Thursday, December 31, 2015

...ليلة ميلاد العام الجديد ...

 الشركة اللى كان
زوج اختى بيشتغل فيها
كانت بتعمل لازمن ولابدن حفلة
يوم 31ديسمبر
وكانت بتعزم
كل الموظفين
وزوجاتهم
وكانت اختى وزوجها بيحضروها
كان ممنوع اصطحاب الأطفال
!!مش مشكلة
الحمد لله دادة ام نادية
وطنط خالتهم موجودين
ايووووة
 انا

المهم كنا ماشين على نظام
كل واحد يجيب 
خمسة جنية من سكات☺☺☺
ونبعت نجيب
لب وسودانى وحمص
وجاتووووه
وفينو بسمسم
وازازة بيبسى كبيرة
وكيلو سميط بسمسم
ايووووة كل حاجة بسمسم
☺☺☺
ونبدا الحفلة
كل واحد ياخد حتة جاتوه
وساندوتش جبنة نستووون
وساندوتش فراخ بانية
وكبشة حمص و لب وسودانى
وكوباية بيبسى
ونقعد بقى نتفرج 
على الفيلم المقرر علينا
كل راس سنة
فى التلفزيون
هوووم الووون
الصراحة الأولاد
سواء صبيان او بنات كانوا هادين
اووووووى
ومش بتوع مشاكل
ونادرا ما كانت بتحصل مشكلة
وتعدى الليلة على خير والكل مبسوط

4 comments:

Unknown said...

الحمد لله رب العالمين

Unknown said...

وكل عام
وكل اصحابى
واحبابى وجيرانى
وجاراتى البلوجريين
او الفيس بوووووووووكين
بخير وسعادة وصحة وعافية

Unknown said...

ومعلش نقفل التعليقات

Unknown said...

كل عام
وانتم جميعا
بخيـــــــــــــــر