Friday, May 8, 2015

...تـــــــذكــــر...



عندما يموت أحدهم


 ينقطع بموته أجله وعمله

 

وتفقد كذلك فرصك أنت شخصياً معه
فرصتك أن تعتذر له عن خطأ
 

فرصتك أن تخبره بأنك تحبه

 

فرصتك أن تقول له‬ سامحنى

فرصتك أن تقدم له العون أو المساعدة


فرصتك أن تصافحه 

فرصتك أن تتحدث معه وأن تسمع صوته
  
أو نصيحته أو حتى تعنيفه لك 

تفقد فرصتك أن ترى ابتسامته
  
أو تسمع ضحكته

سارع

وبادر برؤية من تحب قبل أن تفقده للأبد
 
أخبره بمشاعرك وصافحه وابتسم في وجهه

قدم اعتذاراً لمن أخطأت في حقه
 
فلا أحد يدري متى يأتي أجله

 !!أو يأتى اجلك

*****

الى اليوم 

وبرغم مرور الأعوام

مازلت نادمة أنى لم أقبل امى

فى اخر لحظة من حياتها

قـــــــــــل إنشغال

قــــــــــل بلاهة

قل إطمئنان زائف

انها غير راحلة

ولكنها رحلت 

ولم اقبلها
 
القبلة الأخيرة

(norahaty)  

18 comments:

زهــــراء said...

دكتورتي الغاليه
كلامك واقعي جدا جدا وليت الجميع يعمل به ربنا يرحم الوالده ويغفر لها احيانا نشعر أن أحبابنا لن يغيبوا ابدا ولن يرحلوا أو يتركونا وفجأه حينما يفجعنا القدر حينها فقط نتذكر الاحباب وكيف اننا نقصر في حقهم ولكن هي الحياه تلهينا في كثير من الأوقات

Unknown said...

زهوووورة الزهور
هى الحياة كما قلتى
وما سمى الأنسان انسانا
الأ لأنه ينسى!!

النسر المهاجر said...

أولا ربنا يغرفر لوالدتك ويرحمها
ثانيا لا تندمى على شئ هو مقدر من عند الله
كما نقول الملاقاه نصيب
لو كان هناك نصيب أن تقبليها لحدث ذلك
البعض يموت أحد أبوية وهو ف الخارج تخيلى كم سيكون ندمه لو لم يعلم بانه قدر الله الذى قدره له
الحياة فيها ما نحن مختارين فيه كأن نصلح ما أفسدناه وفيها ما يجرى عليه القدر ولا نستطبع الوصول له إذا مات
تحياتى

رحاب صالح said...

ده عذاب
لاء مش قادرة اكتب حاجة

Unknown said...

جمال ابو العز
جزاك الله خيرا
هى مشاعر لا تستطيع
تغيرها او كتمانها ولكننا
نصبر عليها

Unknown said...

رحاب صالح
!!الدنيا فيها كتير
الحمد لله رب العالمين

Anonymous said...

معاكى حق
كلامك اثر فيا اوى
ربنا يرحم والدتك ويسكنها فسيح جناته يارب

P A S H A said...

لمسني جداً يا دكتورة
...
بس ده مش سهل .. ومش عارف ليه ؟؟
كتير جداً باسأل نفسي السؤال ده وما بالاقيش إجابة !!
مش عارف هل الواحد هو اللي بيبعد نفسه عن الناس القريبين منه ولا الزمن هو اللي بيعمل ده بالنيابة عننا وبموافقتنا الضمنية ؟؟
"الدنيا تلاهي" .. ساعات باحس أني باقول كده بيني وبين نفسي علشان أبعد عن نفسي شبهة القسوة ؛ رغم أني فعلا من جوايا مش قاسي .. جايز برضه أكون كده فعلاً ؛ مش عارف !!
بس في لحظة معينة بتلاقي نفسك بقيتي بعيـــد .. وبقى فيه مســـــافة بينك وبين الناس القريبين منك .. وحواجز !! .. وبعدين تقربي من ناس تانية لفترة معينة .. وبعدين مسافة .. وحواجز !!
الجميل .. أن كتر المسافات والحواجز ؛ بتعرفنا مين هما اللي قريبين مننا فعلاً ومين اللي احنا كنا فاكرينهم كده .. بس ده صعب وعبء كبير علينا لأننا برضه ما بنعرفش نعبر للقريبين دول عن مدى حبنا ليهم !! ونفضل طول الوقت في تأنيب فظيع وإحساس بالذنب لأننا مديونين لهم بالعرفان ونفسنا نعبر لهم عن مكانتهم جوانا ومش عارفين ؛ خاصة وأن معظمهم مش بيطالبونا بحاجة، أو بتبقى أقصى حاجة يطلبوها أنهم يفضلوا جنبنا.
ويظل السؤال: هل كده الواحد يعتبر ما عندوش دم ؟؟ رغم كل الإحساس ده ؟؟
فيها إيه لو الواحد مثلاً طبع ورقة وعلقها على صدره أول ما يشوف حد من الناس دول ؟؟
ممكن مثلاً نكتب فيها : "أنا بحبك قوي يا فلان؛ بس ما تتوقعش مني أقول لك ده !! مش لأنك ما تستاهلش لكن لأني مش هاعرف !! ويا ريت تعمل نفسك كأنك ما قريتش حاجة !! بص العصفورة !!"
:)
متهيألي ده حل لذيذ .. مع أني عارف ومتأكد أن أول ما الواحد يشوف حد منهم هيفضل يدور ع الورقة في الشنطة زي عبلة كامل في المسرحية !! .. ممممممم فيه حل تاني؛ ممكن نقول له: أعمل نفسك قريت الورقة اللي فيها الكلام اللي كنت عاوز أقولهولك!!

momken said...

الله يرحم ولدتك يا دكتور
انا شايف ان الموضوع مش باللقاء
ولا بطول البقاء
ولا بالقبل
المسأله بمدى كثافه وروعه اللحظات التى نقضيها معهم... او قضوها معنا إن كنا نحن الراحلون اولا
ليست العبره بالثوان الاخيره ولا الكلمات الاخيره
فانا شخصيا اكره الوداع بكل اشكال
اكره ان اكون مودع او مودع
( بفتح الدال فى الاولى وكسرها فى الثانيه)
وحين اموت افضل ان لا يكون احبابى حولى
وحين يموت احد احبابى افضل ان يصلنى الخبر ولا اكون موجود فى لحظاته الاخيره


تقبلى كل تحياتى

......

Prince-Palestine said...

تحياتي اخي على المدونة الرائعة والجميلة

محمد سلامة said...

السلام عليكم
تخيلي أنا لا أتذكر أحد ظلمته أو أحتاج أن أعتذر منه
أنا أوزع الإعتذارات والحب على كل الناس
لدرجة أنهم يظنوني غريب
اللي نفسى أعمله قبل ما أموت بجد
إني أشتم وأتف فى وش كل اللي ظلمني
ما تستغربيش
وماتقوليش المسامح وأجرك عند ربنا
الظلم وحش
وإحساس إنك مش قادر تاخد حقك مش لضعف إنما يقيدك دين وخلق أوحش

محمد سلامة said...

معلش سامحيني
غفر الله للوالدة وأسكنها فسيح جناته

Unknown said...

قمر وليل ونجوم☺
جــــــــزاكم الله خيـــرا
ورحمنا الله أحياءا وأمواتا

Unknown said...

بـــــــاشا
الدنيا تلاهى فعلا
بتنسينا حتى نفسينا
ربنا يرحمنا ويسامحنا

Unknown said...

ممكن
ربنا يخليلك احبابك
بعد رحيل الأحباب لا يبقى
لنا الأ الذكريات نعيشها مرات

Unknown said...

أمير فلسطين
اشكرك للمرور والتعليق

Unknown said...

محمد سلامة
مش حاقول المسامح كريم
لكن حأقولك أنسى انك اتظلمت
علشان انت نفسك بذات نفسك تستريح
وربنا ما يحرمك من احبابك ابداابدا ابدا

Unknown said...

السلام عليكم جميعا
ومش حانسى اعتذر
عن التأخير بالرد☺☺☺

Post a Comment

قول ولا تجرحـش