Wednesday, February 25, 2015

...صباح الخير: انا إنشفطت...

صباح الياسمين
على الناس الحلوين
أهالى بلوجر الغالين
بقى لى شوية كده لا صبحت
ولا مسيت عليكم لمّا أنا حاسة
كأنى كنت مسافرة لحتة بعيدة اوى وأنقطعت
فيها ودا فعلاً حصل أصل أنا انشفطت!!
ايوووة
للفيس بوك
كان هو اول حاجة عرفتها لما عرفت يعنى ايه النت
لكن ما هوتهوش وما حبتهوش
ويمكن كمان كرهته جداً
وبقيت بهرب من حاجة اسمها
الفيس بووووووووووك
مش عارفة ايه اللى رجعنى تانى له وكمان
زى ماأنا كاتبة كده:انشفطت!!
طول الوقت فاتحاه وبتفرج
على الكلام المكتوب عليه
والردود على الكلام
والمداخلات
والتعليقات اللى عليه
زاد وغطى بقى على كل اللى فات
(الفارم فيل)

لعبة بردون برضه(هايفة)لكن

هوًِِتها وحبيتها وبقيت مترددة عليها كل شوية

زراعة وفلاحة وزيادة ونقصان وحساب لزمــان

امتى حأكون موجودة علشان احصد وأمتى مش حأكون

وأزرع نخلة ولا شجرة
وابيع خضار ولا اجيب جرار!

وأبنى عشة ولا ابنى فيلا
ولا أهادى جيرانى واشركهم معايا

فى الصندوق السحرى اللى لقيته

ولا احتفظ به لنفسى

يمكن ينفعنى بعد

كده

بأختصار انا

مشفووووووطة

الى الفيس بوك

والى الفارم فيل

ومش عارفة ارجــع

لكن برضه عارفة أنى

بأذن الله حأرجع وافوت كل دا ورايا

وارجع لعزيزتى وحبيبتى

صعبان على حالنا2

اللى حالها لا يسر عدو ولا حبيب

وبقت عاملة زى بيتنا القديم

له مــــعّزة

(غلاوة يعنى علشان محدش يفهمنى غلط)

اكمل

واقول زى بيتنا القديم له معّزة لكن

ما بنروحه الأ نادرا

إن لم نهجره كليةًً ولا نزوره ابداً

وقبل ما انسى صحيح

اللى زاد وغطى
أن صعبان2والعلم عند

الله

سبحانه وتعالى

حيجى لها الدورأياه برضه زى صعبان 1

بمعنى ان انا أكتشفت ان الموضوع اللى فات

ما اتنشرش

على الريدر بتاع الأصدقاء

ومش عارفة اعمل ايه؟

مش كل يوم بقى حأعمل مدونة

والا حتبقى صعبان السادس عشر

أقولكم

ربنا يستر ويسلم علينا كلنا

يااااااااااااااااااااااااارب
-----------------------
الحمد لله رب العالمين
دى تدوينة قديمة
من 16-4-2010
ومش فاكرة الصراحة
إن كنت نشرتها
مرة تانية
(ويمكن تالتة أو رابعة خامسة)
ولا لأ
لكن اللى أقدر اقوله
ان الحمد لله رب العالمين
انا شفيت نهائيا منها
(الفارم فيل ياعنى)
ولما بأفتكر
(حبى لها)
بأستغرب
لكن اقول ايه
الحمد لله الذى عافانى منها

8 comments:

زهــــراء said...

انتي منوره هنا وعلى الفيس وفي أي مكان منوره يا قلبي انا مدمنه لعبه على الفيس بس لا أنكر اني بانشط الإنجليزي بتاعي فيها

norahaty mo said...

زهوووورة
ربنا يحفظك دا من ذوقك
الحمد لله انا شفيت من الألعاب
ويارب ما ارجع لها تانى ابدا

مدونة الفرسان said...

دكتورة نور
احنا نعمل مدونة ونسيب الفيس وحضرتك العكس
احنا بنستفيد من حضرتك كتير فى مواضيعك الهادفة فلا تحرمينا منها
خالص التقدير

Tarkieb said...

الحمد لله عمري مالعبتها

norahaty mo said...

مدونة الفرسان
الله يبارك فيك
الحمد لله انا خفيت
خلاااااااااااااص من زمان

norahaty mo said...

تراكيبووووا
احسن حاجــــــة
ابعد عن الشر وغنيله

قمر وليل وغيوم said...

ازيك ياجميل
وحشتينا
لا تعالى هنا سيبك من الفيس عوك ده
انا على فكره ماليش حساب عليه وحاسه انه زى الشارع كده ودوشه وكله رغى عأفاضى والمليان
ومن.يوم.ما الناس اهتمت بيه والتدوين اتهجر للاسف
اللعبه دى سمعت عنها كتير وناس كتير مغرمه بيها اوى وبقت ادمان فاحظرى ان تقى فى شباك الادمان هههههه
المهم منتظرين مواضيعك ونشاطك المعتاد

norahaty mo said...

قمر وليل وغيوم
الفيس فيه كل العيوب
اللى انتى ذكرتيها وأكثر !بس
لامن ولابدن منه للأسف ولكن
الأعتدال واجب
نورتينى بتعليقك وأهتمامك

Post a Comment

قول ولا تجرحـش