Friday, March 13, 2015

...جســــــم غريب...



أعـــــــــــــــلن
مصدر مسعـــــــــور
عن أنه تم إكتشاف جسم غريب فى احد الشوارع
فتوجهت بسرعة الكوووووووادر المختصة  
 وتم فحصه فى مكان وجوده

 وبعد ثبوت خلوه من المتفرقعات والبوبمات
والتاك تاك كاك تاااااااااااااااااااكت
تم نقله الى معامل
 C S Iالــــــــــــــ
بــــــــــــــذات نفسها
لتحليله تحليلاً وافيـــــــاً
وتبيّـــــــانحلاوتـــــــــــــه
وكمية السكر المستخدم فيه
وعدد السوووعرات الحرارية
بعد اكل كل كيس على حده















ودى صورة للجسم الغريب
بعد تحريزه ونـــــــــــــــقله
بواسطة المتخصصصصصصن
الى المعامل المختصصصصة 





أنا عارفة أن الباعة الجائلين
او العالم السريحة بلغة أهل الكار
مشكلة وحلها صعب
فان البلدية مسكتهم
بيصعبوا علينا
وبنسأل نفسنا طب حيعيشوا ازاى؟
وان البلدية سابتهم على راحتهم
فقول على الشوارع كلها بلا إستثناء
يارحمن يارحيم مش حتعرف تحط رجلك
.........غير الخناقات وعفوا
هى مشكلة عويصة
وجزء من مشاكل بلدنا المتأزمة
.اللى ممكن فعلا تتحل لو فيه نية صادقة لحلها

18 comments:

Tarkieb said...

first comment

Tarkieb said...

غزل البنات

norahaty mo said...

تراكيبوووا
أتفضل جائزة التعليق الأول
أتفضــــــــــــــــــــــــــــل
(اكبس على الكباس)
بلغة أهل المغرب الشقيق

http://ow.ly/KfYkt

norahaty mo said...

ايوووة ماهو دا
الحــــــــــــــرز
والمتفنجرااااااات

Gamal Abu El-ezz said...

الباعه الجائلين بيفرضوا نفسهم على الشوارع ولما بيبقى ليهم مكان مخصص بيعتبروه ملكهم ولو البلدية جات تمشيهم يقولوا هاتولنا محلات وإحنا نمشى يعنى بيغتت علشان ياخد محل وطبعا بيصعب علينا حالهم وأسرهم بس هو بيكسب كويس من الشغلانه دى فبيفضها عن إنه يشتغل فى مصنع أو شركة أو غيره ودلوقتى بقى غالبية الباعه الجائلين مؤهلات عليا فبيعرف يخترع بقى علشان يبقى ماشى قانونى زى سياره ويبيع فيها مثلا أول مالبلدية تيجى يقوم مقفل الصندوق ومشغلها وكأنه ماشى على الطريق

Mohamed Ashri said...

كده أقدر أقول لك
" صعبان علينا حالنا "
المفروض الناس دى تعيش ولو ما يسمى دولة وفرت وظائف ( مصانع وغيرها من الاعمال ) لن نرى الباعة المتجولون أو السريحة .. تعرفى ان بعض السريحة شهادات ..
آل بلد شهادات آل ..

زهــــراء said...

دكتورتي الغاليه اولا ابقى شوفي الغدا والحلو المخصوص اللي على الفيس
ثانيا مشكله الباعه الجائلين ماحدش هيقدر يحلها سواء كانوا سريحه أو باعه متواجدين في مكانهم في منطقه هنا في الإسكندرية أمام سنترال المنشيه كان متواجد فيها كميه باعه وقالوا إنهم هيعملوا لهم سوق بس للأسف لا حياة لمن تنادي

تصدقي بافكر اشتري ماكينة غزل البنات وماكينه فشار واشتغل عليهم ههههههههههه وانا باعشق الفشار بس هاعمل تصريح بقى واشتغل به و أكيد لكي كيس فشار كبيييييير لو لكي في غزل البنات عيوني الجوز وقلبي اللوز

مدونة الفرسان said...

مشكلة الباعة الجائلين أو السريحة
أنهم بيزيدوا ما بيقلوش لأسباب عدة منها
إرتفاع نسبة البطالة فى البلد
عجز الدولة عن توفير حلول واقعية لهم
المكاسب السريعة التى تجعل الشاب يعرض
نفسه للخطر مثل تبديد بضاعته أو
مصادرتها أو السجن وخلافه
خالص اعتزازى

norahaty mo said...

جمال ابو العــــــز
زى ما قلت هى مشكلة
مركبة بتزيد وبتكبر وبتستمر

norahaty mo said...

محمد العشــــــرى
حالنا نتيجة مشتركة من صنعنا والدولة
صراحة الباعة بيستسهلوا الشغلانة
ومن جانب تانى الدولة لم توفر بدائل
مقبولة للشغلانة دى وكمان وبكل صراحة
لم تاخذ على أيدى من يخالف القوانين
مجرد غرامة وووو روح بيتك :(

norahaty mo said...

زهوووورة
والله ما بالتصريح يازهراء
لــــكن شغل(الفتونة) والأتاوة
هما المشكلة لكل من يعمل فى الشارع

norahaty mo said...

مدونة الفرسان
اهى كل الأسباب دى
وأهمها:المكسب السريع
لكن فى الوقت نفسه هو
-الشاب- ياعنى حاطط عمله وفلوسه
على كف عفريت فى أى لحظة تيجى البلدية
تاخد البضاعة وممكن تاخده كمان !وتبقى مشكلة

م م said...

11 ده تجربة

م م said...

مرة كنت في مطروح في الصيف وكان في طفل بيبيع ترمس كنت لما اشوفه لازم اشتري منه المهم ساعات كان بيصعب عليا لان الكورنيش كله مطالع ومنازل والعربية كبيرة على الولد المهم في يوم كنا بالليل وشوفت الطفل ده بيزق العربية في مطلع صعب جدا المهم روحت اساعده و اندمجت بقا وفضلت ازق العربية فترة طويلة المهم كان في زباين كتير بقا وانا كنت بساعده وبعدين كان في زبون محتاج باقي عشرين جنيه والولد راح يفكها وسابني مع العربية وفجأة جات شرطة المرافق واخدوا العربية قلتلهم طيب استنوا لما الولد يجي مافيش فايدة فركبت معاهم ورأيت
العجاب , والتفاصيل بقا هتعرفوها في البوست الجديد على مدونتي
بصراحة الوحل عندي منقطع من شهور ومش لاقي حاجة انشرها
:(

norahaty mo said...

ام ام
الووووو
الوووووووو
تيسسسسسسست
هل تسمعنى اجب ☺

norahaty mo said...

م م
اكيد شفت عجب العجاب
فى(الفسحة الغير سعيدة) دى
ونحن فى انتظار الوحى علشان نقرا

م م said...

كح كح هل من احد هنا

norahaty mo said...

م م
ايوة يافندم
نحن هنا

Post a Comment

قول ولا تجرحـش