل فقط هل هذا من الاسلام؟ هل يوجد زوج يعرف أن زوجته تبوح لآخر بأسرار و أفكار و أشياء دون أن تلجأ اليه هو؟! الذي من المفترض أن يكون أقرب الناس اليها؟! و بالمثل، ما معني أن يلجأ رجل الي امرأة أخري دون زوجته ليتحدث معها و يتواصل معها بمشاعره و أفكاره و أسراره؟!هل يعني ذلك أن التواصل بين هذا الزوج و تلك الزوجة علي ما يرام؟!
و لو سلمنا بأننا ملائكة و لن نخطيء مع الاحتمال الكبير لتطور تلك العلاقات، فماذا نقول لمن يشرب الخمر و يقول أنه يعرف كيف لا يصل الي حد الثمالة، و من تمارس الجنس و هي تقول أنها تستخدم موانع للحمل بحيث لا تلد طفل لأب قد لا يعترف به.
أري أنه نفس المنطق: هم لا يهتمون كثيرا بما ورد في صريح القرآن و صحيح السنة، و انما يضعون لأنفسهم حدودا بحيث يستمتعون، و لا يضرون الآخرين.
نعرف أن الخمر غير مسموح به دينيا، و لكن ذلك للأضراره و نحن نعرف جيدا كيف نتجنب تلك الضرار لذلك سنشرب الخمر.
نعرف جيدا أن الزنا غير مسموح به لأضراره الاجتماعية (اختلاط) الأنساب، و لكننا نعرف كيف نتجنب ذلك، فلماذا لا نزني؟
نعرف جيدا أنه ليس من الاسلام في شيء وجود علاقات خاصة بين رجال و نساء أجانب (لتجنب الوقوع في المعاصي)، و لكننا نعرف كيف نتحكم في أنفسنا فأهلا بتلك العلاقات، و لننحي الدين جانبا و نأخذ منه ما يعجبنا فقط.
مرة أخري أنا أتحدث عن أفكار عامة و ليس عن الدكتورة نورا، كما تصورت تلك الانسانة.
مرة أخري و دون أن أرمي كلام:
من يري تلك العلاقات (شرعية) و (بريئة) فليأت بم يؤيد كلامه من الشرع.
أما في الواقع، فلينظر الجميع الي ما تصير اليه العلاقات بين الشباب و الفتيات هذه الأيام، و ما مدلول كلمة (بوي فريند) و (جيرل فريند) في الغرب، الذي قلدناه في الاختلاط، و نقلده الآن في النتائج الطبيعية المترتبة علي هذا الاختلاط.
حازم

Anonymous said...

استاذ1 حازم
انا الانسانة اللى67 احترمت حضرتك وذ1كرت اسمك فى67 اول كلامها


ماعلينا
هو حضرتك قرأت التدوينة؟_(
انا اعدت قراءتها اكتر من مرة
مش لقيت فيها زوجة بتحكى67 مع صديق عن اسرارها ولا العكس
مش لقيت اى67 علاقة فيها اتنين بيتكلموا لوحدهم وحضرتك ضربت مثال بالمخطوبين اللى67 لازم يكون معاهم فرد من العائلة

انا لقيت طلب خبرات جديدة مش عيب اننا نتعرف عليها
لقيت اهتمام بمعرفة رأى67 الرجال فى67 تصرفات عامة للنساء
معرفة الرأى67 ده هيفيد وهيدينا خبرة فى67 التعامل



انا فى67 العموم مش بحب اسلوب ان حد يدافع عن مدون فى67 مدونته
بس انا اتضايقت جدا من كلمات حضرتك زى67 علاقات
وشرعية وبريئة

وفى67 التعليق الاخير أمثلة صعبة زى67 شرب الخمر وزنا
ليه القسوة دى67 يافندم فى67 الكلام
الموضوع كان بسيط جدا
ليه حضرتك اخدته بصفة عامة
محدش كان بيناقش الاختلاط
هو لو زميلى67 اللى67 معايا فى67 الشغل سنين اتكلم معايا بصدق وقالى67 رأيه فى67 موضوع معين
وصدقنى67 فى67 القول كده انا اغضبت ربنا سبحانه وتعالى
حضرتك ممكن تكلم الشباب بتوع البوى67 والجيرل فريند
لكن لما الكلام ده يتقال وبأصرار هنا
تفتكر حضرتك معناه ايه67

كان ممكن حضرتك توصل فكرتك بأسلوب هادى67 عن كده شويه ولو فى67 شى67ء غلط ننصح بعض ونغيره
انا متأكدة تماما انك مكنتش تقصد الدكتورة67 نورا
و انامكنتش بقول ان الستات بيرموا كلام وانا بقصد حضرتك ده محصلش ومجاش فى67 بالى67 من اصله
لكن ربنا امرنا ننهى67 عن المنكر لما يكون فى67 منكر
وبأسلوب رحيم عن كده

حضرتك ذ1كرت مثال بشع وهو الزنا

الشاب لما ذ1هب للرسول عليه الصلاة والسلام
يستأذ1ن فى67 الزنا
الرسول عليه الصلاة والسلام قدوتنا اتكلم معاه بأسلوب احسن من كلامك
واكيد ناداه باسمه ومقالوش الانسان ده

وعموما احنا لانشرب الخمر
ولانرتكب فاحشة الزنا مش لاضرارها ولكن لانها امور تعبدية واحنا امرنا بالسمع والطاعة
حتى67 لو مفهمناش الغرض منها

شكرا لحضرتك

Anonymous said...

السلام عليكم
أنا بالي طويل شوية و بصراحة فاضي النهاردة.
أولا أنا هاشكر الدكتورة علشان علي الأقل فتحت الموضوع،و نشرت كلامي حتي لو كان مخالف ليها و لكتير تانيين هنا و أنا يمكن أعتبرها زي أختي الكبيرة (بلاش أكبرها قوي)0
ثانيا: حضرتك لم تذكري اسمي، لكن رديتي علي الكلام اللي حبيتي تردي عليه بس و سيبتي الباقي و أشرت علي اني أنا من المعارضين.
ثالثا لو حضرتك قريتي أول ست سطور في البوست هتلاقي واحدة بتقول مش عاوزة زوج أنا عاوزة صديق، يعني لو مش متزوجة ليه ماتتجوزش الصديق اللي هاتبوحلو بكل حاجة ده؟ و لو متجوزة ليه ماتبوحش لجوزها؟
رابعا كل الناس اللي علقت فهموا البوست بالطريقة دي.. علاقة صداقة بين واحد و واحدة، مش زمالة الكلام فيها في حدود العمل فقط.
مش أنا بس اللي فهمته اختلاط.
خامسا موضوع الخبرة و التجربة أعتقد ان الموضوع مش مستاهل احتكاك مباشر علشان مش كل الرجالة ليها نفس التفكير و لا كل الستات ليهم نفس التفكير. لكن الطرق العامة في التفكير و الاختلافات العامة واضحة للجميع.
سادسا و أعتقد دي أهم نقطة ان حضرتك عملتي تماما زي الأمثلة (و هي فقط أمثلة لتوضيح الفكرة)، فأنت أقريتي بان الدين و الشرع بيمنع أي علاقة من أي نوع بين رجل و امرأة أجنبية عنه، حتي في حالة الخطبة فليس مسموح لحديث منفرد بينهما، لكن رجعتي تقولي خبرة و معرفة. فين السمع و الطاعة هنا؟
سابعا انت بتقولي عارفة اني كنت بتكلم بصفة عامة، طيب ليه دخلتي دكتورة نورا في الموضوع و قلتي ان أكيد حد في سنها مش هايعمل كذا و مش هايفكر في كذا.. أنا أناقش الفكرة و عارف ان الفكرة و البوست ماكنش محدد سن و مافترضش ان الدكتورة بتتكلم عن نفسها، لكن افترضت ان ده موجه لكل واحد و واحدة في أي سن و خصوصا سن الشباب.
ثامنا حتي يكون الحوار مفيدا سألت الدكتورة أسئلة محددة و واضحة منذ البداية، كما سأل الرسول الشاب الذي تتحدثين عنه، و لكنها لم تجيب علي أي منها و هذا زاد من المفاجأة بالنسبة لي، غير أنني اعتدت علي مفاجآت أكبر من هذه من آخرين.
تاسعا الموضوع له تفرعات كثيرة أخري أتمني أن تناقشه الدكتورة في بوستات أخري بشكل أكثر محايدة و باستعداد أكبر لمناقشة الأفكار من مختلف الجوانب حتي تعم الفائدة علي الجميع.
حازم

soly88 said...

الصديقه العزيزه
مبروك العتبه الجديده
واعتقد ان لك اصدقاء من الجنسين كثر
يطالعون مدونتك

Anonymous said...

انا بالى67 مش طويل ومش فاضية
ومفيش عندى67 ذ1رة امل ان يكون هنا تفاهم



اولا
لا اريد زوجا ولا حبيبا
يعنى67 غرضى67 من الكلام معك
ليس الحصول على67 زوج كما يحدث من الكثيرات وكما يتخيل الكثيرين


ثانيا
انا مش مضطرة ارد وافند كل كلمة من كلام حضرتك
اكيد من حقى67 اختار الكلام اللى67 انا مش متفقة معاه واعلق عليه



ثالثا
الخبرة
لأنى67 مش هتعامل مع حد من الاساس
لو انا مش موافقة على67اخلاقه وطريقة تفكيره


رابعا
انا لم اقر ان الدين والشرع يمنع اى67 علاقة بين الرجل والمرأة
وكان ممكن لو حضرتك اتكلمت بأسلوب تانى67 غير كده احاول اراجع معلوماتى67 واطلب منك تذ1كر لنا الايات والاحاديث التى67 تدعم وجهة نظ-رك
لكن قلت لنفسى67 اكيد هنخرج الايات والاحاديث من سياقها


خامسا
حضرتك استحالة تكون بتتكلم عن الدكتورة
بس كلماتك كانت صادمة
ومش هى67 الكلمات المطلوبة من داع الى67 الله
الموضوع محدد
وحضرتك بتنقلنا كل مرة لمصطلحات جديدة
علاقات
شرعية
بريئة
زنا
اختلاط
بوى67 وجيرل فريند

حضرتك رديت بناء على67 تصور مسبق لمعنى67 الصداقة موجود فى67 دماغك و
والبوست بيتكلم عن معنى67 تانى67

سادسا
المشكلة فى67 العلاقات بين البشر ليس السن ولكن مدى67 التدين ومدى67 الشعور بمراقبة ربنا فى67 كل التصرفات
يعنى67 ممكن يكون سنى67 صغير
واعرف اتعامل صح مع رجال او سيدات


سابعا
انا استفدت كتير من وجودى67 هنا
واهم استفادة انى67 فهمت انى67 فى67 اى67 مناقشة مستقبلية بينى67 وبين اى67 انسان
لازم احدد فى67 البداية معنى67 المصطلحات فى67 الحديث لان فى67 كلمات واضح انها سيئة السمعة

وانى67 لو حسيت ان المناقشة عقيمة وكل واحد بيتكلم فى67 جهة ودماغه مختلفة عن التانى67
لازم انسحب
لان فعلا كلا منا له عقله
وربنا يهنينا بعقولنا

Anonymous said...

السلام عليكم
أنا لسة عندي فاضي و عندي من الوقت ما يسمح بتوضيح ما أقول، ليس لك و لكن لأي أحد يقرأ هذا الكلام، فالمسلم مطالب بأن يعرف حدود دينه جيدا، و حب الرسول و الصحابة معناه في البداية معرفة ما جاء به الرسول و ما أمرنا به الله، و ذا يتطلب جهدا لا يحب الكثيرون بذله، و انما ينتظرون أن يأتي أشخاصا يخاطبونهم بما تهوي أنفسهم.
كنت أتمني أن تجيبي عن سؤالي ثالثا، لأن اجابتك كانت ستحسم لك الأمور.
عندما أتحدث عنالشرع و الدين فأنا لدي دلائل من القرآن و السنة، و لست أقول أنا الذي أقر هذا أو ذاك وفقا لأهوائي الشخصية، و لمن أراد معرفة رأي الشرع و الدين في ذلك فليذهب الي هذا الموقع:
http://www.islamweb.net/ver2/fatwa/ShowFatwa.php?lang=A&Id=133233&Option=FatwaId
و هو لا يقدم آرائي الشخصية.
و من ينكر ذلك فليأت بتصرفات للرسول أو الصحابة أو السلف تبيح الصداقة بين الرجل و المرأة المتزوجة أو غير المتزوجة، أو آيات أو أحاديث تحث علي تلك العلاقة، و لكن كل ما أجده أحاديث تحث علي الابتعاد عن الشبهات و الفتن.
أما لمن يريد التحدث بالمنطق فقط و أنه يعرف كيف لا يسمح للعلاقة بالتطور، فشارب الخمر أيضا يقول أنه يتحكم في نفسه بحيث لا يصل الي الثمالة و لكن تأتي عليه بعض الأوقات فيثمل، لذلك كان المنع منذ البداية.
أما من يريد التحدث بشكل عملي و يقول أنه توجد بعض العلاقات البريئة، فلينظر أيضا الي معظم العلاقات التي هي غير بريئة اطلاقا فالحديث عن شيء يكون بالنظر اليه بشكل أشمل و ليس التحدث عن أمور فردية، نحن نريد تقليد الغرب في هذه النقطة و الابتعاد عما جاء في ديننا حيث لم تكن تلك العلاقات أو حتي الاختلاط موجودا في المجتمع الاسلامي منذ نشأة الاسلام، حتي أتي الاحتلال الغربي للدول الاسلامية منذ قرنين من الزمان.
في الغرب تطور الأمر من اختلاط المرأة بالرجل الي الاباحية التامة، و هذا تطور طبيعي جدا نظرا للغريزة البشرية التي لا يستطيع أحد انكارها، فليس من الطبيعي هناك أن يصادق رجل امرأة و لا يقيم معها علاقة جنسية، و هم لا يعدون اقامة تلك العلاقة شيئا قذرا، و انما هي شيء طبيعي بين رجل و امرأة متفاهمين في معظم الأمور و لا يضران أحد بما يقومان بفعله، أما في مجتماتنا فنري الشيزوفرانيا واضحة في كل شيء من أول الحجاب التي ترتديه الفتيات مع ارتدائهن لملابس ضيقة توضح أدق تفاصيل أجسادهن، الي طلب الصداقة البريئة مع شاب غريب عنها، مرة أخري أنا لا أريد اقناعك بشيء، فالهداية من عند الله، و انما كتبت هذا الكلام فقط لمن يريد أن يقرأ و يفهم و يتعلم و يعرف أكثر عن أمور دينه و يكون فكرة أشمل عما يدور حوله.
حازم

norahaty said...

استاذ حازم
انا متشكرة لوجودك
ولنصايحك ولأرائك وحتى
اختلافنا فى الرأى ارجو الا
يكون مانعاً من زيارتك للمدونة.
مرة تانية شكرا .

norahaty said...

حضرة العرابية الهُمامة
حمدلله على السلامة والحمد
لله رب العالمين أن كومبو
اتصلح .مرة تانية اشكرك على كلامك اللى ماكنتش حأقدر اكتب ولو نصه فى الأجادة والتوفيق..

norahaty said...

استاذ أحمد شريف
نورتنى فى صعبان2
وارجو أن تستمر
زائراً لنا كما كنت
فى المدونة الاولى.

norahaty said...

soly88
حمدلله على السلامة
ياسولى أرجو أن
تكونوا جميعاً بخير يارب.
شكراً لله ولك ولكلامك ده.

norahaty said...

والحمد لله
رب العالمين

Anonymous said...

بحبك

Post a Comment

قول ولا تجرحـش