Saturday, April 18, 2015

...اللى اختشوا ماتوا...



المثل كما افهمتنا الجدات
كان يحكى عن مجموعة من النسوة
 كن فى حمام عمومى
اللى بيدلعوه الأن
ويسموه
SPA
المهم شب حريق بالحمام
وانقسمت النساء الى قسمين
بعضهن خرجن ولم يعرن التفاتا
الى كونهم كما ولدتهن امهاتهن
وطبقوا مبدأ
ياروح ما بعدك روح
وهؤلاء طبعا عاشوا
(بس حيموتوا برضه بعد عمر طويل او قصير)
والنصف الأخر
خجلن من الخروج هكذا
وفضلن البقاء
او لنقل
الأصح
 فضلن الموت
 حرقاً
والعياذ بالله
وخرجن برضه
بس بعد فوات الأوان
أترى لو وقعنا
فى مثل هذا الموقف
(وادعو الله الأ يحدث لأحد منا ابداً)
 هل نستطيع حقا
ان نتمالك أنفسنا
ولا نخرج
فنموت محروقين
ام ان حب الحياة
سيدفعنا دفعا
الى الفرار
فراا 

22 comments:

قمر وليل وغيوم said...

ماتوا من زمان والله يادكتوره
ادفنوا وراحوا وراحت ايامهم

زهــــراء said...

مسا الورد على عيونك
والله العظيم من كام يوم افتكرت المثل ده وتذكرت معاه مقوله بعض البشر بتقول انها حيث نبوى بس للاسف انا مش عارفه اذا كانت حديث او لا " اذا لم تستح فاصنع ما شئت " اللى اختشوا راحوا وراحت ايامهم لسه باقى قله قليله جدا جدا ربنا يبارك فيهم

norahaty said...

قمر وليل ونجوم
زهوووووره الزاهرة
معلش البوست احط
قبل ما أكمل كنت عملته
مسودة لكن بلوجر العزيز
ابى إلا أن ينشره.بإذن الله
أكمل بعد صلاة العشاء

مدونة الفرسان said...

اللى اختشوا ماتوا مثل قديم ولكنه صالح لكل العصور
وخاصة عصرنا الذى نعيش فيه الآن
فأصبح أغلبنا يعملوا العيب على الملىء ودون خشية أو حياء
خالص احترامى

norahaty mo said...

مدونة الفرسان
التدوينةأعيد نشرها
والحمد لله بعد ما كملتها

زهــــراء said...

اقسم بالله العظيم اني فكرت في نفس ألموضوع من كام يوم اعتقد دلوقتي عادي انهم يخرجوا بملابس يادوب القماش على مقاسهم بالضبط وبالتالي لا بقى في خشا ولا حياء ربنا يصلح الحال

norahaty mo said...

زهوووورة
السؤال هو مين الصح؟
الخجل حتى الموت؟
ام النجاة بلا خجل؟

زهــــراء said...

بصي يا حبي طبعا الحياه شئ رائع اه بس اعتقد اننا ممكن نحافظ عليها بكل السبل حتى لو ننجو بلا خجل

مدونة الفرسان said...

دكتورة نور
لو حصل فى مصر
الشعب كله هيختار يخرج
عريان لينجو من الموت
لأن الخجل مسحناه من قاموسنا
إلا من رحم ربى الذين لا يزالون يتمسكون بالخجل والحياء
احترامى واعتزازى

P A S H A said...

- سؤال صعب !!
- يعني تموت محروق ؟؟
- أنا مقلتش كده !!
ههههههههههههههههههههههه

Gamal Abu El-ezz said...

القصة واقعيه
وأعتقد غن الإتنين لا غبار عليهم
يعنى الى خرجت عريانه نجت بحياتها ومتعتبرش إنها فعلت حاجه حرام لانها مضطره ومكرهه على ده فلا تؤاخذ عليه
ال إختشوا بقى فضلوا ألا يكشفن وفضلوا الموت على الخروج ولكنهم ماتوا
والله أعلم هل ده يعد شهادة لانهم ماتوا حرقا أم إنتحار لان كان أماهم النجاه ولم يخرجوا
يعنى قيسيها على من وضع أمامه الطعام ورفض تناوله ومات جوعا
ولكن فى كل الحالات الى بيختشى مش بيموت يعنى لو بنت عندها حياء مش بتموت على الأقل هتتكسف تقلع فى حمام عام .... وعلى فكره غالبا إلى ماتوا فى الحمام معرفوش يخرجوا مش حكاية إنهم إختشوا لأن النار محدش يطيق يقف فى صهدها الا لو معرفش يخرج منها
ربنا يرحم الى ماتوا بس مكنوش مختشين لانهم فى حمام عام
طبعا عرفتى الجواب على السؤال هههههههه
تحياتى دكتورة نور

norahaty mo said...

صباح الفل
نهاركم ابيض
ويومــــكم سعيد
بـــــــــــــــأذن الله
ارد لـــــــــما ارجع
مــــــــــــــن الشغل
إن شــــــــــاء الله

محمد سلامة said...

عارفة
شرعا
إنتحار وقتل نفس
لو استطاعت تخرج ولم تفعل
التصرف الصح إني أخرج ولو ملط
الناس ستتفهم وإن لم تتفهم فستنسى
تحياتى

norahaty mo said...

زهووورة
الحياة غالية أوى
وفعلا الروح ما بتهونش
على صاحبها الأ بعد فقد عقله

norahaty mo said...

مدونة الفرسان
احس فى هذا المثل
احيانا شىء من العتاب
او اللوم على من منعه حياءه
من النجاة بنفسه او فقد حق له
لأن حياءه منعه من المطالبة به

norahaty mo said...

P A S H A
ربنا يحميك ويحمينا
من النار وعذابها يارب

norahaty mo said...

Gamal Abu El-ezz
اكيد الحكاية او المثل له
اصل حقيقى ككل الأمثال الشعبية
وحانقلك ما قلته لمدونة الفرسان
لو كنت حضرتك ما قرأتش الرد بتاعى
احس فى هذا المثل احيانا شىء من العتاب
او اللوم على من منعه حياءه من النجاة بنفسه
او فقد حق له لأن حياءه منعه من المطالبة به

norahaty mo said...

محمد سلامة
كلامك صح لحياة
فعلا غالية اوى

م م said...

السؤال ده مأساه بالنسبة للنساء
لكن اظن ان الراجل ماتفرقش معاه اوي
:D

norahaty mo said...

مدونة براح
الــــــعمر غالى
على النساء والرجال☺

ساره العمراوى said...

شركة مكافحة حشرات بالخرج

شركة مكافحة حشرات بالخرج

شركة مكافحة النمل الابيض بالخرج
شركة رش مبيدات بالخرج
شركة رش دفان بالخرج

شركة تنظيف بالخرج

شركة تنظيف شقق بالخرج
شركة تنظيف بالمزاحميه

شركة تنظيف فلل بالمزاحميه

شركة مكافحة حشرات بالمزاحميه

شركة رش دفان بالرياض

شركة مكافحة الثعابين بالرياض

ساره العمراوى said...

شركة مكافحة حشرات بشمال الرياض
شركة رش مبيدات بشمال الرياض

شركة مكافحة حشرات بجنوب الرياض

شركة رش مبيدات بجنوب الرياض
شركة تنظيف بجنوب الرياض
شركة تنظيف منازل بجنوب الرياض

شركة مكافحة حشرات بغرب الرياض

شركة رش مبيدات بغرب الرياض
شركة تنظيف بغرب الرياض


شركة تنظيف منازل بغرب الرياض

Post a Comment

قول ولا تجرحـش