Tuesday, November 25, 2014

...الزن على الودان...


شـــــــــركة  
ام نبيــــــل
كل شوية باعتالى 
رسالة 
فرصة عظيمة
اخر فرصة
الحق واشترك
وكلام من دا كتير
صراحة لأنى مؤمنة
بأن الحداية  ما بتحدفش
كتاكيت
عمرى ما اشتركت
لا فى عرض ولا فرصة
لكن لأن الأنسان
ددددددددعيف
يااااااااااالطيف
ددددددعفت
ادام عرض منهم
بيقول ايه؟
أتكلم دولى 
4وحتدخل سحب على نوت 
(وحاجات تانية مكعبرة كدا) 
باقل سعر لدقيقة الدولى بمصر
جنية ونص
(وتعالى بووووص)
بالأضافة لسعر فتح المكالمة 
للأشتراك مجاناً
ابعت رسالة 
فارغة 
لــ 500
صراحة ضعفت
وكمان دوووولى
واووووواوووو
سيبكم من النوووت والبوووت والكلام دا
احنا عاوزين الدولى والرغى
مع قريبنا بره
وكمان مش حاخسر شىء
دى رسالة فارغة
مجـــــــــــــــانا
ماشى لحد كدا؟
ماكدبتش خبر
بعتها
(زى عبد الحليم ما بعت الرسالة)
وجاااااانى
 الررررررد
(زى عبد الحليم برضه)
.
.
.
.
.
.
.
.
.
.
.
.
.
عميلنا العزيز
العرض الدولى ليس متوافراً
لتعريفتك الحالية
!!!
يا اولااااااااااااد الأيه
وتوبة من دى النوبة
ولاش ممكن ابدا
حاشترك
فى عرض
تانى أبدا

8 comments:

ولسه بحلم بيوم.... said...

أنا مستغرب جمعيات حماية المستهلك سايبة الشركات تنصب على الناس إزاى
فين الجهاز القومى للأتصالات
فين رقابة الدولة على هذه الشركات
دى قضية نصب متكاملة الأركان

الميكروباص said...

مطلعين روحي في فودافون بإرسال رسايل العروض ليل نهار لغايه ما هاكسر التليفون منهم

بس ايه ابعت رساله فارغه ده؟

فيه حد بردو يبعت رسايل فاضيه؟

ايه الفراغ ده؟

:D

Unknown said...

ولسه بحلم بيوم
لا حماية للمستهلك
(بقى اسم على مسمى فعلاً)
فعلا بقى يُستهلك
(مفعول به)

Unknown said...

معتز فاروق
الحال شرحه عند
ام نبيل
زهقونى منهم لله

ولسه بحلم بيوم.... said...

دكتورة نور
شركات يديرها كبار الهباشين فى البلد
ماذا تنتظرى منهم
عندما سُئل احد اصحاب شركات المحمول عن ثروته فرد قائلا قبل السؤال ام بعد السؤال

P A S H A said...

واتصالات أسخم وألعن ؛ شبكتها في منتهى السوء وناس كتير بتدخل غلط في الخط وناس غريبة بتتصل تسأل عن ناس تانية ؛ ده غير طوفان الرسايل المزعجة في أي وقت من اليوم !!
الشركات دي غير أنها بتاكل جاتوه على قفانا من النصب علينا .. بتنتهك خصوصيتنا وبتتجسس علينا .. يعني م الآخر بيذلونا بفلوسنا .. واحنا ساكتين.

Unknown said...

شريف باشا
احنا مش ساكتين
احنا مضطرين جزءلأن
الموبايل لا يمكن الأستغناء عنه
ومشاركين بجزء بتصديقنا ان فيه
(عروض مجانية)
وخلافه

Unknown said...

ولسه باحلم بيوم
فعلا هباشين
حرامين نهابين

Post a Comment

قول ولا تجرحـش