Saturday, November 8, 2014

..ناس عايشين فى بلد أخــر...



أخذتنى أبنة أختى

الى النادى
الفخيم

اللى هى عضوة
فيه بناءاً
على زواجها
من عـــضو فيه
بالوراثة
المهم
كلما ذهبت هناك
مسحولة كالعادة
اجد عالماً
أخر
غير الذى نعيش فيه
أجد اناسا مستريحين
تقرا على وشوشهم
الراحة
ناس ما  بيركبوش مواصلات
 ما بيقفوش فى طوابير جمعيات تعاونية
لصرف حصص التموين الشهرية

ناس ما بيتكلموش فى كيلو اللحمة
اللى بقى ب80جنية
ولا درس  الحساب اللى بقى ب 60جنية
ولا عن البنزين ولا أجرة التوك توك اللى بقت 2جنية ونص
 !! ولا عن  قطع نور أو ميه
اومال بيتكلموا عن أيه؟
اقولكم
 عن الفيلا اللى فى الساحل الشمالى ومش عارف
ينهى أجراءات تسجيلها
عن الويك أند فى دبى والشوبنج فيها
عن  زيارة سريعة
ياعنى خطفة رجل تقريبا للندن
نشوف اخو المدام  قبل ما يهاجر كندا
عن الجار القاسى اللى ضرب
روكى
فى صدره
وهو عارف انه
(روكى ياعنى)

لسه

عامل عملية قلب
 اتضح ليا بعد كده أن
  روكى دا
(عفواً كلب)
اعرف أنها قسوة
غير مبررة ناحية
حيوان

***
بعد كده
حد يسألنى
وبتتبسطى
من الخروجة؟
الصراحة
لأ

مش بقولكم
بروح مسحولة
ياعنى بالغصب عنى
(عالم غاوية نكد بعيد عنكم)


12 comments:

رحاب صالح said...

ايوة ما انت قولتيها بنفسك ناس عايشين في بلد اخر
او احنا الي من بلد تانية او مصر وهي متقسمة مليون حته وحتة
يوووة بلد بجد معدتش يتعاش فيها

norahaty mo said...

رحاب صالح
بلدنا بقت خلطبيطة
عجيبة فيها كل شىء
تتصوريه!!

م م said...

انت محظوظة انا شايف ان كلامهم طبيعي جدا احنا اللي مش طبيعيين ، ماهو .. لو كنتي سمعتي اللي انا سمعته على مدى شهور من ناس كانوا زينا كده وبعد ابنهم عقبال املتك ما سافر ايطاليا وبعت اخد اخوه وجوز اخته و فجأة بقوا من علية القوم ، كنتي عرفتي ان النادي ده نعمة

norahaty mo said...

م م
الناس اللى بتحكى عنهم
دول شفت زيهم زمان
بس ابنهم سافر
الكويت!!
أه والله
وصاروا يقولوا
ان (الدينار)لو وقع منه
لا ينزل ليأخذه!!يسيبه
فى الأرض للغلابة:)

فارس القمر said...

اهوالناس دى بقى اللى من عينة الاعلاميين اللى مش حاسيبن بالشعب البسيط اللى بالمختصر المفيد مالهمش مكان فيها (مصر) حسبنا لله ونعم الوكيل

norahaty mo said...

فارس القمر
دا متهيألى
احنا اللى
ما بقى لنا
مكان فيه
للأسف :(

Anonymous said...

السلام عليكم:
الشعب المصري يستاهل أكتر من كده طبعا.. اللي جه قبل كده و صلح و قلل الفوارق الطبقية و خللي فيه حراك اجتماعي عن طريق التعليم مش بالوراثة و ألغي الاقطاع و خللي الفلاح يتملك أرض....الخ. مش عاجبنا. و الملايين اللي نزلوا من 4 سنين في الشوارع بدل ما يتكلموا في مطالب ضرورية (محددة) زي: فارق محدد بين حد أدني و أعلي للأجور.
ضرايب تصاعدية توصل لنسبة معينة لأعلي شريحة و لا تطبق علي أدني شريحة. تأميم أموال و ممتلكات مليارديرات عصر مبارك "في العشرين سنة الأخيرة من عصره تحديدا" و بدون محاكمات - لأن كلنا عارفين أي واحد فلوسة عدت الـ50 مليون هو عملهم ازاي (مثال: اللي معاه 1000 مليون يفضل معاه 50 مليون بس) و الباقي يتبني بيه مدارس و مستشفيات و بنيه تحتيه).....
لكن الشعب نزل يقول احنا مش فقرا و احنا مش نازلين الشوارع علشان الفلوس و احنا عاوزين بس الديمقراطية و الحرية.
شوفي كلام رئيس دولة رأسمالية (مش اشتراكية) اسمه فرانكلين روزفلت كان بيقول ايه أيام ما أمريكا كانت بتمر بظروف شبيهة باللي بتمر بيها مصر دلوقتي:
“no American citizen ought to have a net income, after he has paid his taxes, of more than $25,000 a year.” طبعا بمقياس اليوم الربع مليون دولار يساوي حوالي 3 مليون دولار الآن.
و طبعا كلامه متنفذش ساعتها بس نفذ حاجة تانية أهم: "ضرايب وصلت لـ 94% بالنسبة للشريحة الأعلي (يعني يسيبه عادي يحتكر و يرشي و ينهب براحته 10 مليون دولار في السنة مثلا بس ياخد منهم 9.4 مليون دولار و يسيبله 600 ألف دولار.
طبعا الشعوب الواعية بتعرف تطالب بحقوقها لكن الشعوب الجاهلة بيكون همها المقارنة بين البياده أحلي و لا السبحة في حين ان الضرايب كانت هي هي علي الجعانين في زمن المخلوع و المؤقت و المعزول و الحالي... هل تعلمين أن الانسان اللي دخله حوالي 1000 جنيه في الشهر (يعني محتاج عليهم حوالي 3 أو 4 تلاف تاني علشان يعرف يعيش بطوله من غير أسره عيشة الحد الأدني في كل شيء) الانسان ده بيتم استقطاع 15% من دخله كضريبة علي الدخل!
دي لوحدها لو في شعب بيفهم بينزل يعمل ثورة علشان كده بس مش علشان أي حاجة تانية.. لأن اللي راتبه 1000 جنيه ده يستحق الصدقة مش يدفع ضرايب
عذرا للاطالة
حازم

Anonymous said...

المقال اللي جبت منه الجملة اللي فوق إذا حبيتي تقريه:
http://flaglerlive.com/26685/gc-fdr-and-taxes/

Anonymous said...

ملاحظة:
الـ25000 دولار في بداية الأربعينات تساوي حوالي 300000 دولار اليوم
حازم

norahaty mo said...

أستاذ حازم
اهلا بك بعد غياب

norahaty mo said...

شكرا للرابط
وشكرا للتعليق
بس اكيد برضه
الملايين اللى نزلوا
من اربع سنين كانوا
عاوزين
(العدالةالأجتماعية)
والدكتور مرسى ارجع واقول
لم(يُمكن)من عمل شى
لم يُتح له الوقت
او المعلومات
او التعاون

Anonymous said...

السلام عليكم:
العدالة الاجتماعية (مصطلح مطاط) لا يعني أي شيء. (مثال: عندما أتحدث عن مصادرة ممتلكات و تأميم أموال مليارديرات مبارك بدون محاكمات) كان يوجد ممن يقولون "عدالة اجتماعية" أن ذلك لا يمكن .. حيث تجب المحاكمات الجنائية.. و عندما قلت أن أوراقهم سليمة لأنهم كانوا يفصلون القوانين فضلا عن أن أنهم كانوا هم السلطة و الوزراء فمحاكمتهم مدنيا تعني التهريج و ترك الأموال و الممتلكات في يدهم تعني استمرار تحكمهم في كل شيء بداية من الأسواق مرورا بالبورصة و البنوك و الاستيراد و التصدير و الاعلام.... كل شيء في البلد حتي ضمائر البشر.
فكر الاخوان بما فيهم مندوبهم في القصر الرئاسي هو فكر رأسمالي أيضا (أتحدث من خلال اطلاعي علي أدبياتهم و من خلال واقعهم و أساليبهم)، بل فكرهم يتبني أقذر صور الرأسمالية... ثم انهم لم يكونوا يحكمون أساسا. و البلد يحكمها كام ألف واحد (كل من تزيد ثروته عن 100 مليون جنيه هو أحد من يحكمونك) هذا منذ أيام مبارك و حتي الآن و الي وقت قادم لا يعلمه الا الله... شوفي جمال عبد الناصر في شهور عمل ايه، شوفي تشافيز الناس نزلت بالملايين و رجعته للسلطة ليه في خلال ساعات معدودة. لا جيش قدر عليهم و لا أسلحة علشان كانوا بالملايين عارفين انه بيخدمهم مش واحد بيخدم جماعته و كام ألف واحد من أنصاره (من وسط 90 مليون انسان) يحتلو اشارة لمدة كام اسبوع.
بلاش نجيب سيرة المجموعة دي من البشر علشان مندخلش في حوارات الاخوان و لا العسكر و السبحة و لا البيادة في حين ان مش دي المشكلة الأساسية عند الشعب المصري.
حازم

Post a Comment

قول ولا تجرحـش