Saturday, February 14, 2015

...مطلق ومطلقة...

هما زميلين لى فى العمل
 هــو عامل وهى عاملة
اشهد لها بالخلق القويم
والـــــعقل الراجح
(وهذا هو المهم)
كــــان طلاقهما
أمــراً خارجا
عـــــــــن إرادتهما
ولكن بسبب تدخل الأهل
الــــــــــذى لا ينتهى
عــــلى هذا تفرقا
وكل منهما يحمل
 بعض الود للأخر
وايضا كل الحب
لأبنتهما الوحيدة
تزوج كلاً منهما وصارت له حياة جديدة وابناء أخرين
لكن ظل التفاهم قائما بينهما لمصلحة بنتهما
وهــــــــــــــكذا نشأت فتاة سليمة
البنية الجثمانية والنفسية
قلمّا وجدت مثلها 
فى مثل ظروفها
اللهم أكثر من
أمثالهما
أمين يارب العالمين

12 comments:

زهــــراء said...

دكتورتي الغاليه الحبيبه
نادرا لما نلاقي أمثال هذه الحاله لأن أي اتنين منفصلين عاطفين يعني لو كان بينهم قصه حب وانتهيت كل واحد بيلعن سلسفين الطرف التاني وأهله إنما بقى المطلقين بيكونوا وضع أشد وكل واحد يقول كلام ما انزل الله به من سلطان إنما الوضع اللي حضرتك اتكلمي فيه وضع خاص جدا جدا
ربنا يكتر من أمثالهم

norahaty mo said...

زهووورة
مش انا قلت
اكثر الله منهما
رحمة بنفسهما
وبأولادهمــــــا

مدونة الفرسان said...

طالما أنهما يحملان الود لبعض كان لزاناً عليهما
إتخاذ قرار بعدم تدخل الأهل من الطرفين
فى حياتهما الخاصة حتى تستمر حياتهم
خالص احتراماتى

محمد سلامة said...

كنت عايز أقول نفس اللى زهراء قالته
تحياتى المعطرة

norahaty mo said...

مدونة الفرسان
ساعات الظروف
بتبقى اقوى من الأنسان
ومن كل شىء.المهم انهم
احتفظوا بالتفاهم بينهم لمصلحة
أبنتهم .

norahaty mo said...

محمد سلامة
وحاقول زى ما
قلت لزهووووووة
أكثر الله من مثلهما
رحمة بأولادهما

قمر وليل وغيوم said...

فعلا قليل اوى اللى بيكون زيهم
لان الشائع ان اى اتنين منفصلين بينفصلوا وبينهم مشاكل كتير وكراهيه وده بيولد عندهم ازمه نفسيه وكل واحد بيكون فى جمب
وايضا بيتولد العند وبيكون الطفل فى الحاله دى هو الضحيه
موضوع هايل جدا جدا

Tarkieb said...

اكتر الله من امثال الناس المحترمة وده دليل انه مش بالعلام والتعليم ولكن بالتربية والاخلاق

رحاب صالح said...

يااااااااااة صعب اووي تلاقي حاجة من دي الايام دي يا دكتورة
انا بقي عندي العكس في الشغل زميلتي دي بعد ما تجوزت قالت لبناتها الاتنين ميقولوش لباباهم ولا لأهله عشان مياخدوهمش منها
وحكايات تانية كفاية تعرفي ان في قصة ابكتني بسبب انهم فهموا الولد ان مامته ميتة وان الي بتقول انها مامته دي واحدة عايزة تخطفه
صعب اووي تلاقي حد زي الاتنين الي انت حكيتي عنهم
لكن منقدرش نقول غير يارب كتر من امثالهم من تفكيرهم وحسن اسلامهم

norahaty mo said...

قمر وليل ونجوم☺
الضحايا دايما هم الأولاد وللأسف
العند ثم العند ثم العند دايما هو السبب

norahaty mo said...

Tarkieb
اللهم آمين
هما صنف نادر هذه الأيام

norahaty mo said...

رحاب صالح
للأسف العند والكراهية
بتخلى الكبار يعملوا حاجات
يندموا عليها بعد كده فى حق اولادهم

Post a Comment

قول ولا تجرحـش