Sunday, March 29, 2015

كلمة فى ودن حبيباتى وأحبابى(تدوينة قديمة)

 شهر مارس قرب ينتهى
ودكتوررررات ودكاتيرررر حبوبين
doctor Pictures, Images and Photos

حيستلموا الشغل لأول مرة
وحابه أقولهم كلمتين
يسمعوهم
ولو عجبوهم ينفذهم
ولو ما عجبوهمش ما ينفذهمش
ولو عجبهم جزء منه وماله يعملو به
اهو كله فايدة
ومعلش لو كنتم حتشوفوا الموضوع
إنشاء وأوامر ونواهى
لكن والله ما أقصد
الأ النصح فى الله
ونبتدى الكلام
اشتغل بذمة وضمير واتعلم وأعتبر نفسك **
Animated Man Medical Pictures, Images and Photos
لسه طالب كل حالة تشوفها روح اقرأها تانى فى الكتاب
ومش بس لحد الأمتياز ما يخلص
لألألألألألألألألألألأ
أعتبر نفسك طالب لحد ما تاخد الماجستر او الدبلوم

Animated Doctor Smiley Pictures, Images and Photos

فى مهنتنا مش كافى انك تاخد البكالوريوس
لكن لازم التخصص
بص للمريض على انه قريبك اخوك ابوك جارك وأعمل  **
اللى يرضيك بعد كده مش قادر تعمل له حاجة على الأقل ابتسم
فى وشه بس مش ابتسامة تكلف لا ابتسامة شكر لله أن أنت فى
Animated Doc Pictures, Images and Photos
الجهة الاخرى من السريرأو المكتب او صالة الانتظار
فاهمين قصدى
ماتستكبرش على عامل ولا ممرض ولا ممرضة **
ممكن واحد من دول
ابنهم أوبنتهم دكاترة واساتذة كمان قى الجامعة :ليه لأ؟
وكمان حاجة ممكن الواحد منهم
من دول ماهيته وخبرته اكتر منك الف مرة
وشغلتنا مزاولة بالاساس قبل ما تكون كتاب أو كراس
(ايه ياخواتى العسل اللى انا بكتبه دا؟!)
حبيباتى الدكتورات خلى بالك من ضوافرك **
ياريت تقصيهم بتكلم جد قصيهم زى أيام المدرسة الابتدائى
مش الثانوى لأ الابتدائى يعنى مفيش ضوافر
مش سنة الامتياز وبس
لأ على طول اعرفى انك طبيبة أولا ً
ولما ياستى تبقى رايحة فرح أو مناسبة ابقى حطى الضوافر
(المستعارة زى الرموش وحاجات تانية وش مكسوف)
ايووووووة صحيح ليه حتقصيهم؟
قصيهم رحمة بك اولا قبل ما يكون للعيان انتى حتشتغلى بحق وحقيق
يعنى حتشوفى ناس
(من كل لون ياباتتسة )
وبالتالى مهما حاولت ظوفرك
تنضفيهم حيلموا ياما ياما
doctor Pictures, Images and Photos
 غلطة غلطتها **
ومش عايزاكوا تغلطوها
التكبر على الحكيمة أو الممرضة
ونصب روح العداء بينك وبينها
هى من غير حاجة ما بتحبكيش
ماتحاووووووووووووليش
يبقى مفيش داعى كمان
تكرهك او تزعل منك
يبقى لو حصل ياويلك منها مش حترد عليك
وحتعّقد لك كل حاجة حاولى تكسبيها
(عارفة انه صعب بس حااااااااااااااااولى)
     **لبسك حبيبتى خلى بالك منه
بلاش الدي كولتيه الواسع بلاش البدى الضيق القصير أنتى
حتوطى على عيانين وناس منهم الكويس ومنهم الوحش
منهم الشبعان ومنهم الجعان
فاهمينى!
البارفان حبيبتى بالله عليكن بلاش منه **
الدياودرنت وبس
بلاش البارفان بالله عليكن
    البالطو البسووووووووه اول ما تروحوا الشغل  **
انا عارفة انكم فى منتهى الشياكة
وعايزين تبينوا الحتة الآيافة :)
واللبس الجميل والشياكة والاناقة لكن معلش
البسوا
البالطو
اول ما تروحوا الشغل
مش دا البالطو اللى نفسنا كنا
نلبسه من زماااااااااااااااااان
اهى جت الفرصة
وخلوا بالكم منه خلوه نضيف دايما
بتصرفوا كتير اشتروا بفلوس كسوة الصيف
السنة دى بلاطى بيضا ايوة بالفلوس
اشتروا بيها بلاطى بيضا جديدة
متخليش الحكيمة بلطيها اجدد واشيك
من بلطيكى لانها بتغسله بالبوتاس وتغليه وتزهره بالزهــرة
وانتِ بتعملى كدهـ؟
لأ طبعاً
كمان لانها عارفة الراجل بتاع المخزن
وكل شوية يديها واحد جديد فى الخباثة الدساسة
وانتى البالطو بتاعك هو بتاع سنة اولى بالكلية
الشوز بردون الجزم**
(ايه حكايتها هى كمان؟دا اكيد انتو بتسألوا)
بلاش الكعب والتيك تيك تيك طول ما انتى ماشية
فى الممرات والاوض بتاعة المستشفى
وبلاش بردون كمان
اللبان!
(سوووووو باد سووووووو باد!)
Animated Doc Pictures, Images and Photos
اول ماهية بأذن الله حتقبضيها اشترى منها حاجة حلوة جاتوة تورتة**
ربع كيلو بسبوسة أى حاجة المهم انك تشترى اى شىء للبيت عندك
وتدخلى عليهم وفى ايدك الحاجة الحلوة دى
اينعم بسيطة لكن حتدخل فرحة
ادددددددددددددددددددددد
كدددددددددددددددددة
عليهم
أن الأمورة الصغنونة بتاعتهم
كبرت واشتغلت
وبتجيب
ربع كيلو بسبوسة
وهى راجعة من الشغل
أنا لو قعدت اكتب مش حاخلص
لكن أنا حأترك الموضوع مفتوح واللى
عايز يزود حاجة او فيه سلوك أو مظهر فى
الأطباء أو الطبيبات الجداد
مش بيعجبه
يتفضل يقووووووووول
وكلنا
ودان صاغية
(على رأى الباشمهندس TIMMY)
تدوينة قديمة متجددة
كل شهر مارس
واحنا طيبين



21 comments:

زهــــراء said...

انا جيييييت اقرأ وارجع

زهــــراء said...

نسيت اقولك مسا السعاده والأفراح على عيونك امووووواه ☺☺☺☺

زهــــراء said...

تدوينه عسل آخر حاجه ياريت الكل يطبقها الكبير والصغير بصي بقى يا دكتورتي من فتره كده كنت اعرف دكتور جراحه مخ واعصاب وعمور فقري وحاجات كده ربنا يكفي الجميع الشر المهم صاحبنا ده كان عايش في فرنسا ولما يتكلم عن شغله كنتي تحسي انه بيتكلم على حبيبته وعلى فكره ده حاله من قبل ما يسافر ومره قعد يتكلم معايا على البالطو وأزاي اتعلم من وقت ماكان طالب انه لازم يكون معاه تلات بلاطي واستمر على الحال ده بعد تخرجه وأزاي كان بيحس إن أي مريض هو حد من عيلته بس للاسف الوضع مش استمر كتير لأن زمايله اتخنقوا منه ومن معاملته مع المرضى وعلى فكره هو مستواه المادي كان عادي جدا ومش استحمل يعيش في جو الخناقات والكلام والقيل والقال وجت له فرصة السفر ونجح جدا بره واتنقل كذا مكان ثم استقر في فرنسا انا اتعرفت عليه وهو هناك وحكي معايا بلاوي على اللي شافه في مصر وعن جد عمري ما شوفت حد بيحب شغله وبيعشقه زيه وكنت اقوله يا بختك مرضاك بيك
حاجه بقى مهمه للدكاتره بلاش ام الموبايل وقت الكشف لأن ليا موقفين مع دكاتره بسبب الموبايل الأول دكتور أسنان وكان متخانق مع خطيبته وقعد يزعق معاها وانا بقى مفتوح عااااااااا وكان نفسي اعضه الموقف التاني وباقي الرغي الصبح إن شاء الله

Unknown said...

نورتى يازهووورة
المدونة مدونتك طبعا
اعملى اللى تحبيه ☺

Unknown said...

مساء الزهور
يازهـــــــــــــراء

mhsnelmhmdy said...

يا سلاااام يا ولاد
اهو انا بعد ما قريت الكلمتين دول بفكر بجد
اروح افتح عيادة
فعلا كلام مهم جدا مع انه يبدو بسيط
***
الدكاترة بالضبط زيهم زي الممثلين
واحد موهوب وعارف قدراته ربنا بيفتحها عليه
وواحد بيفضل طول عمره كومبارس
لو بالصدفة شوفته مع مريض
تحتار هو مين فيهم العيان
اما بمناسبة المرض
ربنا يشفي جميع المرضى على كوكب الارض
اللهم امين
تقبلي التحية ايتها الطبيبة الماهرة

Unknown said...

هههههههههههههه
عاوزة تعضى الدكتور ياخبر
هههههههههههههههههههههههههه
احلام سعيدة وانا كمان حاستأذن
والصباح رباح بأذن الله

Unknown said...

mhsnm
ربنا يكرمك
ويشفى كل مريض
يــــــــــــــــــــــــارب
اقولك حكمة قريتها
حب ما تعمل افضل
ان تعمل ما تحب
☻☻☻☻☻
متشكرين mhsnm
جدا لتعليق حضرتك

Unknown said...

يا ريت كل اللأطباء يعملوا بالنصايح دى
بعض الأطباء بيعتبروا المريض فريسة يجب إصطيادها
لى واحد قريبى أستاذ دكتور بطب القصر العينى
جانعة القاهرة ، وكان أحد المرشحين لوزارة الصحة فى وزارة عصام شرف سألته ليه الإطباء بيتعاملوا مع المريض وكأنه فريسة وجب عليهم إصطيادها
قال لى شوف الطبيب على ما بيتخرج بيصرف إيه وعلى ما ياخد الماجستير والدكتوراه بيصرف إيه وعاوز عيادة فى منطقة ؤاقية بكام
قلت له يبقى الموضوع بأه تجارة
وسقط من مظرى من ساعتها
احتراماتى

النسر المهاجر said...

نصائح جميلة
وغاليه للطبيب الى يقدرها
جعلها الله فى ميزان حسناتك

Unknown said...

مدونة الفرسان
مش الأطباء بس والله
لكن كتير من الناس للأسف
بيحاولوا(ينهبوا)الزبون اللى قدامهم
زى المحامى والتاجر والنجار والسباك
مش بس الأطباء وما يعرفوش على رأى
الشيخ الشــــعراوى رحمة الله عليــــه
ما جاء من مهابر ضاع فى مهاوش
او هكذا قال كما أتذكر

Unknown said...

جمال ابو العـــز
اشكرك استاذ جمال
وبدعى معاك ربنايهدينا
جميعا للطريق الصحيح

محمد سلامة said...

يا سلام لو كل واحد نفذ اللى بتقولي عليه
وحاجات كتييييير من أخطاء الأطباء
كان زماني بحبهم والله :)
أحسنتى

زهــــراء said...

صباح الورد
كنت ناويه فعلا اعضه بس للاسف ظروفى اسنانى مش سمحت انا مالى ومال مشاكله مع الست خطيبته
ألموقف التانى كان مع دكتور عظام ومن حوالى عشر شهور وكنت فى وعكه ربنا اللى عالم بها المهم الدكتور ده رقم اتنين فى اسكندريه حجزت قبلها بأسبوع وعشان استنى دورى 3 ساعات ولما دخلت مش عارفه اوصف له اللى باحس به من كتر الموبايلات وحاجه تخنق المره اللى وراها عملت بقى الاشعه اللى طلبها وقلقانه لانه مش طمنى المره الاولى ويومها قعدنا انا وماما خمس ساعات فى انتظار البرنس لما ندخله اول لما دلخت باقوله اتفضل الاشعه جه له مكالمه وقعد يحكى على عمليه جرحايه وهو ماسك الاشعه وعمال يشاور ويبص لماما وكاننا فاهمين هو عاوز ايه احنا يا عم انطق خلص المكالمه بعد ربع ساعه ومن ثام ابتسم وقال واضح زى ما قولت لكم روحت اتسحبت من لسانى قولت له حضرتك مش قولت لنا حاجه كلامك كان فى الموبايل بص لى وقالى اه رن الموبايل تانى وانا بقى خلاااااااااااص عاوزه اقوم ارزعه بوكس فى وشه قولت اتحملى يا بنتى المهم خلص المكالمه بسرعه بعد خمس دقايق وقال نكتب العلاج لمدة شهر ماما قالت له والعلاج ده على اساس ايه هى عندها ايه قالها انا شاورت لحضرتك على الاشعه قولت له وانا المريضه مش فهمت حاجه رن الموبايل تانى يوه اقصد تالت مره قعد يحكى على يومه من الساعه سابعه صباحه لغاية الثامنه مساءا وقت ما كنا قاعدين امامه قومت وقفت بعد ربع ساعه راح خلص المكالمه قولت له على فكره فى مركز الاشعه قالوا ان عندى كذا وكذا رايك ايه قالى تمام هما فاهمين انتى واقفه ليه قولت له عشان فى ناس بره ممكن تضربنى عشان التاخير الموبايل رن تانى قولت له اكرر العلاج او علاج جديد قالى لا علاج جديد كتبه وهو بيرد على الفون واخدته ومشيت وانا حالفه ما ادخل لامه عياده تانى والناس طبعا فاكرهع ان كل ده باكلمه اول ما خرجت قولت لهم والمصحف ما قالى عندى ايه كل ده كلام فى الفون
يبقى مطلوب انهم مش يردوا غير على المكالمات المهمه وبس

كفايه رغى
صباحك سكر ومساكى عسل

موجة said...

مهنة الطب من أسمى المهن ، وياريت إللي يشتغل فيها يعرف إن عليه مسئولية كبيرة لازم يدركها ويشتغل بضمير ويراعي ربنا في المرضى .. بوست جميل ونصايح أروع :)

Anonymous said...

ياقمر كل مارس وانتى طيبه
والله نصايح جميله
جزاكى الله خيرا

Unknown said...

محمد سلامة
هو انت بتكرههم؟
ليــــــــــــــــــــــــــــــه؟ ☺

Unknown said...

زهــــــــــــــراء
لأ عندك حق دا كان
عاوز تلاتة بوكس فى وشه
واد خمس عضات فى عينه
(ايوة بعد البوكس)
ليكى حق كان الله بعونك

Unknown said...

موجــــــة
فعلا هى مهنة جميلة
من بداية دارستها الى معناها
والممارسة بتاعتها فعلا:يكفى تفكر
كدا أن انسان مسلم نفسه
او ابنه أو زوجته حتى
وواثق فيك أنك حتعل
الصح لهم !!شرف كبير والله

Unknown said...

قمر وليل ونجوم☺
وانتى سعيدة ومبسوطة
ومنورانى دايما

Anonymous said...

شركة مكافحة حشرات بجنوب الرياض

Post a Comment

قول ولا تجرحـش